邁爵斯 (福華街)

营业中

休息中

🤮3年之內無飲過咁Q難飲嘅嘢🤢😵呢間以平價意粉山出名嘅cafe估唔到飲嘢可以差到呢個點❌首先我食曬成碟意粉再過5分鐘呢杯野先黎問題系我明明同時落單🤡但以為等得耐好飲d都算啦點知 同好飲一d關係無不特止；原來係同一般都比唔上🤢我仲可以講咩...個所謂的#香芋鮮奶 真係完全够晒香😑d香精出到呢 個味道完全exactly就好似喺系大陸食過d幾蚊雞一條嘅香芋雪咁款😵🙏真係救命服晒。。。跟住就係我朋友叫的芒果乳酪特飲 都系『世界級』... 話係乳酪點知飲出黎係鮮奶味😑仲要系乳酪溝鮮奶味 哇絕晒👀🤡speechless me真係🙏

🍝香辣海鮮意粉（二人份） $47 🍝本身想抺一抺碟邊嘅醬汁先影相～但被制止了話要保留住最真實嘅一面！🤣OK！見人介紹三四十蚊一碟意粉份量夠二人分食～糧尾就抱住七成試伏三成想觀摩意粉山到底係點！本身好擔心會食完肚痛但親測幾好無事係可以安心食用先出Post～😂😋👍🏻 意粉果然超多疊得超高～煮得正好不會太軟太硬！超級濃郁的醬汁掛滿每條意粉食落好夠味！～調味就像是濃郁的蒜蓉茄醬加埋少少Tabasco sauce～食落只得微微的辣油香味！小辣都算不上！！不食辣嘅大家都可以放心食用～😚👌🏻而海鮮就有好多細細嘅蜆肉🐚同埋魷魚🦑，呢個價錢食落無雪藏味正正常常已經好滿意～有海鮮嘅存在令整體多少少咬口係幾開心😋另外嗌咗👇🏾🥗爵斯沙律 $40 ：請嗌其他小食。😂📝推薦，無伏之餘仲意外地幾好食，想兩個人平平哋食個意粉係一個不錯的選擇🤣仲要個份量多到兩個人到最後都有點膩😜不過😍四十幾蚊一碟真開心抵食～⚠️但！記！住！絕！不！能！自！己！一！個！人！食！用（6/10）📍 邁爵斯- 深水埗福華街15號地舖/中環嘉咸街49號地下C號舖

朋友介紹我嚟食呢間意粉，未入門口已經同我講定呢間野啲意粉真係超大碟，好似唔洗錢咁。當初我都唔信佢嘅，佢就話兩個人叫一碟意粉加一個牛角包已經飽到癲喇～最後叫咗一個白酒香蒜蜆肉意粉同一份芝士吞拿魚牛角包！痴線嫁！兩份野個份量大到夠3個人食。係意粉塔同薯角塔！最勁係個牛角包一啲都唔馬虎，一樣係king size！絕對好岩長期糧尾既人食！

因為要，路經這間餐廳，醒起有網評介紹抵食夾大件，遂特登幫襯。誰知道外賣是普通一般的份量，資料又沒有說。接手時見到難以想像的少，忿怒加失望。份量少之餘還要加一元外賣盒，火都嚟埋。

早幾日又想平平哋食個lunch又想食意粉就諗起佢其實佢意粉嘅份量真係好多每次都係兩個人share一個意粉+1個小食第一次去係試佢嘅香蒜蜆肉意粉，一上枱真係嚇親太大碟了吧🤣蒜香味十足不過略嫌有少少乾，可能有醬汁嘅意粉好啲第二次試咗佢呢個香辣茄汁海鮮意粉食唔到辣味但係都好多配料啊40幾蚊呢個價錢真係邊度搵薯角係即炸嘅仲有啲蜜糖係面甜甜地仲要熱辣辣自助吧有茄汁自己攞但最後都係食唔晒因為份量真係太多😂😂😂鴨胸卷餅都唔錯而且份量都好大入面都有好重嘅芝士鴨胸卷餅嘅薯角都有差唔多一樣咁大碟冇一次食得晒😂😂嘢飲就係配返熱茶普通茶包茶冇乜特別🤣總括而言：其實真係好抵食分量十足，咁當然啦味道唔算係最好食同埋清潔方面感覺餐具整潔可以做得更好🥲不過呢個價錢已經係良心價性價比高既一餐

為了配合朋友的「大胃」於是去了深水埗與太子交界的意粉🍝山餐廳🍴留意番，餐廳係自助形式，睇完餐牌就去收銀處點餐及付款，跟住會俾個號碼牌你，職員會自動上菜我們點了：香蒜白酒蜆肉意粉🍝 $35自家製雞鎚意粉配沙律🥗 $39玫瑰乳酪特飲 $26兩盤意粉，真的很大盤啊！重點好經濟，雖然唔包嘢飲，但我覺得份量已經同價錢價值相等😍因為怕叫兩碟意粉會太膩，所以刻意點了有配沙律嘅意粉🍝意粉質地唔會太硬，但未到最林，白酒蜆肉意粉🍝未放入口，都已經聞到陣淡淡白酒味，蜆肉都好多！另外嘅雞鎚意粉，好重蒜蓉味，不過自家製雞鎚，望落去好似烤過，但實質唔係，雞雞肉質有點林。沙律係一般嘅菜，冇特別。玫瑰乳酪特飲，唔會太甜，質地偏水，飲落又淡淡的玫瑰味👍🏻如果我下次再去，應該會試吓墨西哥卷餅🤤

我朋友經過深水埗聽聞這間小店分量很大很抵食CP值很高所以過嚟幫襯了。上次喺深水埗出今次係太子出好似較為近一點餐具都是自助式的 去到可以想要調味料和水無限添飲😎😎😎😎我們點了$35白酒香蒜蜆肉意粉，香蒜味道很重 很合口味😜而且後來一款 腸仔墨西可卷，配有薯角，上面加了蜜糖炸得幾脆都幾好食😋而且配有一杯熱紅茶 可以解油膩十分之好另外我們還order了 一杯熱情果柚子梳打 和 焦糖榛子咖啡，夏天飲10分嘅清爽 咖啡味都OK不太濃不太淡總括來講下次都會幫襯嘅😀

深水埗糧尾之選😎,<邁爵斯> ————————————————————呢間野出名大份夾抵食, 今次我揀咗<香蒜白酒蜆肉意粉>份量好驚人, 蜆肉味道都好足夠我哋鍥而不捨咁食,最後, 都食淨小小😩不過性價比好高 果然係糧尾之選😎

成日都睇到好多人介紹呢間意粉山，特登抽咗啲時間過嚟試，位置易搵，餐廳空間都算大，但唔算好多位置，牆上有好多美式既裝飾，都算舒服。有自助區可以自己拎辣醬紙巾之類，點餐亦都係自助形式，去收銀處買。本身諗住試吓啲意粉，但係咁大份，食唔晒我覺得好浪費，思前又想後，最後都係比佢個墨西哥卷餅吸引咗，餡料揀煙鴨胸，伴沙律菜，好大份。不過味道就一般，個卷餅味太過硬。煙鴨肉就有兩片，但成片好難咬開😟男友叫左個牛角酥佢只話覺得正常。雖然佢好划算，但唔係回頭既因素。

食過已經有幾次 記得第一次食既時候 老闆好有禮貌甘招呼我地 怕份量太多 我地食唔哂 話可以打包 到慢慢我地食多幾次 佢知道冇尼個問題 因為我係個大胃王😳😂😂😂我地每次都係食香辣海鮮意粉 同 香蒜白酒蜆肉意粉 尤其香辣海鮮意粉 味道不錯 調味充足 醬汁亦好充分分佈成份意粉 好正 仲有啲辣香味 食完😋😋😋另外白酒蜆肉意粉 蜆肉份量比足足料 好正白酒味道每次不同 有次食過非常濃郁 我好欣賞😎👏🏼👏🏼份量味道加埋絕對平靚正 今時今日仲係邊到有得搵👍🏻👍🏻

呢間邁爵斯一直出名大份夾抵食，糧尾之選~位於深水埗不過近太子嗰面多啲，地理位置較隔涉但係人氣不減😋星期六嘅3點去到都要等一等先食到🤣1️⃣肉醬意粉(牛肉) $38🤍4/5🌩超大份😱裝到差唔多6,7碟出嚟⭐️兩個人食到超飽🤣🌩係有芝士嘅肉醬意粉😍肉醬同芝士嘅量好足，唔會話食到一半得返啲意粉😁🌩意粉唔係就咁焯熟，有炒香過✨唔覺有蒜粒，但係食到好香蒜香😋香得嚟又唔會油，食落又唔會膩👍🏼2️⃣ 鹹牛肉芝士牛角酥套餐 $46🤍5/5🌩原本以為呢間意粉最好味，估唔到牛角酥仲出色😌🌩牛角酥焗到熱辣辣，望落較扁身但係層層鬆脆😍仲有糖醬灑喺包上面，就咁食都好好味👍🏼✨🌩鹹牛肉同芝士嘅份量一啲都唔少，夾埋甜甜嘅牛角酥一齊食絕配😋✨🌩薯角炸到好香脆👍🏼都係熱辣辣咁上，量好多而且每塊都大大粒😱同樣都有糖醬灑喺上面好好食😋3️⃣ 檸檬伯爵特飲 $22 🤍2.5/5🌩一大杯名正言順嘅無糖•檸檬•茶🍋🍵

尋日去了好朋友在深水埗的新居，到了晚餐時間，3個人都唔知食咩好，在open rice揾下有咩可以無預先book既餐廳，見到呢間在附近叫「邁爵斯」餐廳。我和兩個朋友到了先拎票排隊，不設預訂，都是walk-in的。大熱天時，我們都等左足20分鐘，等到汗流浹背，才有4人枱，餐廳基本都是2人枱，食客大都是年輕情侶。我地3個人傾傾下計都好快過了。入餐廳前，我們都選好了，坐下來，就先到收銀處點了三樣野，香蒜白酒蜆肉意粉、燻香煙肉墨西哥捲餅、鹹牛肉芝士牛角酥，用現金付了$89。大約等了不用10分鐘，就有得食了。意粉的確好大碟，三個人食都綽綽有餘，蜆肉好多粒，都冇沙，味道幾唔錯，我們還加咗自助區嘅芝士粉，好好味。以下已經係比我地食了1/3既意粉山。正👍🏻👍🏻 真心抵食。鹹牛肉芝士牛角酥外脆內軟，內裏溫熱，份量正常，當然唔夠意粉山抵食，但都值得一叫。煙肉芝士餅卷，味道都不錯，芝士幾多，煙肉都唔少，我們切開時都暖的。估唔到$89食飽左3個人，呢間真係正。

今次係我第五次食M.Y Majesty🤣 因為真係超平!!! 又幾好食🤩今次先推介飲品, 嗌左🔴🟡🟢梳打🤣🔴 水蜜桃荔枝梳打特飲 ($28)整體幾好, 真係有水蜜桃果粒😍 不過略嫌少少甜🤣 🟡 熱情果柚子梳打特飲 ($26）我覺得呢個更好飲!! 甜度啱啱好😍 熱情過酸酸甜甜好開胃🤩 🟢 薄荷青瓜青檸梳打特飲 ($28)呢個非常特別🤣 不過比起上面兩個呢個無咁好飲🙈🙈 -香蒜白酒蜆肉炒意大利粉🍝 ($35)整碟意粉超級龐大😂 不過蜆肉較少, 意粉也比較乾同唔夠味, 要另加芝士粉調味🙈 燻香煙肉墨西哥捲餅 ($28)捲餅其實我覺得無咁抵食🙈 因為份量好少 同埋餡唔係好多🙈 不過味道係好食 尤其有拉絲芝士🤩📌一日既往我會推介📌肉醬意粉(牛肉）($38)意粉上面鋪左一層滿滿的肉醬同芝士😍 撈埋一齊食每一條意粉都好掛汁🤩 不會太乾!!! 真係幾好食❤️ 每次黎都會必嗌🍝鹹牛肉芝士牛角包🥐 + 薯角😍 （$46)牛角包改為有穀麥嘅, 變為更加健康haha😂 非常香脆, 不過今次反而個餡唔係好出 可能因為我全程focus左係個包到😂 薯角就係必嗌😍 加埋蜜糖係上面真係好好食🤣 不過蜜糖可以多d 😂📎真

首先，關於衛生，疫情期間間舖都坐到密質質，其實佢哋到底有冇咩減半人數定點，因為成間鋪真係完全冇隔空位。見到隔離枱搭枱板都冇塊，有板嗰啲枱，就係好大塊嘅發泡膠板喺地下度拎上嚟嘅😀見住佢喺地下拎上嚟，上面仲有啲黑色灰色嘅漬唔知係乜嘢，分分鐘有板仲多細菌。啲客係對住塊板除口罩食飯㗎，起碼抹下同放返喺啲乾淨嘅地方啦。———成間鋪嘅裝修都係嗰啲工業風黑黑暗暗嘅，第一眼望落已經唔係白淨，仔細望原來唔單只係佢裝修風格，地下真係好多塵好污糟，角落頭好多黑色野。———第二，關於餐具，餐具係自助嘅，但係入嚟嘅時候店員完全冇講過係自己拎。嘢食到咗問佢喺邊拎先至態度勁差咁話係自己拎。刀叉碟上面全部都係有水，甚至有黑色一粒粒，根本就冇洗乾淨，仲要客人自己用自己嘅紙巾抹返乾。見到有人反映食完之後肚x，原因係咩就自己估啦。———第三，關於嘢食，係好平好大份嘅，味道就好一般。不過呢個價錢可以expect啲乜嘢呢？勉強過關。去過兩次，第一次都好啲，第二次明顯質素下降咗好多。———第四，員工態度真係好惡劣。去cashier嗌嘢食，男店員企喺部機到同我講話叫我等一陣，然後佢企左喺嗰度無所事事篤手機，我眼甘甘企咗喺度。ok

雖然我今次在星期日晚餐之前，打算先前往「深水埗」，在「福華街」光顧咖啡西餐廳「邁爵斯」，結果「邁爵斯」店舖實際選址有點出乎我意料之外，因為「邁爵斯」位置比較接近「太子」多一點。所以我大膽選擇性不乘搭港鐵前往「深水埗港鐵站」，改為直接在「太子港鐵站」A出口出發，再徒步沿着「彌敦道」北上，橫過「界限街」後繼續向「大埔道」進發，最後從「大埔道」左轉轉入「福華街」。很快我成功在「大埔道」剛剛右轉入「福華街」那一刻，就成功找到今晚我享用雞肉晚餐食品的目標餐廳食店「邁爵斯」。雖然「邁爵斯」店外也有餐檯餐櫈，但是天氣偏熱，我寧願進入餐廳，一邊吹冷氣一邊享用西餐好了。事實上「邁爵斯」店裡面的冷氣還算是頗為涼快，加上餐廳樓面沒有裝置電視機，座位檯櫈又不少，所以我坐在「邁爵斯」裡面，感覺其實頗為寫意自在。所以我在「邁爵斯」裡面選擇檯櫈坐下之後，就算「邁爵斯」店員告訴我需要先付款購票，我前往收銀櫃檯付款購票之後，返回座位還有大量檯櫈，完全不用擔心遇上被迫跟陌生食客搭檯的風險。我在前往「邁爵斯」收銀櫃檯付款購票之前，先仔細再三研究「邁爵斯」的餐牌。由於「邁爵斯」屬於西餐廳，所以食品以「意粉」、「墨西哥捲餅」、