邁爵斯 (福華街)

营业中

休息中

呢間野係屋企人介紹，話好平好抵食，個日咁啱要去旺角個邊就決定要試下，環境唔錯有裝飾，食物質素好，性價比極高，果然冇令我失望！入面啲意粉都係30幾蚊，屋企人已經話呢間好大碟，千其唔好一人一碟，但冇諗過係咁大碟，拎上枱個下已經覺得被震驚，成座山咁。我地叫咗個香蒜白酒蜆肉炒意粉，蜆肉細細粒正常分量，個意粉你話係咪好高質素呢就一定唔係，但質素同出面賣得貴少少嘅舖頭冇分別，不過唯一缺點就係有啲乾身，而且因為佢太多所以我哋都要啲時間，所以就會越食越乾。下次嚟嘅話可能會叫肉醬意粉或者其他比較多汁嘅意粉。我哋仲嗌左個炸魚餅，好爽脆彈牙，而且真係有魚味，味道偏咸，重口味人士應該好鍾意。最後再嗌多咗個煙肉墨西哥卷，賣相好睇，而且都真係好食，入面有煙肉，火腿，夾雜埋啲醬，生菜。食完呢個我同個朋友都話想試埋第二款墨西哥卷，但因為唔想做大晒鬼所以冇叫到。整體而言，學生哥放lunch又可以過嚟食，大份夾扺食，情侶又可以過嚟撐枱腳，因為環境都幾好。

是日放假 同男友行街搵食行到去太子果頭。經過呢間門口望下menu,比個價錢嚇親，入面又有唔少人坐，就決定試下～落單前都知份量好大。我地二人嗌左1個蜆肉意粉。意粉份量超級多，絕對要兩個人share。急凍蜆肉都比得多。但成碟意粉一送上黎係凍凍地唔暖…我知餐廳為求方便一早淥定好多意粉…但真係煮得唔夠熱。蜆肉都係凍凍地而且無味。芝士味落得太重手，成碟意粉淨係食到涼浸浸嘅意粉同芝士粉。小食就叫左薯條同玫瑰雞翼。呢兩碟反而味道幾好！ 嗌左兩杯朱古力飲品… 太太太甜喇！我本身就中意甜野，但呢杯係甜到我都飲唔到好多啖😂 話雖如此，我諗呢間餐廳gimmick 係價錢夠平份量多吧。 如果糧尾嘅朋友 呢間會係唔錯嘅選擇。但一間餐廳最主要都係要搞好食物質素，平唔係大哂嘛～

✔️香蒜白酒蜆肉炒意粉🍝 $35✍🏻勝在份量多 絕對係要兩個人或以上share😹✍🏻調味好唔均勻 有啲意粉冇味有啲又有 而且好乾身 蜆肉又偏咸 不過咁既價錢算係抵食✔️香烤鴨胸墨西哥捲餅🌮️ $28✍🏻捲餅size都幾大個 口感偏淋✍🏻鴨胸肉份量足夠 而且好香 配埋沙律醬同椰菜幾惹味🥗✔️唐揚炸雞🍗$? $43配薯蓉✍🏻有驚喜❣️個人覺得今次食既野當中最好食既😹✍🏻個皮炸得好酥脆 唔會過厚 雞肉都好嫩滑 推薦👍🏻✔️芒果乳酪特飲 $26✍🏻正常芒果味既飲品 偏甜但都幾好飲

經過一星期嘅洗禮係應該要食得平啲所以四周圍搵啲好平嘅嘢食跟住發現呢一間餐廳都係朋友介紹因為我好多同學都鍾意食呢一間因為價錢夠平佢哋介紹我就係食呢個香蒜白酒蜆肉意粉價錢好優惠而且夠晒大份食極都唔厭跟住我最鍾意叫嘅就係呢一個雙層芝士有個show配薯角啲薯角炸得啱啱好而且上面有蜜糖香脆真係感覺好好食 而且今次我嗌左一杯朱古力 🍫味道好濃郁我諗如果冬天飲杯熱嘅感覺應該都好好不過有朋友話俾我知原來杯玫瑰荔枝梳打都好飲所以下次會試吓☺️☺️☺️☺️☺️

啲薯條脆卜卜，🤪🤪🤪🤪😋😋😋😋出嚟嘅時候熱辣辣😋😋😋😋，非常之抵食😋😋😋😋😋。好新鮮好惹味😋😋😋😋😋，好有薯仔味😋😋😋😋😋，薯仔嘅粗幼度剛剛好😍😍😍😍😍，唔會太幼，亦都唔會太粗，唔會好漏，食到最後都唔會好漏。一定要嗌。蜆肉白酒意粉有啲乾，略嫌冇乜味，但係份量好足，$35大大碟，兩個人除開17.5。真係好抵食，其他意粉都唔貴，兩杯嘢飲就正正常常

(o´罒`o)邁爵斯 M.Y. majesty•小妹真係未見過三十零蚊一大碟意粉(*≧ω≦)邁爵斯都開咗好多年了，咁啱有朋友子講過下又經過附近，就try一try!!•🍝《香蒜白酒蜆肉炒意粉》($35) 7/10講吓個份量先，真係超！大！碟！係出面普通一碟意粉嘅兩三倍(*≧ω≦)！見佢咁平又大份就唔咁執著佢嘅味道了～都有淡淡嘅香蒜味嘅，蜆肉份量同樣好多！不過就唔好期待佢有鮮味同會大大粒(⁎⁍̴̛ᴗ⁍̴̛⁎)意粉軟硬適中，不過略嫌太乾，加上蒜味唔夠，食食吓好似齋哽意粉咁( ･᷄ὢ･᷅ )食唔晒可以打包走喔，不要做大嘥鬼(˶‾᷄ ⁻̫ ‾᷅˵)•🍜《脆炸薯條》($23) 6.5/10薯條份量同樣好多！但整體偏鹹，雖然上菜嗰陣啲薯條仲係熱辣辣，但大部分都淋咗ಥ_ಥ•🥤《凍棉花糖朱古力》($26) 6/10呢杯朱古力好大杯，但朱古力味好淡(＞人＜;)有幾粒棉花糖浮面，不過小妹比較中意細細粒嘅棉花多啲，咁先可以用飲管吸到嚟食(*≧ω≦)•雖然食物質素唔係話好出色，但勝在夠抵食(˶‾᷄ ⁻̫ ‾᷅˵)~•٩(ˊᗜˋ*)و✧*｡📍 邁爵斯 (深水埗) 深水埗福華街15號地舖•💰人均消費：～$50

咁啱大學同學介紹我嚟咗呢一間餐廳 佢哋話好抵食係大啲又平 所以今次同同學仔嚟咗呢邊寫就係深水埗但係近太子地鐵站多啲 咁啱嚟嘅時候大約係6:30鐘好在唔使等位直行直入入到黎見到一個好靚嘅餐牌 係我最鍾意嘅顏色 Tiffany色今次我同同學仔食咗啲哩個香辣海鮮意粉仲叫咗個芝士牛角酥跟薯角個包得啱啱好中間有啲蜜糖 香脆又好食令人食嘢回味 蜜糖香脆叫左兩杯梳打一杯熱情果柚子梳打同埋水蜜桃荔枝梳打 兩杯都唔太甜好好飲好清新 俾個like總括嚟講呢一間真係好好食 而且價錢好平好啱我哋學生一族

呢間就近太子地鐵站嘅西式餐廳、曾經喺中環食過，今次試深水埗呢間味道差唔多。#鴨腿意粉：香草意粉咬感啱啱好，鴨腿略嫌乾身，沙律正常。份量很大。#玫瑰雞翼：好評如潮，當然要試試！果然名不虛傳，煎得好香口，可能色素關係，賣相會黑咗啲，但唔係燶咗。薯蓉一般，可以不吃。#墨西哥卷：上次食過返尋味，脆卜卜！落足料，鴨胸都好味，原本以為多油，但食落唔覺溜。值得再試。#飲品：個人點咗 玫瑰乳酪乳酪，真係有幾朵玫瑰花，香味好出，冰較多要另外整走。比起食物會更滿意飲品。朋友點咗 芒果乳酪特飲，味道佳。😋#整體而言，喊一碟意粉、2份小食，份量夠餵飽3個大人。服務方面，飲水係自助式，畀錢可用八達通消費/現金，環境衛生可以再improve吓。

我係朋友介紹去嘅，初初聽到個價錢同份量都唔信嘅，抱住試吓嘅心情去try下，咁地址都算好搵同就腳，一坐低餐廳環境唔錯，好有西餐嘅feel，地方唔大，但光顧的人多，但上菜速度都快，我同女朋友叫咗兩個意粉都食唔晒要打包，同埋啲意粉配料都好足，同埋個玫瑰雞翼都好有特色，服務方面都好好，叫中見到佢地都忙，但都好友善咁落單介紹返啲菜色特點，呢樣係要贊嘅，野飲都好有特色，有幾款好好嘅選擇，仲有季節限定，總體而言值得一試！

香蒜白酒蜆肉炒意粉大碟到嚇親😱意粉量多蜆肉都唔少意粉唔會太軟身 蒜香味都夠 正常味道~35蚊一個人食都唔貴 依家仲要咁大蝶！🥤水蜜桃荔枝梳打痴線飲品都唔算細杯🥴唔會去到太甜 荔枝味比較重啲 都幾好飲~🥤熱情果柚子梳打 本人麻麻地熱情果😂呢杯就熱情果味重啲~男朋友就話都係我杯水蜜桃荔枝好飲🤣佢用takeaway既膠杯 飲唔曬可以拎走飲~幾年前都食過 依家再食都仲係覺得抵☺️個日下晝去排曬隊呀~好多一家大細去食~

今次黎到深水埗一間西餐廳，因為早食，所以唔洗等太耐就有位，叫左個香辣海鮮意粉，份量大得驚人，一碟份量足夠兩個人食，價錢仲要超級平， 30至40幾蚊一碟，醬汁超級濃郁，每條意粉都好入味，有少少辣，至於海鮮方面有細細粒的蜆肉，同埋魷魚仔，呢個價錢食到海鮮意粉絕對係經濟又實惠之選，窮人因物。因為一開始唔知意粉大到咁誇張，所以加背咗牛角包加薯角連飲品，價錢又係超級平，先四十幾蚊，牛角包薯條份量又係超級多，兩個人食意粉加牛角包薯條根本食唔晒。呢一間餐絕對有下次，非常之啱長期糧尾嘅人食。

邁爵斯M.y Majesty 最出名係平價意粉山 一盤意粉夠你食2餐 大食怪挑戰就岩曬 基本上2個人食一碟就已經夠曬如圖所見 真係成盤意粉堆成小山一樣咁誇張 呢碟係肉醬蜆肉海鮮 大量蜆肉 意粉上有蜆有蠔仔仲有魷魚 個肉醬夠香夠辣好開胃食食下就掃曬成碟,最正就係個汁,夠惹味超滿足超飽落單個陣叫埋份沙律醬日式炸雞 墊底有好多薯仔加埋紫菜粉同沙律醬一定好食夠滋味無骨雞肉咬開仍有肉汁個雞皮夠脆口飲品係梳打 底下有果肉,清爽解油膩 前面食左好大碗意粉!消費$150評分8/10M.Y Majesty (Shum Shui Po)深水埗福華街15號地舖G/F, 15 Fuk Wa Street, Sham Shui Po

呢間餐廳出名嘅就係分量多到嚇親人！一碟意粉可以夠兩個人食，兩個人叫兩碟就一定要打包😂香蒜白酒蜆肉意粉$35，香蒜味濃，面質軟硬適中。香辣海鮮意粉都唔錯，紅醬帶有少少香辣咁。

在3-4个小时前去了这《迈爵斯》的意式西餐厅。在门口挺多人排队，后来店员出派飞仔，等了几分钟就进去了。店里细小，空间不大，坐位有迫。这里是先去购栗，然后上餐及自助去拿刀义、水、杯、碟及调料。因为我是看了网上及开饭网的介绍才走过来试试，点了吞拿鱼牛角包，蓝莓青柠梳打特饮及白酒蚬肉意粉。蓝莓特🍹颜色好（靓）看味道不错，挺好喝的。吞拿鱼牛角包超好吃，热呼呼的，又重酥皮味又软软的，焦糖的味又香又甜，配合上来非常好吃，但缺点是吃不到呑拿鱼的味道就是有点遗憾。但是值得推荐给大家！白酒蚬肉意粉挺大份量，一般人的话最少2个人才吃得完呢，意粉有点干，不像外面的又湿又软，是有口感的，蚬肉挺多的，但味道不足，最我要加很多芝士粉及自己的麻盐，才有点味道，所以只可以说还可以的。最后我见很多人点鸭胸墨西哥卷，所以我可追加了一个。这个卷味道，是热呼呼的，卷饼不是脆口那种，但配了沙拉酱加上里面的椰菜是炒过了，切开后还拉丝的效果，所以吃起来感觉挺好的。总结：牛角包最出色，其次是墨西哥卷，意粉有点一强差人意的感觉，但是追求又便宜低食的话，这间餐厅算是好选择！一

呢間餐廳嘅意粉出名大份夾抵食一直都好想試下 今次終於有機會啦🤩餐廳位置唔算好方便太子站或者深水埗站出都要行8分鐘先到不過都無阻要去試嘅決心！名不虛傳咁大碟！蜆肉份量都唔少份量係一個人食會好飽 但兩個人食就差少少🙈芝士粉本身都落左好多 唔夠都可以去自助區再加～但醬汁略嫌唔太夠 始終麵量好多😛意粉夠爽口彈牙 味道有居家嘅感覺🤣呢個價錢同質素其實cp價相當高！一份有5條 性價比相對較低主要係一條魚糕入面有芝士餡 但唔好期望係拉絲個種😂整體味道不過不失👌🏻————————————————————————總結餐牌選擇相當多 除左意粉仲有捲餅 牛角酥等同朋友黎可以嗌多幾款share試😋主食同意粉係幾抵食嘅 宜家中環都有分店！都可以去試下😉