車品品小食 (已結業)

五月廿三日(五)買完黑炭包黎左今晚目的地車品品，係奧運站行過黎唔算遠，但夜左D路都較小人，行番大路著數D~　此行黎車品品最想食既其實係焗西米布甸，但去到既時候岩岩賣埋最後一個 = =" 唯有試住其他野食先~大雜餸($29)即車仔麵餸大集匯，貪佢一次過可以試晒咁多款～蘿白：清甜，甜得誇張但自然。如傳閒中一樣淋、無渣及甜，連平時唔食蘿白既我都想食多舊。讚～牛根：夠淋夠入味～豬腸：唔夠入味，得一舊試唔真～雞翼尖：唔夠入味～豬紅、豬皮：唔見特別～龍蝦丸：比平常爽口，好味～魚旦、芝士腸、魷魚、紅腸：無特別～ 魷魚較淡～湯底：無加辣，加腩汁下仍非常清，走食物原味路線～魯肉餃($25)皮薄、甜甜地肉味，配合埋蝦子產生一種化學作用，味道特別得黎非常好味，如傳聞中一樣咁正~碗仔翅($14)比坊間既多料，味道濃郁，唔使靠麻油同醋都已經好好味~ 同一材料不同級數~子薑溏心皮蛋($10)皮蛋溏心連住兩舊蛋，未食都知係靚野，雖然個人唔太喜歡凍食，但配合埋子薑味道的確係幾好~秋梨茶($6)清清地，唔太甜，有D梨味，又係非常天然感覺，正～半世紀陳皮紅豆沙($18)一心o念住食西米布甸無得賣底下老闆娘介紹甜品，要「有

一值想試但冇機會，今日偶然間經過，雖然食咗晏唔係好肚餓，但都忍唔住入嚟食。魯肉餃冇，唯有叫住其他試一下，因為唔係太肚餓所以只叫咗幾樣，有辣魚旦、貢丸，翼尖，同埋蝦籽中條麵，個湯要中辣咖哩汁。個湯先入口，有濃濃嘅咖哩香味，飲落個種辣味開始攻上嚟，果然夠辣，但個種辣味係帶有其他嘅香味，而且冇蓋到個湯個種清甜味，好掂!淨係個湯同辣汁同湯已經見到心機同誠意。魚旦睇落好似一般貨式，但食落夠彈牙而且夠魚味，比出面個d高幾班。貢丸係正宗個隻，即係冇東菇只有豬肉，丸身彈牙又有豬肉嘅香味，好好食。翼尖醃得好食。麵條有少少偏硬，個人覺得十分討好。雖然係車仔麵，但簡單材料整得咁好食真係見功夫，值得捧場。

同朋友食LUNCH, 上次特登黎冇開, 因為INTERIOR RENOVATION, 今次終於開左有得食 2個人, 點左魯肉餃+車仔麵, 我自覺水準相當唔錯魯肉餃, 上面有好多一粒粒既蝦子, 我覺得VERY GOOD, 甜甜地, MOUTH-SIZED, 底下有生菜, 味道上唔太濃, 清清地幾好味, 果然係招牌菜車仔麵, 同朋友要小辣, 都覺得幾SPICY, 好彩冇叫大咋! 水準就同出面普通SHOP差唔多, 唔太特別OVERALL最鍾意魯肉餃, 下次一定再黎再食*笑面主比魯肉餃

想著想著, 對這裡其實係有好多好多的回憶. 一直在講, 兩個人在一起係要累積回憶, 而車品品, 也係我們回憶中其中一段段落.是晚突然想來吃, 就拉文迪過來. 始終這裡不算太就腳, 但為了好吃的食物, 也沒有問題. 平日的晚上, 也有不少客人. 同老闆娘傾了一陣, 就要了以下幾樣.玉竹秋梨茶$6: 9分, 要了個利氣管, 防炎, 清熱同埋滋潤的秋梨茶. 由舊鋪開始一直有飲這個秋梨茶, 對小弟來講, 甚麼利氣管, 防炎都不重要, 最重要係這杯秋梨茶係相當之滋潤, 經過一日勞累的工作, 喝口秋梨茶, 很好.品品八喜撈$42: 10分, 不要見笑了, 小弟是晚還是第一次吃這個超刁嘴小食八喜撈. 八樣材料放係臺上, 都相當之壯觀. 這八喜其實係黑白香芝麻, 小菜湯, 黑豆壺底蔭油膏(不少於20 ml), 自製原條生曬地寶魚淨取脊肉鬆, 自製不羶鮮五花腩油, 生蔥, 京蔥, 已預拌腩油全蛋幼麵兩個. 份量十足. 麵條已經放係個碗上, 一路慶住, 一路由文迪去撈. 最初我們沒有把魚鬆全部加進碗麵度, 老闆娘見狀, 馬上告知不用怕, 要全部都落. 好, 又試下全部都落的滋味. 最吸引小弟一定係個黑豆壺

3月25日, 今晚同呀比去奧海城睇戲之前, 終於有機會行過黎埃華街呢邊揾野食啦~ 經過一條條黑蚊蚊好似工廠街既地方, 去到有好多野食既埃華街, 最後都係揀左食車品品~ 8點零鐘無乜人唔洗等位就入得~ 但係得2個人做野, 等咗好耐先有得食囉......... ::: 淨魯肉餃::: $ 25真係即叫即整!! 餃子只係微微浸在湯上面, 但餃皮一d都唔乾仲好濕潤, 而且厚薄適中~ 入面d魯肉好多汁, 甜甜的, 我好鍾意食!! 不過呀比就話濃味得滯, 未必人人鍾意~ 同埋想講個湯就相對可以話係無味. D菜有d似白烚...::: 車仔麵(蘿蔔+紅腸+牛腩+油麵) ::: $ 21老闆娘好好人自動幫我地加腩汁~ 腩汁幾香同個湯底都幾甜, 最後連d湯都差唔多飲晒~ 不過d牛腩真係好差, 好韌同好黐牙, 早知差唔多價錢要大雜麵好過~ 而蘿蔔真係名不虛傳煲得好淋同埋好甜~ 叫車仔麵必選~ 正!!::: 山楂金絲蜜棗露::: $ 6好似酸梅湯甘樣既山渣茶~ 夠凍~ 同埋自家製感覺健康d~ 感覺黎姐~ 所謂消滯開胃功效則不大~ 其實車品品d野幾好食, 老闆娘又幾hyper, 成日自己喪笑, 而且唔會太har

因為返工原因,可以黎到呢度食野.又唔係好多人.唔似對面的想不起來...食落,無咩特別O者...我覺得只係碗仔翅係最GOOD{仲要最平}.其他的,都不倫不類....LUNCH不會再回來。

特意來吃車仔面,但係有點失望, 首先啲餸只係好普通, 蘿蔔雖然無渣, 但過份甜,好似放左好多糖咁,攪到好唔自然. 啲河粉一啲都唔滑,真係好失敗. 本來只係諗住叫餸,但係黎試車仔面無面好似有失意義. 不過叫左大辣個咖哩汁好好味, 因為呢個汁令我可以食得落.魯肉餃入面係甜甜地既, 幾特別囉,同埋有好多菜係底,好抵呀.可以期望太大,所以有啲失望. 同埋有漏單情況出現

要吃一碗沒有味精的車仔麵，可算難度很高。之前已很想來這試試魯肉餃，今晚出於即興，可以來朝聖，真是要多謝朋友們給我的信心，哈哈。這裡雖以碗仔翅起家，但是其車仔麵都是值得一試的。貢丸據稱是最正宗的，因沒有加入香菇，而且很爽；大雜麵裡的菠菜丸是友人最感驚喜的，因為甜甜的很好味很爽；是日精選的煙肉扒，友人說很想豬扒；而牛柏葉都是出奇地爽；另一是日精選的蒜蓉花枝丸也不俗，吃得到蒜蓉味。碗仔翅幾足料，味道未至於很突出，但也很久未吃過有水準的碗仔翅了，最後吃到一滴不剩。魯肉餃甜甜的易入口，入口多汁，都不錯，起碼我喜歡那甜味。服務態度是好到無話好說，很有禮拜也很朝氣，難得。總括來說，沒有特別來Encore的必要，但始終要讚賞其對出品質素的堅持！

4月3日，21:40 吃完粥，還想吃點甜的，便到這店來份特色甜品。老闆娘仍是那麼好客，還說什麼差點不認得我，其實我這種路人甲，你應無印象。正翻閱餐牌時，老闆娘告訴我今晚特色甜品之一是馬蹓頭布甸，二話不說要一個(其實我期待了一年)。布甸雖用精美骨瓷杯盛著，加上了花奶，看來平平無奇。先淺嚐一口，滑滑的、淡淡的~.~，再挖下去，咦！有異物！？嘩！好大團榴槤肉啊^m^入口香甜無比，一般來說這甜度是我受不了的，但這是榴槤^m^。我便停不了地挖和吃，用9秒9速度吃光了，真想再來一個，但今晚不成，因喉嚨在發炎。埋單時老闆娘問我是否很臭？我祇可答道「臭！？」我差點要說句，不夠香便要退貨。題外話：也許世上的對與錯；都像榴槤香或臭一樣，祇是一念之差。

環境裝飾都令人有種舒服的感覺不像一般車仔麵地下立立黑麻麻但可惜外表與內涵並不一致價錢偏貴而且味道亦不特別好味就連右辣椒油都要另外收費若然要食車仔麵大角咀福全街的~佳佳車仔麵會更好

今日要來第二個部門取data做project，平日很少來這區，所以順道就來到這裡試下為何這麼多人話好食的小店。入到去lunch時間唔多人，仲有好多位，我一個人坐下，叫左個魚肉碗仔翅，order左一陣就有得食。食落其實好普通，料都唔係十分多，個味甜左d，唔係想像中好食。原先諗住如果好食就試埋其他野，但可能因為期望高，所以失望較大，最後食完呢碗兩溝就走人，繼續在這舊區搵好野食！

本來諗住黎食魯肉餃, 點知冇晒...叫左一口粉果, 三溝(生菜魚肉翅), 咖喱撈(豆卜烏冬)一口粉果冇以前咁好食~ 但都ok~三溝幾好~幾香菇味~咖喱撈超辣.....=.=" 要叫佢俾碗清湯先食得到...

沒有老闆娘和狗仔淘淘，車品品便一定失色這樣說絕不為過。皆因我們第一次光顧，才進店便感覺到老闆娘的warm welcome，其實看得出她是極度忙碌，因為全店只有她一人在行來行去。她讓我們知道要等很久，雖然我們也覺得不知何解整碗麵可以整咁耐...此時坐在我們後面的狗仔淘淘便發揮她的表演欲，不斷在原地做很多可愛的動作，引得我們哄堂大笑，不斷替她拍照。當她踏著椅背站起時真的很"英"﹗後來等了半個小時車仔麵終於來(差唔多係極限，不過老闆娘經過都會chat幾句同講唔好意思佢地整得慢)，幸得老闆娘提醒加腩汁是好味點，所我碗麵係幾好食，勁辣魚蛋仲辣得幾好食。至於甜品只有豆腐花，都很甜滑。總結來說，經過如果不是太趕時間是值得再來的。

那晚時間不多，所以走來食，誰知道。。。居然只得位廚師大姐在鋪面。眼看除了我們已有3台客，她好像很忙弄菜，我們都不好意思催她落單。時間一分一秒過去，我們就只有這一個鐘吃飯。我不想再浪費時間了，所以建議走過隔來吃，但男友覺得有點不好意思。正當我們猶疑之際，老闆娘就出來了。我們拿拿淋叫她落單。今次我要了菜飯加欄汁，上次男友叫時試過一口，覺得很好味。但今次令我有點反胃，冷冰冰的一個飯，冬菇有點酸酸地。跟男友講好難吃啊！他不相信，給他試了冷飯，再來一件酸冬菇。他的面都變了。我細細聲跟他說：感覺像是吃豬sao一樣呢！他也點了點頭。那碗飯，我就只吃了半碗，沒有再吃下去了。以後也不會叫。不過，那些魯肉餃真系令我回味無窮，真的很好吃啊！老闆娘也沒有上次那麼嘈，有進步！所以我會再來的！

車品品? 一個似是很熟的店名. 對! 就是以前在富榮花園的小食店. 終於可再嘗這裡的美食. 新店比舊店大得多. 又有幾樣舊舖沒有的新出品. 我二話不說先來一碗我的至愛碗仔翅. 依然保持舊店的水準. 冬姑絲,肉絲,木耳絲依然份量十足. 濃厚的冬姑肉絲味, 我個人覺得比起坊間什麼名店還要好味.再看MENU.我發現有個什麼八喜撈麵. 價錢好像不便宜.但我給MENU裡介紹的內容吸引.就叫了八喜撈粗麵.先來兩碗蔥,及大蔥. 跟著來了個小火爐. 什麼? 我不是吃打邊爐? 因撈麵是有豬油及台式黑豆油.在小火爐上微火暖著. 豬油及黑豆油我香味都迫出來.非常特別.跟著是那些地魚干, 黑白芝麻配料. 全部配合在這個撈麵上適恰到好處. 這個八喜撈麵真的很讚. 再來杯梨茶. 我的胃再沒有空閒了.我會再來, 試什麼地魚皮, 豬油渣.