車品品小食 (已結業)

已一段時間無去,老闆娘依舊的熱情,依舊的誠懇,不過見老闆娘瘦了許多,佢話因為只有她和一個阿姐做,又係,因為眼見實在太多客,做到老闆娘傻吓傻吓!先嚟個上湯碗仔翅$14,幾大碗,料很夠,花菇亦很好味,不會大"杰".叫咗個魯肉餃虾籽皇湯麵$34,湯底很清,魯肉味道很夠,虾籽亦很好味.撈一丁$19,一丁麵加上碗仔翅,頗好味.甜品是舊茶樓焗西米布甸$25,即叫即焗,個皮做得很煙靱,西米亦很夠,亦不會太甜.希望老闆娘快啲請到人,唔係除咗做到老闆娘好辛苦之外,亦會令客人等得太耐,老闆娘加油!

見車品品咁多笑面就特往大角咀一試, 地點不算易找, 在金船長隔隣街, 力奇火煱店附近,當晚客人不多, 全店祗有 3 個客, 因和朋友先前已吃了一點東西, 所以祗點了鹵肉餃, 蘿蔔.魚旦.豬腸車仔麵, 碗仔翅和 2 杯秋梨茶 碗仔翅很平凡, 祗可說料多, 味道呢..... 如果你小時侯都有在街邊檔吃過魚肉湯和碗仔翅就一定會明白怎樣才是街邊碗仔翅的味道. 車仔麵很差, 所點的車仔餸味道全部很淡, 像白灼. 吃車仔麵還是回花園街的明記吧 !鹵肉餃名過其實, 我就是過到玻璃上貼上的介紹才點的, 餃皮太厚, 肉饀味道甜甜怪怪的; 不是我杯茶, 要說特別也祗可說有蝦子灑在餃子上吧 ! 一個瘦削女仕 (應是老板娘) 多次對我們說吃鹵肉餃要連湯都渴光啊! 嘩! 湯味很淡, 像白開水加色加少少糖, 怎渴光 ?? 瘦削女仕亦不斷向我們推介皮蛋酸姜, 說是自家醃製, 我們亦叫了一份來一試, 皮蛋是溏心蛋 (來貨不錯 ), 但本人覺得酸姜太酸, 沒特別. 要一提的就是老板娘是最好招呼, 其他的伙記就像你欠她一樣, 晚娘面

其實我以前在奧海城工作的時候，同事曾和我在富榮花園宵夜的時候已幫襯過老闆娘．我朋友偶然發現車品品的老闆娘是當日那位好好人的小店東主．　又見到食評咁好，都好替她高興，除此之外，當然要試一下ｄ食物．今日和朋友第一次來，叫了那招牌品品八喜撈，好好味，ｄ豬油及芝麻味加蔥加魚鬆好出味／好香，雖然份量好少，但咁先之可以令人想下次再食．另外，我和他再點了一個淨魯肉餃加蝦子及有生菜，好特別及好食，魯肉和蝦子味道好夾．　此外，我們另外再叫了一個車仔ｎｏｏｄｌｅ，好普通．我下次一定再來，　再食八喜撈及試一下招牌糖水．

剛才血戰神廚後"敗得心服口服"，看看時鐘發現原來還有個多小時才開場，想了一想，實在沒辦法找到不來的藉口。原因是............近來"重出江湖"的"40餘年陳皮津紅"。又再一次印證了有食神的重要性，因為在我剛到達之際，老闆娘才剛弄好了津紅，不然便跟它無緣相見了在進食之前，她表示因為剛剛煮好，水份會比較多一點，但是味道卻不會有太大的差別。對於我來說，當然是不會介意的~ 這個紅豆沙中的陳皮味道不是濃得驚人的那種，在入口時只能嚐到一點點的味道，其特別之處是在吃後的那一份餘韻，歷久不散，清香得令我難忘。 今天跟老闆娘談了很久，對她的了解也加深了許多，亦由此可見她為了這個小店所付出的努力，絕對是我們這些客人所料不及的多，難怪她形容這店為她的"兒子"了。在傾談之中，她說現在的食物質素每況愈下，就算是細微如陳皮這些小食品，也受到環境的影響而令質素下降了。這方面我是絕對認同的，君不見我們這些"老人"常常在說從前的那個食物極之美味，那兒的製作本來是超水準之言麼﹖後記 : 對於在同一店中有這麼多食品令我感到滿意的，暫時只此一間。老闊娘，請繼續加油~

致老闆娘:我唔係你熟客,只係三幾個月會來一次試你的美食.今天正是其中一次,大概中午12點零鍾,你不在,當時客不多,大概3枱客,但是我坐了大概5分鐘就離開喇.因為由我入來坐低-->到睇餐牌至諗到食乜-->想示意點菜-->ok到我走喇,你d員工都係...當我透明,我萌生出一種阻住你地收工既感覺,ok咁我都係先走,待下次你在時再幫襯吧!需要基本尊重的普通食客上

已經不知多少年沒有一起共饍，昔日中學仔的「三角組合」，如今再次聚合，並約在車品品，準備進行一輪「挑戰人體胃部容量極限」的撕殺。先報告作戰戰況：1. 魯肉餃 (八隻) 起雙飛 (x2)2. 竹笙翅3. 咖哩撈 (菠菜丸 crossover 油麵)4. 香菜飯5. 八喜撈6. 淨蘿白7. 秋梨茶 起雙飛8. 蜜棗茶9. 黑牛 起雙飛10. 金紫牛各一重點評價：1. 魯肉餃仍然係鎮店之寶，鮮嫩入味的餡料，瘦肉和脂肪比例均稱，入口甜而不膩，配上蝦子作點綴，齒頰留香之言實無過譽。首碗魯肉餃密密食左四隻，直接令鄰室友人「甚感之」，唯有再「安哥」。八隻 $24，無意見。2. 竹笙翅：濃，足料，淡口，味精少。朋友仔如果有叫香菜飯，可共同拌勻品嘗，亦不失為好的選擇。3. 咖哩撈 ： 強烈強烈建議自問好辣和一路想搵地方挑戰味蕾細胞究竟死幾多的朋友仔「落order」，因為你絕對會食得好刺激 ! 其實之前黎過幾次都有叫，不過每次都只是「奮力一戰」然後陣亡。今次？唔例外...... 我諗佢絕對係可以測試你到底食得幾辣的工具。另，一提的是佢絕對只有個「辣」字，如果食得少少辣而又想叫黎「壯壯行色」的，可以

老闆娘前一排搞了個「鎮災日」，心裡支持，但完全抽不到時間來，就唯有之後再來吃一吃。朝早黑雨的一個周六，下午三時多，也是全店滿座的。在內室找了個位置坐下，老闆娘也抽空來打個招呼。寒暄幾句，問其有什麼好吃？就是日有豬油綠豆沙，也不嚐此味久矣，當然不可以錯過，要了碗凍的。綠豆沙下豬油的原因非取其香，而是令綠豆更滑身，是老式做法，跟包糭子要下肥豬肉的原理一模一樣。老闆娘自己有做豬油，用的也是靚貨色，做起此味來，當然得心應手。綠豆沙清甜，臭草味下得重手，並味甚香，海帶也切得細細的，相當細心，不是坊間的海帶綠豆沙般，大大塊又粗枝大葉的，這般心思，已經值得欣賞。綠豆沙全起沙，而且綠豆夠多，吃起來也夠健康。忽然枇起另一位很喜歡吃「多渣」食友Olivian，這碗綠豆沙應幾合其口味。正找一點老式食物來寫文章，吃到這個，又正好是題材之一，真好！見陸續有客人進來，也是時候告遲。綠豆沙13蚊一碗，便宜又吃得到用心有特色的食物，是每次來車品品的感覺。跟老闆娘談好一個有趣飯局的意念，遲些又再來。

見口甘多好評, 認不住試試.試口左招牌菜鹵肉餃、碗仔翅、車仔麵 (豬腸, 豬皮, 牛腩)食客只有小貓 3, 2 隻, 但沒有人落單, 叫極都無人應, 好似唔想做生意口甘. 落單時侍應好不耐煩.成功落單又等了好耐都未有口野食.服務態度之差讓我心裡開始後悔...終於等到車仔麵, 但見到碗麵的賣相...成碗似白灼豬腸, 豬皮, 牛腩食落味道都似白灼出來一樣淡而無味 於是叫他們加一些車仔麵辣醬, 希望多一些味道,點知, 加完之後, 辣到條利都麻痺口左.對唔住, 1碗麵吃了幾啖便完全吃不下去.碗仔翅只有麻油味和醋味 (自己加口既)只有鹵肉餃是OK的, but not more than OK.付款後, 忍不住向個收銀反映口的口野食太淡,點知她聲大大口甘話 "你覺得唔好食, 不知幾多人話好食"完全唔接受意見, 真係火都黎埋. 超失望, 黎一次都嫌多.唉, 有時多好評都未必可信...

沒錯，我們又來到這小店了。事緣昨晚無聊之際，突然想起老闆娘說要不時看看Bon Bon的網頁，或者會有"驚喜"的。誰不知......真的有驚"喜"。因為，現在車品品再次推出兩種食友期待已久的甜品：老式綠豆沙(強勁臭草版)和大四喜加上上次沒試過的馬蹓頭蛋白布甸，一共三大個甜品正在等著我倆過去"殲滅"。而甜品剛好可當作午飯後的"餘慶節目"，所以吃完下午茶點心後，便由深水埗慢慢的步行過去。到達時快要六時，店內人數並不多，我們又坐在上次同一張桌子上。這次我們早有準備，女友帶了NSD來作消磨之用，不過，今天用不著了。因為坐在我們旁的一位好好嬸嬸，寧棄自己的麵食不顧而過來接單，實在令到我們過意不去，但她再三堅持之下我們也只好接受她的好意。今天要了：大四喜、老式甜品、馬蹓頭蛋白布甸、淨魯肉餃、金牛、紫牛和碗仔翅。還記得在上次老闆娘向我說怕我們在下次來嚐這裡原來味道的碗仔翅後，會感到失望。其實她有點過慮了，因為原味的碗仔翅不是上次鮑魚的鮮味，換來的是肉絲中滲出來的肉鮮味。雖然兩者味道截然不同，但是各有各好，這次在不自覺中，也沒有添加任何調味，熱切期待下次或者會有的新攪作碗仔翅~魯肉餃味道不作詳述了，請看

有陣時 , 香港人真係太心急等一個餸要10-15分鐘 就話 "有冇搞錯呀 ! 等咁耐"其實如果你要食得咁趕既 , 3個字食完一餐既 , 我比飽魚你食都冇用啦我住大角咀 , 所以有好多時都會到 "車品品"佢既食物同服務態度(只限老闆娘和老闆) 可以用一個字黎形容 : " 心 "你會係邊到食到溏心皮旦 + 自制子彊 ?你會係邊到食到地寶魚皮 + 蝦子魯肉餃 ?你會係邊到搵到一間鋪頭會比埋骨碟你 ?你會係邊到搵一個同你傾半個鐘頭計既老闆娘 ?我覺得食物未必係超水準..不過有 "心" , 已經夠殺食 !講番我外賣左既3樣食物 有碗仔翅 , 馬騮頭 同埋車仔面車仔面既羅白真係好甜好清 , "老"水蛋真係好好食好入味豬大腸就差左小小..比較 " in un" , 不過比起一般鋪乾淨很多我已經叫左大辣 , 夠哂辣 , 但依然可以各料各味道 , 好食 !碗仔翅其實度度一樣做法..並唔係特別既食物不過車品品的得別多料..唔會太流質 , 而家材料比例很好 !其實唔係落醋同埋胡朝粉都一樣好食 , 不過我口多多叫佢落左haa 馬騮頭一絕 !! 真係超好食佢係類似將榴槤肉加埋奶類布甸整成既甜品一開蓋即刻臭

2008/6/1(星期日) 2:00p.m.態度：當時,食客不多,但沒有人落單,所以我家姐自己劃食物單再到樓面交給老闆。阿嬸送食物到本人枱面時,出口便說我們不是,為何不寫枱號,我家姐便答:「1.我們這張枱沒有枱號,怎樣寪得出呢?2.我們叫了很多次落單都沒有人理,這樣叫我們怎辦呢?」阿嬸沒有再說便走開。食物水準：我們叫了：大雜餸$29、生菜魚肉$14、碗仔翅$14、薑汁豆腐花$8大雜餸：明呃 - 紅腸、脆皮腸各2條、豬腸1舊仔(手指甲大小)、牛腩2舊仔超靭(好彩細舊及極小量)、豬紅1舊、雞翼尖2個、蘿蔔仔、魷魚、菜1/3碗、湯底極淡=水一樣、各樣都超淡。生菜魚肉：都是一句比較清淡。碗仔翅：冬菇絲極多、粉絲、木耳絲。都是一句比較清淡，只是吃出冬菇味和本人加下的麻油味。薑汁豆腐花：無薑味，豆腐不滑。都是一句比較清淡。總結：全部食物沒有味道。以後再不會光臨。

我點的是車仔麵，牛栢葉魷魚蘿蔔豬皮河粉加腩汁，餸菜味道很淡，湯底又好像沒有加腩汁，整碗麵沒有味道，除了蘿蔔很甜。但這甜法不像是蘿蔔本身的清甜，很人工的甜味。食物質素和銅鑼灣糖街那間不能相比。服務態度不好，員工在落單和埋單時都不大理客人，當時又並非繁忙，只有小貓三兩隻。所幸沒有受到惡型惡相的對待。雖然車仔麵非常不好，但我下次還是會試一試它的小食，碗仔翅還有魯肉餃甚麼的，看起來小食才是它的拿手。

講左咁多次去食車品品, 今日終於同左男友同阿媽去食喇~食完覺得一般般, 未有令我地有想再去多次既衝動(除左個甜品之外~)魯肉餃$25(蝦籽響面真係幾香都幾好味, but d餡太少食落去得返成口皮)車仔麵既大什餸$29(味道連我都覺得淡, 係個蘿蔔冇渣囉, 不過都幾多地方食到)碗仔翅$14(料夠多, 唔知係未有果皮, 因為有陣蛇羹味, 但係$14比出面貴就梗係要多d料啦)八喜撈麵$42(得個玩字, 食落得意, 因為出面好少食到咁既味道, 係粗麵+一pat豬油+碟仔頭抽+黑白芝麻+京蔥+蔥+碟仔魚鬆再送幾條生菜, 用火烘住但好似都唔傳熱因為食到最尾都係凍既, 夠特別但係未真係值呢個價呢?)最後黎多個馬騮頭+花奶$20(算係我地食成餐最驚喜既一味, 簡直excellent, 啖啖榴槤香味又有幾多肉, 好滑加上一d苦澀味都冇, 令我即刻以後都唔想再食榴槤布甸, 正呀!!)P.S. 我地冇留意佢中間原來有落場時間, 5點幾去到見close左, 個老闆娘見我地眼望望都走出黎同我們講野, 最後都比左我地入去食, 仲同我地講明唔夠人會冇招呼同上菜慢, 雖然好難聽到佢講野, but呢種人情味我buy呀,

自己喜愛的食店,為四川地震災民義賣籌款,絕對難找借口不去支持. 老闆娘特意為這次義賣創作一味"Cheap精真鮑翅",只限當天發售.這個Cheap精即是什麼?勞力士錶有"真鬚假牙"貨,即是表殼是真,表肉是假.而這個真鮑翅的原理,同我所舉的例子差不多.用真鮑魚,來做碗仔翅. 前者是用來呃人,後者是用來幫人.賣$20一碗,成本也未必收回.難得老闆娘將其收益用作慈善.這個星期天幾忙都好.{有幾忙?你又係日間賭馬?夜晚要趕住看F-1?}也一定要身體力行支持. 說到這碗Cheap精鮑翅,同我平時吃慣的不同,除有一口鮑魚在內之外,而湯汁更多一份平時沒有的鮑魚味道.因為這一煲翅,是混合著煮鮑魚的湯汁. 其實,沒有說cheap與不cheap,懶理是碗仔翅定係天九翅,這碗翅背後的意義, 才是最為重要.總之,幫到人的,就是好翅. 同行Dragonfire兄第一次來,小弟特意推介幾味比他,魯肉餃,蘿蔔,八喜撈等等.因時間關係,要先行告退. 待非繁忙時間時段,再來吃個地寶魚皮.

究竟，大家有沒有想過自己對美食有多少誠意呢﹖為了吃到美食，你又會否願意默默地等下去呢﹖今天到來這店除了想品嚐食物之外，也同時想支持一下老闆娘對籌款的熱情。跟南爪約好時間後，過了一會便出門去了。由我家步行至這裡，才二十分鐘的腳程，就當作是一點點的"運動"好了~剛到達後不久，南瓜也出現了。跟他淺談了一會，聽著他介紹一下這裡的招牌菜，便向已經在忙過不停的老闆點菜了。在點菜的途中，老闆娘不時提醒我們今天的食物會需要較多時間去製作，原因是店內的"後欄"早已有十多個客人在進食中。點了的菜分別有：Cheap精真鮑翅、蝦子魯肉餃、淨蘿蔔(兩份)品品八喜撈和豬油炸地寶魚皮(配粥和頭抽)，以女友則要了車仔麵(紅腸、牛筋腩和蘿蔔)在等候的期間，聽著南瓜道出這小店如何由從前的舖位，慢慢長大變成現在的模樣，就好像在看一套紀錄短片般，甚有趣味。聽罷過後，也就得知老闆娘對食物質素的堅持，非比尋常。能夠持續這一份執著，無論體力和精神上的付出，旁人絕對想像不到其情況是如何的。首先來的到當然是只限今天發售的Cheap精真鮑翅，吃下了第一口後，整個人彷彿停下來，再來一口後始能夠說話。大大片的花菇、手撕的瘦肉、還有那一隻隻的