酒鍋 (V Point) (已結業)

火鍋當然與好友一起，才是最滋味的事，這晚又與幾位好友一起。好友們說是找到高級而美味的火鍋店，還是在商業區中，聽起來有點意外。火鍋店安排所謂「卡位」的座位，非常闊落，有點貴賓式享受。座下後，可看到海景及商廈景觀，有如在高級商廈上班所見的海景。枱上的的裝飾，調味品，甚至餐牌都很有特色，感覺完全不似是火鍋店。我們選的湯底為酒火入鍋，店員為我們送上湯底後，就有如把耍戲一樣，為我們示範何以為酒火入鍋。由五格湯鍋組成，中央是蝦木瓜湯、蘿蔔牛腩清湯、蕃茄波士頓龍蝦湯、四川麻辣湯及潮式沙嗲湯。店員將酒倒進中央圓形的一格後，燃點當中的酒，令中央的一格燃燒起來，大約持續十數秒就完結。隨後店員也再來，除了將湯加進中央之外，還為大家增添氣氛，原來就是將乾冰加進五格湯中，乾冰自然因湯的熱力而溶化，向四周流出霧氣。在乾冰的霧氣散去後，湯底也涼了，待再煮沸後再開始。先說說這個高級火鍋，可有什麼高級的食物。本地手切肥牛，以一隻寫著招牌菜的碟子上枱，真如其名，稍後知分曉。掛架頂級安格斯牛頸脊，以一個木架載著冰塊，感覺很是高級。黑毛豬豚腩肉玫瑰花拼盤，將腩肉片製作成玫瑰花，伴在冰一起，單是造形已經特別好看，真的有如玫瑰花

當你食過一次酒鍋就會返唔到轉頭的, 因為呢度無論環境同食物都無得彈~~仲要係朋友生日飯, 緊係要帶佢黎食好西啦~~ 呢度既醬料選擇又何其多, 鍾意點混醬都得, 正呀~~酒入火鍋          HK$326 呢個鍋底真係唔講得笑, 由五個不同鍋底所組成, 又睇得又好食, 非常吸晴呀!! 木瓜蝦湯底位於中間位置既就係木瓜蝦鍋, 店員先點著盛左酒既器皿, 再淋落鍋中間, 紅紅烈火, 視覺效果非常之震撼呀~~而木瓜食落甜中帶酒香, 蝦就鮮甜肉爽, 好好食呀~~蕃茄波士頓龍蝦湯底有成半隻波士頓龍蝦係入面, 龍蝦肉厚又甜又彈牙, 仲爆晒膏呀!! 湯底濃郁既茄蕃味加上龍蝦既鮮味, 呢個組合好正呀~~ 四川麻辣湯底打邊爐又點可以無麻辣湯底呀!! 湯底入面既豬皮同D配料吸晒D麻辣味, 食落超級惹味呀~~潮式沙爹湯底沙爹湯底都好出色, 個人幾喜歡d麻辣同沙爹湯底~~清湯蘿蔔牛腩湯底蘿蔔好清甜, 係d 牛腩比較韌d~~黃金炸魚皮           HK$68每次黎都必叫既一定係黃金炸魚皮, 滿滿鹹蛋王係魚皮上, 食落香脆又惹味, 會令人係甘追食落去, 係一份超邪惡既小食呀~~四川麻婆豆腐餃     

呢期最紅火鍋……. 酒鍋！為食友話呢間火鍋店食物近期最掂, facebook見佢機乎每個星期食一次,  啲食物相片又確系影得幾吸引, 今日早收特來吃, 想坐我呢個180度無敵窗口維港景靘位? 早點book位吧!!高高在上的位置, 十分開揚, 景觀好正, 帶老外朋友來食港式火鍋兼欣賞香港維港美景, 食到八點仲可以系高空邊食邊欣賞幻彩詠香江, 招呼外國朋友真係夠曬體面, 絕不失禮鄉親父老。淨係呢啲古色古香富中國特色嘅擺设; 豉油壺、 紙巾盒、 木餐牌等等, 己可以令老外朋友目不暇給, 讚歎不已吧古代木窗餐牌還有大小朋友都會鐘意的可愛動物造型系列竹蔗茅根 ($28)開波前......先來飲幾口滋潤竹蔗茅根打個底先遊客來說, 呢張相己夠晒體面, 值回票值了 酒火入鍋 ($328)貪心係我嘅本性, 呢個鍋底.....共有五款湯底; 木瓜蝦湯底、蕃茄龍蝦湯底、沙爹湯底、蘿蔔牛腩清及麻辣火鍋, 可以按你叫的食材配搭五個不同湯底, 今晚我最常用嘅湯底係清甜木瓜湯底, 鮮甜番茄龍蝦湯底及清香蘿蔔牛腩湯底呢三款, 較濃味嘅沙爹及麻辣湯底較少用。*木瓜蝦湯底海蝦經過酒精的洗禮, 味道有點似醉蝦, 蝦肉好爽甜

闊別「酒鍋」多月，上回到此享用午膳，過程確實有點趕急。今回與友享用晚餐，終可細意慢活享受。中午時份，店內日照光猛，食客可邊吃邊細味四周的畫作裝飾。夕陽西下，大家的目光則可投放於窗外，居高臨下欣賞璀燦的維港夜景。 吃火鍋首先要挑選湯底，對於有選擇困難症的朋友，餐廳一系列的「原創五格鍋」必然是首選。這個名為「酒火入鍋」的招牌湯底，由木瓜鍋、蕃茄波士頓龍蝦鍋、清湯蘿蔔牛腩鍋、四川麻辣鍋，以及潮州沙嗲鍋五款湯底組成。店員送上湯底後，會在木瓜鍋內加酒再點火，頓時火光熊熊，正正式式是「酒火入鍋」。不消一會，店員又會在鍋中投入乾冰，烈焰瞬間化為輕煙，極具視覺效果。 五款湯底比較，小編最喜歡木瓜鍋，除了有芳郁的酒香外，海中蝦食感鮮爽，木瓜味道甜美，同樣討人喜愛。清湯蘿蔔牛腩鍋亦屬推介湯底，蘿蔔清甜，牛腩味濃。至於蕃茄波士頓龍蝦鍋，個人建議調高蕃茄的投入量。四川麻辣鍋味道過於辛辣，不太合個人口味。海鮮與肥牛一向是火鍋的黃金孖寶，這客「二人海鮮拼盤」內含蟶子、扇貝、海中蝦及海蜆四款海鮮，鮮爽的海中蝦仍舊是最佳食材，甜脆的扇貝緊隨其後。海蜆本味不俗，但因內藏少量沙，稍稍影響了評分。 「掛架頂級安格斯牛

晚上打邊爐，冬天晚上打邊爐，冬天通宵打邊爐都試過。今日，中午打邊爐，倒是第一次！去年初訪，對這裡的麻辣湯底和落地玻璃美景（得早點預約安排這落地玻璃座位），一直有再訪的衝動。不過，衝動還是比價錢隨風吹散。看準酒鍋推出的午市台式迷你火鍋套餐，$58的價錢，感覺超值！以酒鍋晚市的火鍋配套和環境，$250人均消費來算，午市性價比絕對高。當然，實際味道、選擇和貌相還是首要考慮。午市人流不算多，沒訂位的情況下，約輪候10分鐘便獲安排入座。菜單上，午市火鍋餐一共有6款不同的湯底，配飯/麵，另加三款配料和飲品。豬骨濃湯、潮州沙嗲（經理說是老闆娘的家鄉配方）、麻辣、黑松露雜菌、台式足料養生燉雞和洋蔥蕃茄紅蘿蔔豬展湯底。2人同行好處，可點一辣一不辣，我們點了沙嗲和描述吸引的燉雞湯。.配料方面，率先被大花膠吸注了目光。其他特式配料：炆牛筋腩，蜂巢豆腐，也是性價比較高的款式。我們還點了沙嗲良友：金菇，和一些較清淡的生菜、粉絲和烏冬(+$5)。.我們也聽經理推介，各點一碟新推出的前菜($58): 麻辣豬耳和紅油抄手。由於漏單的關係 >< 經理給我們補送一碟前菜-手拍青瓜雲耳。豬耳比想像中麻辣，太

今晚約了太太和囡囡一起到銅鑼灣”酒鍋” 打邊盧，這地方寬敞舒適，裝飾富藝術品味，四處掛上了圖畫，而店員更給我們安排在美麗維景的窗邊卡座，由於時間尚早，剛好可看到黃昏後的彩霞。店員送上一個 酒火入鍋，最初真的很不明白為什麼叫 酒火入鍋！ 實在驚喜，店員在檯面的鍋底上點燃了紅紅聖火， 😅 果然係酒火入鍋，很有意思。五格鍋算是香港原創吧！在外面一般是兩格湯底，但這次可一次滿足五款火鍋口味，麻辣、蘿白牛腩、番茄配波士頓龍蝦、鮮蝦木瓜清湯、潮州沙爹鍋，各有特色。掛架頂級安格斯牛頸脊新奇有趣擺設，肥美安格斯牛肉，均勻肥紋包圍整片牛肉，入口即溶，充滿牛味，色香味俱全！黃金炸魚皮金黃色鹹蛋黃外皮包著脆脆魚皮，芳香、惹味可口，尤其是把它放入鍋內輕鬆轉一轉，味道加上了湯鍋和帶點軟脆之間，口感極佳。海鮮拼盤有蟶子，扇貝，海中蝦同埋花甲鮮味香甜，而且海產份量十足。七星報喜 顏色奪目耀眼的七色手打丸，果然大方得體，味道各有特色！雜菜盤這餐廳很有創意和想像力，把食材造型、色澤配搭得奪目耀眼。

Heard this is opened by a very young lady who is passionate about food and taste. The environment is very chill and dope. There is graphic on the wall and the food are special. Can tell it is a fusion place. The soup broth we had involved in 5 different combinations which we can try it allll The beaf is nice - very tender . Best with my spicy broth . The fish ball is super cute in different shape like chicken. The seafood platter is fresh. Like the scallop the most

喺酒鍋啱啱開嗰陣食過，不過嗰陣覺得麻麻。幾年後嘅今日，喺媽咪嘅要求下再嚟試多次，唔同嘅係今次去銅鑼灣店，諗住唔好食都有個靚景睇吓吖嘛酒火入鍋 ($328)上次嚟冇試到，今次叫個試吓啦。次次打邊爐淨係研究湯底已經拗到火紅火綠，而家有個五格鍋，唔洗爭，幾好！木瓜蝦鍋上菜後，職員會落酒再點火，當然又係影相時候。原來仲未完，點完火又加啲乾冰落去，嗰頭先著完火，呢頭又出晒白煙，視覺效果真係一流！入面嘅木瓜仲要唔係切粒或切片，而係好大個好似木瓜盅咁，入面有幾隻蝦。當打到咁上吓食少少盡吸酒香後果香味更濃郁嘅木瓜，即時覺得好潤喉！好正！蕃茄波士頓龍蝦湯膏已經打晒出嚟，加埋番茄嘅香甜，呢個都係我最愛嘅湯底，未打之前已經飲咗好幾碗！食到最尾，呢半隻厚肉嘅波士頓龍蝦香甜無比，再食埋隻鉗，不得了！清湯蘿蔔牛腩湯可惜牛腩韌咗啲，但啲蘿蔔非常清甜，又係未打之前已經飲咗幾碗！四川麻辣湯 -> 黑松露雜菌湯唔食辣嘅關係，經理好好人幫我轉咗做黑松露雜菌湯。其實我好鍾意食菇，不過就咁叫一碟菇又會食唔晒，所以有呢個咁足料嘅湯底就真係啱晒喇！潮式沙爹湯我麻麻沙嗲，所以冇乜意見即炸手工紫菜響鈴卷 ($58)炸得唔油膩，

今日約左表姐食飯提早幫佢慶生, 佢話想打邊爐, 當然冇問題啦, 即刻搵左呢間係銅鑼灣V point 27樓既火鍋店訂左檯6點, 上到去店員安排入座, 時間尚早,落地玻璃窗外可以望到夕陽同部分海景, 景觀幾唔錯!餐紙上好多種類選擇, 有打邊爐配料, 小炒等等湯底我地揀左酒火入鍋個鍋好特別, 分左5格湯底, 分別係特色木瓜(有木瓜&大海蝦數隻), 波士頓龍蝦番茄湯底(有半隻好新鮮既龍蝦), 麻辣 (真係好辣架), 潮州沙嗲湯(沙嗲味好濃好香), 蘿蔔清湯腩湯 (牛腩好林好入味)店員將個鍋上檯後會倒燒酒入去然後點火, 個鍋先著火一陣, 再倒入湯及乾冰, 好似仙境咁,嘩左出聲, 哈哈~掛架頂級安格斯牛頸脊第一次見牛肉咁樣掛係掛架上面, 好新奇, 牛肉牛味好濃, 有雪花所以食落有油香, 正即炸手工紫菜響鈴卷好脆響鈴內加左柴菜, 增加左咬口海鮮拼盤海鮮好新鮮, 隻蝦放入湯裡面仲識郁, 扇貝同蟶子好大隻！好鮮味！開心小企鵝 及 咪走雞被打成動物形狀既墨魚丸 及 蝦丸, 好得意！蔬菜拼盤如果你想一次過試哂幾款唔同既蔬菜, 呢個拼盤岩哂你！有大熱既羽衣甘藍飲品方面，杯Cucumber & Lime 真係

椰子雞鍋x四川麻辣鍋($238)，麻辣鍋香辣惹味，入面仲有豆卜、芽菜、木耳、豬皮等材料，椰子雞鍋味道清甜，當湯飲都得。醬料架有多款調味料！頂級安格斯牛頸脊($188 小)，牛肉味濃，而且肉質唔會太肥亦唔韌。手工紫菜響鈴卷($58)，響鈴係火鍋必食之一，加埋紫菜係入面更香口。7星報喜($88)，係七種唔同味道既手打丸，外型夠晒鮮豔，唔止睇得而且味道都唔錯，印象最深刻既係黑松露丸！咪走雞($88)、開心小企鵝($88)，兩款造型都非常可愛，分別係南瓜墨魚丸同墨汁墨魚丸，爽口彈牙之餘仲好有墨魚味，咁得意真係唔捨得食落肚。鴨血($68)，望落去顏色好新鮮，不過我就唔食內臟，朋友話都幾嫩滑。海鮮拼盤($368)，有扇貝、海蝦、蟶子同花甲，款款都幾新鮮，最鍾意大大粒又厚肉先甜嘅扇貝。蔬菜拼盤($68)，最後點都要食返啲蔬菜，拼盤有好多款菜，當中有比較少係打邊爐出現嘅羽衣甘藍同西蘭花。

今日好想打邊爐, 朋友介紹呢間打邊爐好有特色架, 聽完緊係即刻SAY YES LA, 上到去店子寬敞, 坐得也很舒服. 我地叫左個酒火入鍋$328, 呢個鍋聽個名都已經夠哂特色啦, 何為酒火入鍋, 哈哈….原來店員會先將點好火的酒倒入鍋裹, 立刻變成了火焰醉蝦鍋, 跟住再放入乾冰物體, 令到成個鍋都出煙了, OMG, 完全將對面既視野蓋住, 勁呀! 哈哈..好鬼正, 未食都覺得自己好似走火入魔一樣…WAKAKA….跟住呢款係頂級安格斯牛頸脊$188(小), 見到呢個擺設就即刻食慾大增啦, 哈哈…一塊一塊掛住係到, 薄薄的, 烚2烚食得, 好香牛味, 正!!跟住再黎個海鮮拼盤$368, 有大大隻聖子, 肉質爽甜, 仲有花甲, 新鮮活蝦, 肉質彈牙, 仲有鮮甜帶子.仲有呢個咪醉雞, 哈哈…好QUTE GA, 將墨魚滑整成雞的樣子, 再將魚蛋整成蛋殼似的, 將佢地放入鍋裹, 好似浸緊溫泉似的, 哈哈..好得意, 得意到唔捨得食TIM AR….再黎個蔬菜拼盤$68, 色彩賓紛, 有粟米, 車厘茄, 西蘭花, 椰菜花, 羽衣金蘭, 唐生菜等等……全部都新鮮翠綠.跟住仲有呢個即炸手工紫菜響鈴卷$5