軟橋米苔目餐廳 (已搬遷) 新店位置

未入門口就見到張海報，哇！9蚊雞米粉😮，係咁多長者的深水埗區真係可以令好多長者有餐食，抵讚👍🏻黎到食野緊係要試下米苔目啦😆 煙煙靭靭，又帶D米香，每粒都唔大粒，幾岩女仔食，唔洗大口啖。個豬潤真係不得了😍，岩岩好，滑到呢👍🏻，雞肉都正，又香又滑。但係湯底方面，說高估左自己🙈叫左酸辣，辣度十分，出住汗都要食😋。但係真係冇估到咁大碗😮，差D食唔晒。小食方面都幾特別，叫左個Q彈豆腐同脆皮肉餅，豆腐都幾得意，簿簿地，但咬落又真係彈牙😆。肉餅同平時食開的亦唔同，冇咁大塊，食落方便D。大致黎講，食物的質素都唔錯，價錢又唔貴，推薦👍🏻

今日放工, 見悶悶地就自己出去左深水埗睇下電腦野, 亦睇下有冇新game岩自己, 順手偷偷地買番幾隻, 不過唔可以比女友知, 因為會殺死我行到大約7點幾左右經過鴨記, 睇下d檔仔, 但發覺開始餓,  望下我身旁發現一間之前未見過既食店, 我本身對米線麻麻地, 不過見價錢甘平, 就行左埋去睇睇內部裝修都簡約風格, 清晰!!原來個老闆仲要好好人, 用一個好優惠既價錢比老人家可以食到一餐良心店舖咪呢種囉..如果係甘, 我就算唔太鐘意食米線都幫襯下先!!!入到去睇餐牌, 搞錯啊, d野唔貴wo, 良心店鋪, d價錢真係平, 可以拍得住幾年前既價!!日本綠茶可樂 $19見到飲品有幾樣新野, 我又未試過就叫左支綠茶可樂, 飲落去有少少似啤酒味, 唔通係我錯覺?清甜有氣幾得意湯米苔目系列 $35 (2餸1麵) 韮菜餃 + 豬腩片 黎到時見到真係好大碗, 連我呢d食量大既人都覺得大, 真係大件夾抵食豬腩片唔肥, 咬落唔會好韌, 韮菜餃好大隻, 唔知係咪自己包既呢, 多汁料多, 包薄好鬼正!!豬骨湯濃味, 飲唔出味精味, 食完都唔會要係甘飲水!睇番牆邊, 見到都唔少雜誌黎採訪過, 見到有個叫q彈豆腐就忍

當初路過都唔覺有間小店，如果唔係睇過openrice搵深水埗既台式食肆，都會錯過這間。在門口仲有啲猶豫，因為睇落好似好暗，但店員姐姐好有禮貎，入去先發現都幾光猛和乾淨，座位亦唔會太迫。坐低之後，可能係我選擇嗰樣太猶豫，店員主動行埋黎，推薦左食米苔目，店內手工製的台式粉麵，類似銀針粉的物體，但口感比銀針粉黏靱。另外點左一客小食招牌豆腐（招牌總會好食啲）同加左杯台式飲品等上餐既時候，一直聽住店員姐姐好熱情咁招呼客人，又好細心咁用毛巾墊住汽水驚「走位」，又注意冷氣倒汗水會主動抹，上菜又提醒小心熱等等，真係唔畀讚都唔得。米苔目上枱後，剛好我坐在剪報前，對比報導和真實，又唔差得遠，唔知係未錯覺，真實好似仲大碗左啲。湯底鮮辣，飲完唔會口乾，多肉，學台灣人講句「料多實在」，米苔目有口感，無銀針粉一咬就粉爛既感覺，雞肉滑嫰，鴨肉正常，金菇好食，配菜有九菜、椰菜(？)、芽菜之類。小食豆腐一客大約６件，都幾彈牙，有咬感，即叫即製，第一口仲會燙口，唔會太油蜂蜜蘋果茶味道略淡，要配埋底部的果肉物體邊飲邊食其間聽到其他客人點餐，好多人都食豆腐、藥膳雞腳、蓮偶等等，偷偷望過去好似幾吸引，可惜我得一個人，食唔得晒，

這天來到深水埗鴨寮街買電子用品，走著走著看到這間隱藏在攤檔後面的餐廳，心想走了這麼久，肚仔都有點餓了，就在這裡食晚飯吧！長長走廊更添神秘感！Order 左碗招牌米苔目，配料就加雲吞同腩肉米苔目係來自台灣嘅，同我地香港食嘅銀針粉好似！都幾爽口，QQ咁雲吞皮幾薄皮薄、韭菜都幾足料！試埋呢個蒜蓉白泥其實幾正！因為唔係算好食得辣，所以叫左小辣，黎到好睇都唔算好辣。底有粉絲、食一啖肉、再食一啖粉絲，都幾過癮！

星期六又係搵野食嘅時候啦 今日揀左間香港少有得食台灣米苔目嘅餐廳。有晒圖片，可供大家參考。其實我係第一次食米苔目的，佢個樣似銀針粉，但比較幼，食落口感比較軟滑。$35 兩個餸配豬骨湯底，轉湯底加$3，加餸每樣$7。我揀左麻辣，酸菜、鴨肉同埋雲吞。雲吞係韮菜豬肉餡，餡料都幾多，好香韮菜味。鴨肉肉質幾滑，好味！同埋餸嘅份量都幾足花雕醉香豬雙脆， 有豬脷同埋豬耳，食落有淡淡花雕味，清淡得黎又幾好味喎！ 豬耳好脆，豬脷其實有點似牛脷。Q彈豆腐。真係名乎其實QQ的，口感同味道有點似魚腐，好少有得食，我幾鐘意姐姐會問加唔加辣，我要小辣，多左一份香味涼拌皮蛋，呢碟唔辣但好惹味！！蒜泥白肉，我叫左小辣。有少少粉絲係底，肉幾入味，肥瘦適中！最後叫多個醋茄，醋唔會太重味，提到蕃茄味之餘又唔會酸，幾清新食到臨尾先見到麻薯即刻叫件試下雙色嘅皮幾吸引，入面係忌廉，有少少菠蘿味同紅豆味！同香港嘅糯米糍完全唔同姐姐話想食就一早落單時叫埋，咁食完主食就岩岩好攤番暖啦，皮會Q軟d 飲品叫左兩枝好特別嘅日本汽水，櫻花味同綠茶味，好靚呀個樽味道係可樂咁，加少少綠茶/櫻花味，幾好飲！呢間店嘅姐姐好好人，佢會介紹下d食物係點嘅

今日約咗朋友去鴨寮街行街，買下野。買嘢之前梗係要食飽左先一出深水埗地鐵站，行前少少就見到呢一間台式餐廳。我同朋友一入到去之後，店員就好熱情咁招呼我哋，帶我地埋位坐。又主動介紹啲餐廳主打嘅食物俾我哋，佢哋話呢到時米苔係每日人手整，其實以前我都未食過，唔知係咩來，店員都有同我地形容一下係咩質感香港人鍾意試新野， 冬陰公湯底、泡菜、喇沙湯底等等好少餐廳會咁用心製作唔同嘅湯底。呢間餐廳比我嘅印象，係用心製作涼拌皮蛋，店員有預先問我地食唔食辣，我哋要左少少辣。皮蛋好香，層次豐富，我鍾意咬完一啖皮蛋，剩返果一啖加埋啲米苔一齊食鴨肉韭菜餃墨魚丸 ，鴨肉唔鞋好滑，而且食得出係醃過，唔係求其放d肉落去霎就算墨魚丸，冇雪藏味，有咬口，唔會好林韭菜餃，皮薄，韭菜同肉兩者嘅味唔會互搶鴨肉豬腩肉，豬腩肉唔會好肥，亦唔會好韌米苔係一個點既口感呢.. 由於係每日人手做，每一條嘅粗幼都唔一樣，質感係以前從來都未試過。有咬口嘅，但係唔係米線嗰一種，係咬多幾啖會林上面呢兩碗都係豬骨湯底，豬骨味濃，冇味精味，但係完全唔需要再落其他調味料。而且仲會有好多菜喺裏面，保證食得健康每樣嘢食，都會有相片提供，方便食客看圖揀食物食到好

中學時代最愛過來深水埗鴨寮街閒逛，這次過來買電器用品，朋友說這裡有一家很有台灣味道的小店，就跟他過來試試台灣東西我最愛哦！一入到店裡，店子不大，但是很乾淨舒服，店員叫我們隨便坐哪裡都可以，我同朋友坐了一張2人台，就開始下單～店子雖小，選擇的東西也蠻多的，而且非常平民價！好似回到學生時代呢！朋友試了米粉，配沙爹湯底，叫了墨魚丸和韭菜餃子。他說米粉很軟，有點像台灣吃的那些一樣，而且沙爹湯底不會太辣，夠味而且不會太咸。墨魚丸彈牙，用的是貴價料，而且韭菜餃都好好吃～我試了這裡的招牌米苔目，也是配沙爹湯底，叫了鮑片和韭菜餃子。米苔目好特別，好像烏冬，但是是一節節的烏冬不用怎麼咬就可以放進口，吃起來很方便～鮑片很鮮，下次可以再試試其他配料～我們兩個人再叫了一個涼拌蓮藕share吃，這個真的很有台灣的味道！和我在台中吃的涼拌味道一模一樣！而且辣度適中，可以叫不同程度的辣，我叫了一杯豆漿，兩個人埋單也不超過$100，便宜過吃譚乜乜下次要試試其他辣的小食呢！

捐窿捐罅搵野食。。。。今日去佐深水埗行街shopping 深水埗算系一個舊式既社區，但當中有二手電器買賣及新科技產品。概括深水埗都可以搵到平貨買。至於食邊方面 林林種種既餐廳都各有不同 但今日試佐呢間鋪面雖然唔大 但充滿人情味既餐廳。。一坐底就睇下有咩好 但簡黎簡去都簡唔到 (因為太多野都想試)唯有問店員呀姨有咩好推介 佢就推介佐鴨肉，韭菜水餃，墨丸。。。。至於面底就推介佐米苔目所謂既米苔目就類似狗仔粉同銀針粉 細細條 配埋濃湯豬骨湯 真系無得頂鴨肉雖然無咩色水 但味道好出 唔太林又唔太硬小食方面就叫佐個招牌Q版豆腐第一啖感覺好奇怪 完全唔同平時食開既豆腐 因為佢真系好彈呀除佐彈之如仲好香豆腐味 最後仲有個小食就系蒜泥白肉 聞到好香既蒜味同麻辣味肉質好嫰 白肉加大量蒜泥一齊食今晚既晚餐非常滿意，因本著隨便食飽既心態去搵食 點知搵到間好好食既餐廳 離開時見到門口有個post系9蚊雞長者優惠 可想而之 米苔目餐廳系本著人情味良心餐廳無論品質定服務都一讚 店員有禮 見你熱就會問你需要轉枱嗎 隔離台涼d呀 。。。現在香港仲有幾多間呢類型既食肆呢

話說今日同囡囡去深水步點知變左陪佢掃貨，行到咁上下見到哩間店名幾特別，因為讀左幾次都讀錯米苔目，目苔米，目米苔上Openrice睇下都好多人食喎，咁就去試下啦，一坐低人唔大多，冷氣都係剛好菜單得2張卡3版紙，牆上貼左各個菜樣，望到已經想每樣一碟試下，唯胃口有限倆個人一人叫左個'米苔目'配佢原湯底，一份白肉同招牌豆腐，首先'米苔目'唔只店名重係一種近似狗仔粉既麵食，同佢個湯一齊食清清地但又夠豬骨湯既味，加上佢既雞肉薄切好配合到成碗粉，而啲墨丸都真係墨丸黎而佢個豆腐係好特別，口感有啲似豆乾煎香入面比魚腐更軟，只能說去到無得唔試最後既白肉味道係辣味重了點，有啲同食開唔同但配合米苔目食又多一種風味，所以用小食汁配米苔目都值得一值PS：佢既服務員態度好好，即使佢有少少錯漏睇在佢對工作既熱誠對客人既態度，都係唔會捨得話佢

先去店面買一個飯一個米線 飯唔好吃米線ok 再打電話叫外賣 過了四十五分鐘未到（同一條街）打打電話去問 係未煮但冇打電話同我講 ！果斷取消單 ！ 需改進！...........

這個晚上下班之後，獨自在鴨寮街那邊走走，順路幫朋友到黃金買了些電子產品，差不多七點的時候有點餓，決定在附近搜羅美食。深水埗的平民美食一向不少，價錢便宜的不難找到，平靚正的則需要花點時間尋覓。走到一半碰巧讓我看見這家小店，「米苔目」我還真是第一次見到這個名字的食物，因此我一個人決定坐下一試。店內環境非常乾淨，盡管深水埗給人的印像是龍蛇混雜，但店內的環境真的是截然不同。環境有舒服的感覺，讓人吃得安心。由於只有一個人的關係，我點了一個鴨肉豬潤米苔目(沙嗲湯)，味道特別，鴨肉清淡沒有鴨騷味，口感不錯；豬潤入口即溶，讓人想一試再試；至於主打米苔目的口感真的很特別，查看餐牌才知道原來米苔目是台灣特式美食，這種風味的食物柔軟彈牙，像彈牙的米線，又像糕狀類，真的非常特別，我更聽到老闆說這個是日日新鮮手打的！我另外點了一杯飲品，蜂蜜柚子茶，味道不甜剛剛好，為口乾的我帶了倍感滋潤，我喜歡這種剛剛好的甜，重點是價錢真的非常便宜，極度推介！總括而言，環境、食物、服務都還可以，重點是價錢真的便宜，我一定會再回來顧的！

太耐冇去台灣，係要搵d台灣野食黎止下癮！熱辣辣好想飲汽水，見到有咁特別既櫻花汽水，即刻要叫一枝，由外表粉紅色到味道麵好櫻花，唔好櫻花既我，都覺得佢好飲又特別！另外仲有抹茶版，下次試埋佢！先黎個鴨記冬粉湯，鴨肉好滑又有鴨香同爽口，咪睇個湯好似好清咁，但好香鴨肉味道！再黎個喇沙湯底既米苔目，好成功fusion口味！食完呢兩碗野令我更加掛住台灣！黎兩個小食，豆腐爽口，煙un有口感，加上少少調味，令人唔想停口呀！脆皮肉餅，肉感有d似扎肉，不過外皮煙un!

放工去了深水步買東西， 經過鴨寮街， 發現這隱世小店， 因平時這裡全部都是電器店， 朋友形容這就是鬧市中的清泉..haha店內沒有特色的擺設， 也沒有獨特的裝潢，只是一間簡簡單單的小店， 但店員非常友善， 還介紹餐牌上的菜式給我們老實說， 我是未曾吃過米苔目的， 都係第一次聽， 店員說有點像銀針粉及狗仔粉， 好奇的決心要品嚐此招牌米苔目！平民的價錢， 好抵食！！湯底有多款供客人選擇， 我先選了一個方魚肉碎湯底， 要牛肉， 雞肉， 因這個比較清淡， 岩哂比囡囡吃， 囡囡一向都挑食， 但對這米苔目非常欣賞喜愛， 還急不及待的要添食另一碗點了豬肉 餃子米苔目， 麻辣小辣， 一向無辣不歡一定要試下這個湯底， 個人認為小辣不夠喉， 下次要試大辣小食有我最愛的蒜尼白肉， 賣相吸引， 肉質鮮嫩， 肥瘦適中， 麻辣加上蒜香很開胃呢店員推介麻辣豬潤絕對值得一試， 豬潤非常新鮮， 口感比較彈牙， 如果不新鮮的肉質會"鞋", 所以一試便知龍與鳳。。 如果有機會再去深水涉可以來光顧這小店， 因為還有其他湯底未試過，haha

深水埗一帶一向美食如雲，這個晚上下班後在附近挺挺，意外地發現了這家吃米苔目的餐廳(類似茶記)。雖然深水埗的衛生環境真的非常麻麻，但這家小店的內在環境卻意外地整潔，令人不會覺得坐著非常不舒服。餐牌總共有幾份，主要是吃小食和米苔目的，不得不提的是這家小店有大量非常吸引的小食，雖然這個晚上我和朋友兩個人進餐，但我也堅持多點一兩個小吃哈哈。豬潤鴨肉沙嗲湯米苔目 ($38)先來的是主打招牌米苔目，沙嗲湯非常濃味，豬潤滑鴨肉味突出，米苔目的口感非常特別，有點像更彈牙既米線糕，非常特別，值得一試！秘製豬大腸 ($28)豬大腸洗得非常乾淨，絕無任何污垢，入口口感特別，滷水汁剛好，如果喜歡豬大腸的人一定要試！軟橋招牌Q彈豆腐 ($19)Q彈豆腐這個名字吸引到我的注目，所以決定一試。口感非常特別，第一次吃到這種口感的豆腐 ，真的很Q彈，內裡的質感非常薄。蒜泥白肉 ($38)蒜泥白肉，可選擇辣或不辣，不愛辣的我也選舉了小辣。味道不錯醋味濃，醬汁味道還可以，吃的時候有種感覺是好像在吃蒜蓉蒸帶子，原因是白肉下面放了粉絲，非常不錯。蜂蜜生薑檸檬茶 ($10)價錢非常實謂的飲品，味道不錯，薑味道不重又解口乾。

今日去深水埗整電話，整完就係呢頭順手食飯，比我搵到深水埗呢間零負評的小店價錢又平，所以就黎試下！我以為係普通食米線的餐廳，不過坐低阿姐就熱情向我們介紹，原來米苔目係一種類似銀針粉的東西，日日新鮮手製，咁就當然黎到就試下新野啦～另外餐廳周圍貼左好多小食嘅相超級吸引！所以就點左兩款試下。真係勁多款小食點了藥膳雞腳，是夜已經是last果兩碗！絕對是手快有手慢無～ 個湯是好香濃的藥膳味，媽媽煲湯的風味，正。個雞腳煲到超級無敵淋，一咬即化，非常入味，點少少豉油仲正呢個是招牌Q彈豆腐，外脆內煙韌有勁，是喜歡香口野的me 必點的小食食完小食就整左支櫻花可樂，粉紅色好靚阿 飲落就是係可樂的味道～但非常得意！主角來了～呢個是三餸喇沙湯底，有雲吞海帶和墨丸，好巨大一碗，湯底仲有豆卜送。一上枱就聞到好香椰香～不過都有少少辣架。四十幾蚊咁多料真係良心小店！！全部真材實料米苔目的樣子～～咬下去好Q好軟，的確不錯，絕對是吃米線以外的選擇。呢個是朋友點的，淨係試左個麻辣湯底一啖好惹味。一試成主顧，呢到價錢非常抵食！有多選小食揀，質素比岀面連鎖店有過之而無不及，店內啲姐姐服務超級親切，又會主動介紹食物，態度又好好好好