影片
更多
2018-06-06
159 浏览
朋友一直大讚銅鑼灣嘅酒鍋環境坐得舒適，而且每一款湯底都好有特色，所以今次四個人就去試吓。店員親切有禮，即時安排我哋坐卡位位置，就連卡位位置都非常寬敞，六個人坐都可以。一張火鍋紙上面都已經有多款火鍋配料任君選擇，不過湯底實在太多選擇了，每一款都好想試吓，最後我哋投票選出走火入鍋湯底。木瓜鍋配襯蕃茄波士頓龍蝦鍋、清湯蘿蔔牛腩、四川麻辣鍋同潮州沙嗲鍋，一次過可以滿足我哋五個食慾願望。轉個頭店員就攞火槍將中間嘅木瓜湯底點火，變成火焰木瓜火鍋，場面非常壯觀呀，即時攞手機錄片。之後就食佢入面嘅木瓜，非常林！而且好入味。我最鍾意就係龍蝦湯底，再放海鮮拼盤中嘅海蝦同埋番薯蜆嘅海鮮入去，味道更match，而且海鮮好新鮮，食落去冇沙兼爽口。火鍋配料林林總總，首先就係黑毛豬豚腩肉玫瑰花拼盤，賣相非常有特色，豬肉變成三大朵玫瑰花，真係唔捨得食落肚。黑毛豬豚腩肉食落去新鮮，肉質鮮嫩，唔需要點任何醬汁，已經滿口新鮮黑毛豬味道，必食之選。以上各款食物都非常新鮮，尤其我最鍾意食嘅三拼福袋，每一隻都非常大隻，內餡非常足料，配以入面啖啖豬肉碎，味道好濃郁，好好味，大愛！亦都估唔到，餐廳嘅稻庭烏冬好入味，每一條都有靭度，唔
朋友一直大讚銅鑼灣嘅酒鍋環境坐得舒適，而且每一款湯底都好有特色，所以今次四個人就去試吓。店員親切有禮，即時安排我哋坐卡位位置，就連卡位位置都非常寬敞，六個人坐都可以。
一張火鍋紙上面都已經有多款火鍋配料任君選擇，不過湯底實在太多選擇了，每一款都好想試吓，最後我哋投票選出走火入鍋湯底。
木瓜鍋配襯蕃茄波士頓龍蝦鍋、清湯蘿蔔牛腩、四川麻辣鍋同潮州沙嗲鍋，一次過可以滿足我哋五個食慾願望。
轉個頭店員就攞火槍將中間嘅木瓜湯底點火，變成火焰木瓜火鍋，場面非常壯觀呀，即時攞手機錄片。
之後就食佢入面嘅木瓜，非常林！而且好入味。
我最鍾意就係龍蝦湯底，再放海鮮拼盤中嘅海蝦同埋番薯蜆嘅海鮮入去，味道更match，而且海鮮好新鮮，食落去冇沙兼爽口。
火鍋配料林林總總，首先就係黑毛豬豚腩肉玫瑰花拼盤，賣相非常有特色，豬肉變成三大朵玫瑰花，真係唔捨得食落肚。黑毛豬豚腩肉食落去新鮮，肉質鮮嫩，唔需要點任何醬汁，已經滿口新鮮黑毛豬味道，必食之選。
以上各款食物都非常新鮮，尤其我最鍾意食嘅三拼福袋，每一隻都非常大隻，內餡非常足料，配以入面啖啖豬肉碎，味道好濃郁，好好味，大愛！
亦都估唔到，餐廳嘅稻庭烏冬好入味，每一條都有靭度，唔易散，仲要好索味，又係必食食物之一。除此之外，仲叫咗「掛架頂級美國安格斯牛頸脊」、「蜂巢豆腐」、「韓國年糕」、「蔬菜拼盤」同埋「雜菌拼盤」等。
飲品除咗涼茶之外，仲有多款特色嘅Mocktail 同埋Cocktail ，我就揀咗Peach on the beach，有非常濃郁嘅蜜桃味道。食完真係覺得非常滿足，而且真係好好食呀。
张贴
