車品品小食 (已結業)

西餐後沒有飯後甜品，真是有空虛之感，於是去同街的車品品。闊別老板娘及肥叔叔有一段日子，幸而還記得我。老板娘很有心思新出了很多菜式，而且很吸引，由於已飽餐，今次只嘗甜品。藍莓蛋白布甸-想試原汁原味，沒有加花奶。藍莓籽清晰可見，味道天然清新，入口清香順滑，不甜帶少少酸，是一道很好的飯後甜品。而且用了高貴靚靚的杯子盛載，感覺特別好食。無冰奶茶雪榚-沒有被冰稀釋，奶茶特別香濃，亦可能加了大大球的咖啡雪榚，混了少許鴛鴦味道，又多了一份奶香味。古法紅豆沙-顧名思義是古法製作，老板娘也賣了關子，別於一般的紅豆沙，見識膚淺的我，真是吃不出，除了有紅豆少的綿密外，還多了一份味道及口感。最後要慶祝老板娘，很快榮升級數

上星期五(11月14日)在openrice見到好多人推介,所以去試試,門口睇落好普通,我老婆好似唔係好高興(女人係中意d門面野),但係我地抱住一試的心態,所以就入左去,坐落d人又幾好心機服務,叫左個魯肉餃麵,蘿蔔魚肉麵及羅漢果特飲,等左成十幾分鐘才有得食,我個魯肉餃麵又真係好好食,上面的蝦子令成碗麵的味道更豐富,我老婆碗麵的蘿蔔好甜好特別,羅漢果特飲又好好飲,因為見到好多人叫碗仔翅,我地又叫左一碗,比起普通街邊貨式好好多,唔怪得咁多人叫,最後叫左紅豆沙及芝麻"胡",個紅豆沙有好特別的清香,聽老闆娘說是30幾年的陳皮香味,而且唔係日日都有得賣,要睇老闆娘心情,唔知真定假,但係真係好特別.而芝麻"胡"磨得好大粒,唔似係即食,估計都是自製,最後最後要讚揚一下喋喋不休的老闆娘,每一味菜也介紹得好清楚,好熱情我一定會再去試下皮蛋及其他美食

去車品品真係要當自己去食法國菜咁,要等得. 因為舖面人手有限,上菜較慢,我亦見過有漏單情況.大家要有心理準備.碗仔翅 : 足料但味道普通, 個人認為北角雞蛋仔o個度好食得多大雜面 : 一次過可以試好多"食送", 但質素普通, 只有蘿蔔同大腸我會再食魯餃 : 皮厚, 味道特別到唔識形容, 唔太适合我口味雖然呢間店舖唔合我心水, 但我都欣賞他們用心製作

自己本身住大角咀...所以成日都會在大角咀食宵夜..今次揀了去車品品食..因為很喜歡它的魚肉碗仔...>車品品's碗仔翅既味道好清..令我一試難忘... 唔似某d 小食店...好似味精唔使錢咁... 所以令我成日心思思想去食車品品既碗仔翅...>至於大離面.....普普通通la...可以醫飽既個肚, 同埋咩都有齊囉...岩晒我呢d 懶人...不過真的蠻普通既一碗面>魯肉餃--車品品其中一個招牌菜la...食落去幾甜..清清地咁... 明明見到d油...但食落去又唔油...幾好味...會不知不覺食到底.... 好鍾意佢上面有一堆蝦籽......kaaa

我住大角咀, 成日刀會黎車品品食野.好少會落手寫食評, (太懶)但係覺得應該鼓勵下有心做食物的人.今日就幫車品品寫1篇啦.黎車品品,我最鐘意就係溏心皮蛋,d溏心漏晒出黎咁滯,我同朋友刀覺得絕對好過鏞記!鏞記已經好好ga啦!仲有d自製子薑,加埋真係好有化學作用!仲有碗仔翅,嘩佢個翅底,多料就不得了..d冬菰好香好滑,完全係有心之作!我刀好鐘意佢地既8喜撈!d肉松加埋個壺底油!真係好香,我又唔覺得唔夠食wor,有2個麵底ga!!魯肉餃,無錯個皮有d厚..但入面好香甜甜地,加埋d蝦子真係不錯.不過我刀會覺得有點貴.心型冰鎮奶茶好夠茶味,粒心心冰我飲完刀未溶晒!好有心意,見到個心心冰個心刀甜埋!至於車仔麵,我就真心講句不過不失,不過下面人兄講得岩,食唔到辣千祈咪落咖喱汁!我係個狂食麻辣火鍋既人刀唔係好頂得順LOL.同埋甜品我就好少機會試到,因為我係夜貓.食完飯想食甜品個時車品品刀收左了,下次有機會想試下大家刀讚好既芝士光酥!其實黎車品品,食既係老闆娘同老闆既心意.佢地真係好有心ga,樣樣野刀會解釋點食最好.不過有時等野食真係會有d耐,但係無計啦,我反而唔好意思係老闆娘次次刀會勁講唔好意思!仲有

由於剛開始營業，不少食客所點選的食物均欠缺，因此奉勸各位別太早來！$14碗仔翅：如常足料，肉絲、木耳絲、冬菇絲…吃到尾，還剩一大堆料$28魯肉鮫：共8舊，多多的生菜上是魯肉鮫，入口有很濃肉味，魯肉鮫上有蝦子。魯肉鮫從冰箱的保鮮盒內取出，煮得未夠熟透，每舊鮫的底部均有白色類似生粉之類的東東依附著………緣來是這樣。經多番波折。終能''親臨''店內品嘗親身到店內品嘗他他介紹的碗仔翅，感覺始終有別

今次同男朋友專程去, 其間仲行錯路......好彩去到剛好有位, 都不枉我地咁山長水遠去幫襯。2個人叫左:子薑皮旦--子薑同皮旦一齊食既味道係好特別既化學作用, 唔知點形容, 唔係人人鐘意, 不過我就幾鐘意魯肉餃--好多蝦子, 好重蝦子味, 蝦子好深色, 每粒餃都有, 連D普遍既湯都有蝦子味, 真係好勁。餃子一啖一隻, 都好好味。大雜送--呢個同普遍車仔面唔同, 食得出無味精, D羅白超甜超林, 係我人生食過最好食既羅白, 其他送就一般般啦, 好多菜吸晒D腩汁, 好好味, 我連D汁都飲埋, 陳皮紅豆沙--46年陳皮真係勁到無倫, 我本身係勁唔鐘意陳皮既人, 平時食到既陳皮紅豆沙一陣好重既陳皮味, 好似發霉既"UP"味, 我最憎, 但呢個紅豆沙既陳皮味真係好清香, 我都覺得好好食!!番石榴布丁--呢個係用堅番石榴整唔係得陣味, 仲食到番石榴o個d一粒粒既沙, 好清甜同清新, 不過男朋友唔鐘意....可能我地呢個年代既人食得太多人工口味既野, 食天然野反而接受唔到?心心茶冰奶茶--個杯o係雪柜拎出黎, 老闆娘話個茶冰係送既, 茶味好重, 飲晒都唔會淡, 呢個真係好飲!!廁所好乾淨, 好應該

知道車品品係優秀開飯熱店之一，所以一直都想試，不過平時真係好少過嚟呢邊，只係一間小食店又唔會專登入嚟食。今次因為有免費飛向奧海城睇戲，所以就行埋過嚟試下，不過估唔到星期六晚，都唔係好多人。碗仔翅 : 有勁多粉絲，大碗又足料﹐而且唔會好稀又唔會好"傑"，推介!!!!!!大雜麵 : 雖然蘿蔔甜得有啲假，不過仍然好味，其他正常味道，冇乜特別~溏心皮蛋 : 本人第一次食呢味小食，冇咩感覺。不過我見到有食客食完後再幫襯買幾隻返屋企~咸金吉7-up : 有好多粒咸金吉，但係支汽水好細支，唔夠飲~熱咸金吉水 : 都係有好多粒咸金吉，不過如果可以大杯啲就好喇.......

朋友知我不開心...請我食餐飯, 傾下講下, 無論心情如何, 也想說聲謝謝! 第一次黎到....無咩人, 留肚連早餐都無食, 叫咗杯品品無冰奶茶(心心奶茶冰粒), 茶味夠, 飲到最後都有茶味! 朋友來到商量後...一同分享淨魯肉餃 - 蝦子好多好多, 但我唔太聞到香味, 隻餃既餡偏甜, 魚蛋蘿蔔一碟, 魚蛋細細粒, 一般, 蘿蔔無渣, 我係好甜之人...但都覺得蘿蔔太甜(唔係清甜)! 八喜撈, $42, 我地要咗粗麵, 唔知係老闆娘定侍應, 她耐心地教我地如果拌勻, 麵質夠煙韌, 肉鬆, 芝麻, 醬油撈埋....味道就唔係太特別, 豬油味亦唔太覺! 雖然整體都俾唔到我好深刻既片段, 但勝在有朋友相伴, 當天環境也很靜, 吃得舒適自在!

同男友慕名而來黎左食下午茶﹐其實並不肚餓﹐所以試不了很多﹐只叫了﹕招徠大雜麵﹕不能不說距個籮蔔真係好甜無渣﹐但對我黎講有少少過甜﹐浸糖水FEEL… 男友就覺得唔錯. 其他餸呢﹐就真係不外如是… 叫左幼麵﹐唔係平時食果種﹐麵質太淋喇﹐其他配料(魚蛋腸仔紅腸雞翼尖etc.)都一般般.. 雖然加了腩汁仍然覺得十分淡. 而且食到條菜係苦的.. 唔推薦大家叫碗仔翅﹕普通水準. 但很足料﹐有很多肉絲呀﹐木耳呀﹐菇0甘.. 唔知係咪叫唔0岩野呢﹐覺得食物質素真係麻麻地… 叫小食應該會好少少吧!

四千零一，就由最簡單，但又美味的東西再出發，就是這裡的蝦籽白粥。提起車品品，我總會想起這一味，是日又吃。金黃的蝦籽，舖滿煲得綿滑的白粥面，將其拌勻來吃，已經聞到鹹香的味道。都寫過，這個蝦籽粥的最精緒之處，是白粥的熱力能令蝦籽的味道，盡情昇華。這裡的蝦籽，沒有雜質，是靚貨色。美味，有時就是這麼簡單。但簡單，又未必人人肯做或懂去做，老闆娘是深明此道的人。吃罷白粥，大量的蝦籽還沉澱在碗底，足見真材實料。再來一個馬騮頭布甸，滿足矣。埋單﹝好像﹞三十三蚊，不來這裡，到那裡找這些東西來吃？

是日天氣炎熱，一向有不錯好感的小店出了新的食品，眼見有時間便找個時間個來品嚐一少，順便打發一下時間。我們故意在差不多二時多左右到達，是為了避開中午的人群，這樣便不用花太多時間等候食物。跟老闆娘寒暄幾句後，便入座點菜等待美食了。為什麼我總是用美食來形容這裡的出品呢﹖無他的，就是因為這裡食物的"獨特性"是坊間找不到的，當然味道亦十分美味才可用上這個字眼。先來一杯<<秋梨茶>>，夏季常吃"熱氣o野"的我們，喝著這杯清涼消暑又滋潤的飲品，作為對於吃過"熱氣o野後"一點點的"事後補救"方案。 過了幾分鐘後，沒嚐過的<<蝦子粥>>便來了。這個結合了經慢火炒過蝦子的強勁香味和粥底原來的米香和從材料熬出來的味道，加進一點點用指天椒一起炒過的菜甫來提味，又是一絕的美食。不相信的話，歡迎各位親自感受一下。那麼之前說的消暑之品又為何物﹖那不就是在市面絕跡了頗久的<<涼粉西瓜盅>>，用上了皮薄肉甜的迷你西瓜，即叫即做。看著老闆娘用心地把西瓜肉一顆顆地挖出來，又在西瓜皮上刮了一個"車"字，甚有心思。 涼粉是自家製的產

就係睇完各人食評, 決定大戰車品品, 一定要食子姜皮蛋, 同魯肉餃; 車仔麵不嬲唔係我杯茶, 所以留俾男朋友搞掂, 當然迫佢點左我最鍾意o既白蘿蔔;蘿蔔果然唔同出面一般o既白蘿蔔 -- 好林, 冇渣, 同埋好甜 -- 不過我比較鍾意蘿蔔味重 d o既, 佢 e 家似乎甜左少少...魯肉餃等得最耐 -- 我諗大半個鐘都有... 其實只係因為冇食過... 但又唔係特別好食...d 蝦天又係令到佢好甜... 好怪不過... 子姜皮蛋... 真係令人太感動.........太太太太太太太太太好味... 食完o個種子姜加埋皮蛋帶黎o既甜味留係口入面好耐都唔散...自己lam 到個咀唇都覺好味, 想食埋個咀唇落吐...如果食正餐, 我唔會揀呢度;但如果食皮蛋, 就一定呢度;順帶一提, 我諗黎過呢度都會記得個老板娘, 佢係好禮貌o既, 但真係太多野講, 可以話唔係個個客都頂得住, 尤其是當你見到佢得一個人落單, 而佢又繼續同 d 客講野解釋佢點解咁慢時 -- 其實我去時全滿, 佢就逐張檯傾...睇到我個人好munk仲有, 如果你或你 partner 係冇乜耐性o既人, 真係唔好去 -- 因為贊黑住面

之前一路都有聽聞呢間小店的老闆娘好好人, 好有誠意, 今次首次光顧果然聞名不如見面, 佢真係好nice呢. 食物價錢唔太貴, 但不論你幫襯幾多錢都好, 老闆娘都好好咁招呼, 真係好. 而我是愛狗之人, 老闆娘更立即帶佢兩隻可愛小狗出嚟見吓呢, 所以整餐飯, 一路同狗仔玩, 一路同老闆娘傾計, 一路開心地食. 講返今次試咗啲乜啦..子薑皮旦: 個皮旦真係糖心o架, 好好味呀...食完即刻令我諗起台灣啲皮旦豆腐. 仲有啲子薑係老闆娘自製o架, 非街外貨. 魯肉餃: 好好味, 勁多蝦籽, 啲餃皮又唔會"林 pat pat" , good! 食得多水餃可以一試竹笙翅: 記得要落埋啲辣菜甫! 果然冇介紹錯, 落埋真係正好多, 而本身碗翅已經好足料大碗, 好滿足呢...p.s. 因為係老闆娘同老闆兩個人打理, 所以食物上枱會相對地耐少少, 各位心急而又趕時間, 就要留意, 俾啲耐性啦.

昨晚是第２次去食車品品因落到街都唔知食乜又有Ｄ掛住魯肉餃, 又好好彩咁唔使等位喎. 食完就見到Ｄ人龍等位了其實約１個月前見到呢度介紹, 走落去竟然冇乜人咁就試下啦:第一次食 (約一個月前):1) 淨魯肉餃 (好味, 甜甜地但Ｄ蝦籽好鮮味)2) 招徠大雜麵 + 蘿蔔 (蘿蔔好正, 其他講真冇特別)3) 秋梨茶 (ok 好飲, 但又唔算得好鬼正)4) 竹笙碗仔翅 (好食, 尤其老闆娘叫我地加D菜脯, 嘩, 好惹味呀!)第二次食 (昨晚):1) 淨魯肉餃 (真係好好味, 所以昨晚睇完晚間新聞7:00pm唔知想食乜就諗起魯肉餃)2) 招徠大雜菜飯 (我覺得個菜飯都OK 但如是多D菜同冬菇會仲好味D, D 車仔送真的很一般, 最奇怪係上次加＄先有蘿蔔但今次冇加都有三件呀!!)3) 竹笙碗仔翅 老老實實, 我覺得老闆娘對食物很有誠意, 不過味道並不是樣樣都好味並且Menu上有好多食物都冇供應 (e.g. 紅豆沙, 豬油渣,etc). 但如果住得近,1or2個人又唔知食乜時都係ＯＫ的選擇.