影片
又多一间餐厅要结业啦！要食就快手啦😅回青衣探妈咪专程去帮衬😁支持下小店💪 要咗个午餐椒盐猪扒饭🐷肉质好松软同都几大块,蒜香味道浓郁,虽然不是想像中嘅味道但可以！另外叫下午茶☕🍔「猪柳汉堡+碎蛋」拼沙律嘅包质都几软, 迷你汉堡猪煎得几香,碎蛋都几香滑,而沙律就系鲜果沙律, 味道好香清新!另外嗌左一个炸鸡脾餐🍗皮都炸得脆!!肉质嫩滑,即系炸得刚好唔老,调味都够! 😋奶茶咖啡味道一般,我嫌茶/咖啡味吾够香浓😅
继续阅读
【葵青区】【金源】呢排写得比较少葵青区嘅食肆，因为不论系「葵」抑或「青」，我都系比较少经过嘅。适逢呢排都走入青衣睇波，顺便处理吓呢头啲食肆。然而，喺青衣运动场附近嘅餐厅，好似适合写嘅都已经写晒，唔系吓吓入青衣城食吖嘛。行远少少去到青衣邨嘅青衣商场睇睇，有少少估唔到佢个名咁有代表性，但系其实只系一个蚊型商场。餐厅食肆方面，我谂住行上平台揾啦，点知原来冇架㖞，系要走返落地下𠮶堆度拣，一眼睇晒就系咁多，食就食咁样㖞。咁我见呢间「金源」有位，就入去叫个下午茶食吓，我要 $38 嘅「迷你猪汉堡」。佢写话系「自家手打猪柳+碎蛋」，我以为系两者夹埋一个包，点知系两者各一件迷你汉堡。好彩味道都唔差，个猪柳又真系有啲特别嘅。而配菜方面，除咗薯条同沙律呢啲之外，仲可以拣「薯蓉」，咁我就拣佢啦。佢系冻上嘅，因此食落都系好似食紧沙律咁。嘢饮我要「热奶茶」，热饮唔使加钱嘛，吖佢又几鬼好饮，奶味同茶味都够浓，饮完仲想嗒多杯㖞。叫多个下午茶，都系 $38 嘅「黑松露芝士炒蛋配厚多士」，个蛋略嫌淡味咗啲，多士就算正常。哈，我再饮多杯「热奶茶」，都系冇落糖，都系咁正。夹埋 $76，影咗张单之后唔见咗张相，痴线，好彩之前都叫影过一份餐𠮶张。。。（地址：青衣枫树窝路10号青衣商场地下S8号舖）#1amfoodie #foodie #hkfoodie #thatfoodiething #hkfood #food #delicious #foodies #tasty #globaleats #tastyfood #dessert #foodpics #followforfollowback #love #eat #1am葵青区 #青衣 #金源 #茶餐厅 #迷你猪汉堡 #自家手打猪柳 #碎蛋 #热奶茶 #下午茶 #黑松露芝士炒蛋配厚多士 #黑松露芝士炒蛋 #厚多士 #1am0848 #1ambackup
继续阅读
最近返左娘家住，频频 同屋企人帮衬附近餐厅嘅下午茶，基本上间间都食过咁滞，食到唔会有期望。见仲未试金源，所以今日就去下，估唔到有惊喜！叫左2个餐：生炸鸡髀 & 汉堡包+沙律娘亲同阿女食左鸡脾，我冇食到但小女平时只系食脆既皮，唔肯食肉，今次揸住个髀食埋肉就知系好野……之后听到人叫炸髀都卖晒冇得食了。我本来系叫鸡翼+沙律 ，唔知系咪我讲错，结果黎左汉堡包+沙律。唔紧要，我都ok既，点知有惊喜！ 包系有牛油烘过，一个蛋沙律另一个系汉堡加茄汁 ，两个都好好味加埋服务，我 觉得一定要影相📸️写食评喇～首先我企门口落单，收银姐姐话叫我坐最入面张台。后来见我推住Bb车，即刻问我坐唔坐近门口第一张台，阔啲又可以泊到Bb 车。因为坐门口咩都听得到，个收银姐姐好有礼貌，会讲多谢，有人走如果佢见到都会讲拜拜。听电话落单又好有礼貌。我都成5点先去食下午茶，在我之后落单既好多食物都沽清，咁咪好啰，啲嘢唔洗整定晒，想食就早啲黎食呢间餐厅我绝对会encore 再帮衬啦！
继续阅读
黎金源食我会预松啲时间，最钟意食佢既焗饭，需时15分钟，饭粒干身，焗得够火喉。白汁，蕃茄汁，咖哩汁都掂次次午餐都会最少有一样焗餐，唔洗谂就嗌个样，都啱食呀杯冻柠茶都唔错。
继续阅读
朋友系要见，约左朋友仔去佢屋企楼下食个早餐，唔系连锁快餐店就食地道茶餐厅。早餐时段要等位，等左10分钟就入得去。等位系有原因，好食系要等下啦!早餐选择唔算太多，正常选择沙嗲牛肉米粉，大大碗沙嗲味好浓，牛肉就稍为靭，扣左少少分米粉要一赞，唔系平价牌子，唔会越浸越多，食落系好爽滑雪菜肉丝米粉，一样系大大碗茶餐厅水准真系够哂抵食多士一上枱食就好热好脆口，朋友话奶油猪最好食。肠仔蛋就正常味道!奶茶够香滑做到正常茶餐厅水准
继续阅读