車品品小食 (已結業)

多年捧場小店, 慕名由富榮食到大同新村. 幫櫬佢還早過力奇火鍋.執著用心經營, 有心去食不難發現她的內涵, 食物本人不願多寫, 至少好多食物外面食店冇, 好唔好食就見人見智.只想提0下近年晚上賣0既豬油炸魚皮! 連附送個米王到好過好多粥店.多年見聞總結:1. 賣小食. 呢個價位可以話食物環境整體水準係以上2. 好慢, 唔趕時間可以等先好去, 有時會激死.

位服務員小姐(老闆?!)認真talkative。可能想型做個好friendly的感覺吧！但坐了一會，我就覺得好點嘈。可以靜少少食餐飯嗎？！蝦子congee, 好好味！大雜亂，有雞翼尖，豬紅，豬皮，魷魚，魚蛋，蘿蔔。。。無0羊特别，就好似打遍爐的一樣。菜飯+牛腩汁，好食！另外叫了碟蠔油菜遠，菜心好新鮮！脆卜卜，一試難忘！餐廳不大，餐牌既items有點亂。不過廁所有針線包，好細心呢！雖然服務(太)欣勤既服務員小姐令我有點透不過氣，但睇住0的野食份上，我會再來架~~~~

睇到歐陽應霽本香港味道特登專程試試，係大角嘴馬會對面唔係好難搵。碗仔翅冬菇靚味較重，豬肉木耳粉絲足料好抵食。熱辣辣好滋味。菜牌寫明係生粉翅個湯底好透好清冇雜味絕對比書中主力推介呂仔記馬蹄粉雞翅更自己口味。誠意推介，下次一定會試其他種類。

上兩個星期二夜晚9點幾,去order0左個魯肉餃魯肉餃蝦子麵HKD 3X . 食完返到屋企,肚痛左幾個鍾. 雖然個事頭婆好nice,但MUST blacklist.

主人與奴隸獸在大角咀辦大事，所以順道來光顧此食店。點了：1. 富貴魚翅撈飯+ 梨茶（HK$18 + HK$3.0）：碗仔翅用料十足，不過味道一般，飯的質地較軟，硬番D 口感會更好。梨茶似是自家煲的，非常好味。2. 淨魯肉餃（HK$23，8只）：加了蝦子的魯肉餃子，使味道更上一層樓，更惹味濃郁，確是唔錯。

12 月23 日(星期日)下午3時多聖誕節有幾日假期, 就趁機同我米飯班主周圍去搵食, 見這裏的食評咁好, 就去試試, 點知失望而回. 當日唔洗等位, 有個嬸嬸叫我地入去坐, 坐左10 分鐘佢都仲未等閒理我地, 張枱 又未清理, 上手客人的野全部係枱上,好似打仗咁, 成間舖只有兩個人, 一個就係樓面的嬸嬸, 一個就淥麵的, 我見佢地咁忙, 就揀住野食先, 終於等到佢得閒理我地啦, 趁佢一路清理緊張枱, 我就一路同佢講食咩野, 我honey 叫左杯豆漿同招牌車仔麵, 我就叫雪梨茶, 碗仔翅同魯肉餃, 個嬸嬸同我講:"你都睇到鋪頭得兩個人架啦, 我邊得閒包餃比你呀!" 吓, 我點知喎! 好似怪緊我咁,你一係話冇咪算囉! (要留意, 我未落完order,佢就走開左)咁我就揀過第2 樣啦, 仲要叫番佢埋黎, 叫極都唔采, 再叫第2 樣又冇, 咁我就話一陣先再叫.跟住就有一個女人返左黎, 我諗可能係傳聞中好好人既老闆娘, 佢一返黎就serve 另一枱 客, 我地兩個等了又等, 連杯野飲都未有, 我就同佢講d 野飲仲未黎, 佢就比左杯雪梨茶我, 跟住我聽到有人同佢落魯肉餃, 所以我問佢如果有就要一

早前在中午下午茶時份去過, 見這裏的comment 咁好, 本來打算叫甜品試試. 誰知一問之下, 百無! 餐牌上的甜品只有薑汁豆腐花, 好細碗, 唔夠滑, 仲要收$8 定唔知幾錢!成間舖頭只有兩人, 懶懶閒, 無主動問你要咩間舖頭都係得幾個人幫襯.懷疑一係呢度d 人做梅, 一係就係午市及晚市時段先會旺同埋先會整甜品!!!本店位處偏僻, 下次都唔會幫襯~

呢個係我ge第一個食評, 其實一向都睇開呢個網搵野食架啦, 有時都好想上黎寫下評語,但我可能比較懶啦, 成日都無的起心肝寫.....哈!前兩日, 就係咁...令到我真係忍唔住上黎評一評!我同男朋友突登車黎到, 一心想試一試係咪真係咁好食, 一入去, 果個阻姐都好有禮貌ge, 但係當我地話落單時, 落落下都未講完, 佢竟然去serve其他客, 仲要係幾個!其他人遲過我地入都快過我地! 搞到我地淨係落單都等左佢幾個字!我好大聲咁叫佢幾次, 佢竟然充耳不聞! 結果我地走左第二間食!!! 全店得兩個阿姐, 人手十分不足!真係激死我!

一聽個名以為淨係車仔麵(車品品). 老公貪得意聖誕夜揀呢間過海去食, 須然係聖誕夜反傳統食車仔麵我自己覺得冇所謂啦.去到原來坐滿曬, 我兩公婆坐入一個好骨子似幼稚園房.誰不知有好多好得意食碗仔翅味道冬菇竹笙出色.皮蛋好靚溏心, 子薑唔死酸薑味出, 好過鏞記!魯肉餃子20幾蚊好平因為齋食蝦子已回本.火爐仔咩都一齊撈豬油麵好新奇, 好香好好味! 炸魚皮等好耐不過值得, 唔知點寫總之我出面從未食過咁樣魚皮!車仔麵就試過蘿蔔, 牛腩, 蒜蓉墨丸仲有煙火雞胸配伊麵都好好味, 相對佢其他食物車仔麵唔算超好不過自己覺得佢更對我2人口味. 最少對過好多出面專門店.甜品我試一個話係用新鮮藍莓做布甸, 真材實料果肉夠藍莓味勁出. 老公食蜜糖橙汁jelly, 唔聲唔聲一連食2個!最後值得一提係雪梨茶, 又係真材實料飲完我成晚得好舒服!食到飽差D行唔郁! 唯有下次食焗西米布甸臨走伙記送年曆卡, 原來坐收銀櫃果2個係老闆?!做唔切服務相對慢但出品超得精緻, 不愧為精品小食, 又平又正絕對值得試！

After having hotpot with friend R, I suggest to have the dessert. We have seasame sweet soup, sweet tofu and baked pudding. Maybe too high expectation on her pudding and come out with a sour taste (deteriorate?). From my memory, their noodle and dumplings were ok.

以前過親車品品之前或者之後都會去探男朋友ge婆婆..因為佢婆婆住o係附近老人院..前兩日再去車品品..但已經唔洗再去探男朋友ge婆婆啦...有d野真係想追都追唔返..唯有珍惜最美好一刻！ 呢排男朋友以前英國d frd o係澳洲/英國返左黎..有d又未去過車品品..所以趁大家算係齊人o個時去食下..o個晚我地7個人坐o係party room..仲要勁嘈(事頭婆如果有人投訴我地嘈得濟ge話真係sorry!)..我地order左好多野食..三溝、魯肉餃麵、竹笙翅、蝦籽白粥、蘿蔔、牛腩、八喜撈、黑牛、薑汁豆腐花、芝麻糊、三色雪糕、果凍..唔知仲有無野漏啦..蘿蔔仍然係鮮甜好食..我地百吃不厭..有個frd仲要勁鍾意車品品ge辣椒油..大家食得辣ge可以試下..真係辣得好過份..我加左兩滴落碗竹笙翅度已經辣到我個嘴紅左..個frd仲要喪落..好恐怖..其他野其實之前食評已經講過..今次想落下個八喜撈..因為綜合我d frd意見八喜撈係最特別一款..一來好似打邊爐咁用個鍋仔慶住..二來味道係好香好濃..有芝麻香有肉鬆香有豬油香..我一開始都唔知反應咁熱烈..大家食完之後係咁話好...

周日五點來到呢度食個tea，得老闆娘一個0係度做招呼，都知夜晚一定多人所以要呢0的時間先會有得食﹗點了碗仔翅、魯肉餃、蘿蔔魷魚及蝦子麵呢度既碗仔翅第一次食，料足，勁多冬菇及肉絲，入口有質感又唔會杰攤攤，好香好味，仲發現有豬骨添，應該個翅底有豬骨落左所以咁清甜，睇得出好有誠意呢﹗絕對值得一試再試﹗魯肉餃上次食完念念不忘，今次再食依然咁正，超甜的肉汁簡直一試難忘，食完個感覺好開心呢﹗呢度蘿蔔真係好好好味，無渣清甜入口即溶鬆化，以上三樣野可說是必食三寶﹗魷魚及蝦子麵在有比較下顯得普通。老闆娘依然笑容可掬，熱誠招待，唔俾滿分都唔得﹗原來自己真的有蝦子敏感，上年又係咁今年又係咁，天意乎？

見車品品係大角咀區最多好評..於是又跟住去試下~~叫左魚肉碗仔翅、魯肉餃、糖心皮蛋及汽水..~ 魯肉餃及糖心皮蛋都okay~但冇我想像中咁好味.. 最欣賞0既係個碗仔翅，好多料，唔太"杰"唔太稀剛剛好~ 可能我好耐冇食過碗仔翅，所以覺得呢碗翅真係幾好!!

車仔面~~d面好淋...如果叫清湯,真係無味(淡茂茂)

1)d車仔面..好淋2)碗仔翅...無咩特別(普通)3)魯肉餃...本人唔係太鍾意咁多蝦子~~同埋加上魯肉是甜的...兩者一齊食"怪怪地"!!!4)焗西米布甸...ok