邁爵斯 (福華街)

营业中

休息中

本來對這間店沒有太大期望, 因為價錢太平民😂, 不過之前經過見到食客枱面大大碟有啲吸引今次就膽粗粗入嚟一試, 地方都算闊落, 簡約主義為主, 可能係黃昏時間, 入去嘅時候只有一枱客, 係咪應該走, 因為一個人, 算啦都入咗嚟最後叫咗個肉醬意粉, 有驚喜🥳, 意粉硬度適中, 住家feel味道, 不濃不淡, 肉醬個醬做到剛剛好夠哂撈全碟意粉, 睇相都見到勁多肉碎因為係自助成為$38, 沒有加一服務費, 一人前二人份量, 勝價頗高👍🏻香港地仲能夠搵到咁樣價錢嘅餐廳已經唔多, 求其去街邊檔買個點心一籠燒賣都要十幾廿蚊, 這家小店非常貼地, 下次會再幫襯🤗

去開深水埗，記得有YouTube’s介紹過尼間餐廳，終於有機會去試吓，滿心期待咁叫左個呑拿魚牛角包套餐配沙律菜及紅茶，想話改咖啡又唔得，都唔緊要，紅茶我都ok嘅.再叫左個雞扒意粉配沙律菜，等左陣牛角包餐，隔住個口罩都聞到牛角包面果個蜜糖味，食落都ok唔差，一望沙律菜超級多，心諗發達啦，我好鍾意食沙律菜，點知望真啲菜，已經唔新鮮，再食下發覺中間夾住好多已經腐爛嘅菜，即刻唔敢食，等個意粉啦，一上枱確實有啲嚇親，咁大碟好似唔洗錢咁，不過個沙律菜又係爛晒嘅，老老實實，個意粉用黑椒蒜茸炒過係幾好食，又夠飽肚，不過件雞扒仍然有陣雪味，好失望，幾大碟都冇用，唔會再去

深水埗出名好多間平靚正食店，哩間相對上絕對岩大胃王食，絕對稱得上大件夾抵食，CP值非常高。文青咖啡店，唔會非常多選擇，但最主打都係意粉類，真係能夠稱得上「意粉山」。餐廳已先付款點餐方式，所以都係先到先坐位方式，座位都舒適，唔似餐廳方式趕人走。香蒜白酒蜆肉意粉（$35）香蒜味非常濃郁，如果係蒜頭控就非常岩。另外蜆肉份量適中，當然成碟最多都係意粉，如果配料多些會更好。唐楊炸雞配薯蓉 （$43）炸雞唔錯，皮香脆，肉汁豐富，食落絕對唔會有乾身感覺，味道唔錯，唯獨薯蓉相對遜色，味道相對較淡同一般。吞拿魚芝士牛角酥（$26）份量都大，牛角酥加上楓糖漿，雖然牛角酥唔算得上酥脆，但整體味道都可以，價錢絕對反應質素。絕對岩晒大胃王。

一行五人大約七點左右到，店員告知大約等5-10分鐘，喺等嘅時候我哋已經睇定食啲咩，店員出嚟帶我哋入座，先到櫃檯付款點餐，店員比個號碼牌帶返座位等送餐炸水牛芝士球（上）同炸西班牙飯球（下）西班牙飯球內嘅飯有薑黃同香料混合囗感好特別友人話食緊飯嘅時候再食粒芝士球混合食仲正果然係呀滋味腸墨西哥捲餅配薯角忌廉蘑菇雞肉長通粉肉醬意粉（牛肉）自家制鷄鎚意粉配薯角（餐牌係配沙律，當日冇所以配咗薯角），呢款雞鎚味道有少少怪，我食到有啲臘腸味同肉質比較嚡脆炸薯條真係脆得嚟好乾身蜜桃乳酪特飲、藍莓乳酪特飲、蜂蜜抽子蜜同水蜜桃荔枝梳打特飲滋味洋蔥圈鹹牛肉芝士牛角酥全晚除咗雞鎚外，其他食物都好味抵食

從網上看到有這小店的介紹，發覺在我居所左近，決定去試一試， 入內感覺有點文青feel ，六點左近去到，不用排隊，坐在牆壁一邊，座位不算太舒服， 食物種類不算太多， 最緊要整得出色也是適當，對小店嚟講，最後點了一個咸牛肉牛角包配薯角， 鴨髀意粉，還有一杯八仙果茶，鴨髀意粉真的很大碟，還有兩隻鴨髀，真的意想不到， 鴨髀烹調得非常夠味，軟滑，意粉硬度啱啱適中亦不會黐在一起 ， 牛角包做得非常香脆，而最大驚喜是薯角大大件，八仙果茶甜度亦調教得啱啱好，其實咁平嘅價錢而食物質素確是美味， 所以一定會再回去試下其他食物。

Mixed feelings about this place, personally felt it was 'meh' but my friends enjoyed the meal more.Ordered: Chicken wings with mashed potato - felt the mash was not creamy and smooth enough and texture was lumpy. Wings were ok.Duck leg with spaghetti & salad - where the duck lacked flavouring the spaghetti was nicely flavoured. Huge serving.Tuna and cheese croissant with potato wedges - seemed croissant had been reheated in microwave so was soft and wedges over fried.Portion size is generous s

今次試試這間餐廳，外面望入去有點暗，有點卻步。價錢相宜，就入去試試。眼見出名的意粉山，，真是十級的驚訝，很多很多麵，本著不浪費的精神，還是叫自己要的好了。薯條份量足夠，外甜巳加工，鴨胸份量足夠。牛角酥外脆內軟，看似燶但沒燶味，暖暖的，好味過好多餐廳。一般的甜，咖啡味不夠濃烈。餐廳有點迫，但沒趕客，員工殷勤。會再幫襯。

▷特色牛肉意粉配沙律 $𝟦𝟥◁貪心嘅👧🏻👩🏻又想食意粉～又想食沙律～所以叫咗兩樣嘢都有嘅餐😻比起其他意粉～牛肉意粉份量少啲～相信一個男仔都食得晒👍🏻意粉簡單用鹽調味～牛肉食落有啲特別～鹹鹹地之餘仲帶有一點羊羶咪(有啲奇怪🤔)～沙律就喺一般菜沙律加沙律醬～個人不太推薦(👧🏻食過其他意粉喺好好味架！）⁡▷吉列炸蝦 $𝟥𝟤◁原本想叫滋味洋蔥圈不過賣晒🌚吉列炸蝦就好似超市買到嘅急凍炸蝦咁～屋企自己氣炸都好容易整到～而餐廳炸到超酥脆～連條尾都可以食埋🥰⁡▷藍莓青檸梳打特飲 $𝟤𝟩◁飲品顏色真係好夢幻😍紫紫紅紅色～應該喺用藍莓濃縮劑+青檸+梳打水～飲落唔會過甜～食完炸蝦飲梳打水好解渴❤️⁡𖤘邁爵斯 (深水埗) ❥深水埗福華街𝟣𝟧號地舖

呢間野係屋企人介紹，話好平好抵食，個日咁啱要去旺角個邊就決定要試下，環境唔錯有裝飾，食物質素好，性價比極高，果然冇令我失望！入面啲意粉都係30幾蚊，屋企人已經話呢間好大碟，千其唔好一人一碟，但冇諗過係咁大碟，拎上枱個下已經覺得被震驚，成座山咁。我地叫咗個香蒜白酒蜆肉炒意粉，蜆肉細細粒正常分量，個意粉你話係咪好高質素呢就一定唔係，但質素同出面賣得貴少少嘅舖頭冇分別，不過唯一缺點就係有啲乾身，而且因為佢太多所以我哋都要啲時間，所以就會越食越乾。下次嚟嘅話可能會叫肉醬意粉或者其他比較多汁嘅意粉。我哋仲嗌左個炸魚餅，好爽脆彈牙，而且真係有魚味，味道偏咸，重口味人士應該好鍾意。最後再嗌多咗個煙肉墨西哥卷，賣相好睇，而且都真係好食，入面有煙肉，火腿，夾雜埋啲醬，生菜。食完呢個我同個朋友都話想試埋第二款墨西哥卷，但因為唔想做大晒鬼所以冇叫到。整體而言，學生哥放lunch又可以過嚟食，大份夾扺食，情侶又可以過嚟撐枱腳，因為環境都幾好。

是日放假 同男友行街搵食行到去太子果頭。經過呢間門口望下menu,比個價錢嚇親，入面又有唔少人坐，就決定試下～落單前都知份量好大。我地二人嗌左1個蜆肉意粉。意粉份量超級多，絕對要兩個人share。急凍蜆肉都比得多。但成碟意粉一送上黎係凍凍地唔暖…我知餐廳為求方便一早淥定好多意粉…但真係煮得唔夠熱。蜆肉都係凍凍地而且無味。芝士味落得太重手，成碟意粉淨係食到涼浸浸嘅意粉同芝士粉。小食就叫左薯條同玫瑰雞翼。呢兩碟反而味道幾好！ 嗌左兩杯朱古力飲品… 太太太甜喇！我本身就中意甜野，但呢杯係甜到我都飲唔到好多啖😂 話雖如此，我諗呢間餐廳gimmick 係價錢夠平份量多吧。 如果糧尾嘅朋友 呢間會係唔錯嘅選擇。但一間餐廳最主要都係要搞好食物質素，平唔係大哂嘛～

✔️香蒜白酒蜆肉炒意粉🍝 $35✍🏻勝在份量多 絕對係要兩個人或以上share😹✍🏻調味好唔均勻 有啲意粉冇味有啲又有 而且好乾身 蜆肉又偏咸 不過咁既價錢算係抵食✔️香烤鴨胸墨西哥捲餅🌮️ $28✍🏻捲餅size都幾大個 口感偏淋✍🏻鴨胸肉份量足夠 而且好香 配埋沙律醬同椰菜幾惹味🥗✔️唐揚炸雞🍗$? $43配薯蓉✍🏻有驚喜❣️個人覺得今次食既野當中最好食既😹✍🏻個皮炸得好酥脆 唔會過厚 雞肉都好嫩滑 推薦👍🏻✔️芒果乳酪特飲 $26✍🏻正常芒果味既飲品 偏甜但都幾好飲

經過一星期嘅洗禮係應該要食得平啲所以四周圍搵啲好平嘅嘢食跟住發現呢一間餐廳都係朋友介紹因為我好多同學都鍾意食呢一間因為價錢夠平佢哋介紹我就係食呢個香蒜白酒蜆肉意粉價錢好優惠而且夠晒大份食極都唔厭跟住我最鍾意叫嘅就係呢一個雙層芝士有個show配薯角啲薯角炸得啱啱好而且上面有蜜糖香脆真係感覺好好食 而且今次我嗌左一杯朱古力 🍫味道好濃郁我諗如果冬天飲杯熱嘅感覺應該都好好不過有朋友話俾我知原來杯玫瑰荔枝梳打都好飲所以下次會試吓☺️☺️☺️☺️☺️

啲薯條脆卜卜，🤪🤪🤪🤪😋😋😋😋出嚟嘅時候熱辣辣😋😋😋😋，非常之抵食😋😋😋😋😋。好新鮮好惹味😋😋😋😋😋，好有薯仔味😋😋😋😋😋，薯仔嘅粗幼度剛剛好😍😍😍😍😍，唔會太幼，亦都唔會太粗，唔會好漏，食到最後都唔會好漏。一定要嗌。蜆肉白酒意粉有啲乾，略嫌冇乜味，但係份量好足，$35大大碟，兩個人除開17.5。真係好抵食，其他意粉都唔貴，兩杯嘢飲就正正常常

(o´罒`o)邁爵斯 M.Y. majesty•小妹真係未見過三十零蚊一大碟意粉(*≧ω≦)邁爵斯都開咗好多年了，咁啱有朋友子講過下又經過附近，就try一try!!•🍝《香蒜白酒蜆肉炒意粉》($35) 7/10講吓個份量先，真係超！大！碟！係出面普通一碟意粉嘅兩三倍(*≧ω≦)！見佢咁平又大份就唔咁執著佢嘅味道了～都有淡淡嘅香蒜味嘅，蜆肉份量同樣好多！不過就唔好期待佢有鮮味同會大大粒(⁎⁍̴̛ᴗ⁍̴̛⁎)意粉軟硬適中，不過略嫌太乾，加上蒜味唔夠，食食吓好似齋哽意粉咁( ･᷄ὢ･᷅ )食唔晒可以打包走喔，不要做大嘥鬼(˶‾᷄ ⁻̫ ‾᷅˵)•🍜《脆炸薯條》($23) 6.5/10薯條份量同樣好多！但整體偏鹹，雖然上菜嗰陣啲薯條仲係熱辣辣，但大部分都淋咗ಥ_ಥ•🥤《凍棉花糖朱古力》($26) 6/10呢杯朱古力好大杯，但朱古力味好淡(＞人＜;)有幾粒棉花糖浮面，不過小妹比較中意細細粒嘅棉花多啲，咁先可以用飲管吸到嚟食(*≧ω≦)•雖然食物質素唔係話好出色，但勝在夠抵食(˶‾᷄ ⁻̫ ‾᷅˵)~•٩(ˊᗜˋ*)و✧*｡📍 邁爵斯 (深水埗) 深水埗福華街15號地舖•💰人均消費：～$50

咁啱大學同學介紹我嚟咗呢一間餐廳 佢哋話好抵食係大啲又平 所以今次同同學仔嚟咗呢邊寫就係深水埗但係近太子地鐵站多啲 咁啱嚟嘅時候大約係6:30鐘好在唔使等位直行直入入到黎見到一個好靚嘅餐牌 係我最鍾意嘅顏色 Tiffany色今次我同同學仔食咗啲哩個香辣海鮮意粉仲叫咗個芝士牛角酥跟薯角個包得啱啱好中間有啲蜜糖 香脆又好食令人食嘢回味 蜜糖香脆叫左兩杯梳打一杯熱情果柚子梳打同埋水蜜桃荔枝梳打 兩杯都唔太甜好好飲好清新 俾個like總括嚟講呢一間真係好好食 而且價錢好平好啱我哋學生一族