逸東軒

营业中

休息中

酒店內好少會設有Food court，而逸東酒店Food court 都食過幾次，大部份質素真係唔差，性價比算高。提早慶祝父親節，難得有心特意嚟食米芝蓮一星中菜，預想應該更勝一籌。全部職員服務態度都十分好，每留意每枱客人所需或微少動作，照顧有加。室內位置相隔較遠，每家人都有各自私人空間，舒適寬敞。食物方面 - 花鵰醉雞：特濃花鵰浸煮，雞肉完全吸收酒香，輕微甘苦。食到廚師用心、時間、火候醃煮；貴精不貴多，份量好少。雞皮與脂質份佈偏多，雖然提升滑度，但帶點油膩。名物明爐蜜汁叉燒：燒汁偏甜略帶咸，調味不錯。半肥瘦豬肉理應肉質鬆化嫩滑，但好多筋，好難咬，全家人有老有嫩，好多件切件都咬唔開。叉燒上菜時已經變暖而不是熱，跟預想中米芝蓮得獎菜式應有質素差太遠。鮮蝦百合栗子餃：蝦肉新鮮大隻，份量豐富；栗子天然香甜，與百合混合煮成蓉，爽口與軟綿雙重口感。海鮮芋角：即叫即炸外皮酥脆，上菜相隔10分鐘仍然脆身。內餡包滿香甜芋泥、海鮮粒，足料充實。千層棗皇糕：微甜帶出濃厚紅棗香；每層厚薄均一，軟糯彈牙；外層光面卻不油膩。筍尖鮮蝦餃、逸東小籠包：外皮偏厚身；雖然大蝦仁餡料足夠，味道普通。以價格比較，輸比其他名店

一早已安排了在小朋友考試完結後的周末出外午餐，由於帶同家中長輩，所以選了有廣東點心，並提早book了有米芝蓮榮譽的逸東軒。地點上不算便利，由地鐵站無論是油麻地或佐敦均有一段距離，像我們有不能行走太遠的老人家，一就是小心揀選有停車站在彌敦道鄰近逸東酒店的巴士路線，一就是搭的士。地方不錯，不會像不少中式酒樓用盡空間，枱與枱之間的相距合理，茶具不算特別但也不失優雅。可選擇的點心數目算合理大路，我們一家喜歡的均可在餐牌上找到。我們選了約十款點心，當然包括兒子可一人原本就可吃下一整籠的蝦餃，這𥚃的更皮薄蝦肉爽口，差點下了單的兩籠也被兒子全吃掉！小籠包每隻放在一只匙羹上，方便入面濃味的肉汁流出來時完全接著，略見細心及自信。其他的點心也非常美味，果然名不虛傳！除了點心，我們沒有點出名的片皮雞卻點了叉燒，通常半肥瘦的叉燒帶點肥肉才令肉質鬆化，但可能用上了高質的黑毛豬，找不到一點脂肪的肉卻仍然鬆化入味，我們一家金也給上贊 👍最後點了一個甜點為終結！總括而言，雖然價錢不低，但同時性價比也不低，我們應該會再去吃！

屋企人不嬲都鍾意食中菜。本身食開個幾間。又食到悶。所以諗住試下其他啦。咁岩之前有朋友介紹話呢間好食，見到又係米G蓮。心諗就算食物麻麻應該至少服務好好！話晒都係酒店🫣但我錯了！！！！食物方面，「唔太差」架。但又未至於話「好好味」，只可以話「中上」囉！平心而論，出邊大把地方都做到呢個水準！特別係「叉燒」。龍邦都好食過佢。至於服務方面，酒樓級數。無諗過可以咁差🫣如果你唔介意酒店價錢，酒樓服務。不妨一試。

米芝蓮一星粵菜「逸東軒」帶你走進1920年代上海小酒館，來體驗一頓精致的粵菜。「逸東軒」有着會讓我想念的蜜汁叉燒和荔茸鴨。光顧數次，皆因對叉燒和荔茸鴨念念不忘。明爐蜜汁叉燒 $280🉐叉燒是一味由平民茶餐廳到高級粵菜館都能嚐到美味。從小到大很喜歡叉燒因為很好下飯，遇到好吃的叉燒定會一口接一口，飯添了又添。逸東軒的叉燒亦然，不但做到肉嫩淋多汁，且豬肉肥瘦均勻，蜜汁清甜不過份。真的值得一試！蜂巢荔茸鴨 $288🉐驚喜之選非蜂巢荔茸鴨莫屬。芋蓉鴨是每次見到餐牌上有的必點菜。除了個人很喜歡芋頭外，還因為芋蓉鴨的製作工序煩複，很難在家自家製，值得一點來品嚐廚師的功藝。一上桌首先是眼球的震撼，看得見的酥脆外皮、中間是入口軟棉的荔芋，最後底層是充滿油香的鴨肉，層次分明，做得非常岀色。另外還嚐了幾款菜式，岀品是高質的但這個價位好像又可以有更好的選擇。脆皮片皮雞（二食) 選雞絲炒面 $780🉑砂鍋薑蔥爆乳香銀雪魚 $288🉑榆耳百合爆龍蝦球 $498🉑濃湯節瓜斑球 $680保健老火湯 $118🉑逸東軒的出品無庸置疑是高質的，用料上盛、製作用心、服務有禮、坐位舒適，對得起連續7年米芝蓮一星的美譽，但個人覺

為左慶祝外母大人登陸，老婆大人約埋成家人，齊齊去米芝蓮一星中菜廳——逸東軒食晚飯慶祝。由於我地訂左位，所以即使去到既時候人頭湧湧，我地都好快有位置坐低。揀好心水食物之後，野食都好快上齊。大家都好滿意，一定有下次！味道 5/5花膠鮮杏汁燉白肺 $180本身我就好鍾意飲杏汁豬肺湯，所以毫無懸念咁樣叫咗。個湯好濃郁，但係就係爭咁少少行汁味。推薦！👍🏼金粟生拆蟹肉羹 $180我老婆就飲呢個金寶粟米湯加蟹肉既羹。可能就係因為加左粟米，所以成件事就覺得係金寶粟米湯加蟹肉。馳名燒味雙輝 - 蜜汁叉燒、脆皮燒腩仔 $380蜜汁叉燒係呢度嘅招牌，半肥瘦好好食，又冧又入味，大推！👍🏼👍🏼👍🏼脆皮燒腩仔，可以再鹹少少，塊皮好脆，正！鴻運脆皮雞（半隻） $298碟雞上枱嘅時候，我哋以為淨係嗌咗範例。雖然份量好似少咗啲，但係隻雞好脆、肉好嫩，唔會太肥，正！蜜餞脆鱔 $218真係冇諗到呢碟係蜜餞脆鱔。呢碟餸亦都顛覆咗你對鱔嘅感覺，好脆又好好味，推薦！野菌魚湯浸時蔬 $218呢味菜係用魚湯煮莧菜，好好食。我忍唔住飲晒d魚湯添！砂鍋薑蔥爆乳香銀鱈魚 $288呢味銀鱈魚個樣好似咕嚕肉，連小朋友都好鍾意食！銀鱈魚炸得好脆

逸東軒是一家以粵菜為主的中餐廳，位於繁華的市區中心，有米之蓮一星榮譽，是一個非常受歡迎的餐廳。早前為慶祝父親節，特意訂了枱，因為太多人關係，只安排到下午2:00 後入座。首先，我們點了招牌菜片皮雞。這道菜色擺盤精美，皮脆肉嫩，非常好吃。逸東軒的廚師在燒製片皮雞時，非常講究火候，使得雞皮烤得恰到好處，讓人回味無窮。這道菜是兩食的，我們揀了個炒飯，味道亦非常之不錯，炒得很有鑊氣。燒味方面，點了燒腩仔和叉燒，燒腩仔的皮極脆，非常香口，而叉燒就中規中矩。除此之外，我點了一些點心，但是我對他們的點心並不是很滿意。雖然味道不錯，但欠缺特色，且價格偏高。最後，我要讚逸東軒的泊車安排。由於這家餐廳位於市區中心，停車位非常有限，但他們的泊車安排非常妥當，讓客人可以輕鬆停車，省去了尋找停車位的煩惱。

已經好多年冇去逸東軒飲茶了，太太見到佢地星期一至五的點心做緊特價推廣。於是book 定枱去試試！因為在酒店的中菜點心，應該質素有一定保證！雖然位於地庫內，但環境都很清雅，枱與枱相隔很遠，空間感唔錯，茶味好香，有小爐火暖著！點了5款點心，蝦餃、帶子燒賣、牛肉球、帶子腸粉、菜苖餃。蝦餃味道很好，帶子燒賣的帶子味道有點怪，又唔係變壞，不過唔係帶子應有的鮮甜！牛肉球有驚喜，似兒時的味道👍，帶子腸粉正常，帶子的品種應不同燒賣那種，大隻啲，味道唔錯，菜苖餃菜很甜蝦又新鮮好味。

逸東軒一直是心目中飲茶的理想地點之一，點心精緻好吃，不至於太花巧；除了招牌的幾款點心外，定時都有新款式可轉轉口味。必點的一定是餐廳的招牌明爐蜜汁叉燒。叉燒即叫即切，一上枱時冒著熱氣，外皮焦香帶燶邊（叉燒的精華所在！），油亮油亮的，豬肉呈＂三粒肉＂的半肥瘦狀態，肉質鬆化，入口脂香四溢。蜜汁的調味不會太重，吊出了豬肉本身濃而不膻的肉味。不過這也得視乎當日的運氣，有時叉燒的瘦肉比例較高，半肥瘦的部份就相對少了（雖然瘦肉的部位也是燒得鬆化可口）,下圖是另一次到訪時的叉燒。既然叉燒做得出色，餐廳的叉燒系列點心也不容錯過。酥皮叉燒焗餐包是每次都會點的，酥皮也就是其他酒樓的雪山皮或墨西哥皮。包體鬆軟，酥皮為餐包添了油香，不過餐包的靈魂——叉燒餡才是重點所在。叉燒餡的濃稠調和得恰到好處，當中混和了煮得半溶化狀的洋蔥，甘甜入味。不過逸東軒的餐包也得看當天廚師的手勢，這次的餐包發酵得個頭較大，相對上餡料不夠飽滿，有點可惜。同樣的叉燒餡也會用於合桃叉燒酥中（轉餐牌前是叉燒黃橋燒餅，兩者大同小異，只差在前者在表面加了合桃，後者灑上芝麻）。美中不足的是叉燒酥/ 黃橋燒餅的酥皮常有不能充分起酥的部份，入口較黏牙，

逸東軒由2017年開始已經每年都攞米芝蓮，絕對係質素嘅保證，主打傳統地道粵菜，🖤黑白配⚪️大愛呢間中菜館，除咗覺得佢哋價錢合理之外，就係佢哋嘅食物質素真係好好味😙所以都好鍾意同屋企人過嚟，如果大家一家大細想搵地方食飯，不妨可以考慮逸東軒👍🏻👍🏻明爐蜜汁叉燒 $280叉燒肥瘦均勻食落去唔會好油膩同埋唔會有太多膏恰到好處，個肉質林同埋佢個蜜汁好juicy🤤砂鍋薑蔥爆乳香銀鱈魚🐟 $288銀鱈魚切到細細塊，佢個南乳醬嘅味道啱啱好，食落唔會覺得好濃，肉質亦都好滑 👍🏻大澳蝦膏唐山菜膽 $188呢個菜炒得好有鑊氣！仲要配埋蝦膏食落去好滋味🥹脆皮片皮雞 二食 $628 配雞絲炒麵片皮鴨就食得多，第一次試片皮雞🐔 ，店員首先會俾隻雞你睇，然後就會攞其中一半去片，雞肉食落去好滑，個皮亦都好香脆，不過我哋都係覺得片皮鴨好食啲😂好似感覺match啲😂😂二食我哋揀咗雞絲炒麵，佢呢度嘅炒麵好特別係整成脆餅，然後再俾你攞雞絲同埋香醋撈勻佢嚟食，味道幾特別😆

平時得閒就會同屋企人去茶樓一盅兩件，加上屋企人喜歡食點心，所以自小就喜歡呢種廣東美食，撞正要同屋企人慶祝生日，左搵右搵，最後搵左呢間有名嘅中菜餐廳。餐廳環境光線充足，枱同枱之間都有足夠空間，坐得舒適。用QR code落單，亦都好方便。食品種類幾多，有傳統點心、中餐菜式，粥品、湯等等。點心質素係比起一般酒樓好些少，包裝賣相會好D，但又未算得上特別好食，反而中菜、粥品，味道就唔錯。整體來說，中規中矩，可以一試。

📍逸東軒佐敦彌敦道380號香港逸東酒店B2樓層🌟明爐蜜汁叉燒 $280🌟👍春風得意腸 $78逸東小籠包 $68帶子蒸燒賣 $68千層棗皇糕 $52由於女朋友好鐘意食叉燒，所以一定要黎試吓逸東軒😋餐廳座位好寬落，職員服務都好好🥰女朋友覺得逸東軒既叉燒係目前為止食過最好食🥇叉燒除左肥瘦適中💪🐖叉燒仲好稔，接近入口即溶🤤佢既口味比較清，唔會太鹹太濃味，所以食多幾嚿都唔會膩🥰另外春風得意腸都好好食😋好薄既腸粉皮包住炸両，炸両入面又釀左蝦膠😆一啖咬落去就食到又滑又薄既腸粉🤤香脆既炸両😆同埋好香既蝦膠😋其他點心都唔錯😋我諗鐘意食中菜既朋友都知道逸東軒，可以食到高質既點心同中菜🥰#bunnytummy_九龍#bunnytummy_佐敦#bunnytummy_中菜#bunnytummy_點心#叉燒 #yattungheen#香港foodie #食好西 #香港美食 #hkfoodblogger#hkfoodie #hkig #香港好去處 #拍拖好去處

位於逸東酒店嘅『逸東軒』連續七年榮獲米之蓮一星殊榮今日同朋友聚會有幸品嘗星級中菜💓環境寬闊，座位舒適唯獨餐廳入口有點難找不熟悉酒店的朋友可直接到前台向職員了解😅推介必食菜式【逸東片皮雞】二食 $628片皮鴨食得多片皮雞真係第一次雞皮燒得十分香脆侍應喺旁邊片雞時就巳經聽到撕開雞皮嘅清脆聲好吸引味道都好好雞肉唔會太肥而且一啲都唔鞋好食！二食有三個選擇我哋揀左雞崧炒飯炒食粒粒分明又夠香夠入味【每日精選老火湯 • 赤小豆粉葛煲西施骨】侍應貼心地將湯渣撈起上枱又會按人數在旁分湯湯汁好濃郁不過喜歡粉葛味嘅我有少少失望因為豬肉味太濃幾乎蓋過粉葛、赤小豆嘅味夏日精選菜式【珊瑚玉環蝦球】$328蝦肉夠大隻，口感爽脆配上節瓜環同蟹肉調成嘅汁清新好味👍🏼另外仲叫左份小食【金沙脆豆腐】$118賣相還好趁熱食都有外脆內軟嘅感覺不過就同金沙有少少格格不入兩者完全分離好在豆腐外皮都一些少調味令味道不至於太清淡呢個價錢嚟講實在有點不值🫠甜品都係令人失望嘅位蛋散夠鬆但係就唔夠甜楊枝甘露一望落去巳經同期望不符奶味好重，有少少似溶咗嘅布甸🥲

金錢肚比起出面酒樓嗰啲爽脆好多 食落吾似冰鮮嘅牛肚 好入味有好多舊又大件灌湯餃以為呢個價錢會食到真。灌湯餃 而唔係浸湯餃 情願用料唔需要咁矜貴而真係做到灌湯就正 其他就byebye

逸東軒📍彌敦道380號香港逸東酒店B2樓層餐廳位於逸東酒店地庫位置，地方清靜，座位非常舒適整潔，岩曬一家人family gathering 👨‍👩‍👧‍👦👅8.5/10✨馳名燒味雙輝蜜汁叉燒｜叉燒色澤亮麗兼且厚切，肥瘦肉交錯，少少燶邊，入口極柔軟，恰到好處的叉燒甜，不愧係招牌菜脆皮燒腩仔｜一口Size方便入口，皮脆肉嫩，調味亦都恰到好處✨酥皮叉燒焗餐包 墨西哥酥皮鬆化同時個麵包又好軟熟，同甜甜既叉燒餡好夾帶子蒸燒賣漲卜卜，大大粒，豬肉+蝦肉+帶子=口感鮮味一流荀尖鮮蝦餃蝦餃皮薄亦都夠煙韌，而且蝦餃餡料彈牙飽滿, 不過夾嘅時候都好容易整爛🌓香滑流沙酥外酥內軟，好似食緊流心月餅咁！生炒糯米飯米飯油潤、生熟度掌握得剛剛好，配合臘腸、潤腸嘅油香味真係食唔停口，食得出師傅的細心和耐性💛

連續七年攞米芝蓮一星🌟網上一直都有好多好評同推介，今日終於嚟試吓佢嘅點心🥢用餐時段，分別有三個11點,12點半,2點半(每節90分鐘)入到餐廳，枱與枱之間寬敞，空間感十足，坐得舒服。食物賣相傳統，冇咩打咭位，所以就算得90分鐘其實都夠。春風得意脆皮腸腸粉又薄又滑，包住脆卜卜嘅蝦春卷，口感豐富，加少少豉油已經好好味帶子蒸燒賣平時我唔太鍾意食燒賣，因為覺得好大舊肉同埋好滯，但係呢個燒賣唔會，佢個豬肉比例做得好好，上面加埋帶子嘅鮮味，好good good 鹹水角外面香脆，角皮煙韌，食落唔會覺得油膩，加埋餡料好惹味逸東小籠包小籠包個皮好薄，入面嘅湯汁好多，餐廳亦都好細心，每個小籠包用一個匙羹裝住，唔怕一夾嘅時候就穿咗雲耳拍青瓜冇特別，不過而家天氣咁熱食下都幾refresh 😜雖然環境同食物都冇得打咭，但食物質素同舒適嘅環境絕對令人想再次幫襯♥