軟橋米苔目餐廳 (已搬遷) 新店位置

位於鴨寮街一旁，新開左一間米粉小店，鋪位屬於長形，都坐到幾多食客，平日的晚上人潮唔多，一於同朋友試下！原來呢度唔係食米粉亦唔係米線！似銀針粉一般既「米苔目」，經過一番改良之後，可配搭唔同湯底同配料，價錢亦係好公道。我地分別叫左麻辣湯底、蕃茄湯底同喇沙湯底試下，發現蕃茄湯底同「米苔目」最夾！米苔目軟糯煙韌口感食落好踏實，係飽肚之選！順帶一提，老闆好有愛心推出$9雞米粉比老友記，如果有長者朋友附近住，可以推薦佢地試下！湯米台目($35+2餸) 唔睇佢介紹真係唔知米台目係咩，原來係台灣美食，手打麵！佢既外型有啲似狗仔粉，但米台目好食十幾廿倍！口感煙煙韌韌甘，爽得黎有啲咬口，唔係好粗，但又唔會好似米線甘幼同易斷。蕃茄湯底，好香蕃茄味，唔咸，食完無好想飲水，應該無味精！涼拌皮蛋（少辣，味道剛好，皮蛋亦見有冰花狀）（$16）一板手寫廣告“長者咭-九蚊雞米粉”的廣告十分當眼，小店相當有心！

呢間在深水埗的小店，賣的是台灣米苔目及湯麵，店家很熱情，知道我未食過就向我介紹一下。點了佢話最受歡迎的方魚肉碎湯、自家製餃子及豬潤。米苔目是他們自家製的，像細版的銀針粉，夾住湯來吃，很開胃，豬潤切得薄薄的，很粉很好味，韮菜餃子也不錯，但我覺得味道濃了點。這裡的米苔目是限量供應的，有多款湯底選擇，配料亦是任選的。隨了米苔目，這裡還有多款湯麵及小食，價錢均十分實惠。今次一個人去，吃不到太多菜式，下次再去試試他的Q彈豆腐。

放假去深水埗尋寶 行左半日買完野見餓就開始覓食。 見到呢間以米苔目做招牌的台式麵鋪，對麵線及熱湯毫無招架力的我決定一試。餸菜配搭款式選擇算多，湯底跟豬骨湯（可以改配酸辣，麻辣，沙嗲，蕃茄湯底）亦有不少小食種類，最後叫咗一碗雙拼墨丸韭菜餃酸辣湯底米苔目。樓面乾淨企理，光線充足，價錢親民，用料足，酸辣湯底夠酸夠辣，米苔目形狀似銀針粉但食落似米線好味而且特別適合我呢種平時食米線會彈到周圍都係嘅人😂😂😂絕對可以再返嚟食，希望下次可以試吓啲小食。

在深水埗閒逛等老公收工時，發現這隱世食店~沒想到在電器手機產品店之間有食店呢~被門口的食物相吸引，就進去試試~環境:5-6pm這時間店的人流不多... 這也正常吧... 那有很多人在這時間吃晚餐~ 哈哈~店是長方形的, 有方形2人枱, 4-5人圓餐枱和面牆枱~ 在門外時，已很在意.... 為什麼餐廳叫是「米苔目」?看上去感覺是很台灣的名字~ 難道這是台式餐廳?看了餐廳的雜誌介紹，原來真的是台式食物~「米苔目」是由粘米粉搓成，外表有點似香港食開的銀針粉~ 叫了兩碗兩餸米苔目+小食~^^店姐姐大力推介豬潤+雲吞+餃, 指自家製, 一定要試試~ 就即管試試啦! 韮菜餃+豬腩肉 鮮茄湯底 米苔目$35+$3湯底:個湯底真係好正呀~!! 超濃的蕃茄湯~ 落足料~!又香濃又新鮮~ 最後我飲了大半碗湯~~ 韮菜餃足饀, 腩肉薄切爽口~米苔目看上去比銀針粉的幼和小, 口感QQ的, 有點煙韌, 很特別~牛肉+豬潤 方魚肉碎湯底 米苔目$35+$3湯底:我和老公不太嗜豬潤, 但吃了這個感覺還不錯呢, 薄薄的, 粉嫩不黏口~牛肉也很爽口, 份量不少~特別喜歡魚湯底~ 很清~很鮮甜~ 很有足料熬出來的媽媽湯水

同朋友行開深水埗，去左呢間軟橋米苔目餐廳食野，餐廳雖小，但幾潔淨整齊，午餐時間幾多人客，侍應都有禮周到，即刻幫我地搵左二人座位，仲介紹我地餐廳嘅招牌湯米苔目。我同朋友都好好奇咩係米苔目，原來米苔目係台語譯音，係一種台灣食品，幾特別，都係第一次聽。叫左雲吞同韮菜餃豬骨湯底米苔目，都幾大碗，雲吞肉餡鮮味，韮菜餃好大隻，韮菜餡夠味，豬骨湯底好鮮甜，仲有幾多配菜，米苔目好似細細條嘅短米線咁，滑得黎幾彈牙，連湯一齊食好正！蒜泥白肉，師傅排得好靚，賣相唔錯，肉片厚薄適中，半肥瘦肉，肉質爽嫩鮮美，叫左小辣，蒜香味加小小麻辣，好惹味！蜂蜜紅蔘生薑茶，蜂蜜滋潤，紅蔘甘甜唔苦，生薑味唔會太濃，我叫嘅係凍飲，冰冰涼涼，幾好飲！食物、環境、服務各樣都幾好，價錢平，會再黎幫襯！

去深水埗買電視天線，行到又攰又餓，見到呢間叫軟橋米苔目餐廳，個名幾得意，店入面貼左d報導，睇落平平冇奇嘅食店，原來上過唔少報章雜誌，難怪舖仔細細，但咁好生意。睇左食店餐牌介紹，米苔目其實係一種台灣美食，我都係第一次聽，真係要試下。湯米苔目系列有好多唔同配菜揀，我就揀左生菜同雲吞，至於湯底亦都有好多選擇，有冬陰公、沙嗲、酸辣、泡菜、鮮茄等湯底，我揀左酸辣湯底，可以選大、中、小辣，唔係特別食得辣嘅我，當然要小辣就好。好快我碗生菜、雲吞酸辣湯米苔目就送到，滿滿一大碗，除左生菜之外，仲有好多配菜，雲吞皮薄餡靚，原來米苔目係有d似銀針粉咁，但比銀針粉更軟身更細條，食落口感軟滑彈牙，就住d湯黎食，幾易入口，特別呢排天氣悶熱，冇乜胃口時食啱哂，酸辣湯底酸酸辣辣好惹味，小辣對我黎講剛剛好。我仲叫左小食-手拍青瓜，青瓜落左醋、蒜蓉、芝麻等材料，青瓜食落爽脆，口感清涼，亦都係非常適合天熱時食嘅開胃小食。見到食店有多款蜂蜜飲品，我叫左杯蜂蜜西柚茶，柚子茶就聽得多，蜂蜜西柚茶好似好少見，蜂蜜潤喉，西柚潤肺，所以叫黎試下，蜂蜜唔會太甜，加上淡淡西柚味，冰涼解熱，食完辣辣地嘅酸辣湯米苔目，飲番啖蜂蜜西柚茶真係好正

因為放假，所以就上openrice周圍搵野食，見到勁多好評就決定試下。我太鐘意食辣，所以要左碗鴨肉腩肉米苔目配中麻辣。首先個湯底同平時譚仔果啲完全係兩碼子既事，哩個湯底飲落口係勁順，個麻味係慢慢再走出嚟，完全唔係得個嗆辣味，不過叫大辣應該會爽啲。鴨肉好少米線店做配料，唔錯，腩肉係好爽口，厚度剛好，好味有心製作！而個米苔目就好似狗仔粉咁，不過就彈牙好多，非常飽肚。小食個煎豆腐都可以，有啲似玉子豆腐再係個面度灑啲七味粉。而藥膳雞腳食得出真材實料，湯頭好甜，時間又控制得不錯，雞腳唔會煲到甩皮甩骨，真係連湯都可以飲晒呀！

門口見到《新鮮味道，在軟橋吃得到》，幾廿蚊，就試試有幾鮮！老闆（應該係，因為好好客）向我同朋友推介豬潤，我點了豬潤加木耳，木耳以絲碎上，湯底是鮮蕃茄！果真無介紹錯！豬潤煮得好滑！煮熟程度剛剛好，掌握得好才有咁滑咁鮮既味道！一點都唔腥！大大塊！鮮茄用料充足！呢到只係少部分蕃茄抗氧蕃茄加補血豬潤，成件事好健康😆跟朋友一起食既好處就係開心share 食物! 偷左佢粒墨魚丸，好正，係台式個隻墨丸，不是粉雷雷個種！2人一份小食，份量剛剛好！招牌豆腐，入口qq彈彈，加埋面既調味，咸咸地似椒鹽，用黎送酒應該好正，即刻好想啤啤佢！扁身的，食落真係唔似豆腐，因為彈牙的！好好食！果然是招牌菜！有波子汽水！$12 枝咋！2人晚餐，一百蚊落樓，食得開心原來不用高消費

去看Art Basel，结束后肚子好饿，于是决定回家不煮了，出街食。老公找到這家台灣菜，94likes，於是就打算去試一試。店裡很乾淨，老闆娘非常親切。蒜泥白肉好吃到爆，佩服老闆的刀工，肉質鮮嫩，麻辣適中。滴水直流。豬潤米線，豬潤非常新鮮，非常嫩。鴨肉豬腩軟橋也非常好吃，鴨肉有酒香，店家一定是做了非常多的工序。藥膳雞爪，裡面有當歸桂圓肉枸杞等藥材，重料內呢老闆把食物端上來還面帶笑容。用心做美食的店家，下次再來～

和男友逛深水埗，中場休息，走到餐廳用膳，一於帶他一試軟橋米苔目。餐廳一如以往的光猛明澄，只是門口較小，容易錯過。即使周末傍晚也未有人流如鯽之況，還望餐廳能在高租金營商環境下守著這盤生意吧。除了米苔目以外，餐廳還有供應其他粉麵；既然以米苔目作主打，還是來一碗吧。這次所選的配料是雲吞及冬菇，就是想吃得健康一點。雲吞不算很大，但用料十足，滿滿一口的感覺很實在。冬菇是原塊三隻，是個人偏好冬菇香味，當然吃得滿足。餐廳建議用筷子夾米苔目到匙羹中，再逐啖享受其彈牙口感，但冰更喜歡直接用匙羹，因米苔目短小精桿，不用筷子問題也不大。餐飲有新搞作，也就加HKD8來一杯滋補飲料。蜂蜜紅參生薑茶由真材實料的薑絲煮開，但不會過辣，容易入口，蜂蜜令其感覺更為滋潤，也有助舒緩喉嚨乾涸，然而紅參味道則未夠突出。是餐埋單HKD43，經濟實惠！

臨做運動前肚空空，心想鴨寮街只好走到食腸粉，恰巧看到牆上的大大黑色招牌” 軟橋米苔目餐廳”心想一定又是米線之類食店。原來是另一特色食品。店內光線充足，環境清潔。由於價格大眾化，因此並沒有考究是甚麼特色粉麵，只是他的名字”米苔目”令我想試試究竟。或許是傳統港式食法所影響，相信”軟橋米苔目餐廳”因應香港人口味引進了香港車仔麵的自選形式，一個價錢自選湯底及菜色。由於希望試試甚麼是”米苔目”，因此選了清湯配米苔目配以韮菜餃及香菇貢丸。不到五分鐘，新鮮即制的米苔目上到，色彩配合鮮美，原來”米苔目”就好像一小段一小段米線似的小粉，言而吃下口感卻遠比想像很有分別。小段的念念口感，軟軟的容易入口，相信老友記及小朋友都絕對合適。而韮菜餃及香菇貢丸是極值得加分的地方，全因兩者都是自家制作。韮菜餃餡料十足，菜與肉比例剛好，韮菜餃外皮薄而富有口感。另一方面，香菇貢丸香味十足，而且口感彈牙非常，這絕對可說是食過香菇貢丸中差不多最好之列，絕對值得是必食之選。飲品方面選了”蜂蜜生薑茶”， 相對而言蜂蜜生薑茶屬水準之作，真材實料的薑絲在茶水中混和在一起，甜度與辣度剛好，天冷暖身極為不二選擇。

上星期同朋友去深水埗高登睇電腦，行完肚餓就當然要醫肚啦，朋友推介去鴨寮街附近食米苔目呢！甚麼是米苔目呢？店方介紹米苔目是一種台式粉，外表與平常食到的銀針粉及狗仔粉相似，口感卻比銀針粉煙韌彈牙，而且充滿米香！米苔目算是比較冷門的食物吧？小弟之前從未聽過，但原來都有報紙雜誌介紹過呢！😆類似坊間的米線店一樣，自選兩餸再加麵底，只需35元還算抵食呢！還可以加其他小食飲品！😬😬小弟點了腩肉墨丸米線，因為米苔目賣光了未能一試，有點可惜呢！幸好米線一樣好吃，配豬骨湯底亦很清甜，墨丸大粒彈牙，腩肉爽脆可口，比「大哥」連鎖店還好食呢！👍🏻👍🏻平時吃到的豬大腸通常都是炸的，今次店方製造的是鹵水豬大腸，另一種也是好滋味！用鹵水製作不會太油膩，而且入味又不會太咸，但是吃入口就是啖肥膏脂肪呢，果真邪惡😈😈值得一讚是樓面的姐姐很有禮貌，有介紹我們甚麼好吃，又在我們不小心倒瀉汽水的時候，馬上拿濕布抹乾淨，又給我們紙巾清理，十分滿意的服務呢！😊😊

深水埗一帶一向好容易搵到平靚正野食，所以米缐及cafe 開到成行成市。我今次想搵些新穎野食係我從來未食過，最後與朋友去了一間小店「軟橋米苔目餐廳」。位於鴨寮街旁邊街道，坐落於數間影音電器舖隔離。鴨寮街除了可以買到平價電器仲可以搵到穩世食店。餐廳除了有米苔目外仲有其他麵食選擇，但個人來說有心來一定試招牌最終點了二個小食：1）秘製豬大腸 2）涼拌雲耳豬大腸本身夠肥美，滷得入味又㵉。配上蔥花令豬大腸更香。涼拌雲耳係我同行者好like,夠爽口再配上麻辣汁，正。店內共有14款小食任勻選擇，價錢大眾化至$14-38。三五自己可以一齊開心share。我叫小辣，所以麻辣油份量不多。我個人認為已經足夠，會越食越辣。米苔目様子肥嘟嘟，貌以銀針粉，小店以人手用米漿整成。本身無味再混合你選擇嘅湯底，一羹一羮放進嘴裏，所以湯底好直接影響他好食與否。湯入面混合菜絲令texture更豐富，值得一試朋友叫了另一湯底就是方魚肉碎湯底，她都讃湯底做得不錯有香濃魚味,而且夠大碗，一定夠飽。以三十五元二餸來説，經濟實惠。臨走時老板都派單張比我了解一下米苔目出處，如果鍾意食歡迎再次光臨。我相信我下次會再光顧。🤗

I was running some errands at Cheung Sha Wan government office near Sham Shui Po MTR. After i was done, I walked back to Sham Shui Po to see if there were any good food for me to explore. I walked along Apliu Street, which was known for those second hand items. I happened to walk past this little eatery and was attracted by their signboards outside.  They claim that for they provide elders with just $9 for their chicken noodles and is only valid from 2pm to 6pm. Since they were doing something m

深水埗，相信你我也不陌生走進橫街離巷也有各式各樣的食肆選擇今日，我們不吃米線，不吃狗仔粉，就是吃米苔目米苔目，台灣特色粉面之類...不只是你，我也第一次聽，第一次食接過單張後，抱著一試的心態到來店舖有名的菜式也挺多，鴨肉、豆腐、滷大腸、豬潤....花多眼亂就來一碗 豬潤木耳米苔目，湯底就選了方魚肉碎端上一碗熱騰騰的米苔目，碗中餸菜滿滿的，價錢也相當相宜米苔目的模樣原來是相似銀針粉，但比銀針粉幼細，色澤如米線般雪白因為手打的關係，米苔目比普通粉面更彈牙，口感更煙韌條條也辛苦打成，得來不易用湯匙勺上米苔目連湯和方魚肉碎食，那鮮味真的令你眼前一亮你會覺得表面平凡，沒有華麗的修飾，但入口的滋味已令人印象深刻方魚肉碎不但彈牙，魚湯湯底不油，也非常鮮甜米苔目本身沒什麼味道，但卻因湯底調配下生色不少，入口鮮甜，口感彈牙帶煙韌，平凡驚覺美味豬潤是推介之一，豬潤新鮮彈牙，入口味道濃郁小食，招牌Q彈豆腐真的要推介Q彈豆腐輕炸處理，表面脆口，入口口感比平日的豆腐更彈牙，認真是Q彈!味道帶些微辣味，令人更覺惹味，予人台灣地道的感覺餐廳很可愛，竟然有波子汽水售賣，菠蘿味的波子汽水，價錢不貴 - $12，跟外面的