邁爵斯 (福華街)

营业中

休息中

員工說話語氣惡劣，重視服務態度的客人絕對不要光顧！另外衛生環境差劣，多名客人亦表示進食其食物後身體不適（如肚痛等），包括本人。總括而言，極不建議各位光顧此餐廳！食物份量方面，每份意粉的份量都十分大和充足。如果在其他餐廳，食量大的人可能除主食外還需要叫一份小食才足夠，但在此餐廳，即使食量大的人，叫一份意粉可能已經足夠，並且價錢亦相當低廉。另外味道方面雖然沒有特別出色，但都均可接受。若果只針對食物分量、味道方面，本人是推薦此餐廳的，但綜合服務態度、環境衛生方面問題，本人則極不推薦此餐廳，亦極不建議大家光顧！食物安全遠比味道等其他方面重要！

 邁爵斯應該好多人多聽過，出名大份夾抵食。一碟意粉30幾蚊就食到，仲要勁大碟，兩個人share 食一碟都好夠飽🤰絕對係窮人恩物。而且佢平得黎都幾好食🤩同埋想讚呢度既店員勁好，見到我攬住個紙袋坐，專登攞多張凳黎問我需唔需要擺個袋，好細心☺️  今次同朋友嗌左兩份意粉，嗌完之後有啲後悔，真係好大碟啊！建議兩個人黎食既話嗌一碟意粉一碟小食好la。兩碟意粉真係會食到超飽。  1⃣️香蒜白酒蜆肉意粉（$35）呢個上到檯果陣真係嚇親我😳真係成座山咁，啲意粉多到我覺得兩個人食一碟都會食到好飽。啲蜆肉勁多，食極都仲有。  個意粉比我想像中好食😙食落有好香既蒜味，而且食落唔會感覺好油，啖啖都可以食到蜆肉，超正，唔怪之得咁多人推薦呢碟意粉。CP值絕對爆燈！  2⃣️忌廉蘑菇雞肉長通粉（$45）個長通粉相對上份量冇咁驚人，但係都係極多，一個人食一碟基本上我覺得係冇可能食得曬😂  呢個我覺得比起蜆肉意粉更加好食。首先佢面頭有好多溶左既芝士，而且成個通粉都幾creamy，特別係啲通粉既通窿位，好香好creamy😍雞肉都有好多，每塊都幾大塊。 呢個價錢黎講超級抵食好好食！  

雙重芝士牛角酥配薯角 $46個牛角酥幾好食 外皮甜甜地 又唔會淋 不過芝士味就唔太濃 一大碟薯角 兩個人都食唔曬🤯 個薯角冇之前咁好食 可能少咗蜜糖🤔 芝士魚糕 $30有啲失望 又係芝士味唔濃🙁 不過魚糕口感彈牙 30蚊6件算係咁 要求唔可以太高🤣熱情果柚子梳打特飲 $26一開始叫咗少冰 啱啱開始飲都唔錯 普遍嘅熱情果梳打味 不過飲到一半已經開始冇乜味🙈之前飲過其他嘢飲 總括佢嘅飲品啲味唔太夠今次兩個人所以冇嗌到意粉 見到太大碟😂 希望下次有機會食🤣🤣5⭐️滿分味道:⭐️⭐️⭐️價錢:⭐️⭐️⭐️⭐️外觀:⭐️⭐️⭐️.5回購:⭐️⭐️⭐️📍邁爵斯 (深水埗)深水埗福華街15號地舖

聽到咁多朋友都推介位於太子一間專食意粉嘅餐廳，當然點都要嚟捧捧場啦，店員好有禮貌，女老板好靚女女神咁🤩🤩一行出黎接我地入去仲幫我拉開門鏈，不過都好在我地有等終於食到大大碟既意粉香辣海鮮意粉 $47 一開始都掙扎咗好耐，到底叫香蒜蜆肉意粉定係香棄海鮮意粉好🤔🤔不過因為鐘意食辣嘅關係🥵😋加上海鮮好似多元化過蜆肉，所以就揀咗呢款☺️☺️ 一上到枱真係嘩咗一碟意粉重大過我塊面呀雖然平時IG就睇得多有幾大碟，不過親身感受到又另一回大量嘅意粉，而面頭係鋪滿晒海鮮同配料，有大量蜆肉同魷魚，重有蘑菇同雞肉，豐富程度起碼有90分!😍😍😍 睇得出廚師絕對無偷工減料每一啖嘅意粉都掛到香辣嘅蒜蓉汁，再加上少少茄汁酸味，開胃又惹味😋😋食食下，重有少少墨西哥捲餅 + 3選1(鴨胸/煙肉/大力捧 ) 拼 薯角/沙津 $49 捲餅非常重手 而且加上大量薯角，薯角非常熱辣辣，食落唔算非常脆身，不過勝在入面啖啖薯肉夠厚身，加上有淋到蜜糖喺面，味道就更加吸引！捲餅每一啖咬落去都有好多餡，大量嘅芝士竹覺得有少少膩，好在捲餅個餐係跟咗一杯熱紅荼，可以幫你消下滯，唔錯嘅配搭😋👍🏻 雖然都好想試埋個香蒜蜆肉意粉。一嘗即場數蜆肉嘅樂趣

👍🏻吞拿魚芝士牛角酥 配海量薯角(包嘢飲) $46牛角酥真係做到酥脆👍🏻👍🏻食到好香既牛油同蜜糖，吞拿魚餡算多，不過芝士味唔係好突出薯角好厚身好飽滿，炸得唔算脆，不過淋左蜜糖，都幾好食😋唔點茄汁都ok👍🏻薯角估唔到會比咁多😂😂食到傻呀🤤味道：7/10性價比：9/10-👍🏻香辣海鮮意粉 $47配料有蜆肉、蠔仔同魷魚，味道好似蒜味既肉醬意粉咁🤣🤣酸酸地，少少辣，幾開胃😋不過咁大份要食哂都唔易呀😆呢個價錢，抵食！味道：7/10性價比：10/10-📍#邁爵斯 M.Y Majesty 深水埗福華街15號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #深水埗 #深水埗美食 #深水埗好去處 #太子 #太子美食 #意粉 #太子好去處 #太子打卡 #深水埗打卡 #薯條 #牛角包 #牛角酥 #芝士

今日午餐決定試下網上熱推既大大碟意粉🍝😋，店名叫majesty，位於深水埗福華街。位置唔算多，平日都幾多人。🍴肉醬意粉🍝 $35見到上餐時，哇左一聲，真係成座山咁，兩個女仔未必食得曬🙈。肉醬係有d香草味，都幾惹味，性價比好高。🎉🍴吞拿魚牛角酥 $45牛角酥外脆內軟，吞拿魚蓉濃郁，薯角份量都頗多，呢個都值得嗌😋🥤凍香芋鮮奶 $26平時都成日飲香芋奶茶，見到呢度有，一定要試下，果然唔失望，勁香芋頭味❤️

山咁高既意粉 CP值超高一個意粉只係30幾蚊 我次次都係食呢個香蒜蜆肉意粉   蜆肉都好多  蒜味都好濃下兩個人食加個小食咩都飽晒薯角炸得脆口 好香口 超級多 正呀

太子平民西餐🍝💛黎到深水埗太子呢頭，就想搵返啲平靚正既餐廳食晚飯😝😝個日下午五點幾開始肚餓，所以就係附近搵晚餐。好耐之前就知道呢間餐廳有大大碟意粉食，今次終於試到有幾大碟！！可能我地仲未到晚餐時間，比晚餐時間早少少入座，唔需要等位就直接有位。呢度係自己去收銀比錢落左order先再有員工送過嚟。兩個人叫左兩樣野都唔洗一百蚊！！🥳🍝香辣海鮮意粉份量真係超級多，我諗一個好肚餓既男人嚟食都未必KO到🤣🤣🤣 意粉多，汁都唔少，個意粉好重蒜味🧄 都好味既，醫肚一流呀👌🏼😝🥐呑拿魚牛角酥另外仲order左個牛角酥配薯角🍟，唔止意粉大碟，連個包都大過人呀！！熱辣辣既🥐非常鬆軟，而新鮮炸起既薯角，好香口，上面沾有少少蜜糖，真心覺得唔錯。

話說經深水埗見到呢間餐廳Majesty，見到餐牌上面一個意粉只係30幾蚊，心諗會唔會係細細份、食唔飽嗰啲，再望吓舖頭入面，見到有食客食得咁開心！好冇大碟成咁？ 所以決定入去試一試！！！餐廳係自助形式嘅，要自己去櫃台落單同俾錢，再攞個號碼牌返去等侍應送餐本人嗌左一個香蒜蜆肉意粉 ，同埋一個芝士牛角酥加配沙律菜，一杯凍朱古力預冰。一上枱就聞到好香嘅味道 就係間餐廳既味道，超香 ！仲有牛角酥嘅沙律菜 係十分之新鮮 好好咬口，而且添加左醋汁 感覺好清新 好開胃平日去餐廳食個飯閒閒哋都要四、五十蚊先落到樓，平霸睇見三十幾蚊一個意粉餐已經覺得好抵食，估唔到仲要大碟又足料，想食餐好嘅，唔一定要貴嘢㗎，呢次真係平民價錢食到高質意粉喇，抵到爛！

見到啲相大大碟，諗住同幾多大食鬼一齊試下。叫左兩個意粉，一個小食，三個人食到勁飽！味道都唔錯。呢個價錢，真心冇得彈。 重點係， 嗰日招呼我哋嘅男侍應，超好人！成日睇到啲人comment話service差, 所以我哋都有心理準備。點知有驚喜。其實呢個世界，你點對人，人點對你。另外一位女士喺度收銀；唔洗佢點做啲乜，都經常黑住塊面(倒米！)，所以我地冇理佢 🤣

兩個人食 等位等左五分鐘度 比起上次黎快左好多叫左個肉醬意粉 咸牛肉芝士牛角酥 牛角酥跟餐有杯熱紅茶 加埋都係84元👍👍食物方面真係大件夾扺食 個肉醬意粉係兩人份量 38$ 一個人食應該會食唔哂 食得哂就試唔到其他野食 以咁既價錢有咁既質素 真係扺讚既😍牛角酥跟餐揀左配薯條 薯條有驚喜 佢並唔係炸薯條而係炸薯仔 食得出個炸薯仔落左蜜糖 同薯仔好夾😋 個牛角酥個餡就真係純粹芝士咸牛肉焗出黎既牛角酥 驚喜不太大兩個人食真你夠哂飽肚又滿足環境方面 比起西式餐廳 係比較樸素 服務方面除左有人送野食過黎 啲餐具 水呀 啲芝士粉同茄汁全部都係自己出去拎 有啲似self service咁 咁既價錢完全接受到

疫情間過來等一會兒就可以入座，由一位女的服務員帶位，知我懷孕專登給我一個好位置，還幫我拿手提袋真的很細心體貼！瞬間加分！我和老公點了一個最出名的香蒜蜆肉意粉，蜆肉爆多 而且意粉很高 馳名一意粉山！終於知道排隊是有原因的！老公叫了杯玫瑰乳酪乳酪！十分好飲 玫瑰味很重！一試難忘！

白酒蜆肉意粉🍝$35個意粉份量超級多🤤，意粉份量不單止高到成座山咁🏔，一碟夠哂2-3個人食，蜆肉亦非常充足，雖然唔知係唔係因為份量關係，味道相對冇咁濃郁，要自己再加調味料先至夠味🧂。但係呢個價錢黎講，有成座山意粉你食，算係咁啦🤓沙律蛋牛角酥套餐🥐$45淨係睇賣相都已經非常吸引，雖然沙律蛋可以在再多啲，但係牛角酥🥐食落夠香脆鬆化，而且伴碟嘅薯角份量又係超級多，不但熱辣辣上面仲掃咗一層蜜糖🐝，令薯角更加惹味Overall平時諗起平價西餐，大家應該好容易就諗起薩利亞，但而家多個選擇喇，如果你去開深水埗，想食下平價西式嘢，真係可以試試🤗

講左好野先，啲野食係份量夠，平，抵食 叫左個2人餐，個墨西哥捲好食，薯蓉都出奇地好味可能因為佢整到半爛有咬口，食到好飽如果唔係服務態度我應該會再幫襯，事緣果日本身冇咩人幫襯，就叫外賣自取，落完order就去拎，去到餐廳前見到有個女人坐響度，唔知佢咩人就走入餐廳問人算，但佢跟響我後面叫我入去坐，我另番轉頭，佢語氣奇差咁叫我入去坐慌死我聽唔到咁，印象已經夠差，我話我哎左外賣，佢啲語氣真係好討厭好似審犯咁問你要咩，但其實得我一個叫左外賣，我講完之後佢就自己行左入去水吧，示意叫我自己入去拎，佢呢就棟響度咩都唔做，我未試過去間餐廳係叫人自己去拎餐，仲要咁既態度，本身想打去投訴，點知原來個女人話自己係負責人冇下次了

去過好多次包括堂食同外賣，食物質素唔錯，價錢便宜，性價比極高。唯一缺點係女店長態度極差，每次落order都要承受佢果種高傲黑面串串共語氣。以佢態度應該唔係員工，希望之後有所改善令顧客可以開開心心幫襯。