逸東軒

营业中

休息中

初4 同 女朋友家人食逸東軒總共叫左5樣野食炸子雞皮: 脆身雞: 滑同香熱度: 唔凍, 但唔夠熱評分: 3.5/5燒味雙拼 - 燒肉+叉燒燒肉: 皮太硬, 有燒LONE 感覺肉質: 幾香, 唔會太salty叉燒:好食好好食評分: 因為燒肉 皮硬而扣分 3/5龍蝦E麵小弟本身唔太愛食海鮮 但龍蝦鮮味十足如圖所見, 隻龍蝦係好足料, 好大隻, 而且龍蝦肉唔會腥麵底都好好食評分: 4/5 釀蟹蓋反而呢個比較失色入面有充足蟹肉, 蟹肉一如以往都好鮮但調味方面 比較淡, 芝士同Cream 味唔太夠 味道配搭 未係好完美對比2年前調味, 2年前會比較出色評分: 3/5燸米飯燸米飯唔痴牙好香口入面料都好足評分: 4.5/5桂花糕呢個甜品 解油膩一流唔會太甜, 而且食到陣陣花香味評分: 4.5

大年初一去食午飯，由於網上book枱係30日前開放，所以交好哂日子就book 到枱。講到明90 分鐘要交枱，但係可能疫情又真係未完全完結，其實一轉枱都返唔到。所以都冇趕我哋走。先叫左一輪最基本既點心，蝦餃燒賣牛肉腸义燒腸鳳瓜芋角，講真話有冇邊樣特別，其實就正正常常啦。唯一一提就係煎糯米雞，香脆口感幾得意。之後就叫左出名既义燒例牌，燒腩仔同一窩例湯。义燒係比較突出既。其他又係中規中舉啦。最後上枱係北京片皮鴨，二食做左涼瓜炒鴨片。當然不能同一d專門食片皮鴨既比較，但係都叫做皮脆肉嫩，可以啦。服務十分好，可能因為未有滿座，侍應們都比較鬆動，最重要係佢地既attentive, 值得一讚👍🏻當日係大年初一，有舞獅採青，氣氛好好。

餐廳位於逸東酒店內，因為地庫位置，無海景無高樓大廈景，幸好地方清靜，座位非常舒適，間隔又闊落，相約一大班朋友或親友聚餐的好地方。依家手工點心做緊$38起優惠，不過只限平日供應，限時90分鐘。雖然點心特價，但款式不兒戲。蝦餃、燒賣非常對板，另推介XO醬炒蘿蔔糕，非常惹味。另外仲點了蔥花帶子粒腸粉，非常薄身，值得一試。招牌美點中，香煎黑魚籽栥飯，非常特別，將栥飯煎得香口，內軟外脆其實很吸引。貴價少少，仲有花雕鮑魚、蛋白蝦球，不過＄78件，不過不失，但驚喜就差少少，性價比唔太高。

2017年曾經獲得米芝蓮一星嘅中菜廳記住要book咗先好去啊!雖然係米芝蓮一星⭐️但係呢間餐廳嘅價錢唔算特別貴😽最平$38就有一碟點心🥹餐廳嘅佈置都特別精緻連茶壺都有蠟燭keep住保暖🕯好貼心~帶子蒸燒賣未見過呢款燒賣所以叫咗尼食但係帶子未夠嫩滑😕不如食普通燒賣香煎墨魚籽粢飯比較特別嘅一款點心粢飯煎完之後非常香口😚食落去「ka chi」一聲不過墨魚籽就比較多餘冇添加到任何風味其他點心水平都正常叫咗五碟點心兩個人食已經夠飽呢個價錢有酒店嘅服務舒服嘅餐廳環境同埋唔錯嘅點心其實真係幾抵👍🏼可以再訪！

今年聖誕我哋揀咗食中菜慶祝，平日嘅夜晚嚟到逸東軒，餐廳環境氣氛幾好，枱同枱之間嘅空間都好足夠～值得一讚係店員嘅服務態度都非常好，果然有酒店嘅質素🤗食完前菜四季豆豬肉粒之後，我哋第一個叫咗脆皮片皮雞 (二食) ($628)😌店員首先會俾我哋睇吓成隻雞，打咗卡先，之後就去片喇～雞皮非常之脆身，雞肉都好滑，有幾塊仲痴住啲雞油，勁香口！呢度亦都好貼心，一人上一set配菜，食得非常方便～不過食食吓發現春餅數量比雞多，如果可以平均返就perfect喇😆二食叫咗生菜包雞崧，炒得好乾身，而且味道唔會太重，加埋生菜食可以中和返片皮雞嘅少少膩感😋另外仲叫咗馳名燒味雙輝 - 蜜汁叉燒、脆皮燒腩仔 ($380)😆每款總共有八件，燒腩仔皮酥脆，啲肉亦都有肉汁，但略鹹少少～叉燒大大嚿，加埋蜜汁，半肥瘦好好味😋之後見到一個推介嘅菜式，砂鍋薑蔥爆乳香銀鱈魚 ($288)～本身唔算好期待，但反而呢個係令我哋最有驚喜😳欣賞銀鱈魚切到一小塊，適合一啖食晒😗南乳醬嘅味道較得啱啱好，令到鱈魚嘅外皮有好香嘅南乳味，但咬開就有鱈魚嘅鮮味，肉質亦都好滑～其實食完都已經好飽，但係又好想試吓佢嘅甜品，所以叫咗推介嘅香芒糯米卷 ($58)

逸東軒飲茶一向都好好坐，一家人或者朋友聚餐都係好選擇。今次同姊妹黎飲個茶，食個包慶祝生日！🎂點心都係如常既好食，保持到水準。今次初試壽包，皮薄餡靚最鍾意都係食鮑魚蘇

今晚相約了友入來到佐敦逸東酒店B2樓層的逸東軒晚飯，一試其米芝連星級盛宴。我們對這店連續六年榮獲米芝連一星殊榮的中菜廳當然有一定的期望。$880元一位（須加一服務費）的盛宴共有八度菜，非常豐富。～逸東一品薈萃這前菜已包括了三款特色小食：蜜汁叉燒、話梅車厘茄和酥香元貝。這店招牌蜜汁叉燒燒得恰到好處，邊位微燶，肉質淋滑，蜜汁味道突出，入口甘香。話梅味濃的車厘茄已去皮，入口清甜微酸，頗為醒胃，一試難忘。非常有突式的酥香元貝，有著脆口外皮包著吃起來一絲絲惹味的元貝；炸物底的青瓜片，清新爽脆，與脆口元貝非常配合，口感極多元化。～珊瑚琵琶虎蝦球原隻虎蝦在底，琵琶豆腐在面，這個是較少見的組合，但配合得宜，非常好吃。蝦肉彈牙爽脆，豆腐綿滑，再掛上味美獻汁，令人一試難忘。～松茸響螺婆參燉菜膽響螺甜味突出，海參和螺肉同樣已燉得淋淋的。～毛家肉伴十頭湯鮑十頭湯鮑鮮味十足，煮得淋滑。毛家肉肥瘦分明，一點也不油腻。～金華腿絲蒸斑球斑球肉爽脆，金華腿絲味道稍淡。最愛還是那些吸收了魚精華的豉油薑蔥絲！～蟹肉糯米脆皮乳豬特別的組合，但並不是我杯茶。乳豬尚算脆口，甜醬是亮點。糯米吃起來感覺有點膩，蟹肉有待找尋。～棗茸仙

脆皮逸東烤鴨（二食）配傳統春餅,青瓜,青葱及海鮮醬 $780片皮鴨燒得岩岩好鴨肉唔會鞋/好柴上枱前侍應會貼心咁問洗唔洗影相但味道略嫌有點淡火鴨絲炆米啖啖鴨肉鴨肉味比片皮鴨更濃郁略嫌有少少油七味鮮魷 $138好出色，皮薄餡靚完全唔會有好厚粉嘅感覺，非常好食馳名燒味雙輝-蜜汁叉燒、脆皮燒腩仔 $380叉燒肥瘦均勻，好入味，而且好厚身燒肉脆卜卜，完全唔會燒到好柴，配佢個芥末醬非常之好食。原個馬拉糕 $58馬拉糕略嫌太濕一夾起好易散開不過味道都幾好總結黎講，最滿意嘅係全部餸菜都係熱辣辣咁上枱，而且茶壺會有個細細地嘅火一路坐熱住，所以唔洗驚茶水會攤凍。比較失望嘅係片皮鴨，因為味道偏淡，反而前菜七味鮮魷好令我驚艷，又脆又香口。另外，有睇過其他評價話燒肉嘅豬肉味好差，但我覺得好入味好香脆，無評價所講嘅臭豬肉味，非常之出色。

餐廳位於香港逸東酒店地庫, 欠缺咗氣派海景, 樓底比較低, 但贏在價錢相宜 (同級酒店中菜廳比較), 店內用深色木家俬再加水墨畫, 有中式古典美叫咗茶就有埋前菜同豆瓣醬, 用埋佢蘸蒸嘅點心感覺真係有昇華, 要試!!帶子蒸燒賣 - 燒賣彈牙無豬膻味同過多肥豬肉, 加上嫩滑帶子就更加鮮甜蜂巢海鮮芋角 - 外層非常鬆脆, 內層芋頭蓉非常綿滑, 如果餡料海鮮粒多D就更佳馳名燒味雙輝 - 大餐牌先有, 雙拼指定咗係燒腩同叉燒, 2款都係呢到名菜, 食到豬肉應用有嘅香味, 半肥瘦叉燒非常軟糯, 蜂蜜香甜、邊位焦香無苦味;  燒腩仔同樣出色, 脆皮再鬆化D就無得鼎香煎黑魚子粢飯 - 粢飯煎得超香口, 有D似煲仔飯飯焦, 除咗粢飯面有墨魚籽點綴, 入面都有少少墨魚粒, 略嫌當日煎得比較乾身少咗煙韌 春風得意脆皮腸粉 - 腸粉嫩滑春卷脆口蝦肉彈牙, 跟埋甜醬麻醬, 加埋感覺似炸兩更錦上添花整體食物質素符合預期, 價錢合理, 會想再嚟試試晚市小菜

經朋友介紹就預約週五十二點四十五分時段，用餐時間要一個半鐘頭，我們四人選了十項點心，每款均美味可口其中的小籠包湯汁及肉味鮮甜，金沙豆付的口感及吃後有餘韻，腸粉皮薄晶瑩配上適量的鼓油，有水準的出品。整體上服務水平佳及環境装潢空間寬敞，必然再度重來，下回要試吃招牌义燒

窩夫早前第一次光顧久仰大名的「逸東軒」，餐廳位於香港逸東酒店地庫，電梯入口設於北海街。逸東軒自2017年起榮獲米芝蓮一星榮譽。窩夫喜歡桌與桌之間的距離夠遠。逸東軒平日午市的食客也很多，記得要預早訂位，窩夫當日的入座時間為下午12時45分，另外兩個時段分別為上午11時和下午2時30分。逸東軒的午市點心優惠只限星期一至五(公眾假期除外)，38元的點心最吸引，竟然有蝦餃燒賣。對筍尖鮮蝦餃($38)有點失望，最少有兩隻的皮都穿了。帶子蒸燒賣($38)比平日吃的燒賣多了帶子的鮮味，味道更豐富。叉燒芝麻黃橋燒餅($48)充滿芝麻的香味。春風得意脆皮腸粉($68)比預期細條，春卷皮不夠脆，影響口感。以「逸東」冠名的小籠包($48)，水準應該有保證吧，果然沒有叫人失望，皮夠薄，裡面灌滿湯，值得一試。金沙脆豆腐($68)的表面炸得香脆，入面的豆腐超級嫩滑。

抵食米芝蓮中菜🤩|必食明爐蜜汁叉燒🤤|推薦芝士蟹肉焗釀蟹蓋🦀|逸東軒「你寵愛父母親，我為良朋憐憫，怎算是個好人」逸東軒位於佐敦嘅逸東酒店地下，酒店嘅普慶餐廳出名Buffet款式多元化而聞名，而逸東軒多年榮獲米芝連一星更係品質肯定，而且官網不時都有推出優惠，無論同親朋友好友飲茶或者晚飯小菜都非常高性價比，大時大節慶祝更係一位難求。今次咁啱見官網有晚市優惠就嚟食過返尋味。-馳名燒味雙輝-蜜汁叉燒&脆皮燒腩仔 4.4/5⭐️每次食中菜，叉燒係必點嚟試嘅菜式，咁啱逸東軒嘅叉燒都遠近馳名，燒味雙拼上枱燒腩仔同叉燒都排得好整齊，叉燒色澤亮麗兼且厚切，肥瘦適中不在話中，食落啖啖肉而且入口軟稔兼且有肉味完全唔鞋口，不愧係招牌菜推薦之一。另一邊嘅脆皮燒腩仔切到一口Size方便入口，皮脆肉嫩，調味亦都恰到好處，兩款燒味都非常高質，係每次都必點嘅推薦。-芝士蟹肉焗釀蟹蓋 4.1/5⭐️傳統星級米芝連都會有依道蟹肉焗釀蟹蓋，逸東軒就選擇用芝士焗，蟹蓋上枱金黃帶芝士焦脆，非常吸引，食落理所當然嘅啖啖蟹肉，非常滿足，但略嫌芝士搶咗蟹肉嘅鮮甜味，個人稍稍扣分。-蒜蓉粉絲蒸蟶子皇 3.9/5⭐️蝗子皇用料新鮮，蒜蓉粉絲蒸亦

逸東軒係香港人心目中都係一間比較出名的中菜，果然能夠一直保持米芝蓮一星的稱號，餸菜一直都係水準之中，所以都來訪過好幾次，而且有時晚餐會有額外折扣優惠，非常抵食🤪.脆皮逸東烤鴨(二食) $780片皮鴨色澤光亮外皮香脆，片出黎既肉同皮份量都好足，唯獨是當晚我地既肉同皮是分開上，頓覺視覺效果不夠美觀金沙脆豆腐 $118外脆內滑的炸豆腐，面頭有啲炸蒜同鹹蛋黃粒，不過鹹蛋黃味唔夠出，食落似椒鹽味明爐蜜汁叉燒💓$280鎮店之寶之一必點菜色，叉燒選料半肥瘦，外皮烤得岩岩好小小焦邊肉質嫩腍，味道調味適中不會過甜👍🏻椒鹽九肚魚 $128不太驚喜的味道，但勝在熱辣辣新鮮炸出，所以KEEP到外皮酥脆砂鍋薑蔥爆乳香銀鱈魚💓 $288最愛的餸菜之一，銀鱈魚非常滑溜，外皮經過脆炸然後裹上甜甜的醬汁，上菜的形式用砂鍋更添香氣鴻運脆皮雞 $298/HALF脆皮雞肉鮮嫩，雞皮燒得非常之脆，差小小覺得佢仲脆過片皮鴨，唯獨雞的份量較少，性價比不太高鮑汁瑤柱荷葉飯 $218為咗填飽同行一班大食鬼而order的🤣荷葉飯吸晒荷葉本身的香味，內裡的飯都有經過事先烹調配料都多，飯粒有咬口不會太濕紅棗糕作為完結一個美好晚餐的甜點。

朋友約來，嚟到才知道是米芝蓮星級食肆⭐️茶同水用蠟燭煲住，本身水夠熱，所以茶也熱同滑，真係水滾茶靚😗😙😚而點心方面，即叫即做，碟碟上檯一定熱，流心水晶球堅爆噴出流心👍🏻👍🏻食的時候要小心彈到四圍都係😂🤣芋角近年將近絕跡，在這兒重拾兒時味道，真心好食😋😋菠蘿叉燒包係必試，叉燒多過包😗😉味道唔太甜，醬的稀結度一流🙏🏻🙏🏻特登叫叉燒腸，以為有驚喜，不差、多餸、包滿的腸粉😏😏鳳爪不咸，但不特別，蝦餃皮薄爽口🤗🤗

食物味道ok, 叉燒好好，堂內侍應們招呼也ok, 但堂外門口其中嗰位就莫名其妙，佢話生日要同佢講明要一塊朱古力牌先至得。話說呢間米之蓮星電郵來confirm booking, 含有備住－欄，咁我就填咗happy birthday, 但原來係冇用嘅。去過好多米芝連食肆，只要備註Birthday, 餐廳就會有行動，如係碟上寫上Happy Birthday, 或送上甜品，蛋糕，或壽桃，或小小一句向你祝賀生日快樂。呢間嘢就同我講冇喎，要同佢事先講明要－塊朱古力牌喎。另外進餐時發現有灰塵浮沉於空氣中，感覺不太好。