越萊 (廟街)

营业中

休息中

今次去左間越南餐廳,位於廟街，相當易搵，雖然我地三點先去食野，但都等左幾分鐘先有位，一嚟位置唔算多，二嚟餐廳要跟返二人一枱。我地叫左珍寶火車頭鮮雞湯金邊粉連菜苖一碟，份量真係珍寶級。真係好大碗，仲好多料，有牛展、牛筋、豬肉片、牛肚、牛耳、冬菇、豆腐卜、木耳絲、芋絲、扎肉、生菜。湯底清香，金邊粉份量都多，都算爽滑。牛肚，牛展，牛筋炆得夠諗，不會過鹹。木耳絲，木耳好爽脆，配金邊粉一齊食好有咬口。扎肉比平時食開嘅比較幼身同實肉，味道都唔錯。豬肉片正常，唔會太瘦。小食方面叫左香蔥蝦多士。賣相好靚，蝦餅同多士呈金黃色，油香味重～香茅燒牛肉米紙卷，有三小件，都幾足料，香茅燒牛肉肉質都嫰。米紙卷夠薄，唔會好難咬，好食！炸春卷就偏重味，炸得香脆，而春卷皮都幾薄。越南滴漏咖啡好香濃，未飲已經傳嚟陣陣香味，飲落順口香滑。

廟街──越萊餐廳不算大，佈置充滿越南特色，乾淨舒適。呢到食物嘅選擇都好多，有樣野覺得餐廳好細心，menu都會寫埋小食類係有幾多件。而且一份細細份$20左右，可以就返幾多人再點餐，三點仲有埋tea menu。茶餐越南法式豬肝醬三文治，之前食過嘅越南餐廳都好似唔覺有呢種包餐，肝醬打得幾滑，冇腥味。裹面仲夾左扎肉同酸酸地嘅蘿蔔絲，三文治包烘到好脆，食落唔會覺得油膩。小食就叫左蒜香牛油雞翼，有3隻，炸得好脆好香口，好香蒜味。豬頸肉沙律，沙律有酸酸地嘅蘿蔔絲同椰菜絲，豬頸肉肉質都唔錯。燒帶子明蝦涼拌茄子，係非常惹味嘅菜式。帶子明蝦都有鮮甜味，同涼拌茄子都好夾，值得一試！牛肉串燒，牛肉燒得夠火喉，仲帶少少筋，有咬口。飲品叫左咸檸梳打，咸檸已經搗碎，好香咸檸，配D油少少嘅野食都唔怕。

今日lunch黎左食，次次行過都見到好多人排隊，突登黎試下。😆😆😆—————————其實都幾抵食，可以好似車仔麵咁自己揀送揀湯底，3餸$50包熱飲都算係咁👍🏻👍🏻👍🏻👍🏻揀左扎肉、蘿蔔、牛肉，麵要左金邊粉。扎肉正常，蘿蔔都唔透又唔甜，牛肉正常，金邊粉勁淋又成pat野咁，好似擺左好耐。。😞😞😞湯底少鹹，真係好普通。。可能因為平先咁多人排掛。。🤔🤔🤔—————————

呢間泰國菜真係不得不讚，如果唔係朋友介紹我嚟食，我就真係走寶了！唔好睇佢細細間、位置比較隱世，佢啲嘢食真係超好食！！😍仲要真心好抵！下午茶Menu！個人最鍾意食呢個燒帶子明蝦涼拌茄子（$22）🍆！！！！一試難忘，比多幾碟我食都得呀😂😂一啖食落去口感超豐富，調味啱啱好，真係會上癮。雞肉串燒（$20）火候啱啱好，搭配咖喱汁食超惹味😋鮮蝦仁米紙卷（$18）蝦仁好鮮甜，用米紙包住超吸引😂點醬食，一啖放落口咬落超爽，味道一流👍🏻馬拉盞炒通菜（$24）心念念嘅炒通菜😋覺得簡直係泰國菜嘅靈魂，啲醬睇落去好紅但其實唔辣，食開重口味嘅朋友應該會鍾意👍🏻蒜香牛油雞翼（$18）外皮炸到超脆🤣想講連我平時唔多鍾意食雞翼嘅friend都食到讚不絕口😂仲要隻雞翼超大隻hahaha雖然係下午茶但我哋兩個女仔諗住當晚餐咁食🤣所以都叫咗幾多野，但呢度咁多嘢加埋都只係$174😋😋真係抵到爆！最後嚟三張全家福！

今日下就收工約左女朋友到佐敦廟街食下午茶餐。最近無乜胃口，所以想搵間酸酸辣辣既開胃餐廳。於是去左呢間越式餐廳，去到個環境舒服，佈置得好鄉村懷舊，食客都好好，令到環境都寧靜。服務員好有禮貌同比較熱情，幫我地準備好晒啲餐單食具。打開餐單，好似車仔麵咁，有好多配料比你選擇，胃口細既可以叫份量少，胃口大呢就可以加底！大家可以選越式湯河或者撈檬既～亦都有地道前菜小食比大家，飲品除左餐廳常飲之外呢，亦都有越式特飲～事不宜遲，肚仔餓，一於點餸食啦！咁我地叫左一款湯麵同撈檬。豬肉札肉及豆卜配金邊粉（招牌牛骨湯底）好味指數：8/10一上碟，成個擺設佈置覺得好精緻的色，配菜調味料分開上，由客人自己選擇放幾多。牛骨湯飲落去真係好鮮甜，落足料，勁好飲，配埋爽滑既金邊粉連湯一齊連札肉放落口到，簡直無得彈，豆卜索埋啲牛骨湯汁，好味😋。撈檬配香茅牛肉好味指數：10/10鐘意酸辣既朋友就一定要試呢款啦，夠晒開胃！啲配料十足，好多洋蔥同蔥，仲有加埋啲炸蒜，再將檬粉浸埋酸辣汁度放入口，好味到雪雪聲。香茅牛肉都非常好食，好入味，牛肉都好滑好彈牙。前菜及小食：香茅燒牛肉米紙卷好味指數：10/10食越南菜點少得叫米紙卷食呢，粉

收工後去尖沙咀行街，但尖沙咀食肆唔吸引，結果行遠少少去佐敦覓食。今次呢間餐廳係我疫情外出用膳以來，第一間咁守規矩，真係每枱客只坐兩人。本身餐廳有4張長枱，共可容納大概24人，但當晚同一時間只准8位客人場內進食。而家呢個時勢生意難做，我同友人都快快脆食完離開，好讓餐廳可以賺多幾枱客。餐牌以粉麵為主，再加四款飯。由於我同友人都想試多幾款野，所以各人order左個撈檬，另外再加四款小食。香茅豬肉撈檬 $36一上枱我就呆左，原來豬肉係腩肉片….對於唔中意食豬肥膏既我黎講，係一個好大打擊….腩肉份量多，而且好有豬油味，加上個汁唔夠酸唔夠辣，檬粉又加得多油，成個粉油膩感幾重。炭燒豬頸肉撈檬 $36相比之下，呢個豬頸肉較為吸引，肉質帶點彈牙。炸蝦餅 $22新鮮炸出黎，好有蝦味，雖然未夠彈，但勝在抵食。牛肉串燒 $20外貎一d都唔討好，卻係三款串燒中最好，肉質出乎預料既淋，香茅味亦夠濃。雞肉串燒 $20 & 豬肉串燒 $20兩款味道正常，醃料入味，少少乾身，但可以接收，$20三串性價比好高。餐廳小食性價比好高，下次再黎會試湯粉。

朋友話佐敦有間食越南嘢幾好，質量唔錯，價錢公道，一於今日去試下。店舖位於廟街，內部有特色燈及竹帽做點綴，座位只有幾行，地方較為狹窄。我喜歡金邊粉，一於叫個牛三寶配招牌牛骨湯，湯底仲可以揀蕃茄濃湯或清雞湯，當然牛骨湯係我嘅至愛，又係最夾啲生牛肉、手打牛丸及牛腩片喇。生牛肉分量勁多，牛肉味濃，嫩滑可口。仲免費升級有碟香甜菜芯，又包飲品，叫咗珍多冰特飲加多$8，記得要少甜呀！粉條軟滑，消暑一流。兩個人食晒個套餐，啱啱好。朋友至愛越南小食，一於點多幾款，大快朵頤。鮮蝦米紙卷，薄身嘅米紙透出晶瑩嘅大蝦，蝦咬落好爽口鮮味。 近年流行食素而且自己都鍾意間唔中食下素，呢度有個純素扎肉米紙卷，味道清新。而且純素扎肉無普通扎肉咁油膩，啱作為清新配搭。而越萊炸春卷，賣相可愛，餡料豐富，炸得通透但不油膩，香脆好味今次享受到地道越南美食，下次會再試其他食品。

同朋友行到佐敦廟街，又係醫肚時間，見到舖面細細間嘅越萊，即刻想試試越南菜式。內部裝修雅潔，但座位有限，大家要排排坐，比較冇咁舒服。菜單一張有兩面，簡單清晰，一目了然，而且價錢適中。當然想試吓精選推介嘅牛三寶，材料有手打牛丸、生牛肉及牛腩片，揀咗金邊粉及招牌牛骨湯湯底，果然湯味濃郁，生牛肉片夠鮮味，入口嫩滑，牛丸多汁，爽口彈牙，牛腩片都入味，但如果厚切嘅話，口感上應該仲好。加埋金邊粉，一個人食到好飽肚。仲有跟餐加$8，點咗個特飲珍多冰，改少甜，味道啱啱好。朋友點咗個香茅豬扒煎蛋飯，大大塊炸得鬆脆香口嘅豬扒，配兩隻煎太陽蛋，飯嘅份量又夠多，相信大胃王先食得晒，配埋越萊椰青特飲，椰肉軟身，清甜順喉，正好平衡油膩。整體而言，食物味道唔錯，份量肯定十足，下次再嚟可以試下佢地招牌嘅珍寶火車頭。

喺佐敦嘅呢間越萊主打越南菜個裝修感覺好清新入到去見到有好多越南特色嘅擺設同埋亦都有用膠板格住每一個座位感覺好衛生咁啱傍晚時分去到仲有下午茶嘅MenuMenu上面嘢食嘅種類好多有越南嘅粉面小食仲有特色飲品叫咗個牛三寶金邊粉仲有好多包括有牛丸，生牛肉，同埋牛腩牛丸食落勁彈牙咬落去有啲肉汁噴出嚟非常之好食另外舖頭仲好貼心有幾款湯底可以選擇而我今次就揀咗最出名嘅牛骨湯另外配料仲有好多嘅芽菜洋蔥同埋唔同嘅香葉加埋青檸同埋辣椒嘅調味十分之好食另外佢仲會有免費升級你可以揀麵加底或者要菜心苗以$58嘅價錢來講非常之抵食另外小食嘅種類亦都非常之多叫咗個鮮蝦人米卷子$18就有三舊價錢相當平過下口癮燒牛肉米紙卷呢間餐廳嘅炸物亦都做得唔錯炸得比較乾身爽口唔會太油膩仲會有一個小食拼盤一次過可以試晒佢哋比較特色嘅小食而呢個越南滴餾咖啡亦都不得不試滴漏完之後嘅香濃咖啡加上特色嘅煉奶飲落非常之順滑同帶有一股濃濃嘅咖啡香味但呢個咖啡係六點前先有想飲嘅就要留意時間

廟街不一定食港式食物，都可以試下越南河！每枱都放了一支搓手液，是made in Korea的，非常好。餐牌有不少選擇可以自己配搭：牛三寶食越南嘢，最鍾意食牛肉pho。這個牛三寶有招牌手打牛丸、生牛肉、牛腩肉，非常豐富，而且份量充足。湯底是可以自選的，有招牌牛骨湯、蕃茄濃湯、清雞湯，食牛肉pho我當然選招牌牛骨湯啦。加點青檸汁，湯底更突出更鮮甜。除了主角牛和粉，仲有蘿蔔，煮得好淋好入味。而粉有三個選擇：金邊粉、河粉、檬粉。選了河粉好match，粉好滑好分明，而且份量唔少。見到有個option係麵底增量50%，真係要好肚餓先得。牛腩肉好淋，冇牙都食到，好香牛肉味，仲有好多件添。生牛肉好快就俾個熱湯浸熟，最好快點吃。牛丸是多汁的，入面有汁有筋有咬口，仲有三粒咁多，是很好吃的牛丸，果然是招牌手打牛丸。越萊精選拼盤這個拼盤有三款小食，每款一件，最適合一個人惠顧的時候，一次過可以試晒三款又唔怕食唔晒。燒帶子明蝦涼拌茄子第一次食越南嘢見到呢款小食，配搭不錯，帶子和蝦都不細。蒜香牛油雞翼好香濃，外皮炸得很脆，牛油味超香，多到跌出來，肉質嫩滑，是非常好吃的牛油雞翼。炸春卷熱辣辣，好香脆，入面的料豐富，點

CP值超高,完全估唔到今時今日仲可以咁平食到越南河!!!!越式湯粉單餸 $34起越式湯河 $45 牛腩片, 雞腎 包熱飲餸嘅份量以咁嘅價錢都算多!!厚切牛腩片牛味重.雞腎爽口.牛骨湯好香濃牛肉味超正!!直頭飲晒啲湯!!越式凍撈檬 $36 香茅牛肉 包熱飲牛肉肉質嫩滑,份量多撈檬汁還可以,酸辣味比較淡.蒜香牛油雞翼 $20 /3隻炸皮超薄又勁脆,香濃牛油味,肉質又超嫩滑.牛肉串燒 $20 /3串燒到外脆內面嫩滑,仲好香孜然味,就算唔點沙嗲汁都己經夠味!!馬拉盞炒通菜 $24超抵食,勁惹味!!份量多!

🦁✅ 牛三寶(牛丸/生牛肉/牛腩片)金邊粉 ($58)湯底揀咗招牌牛骨湯 偏甜 都重牛味。麵粉好足 三樣入邊最好食係牛丸！爽口彈牙 好食過錦x! 另外生牛肉同牛腩片都唔錯 而且份量好合理。仲可以免費升級，可以揀要菜或者加麵底，估唔到菜量都唔少。🦁✅ 蒜蓉牛油雞翼兩件 (+10)其實本身碗麵加埋菜已經好夠飽，不過我見間小食咁平所以試吓。超好食！雞翼炸得好脆，平時食雞翼唔食皮都忍唔住食埋。牛油味超香 入面雞肉嫩滑 十蚊兩隻超抵！🦁 越萊 (廟街) (佐敦)佐敦廟街306號地下D號舖🦁 人均消費：$68 ｜推介：❣️❣️❣️❣️❣️🦁 總結：雖然坐得唔算舒服 樓面人手唔太夠但係食物咁高質 價錢唔貴 真係好滿意！

下午經過廟街，見到這間越式小店 - 越萊，之前響深水埗都見過，好多人排隊食，應該不錯的，所以一試。店員為方便顧客，便派定餐單等排隊時可以諗定食乜，真系細心照顧！門口都有大大啲招牌寫明有特式啲越式粉面同埋送熱飲；我同友人點的是越式精選湯粉，牛三寶就有招牌手打牛丸，生牛肉同埋牛腩片，再配上招牌牛骨湯同埋金邊粉，一入到店店員就快馬加鞭即刻整，友人就點左個越式湯粉，同樣系金邊粉不過就配生牛肉，再另加雞腎同埋豬肉扎肉；一睇就知佢啲招牌牛骨湯真系好掂，一飲就有果種好香好易入口，唔肥膩啲湯啲感覺，加埋大大粒啲丸同埋芽菜，拼盤方便，燒帶子明蝦涼拌茄子系一粒好鮮味啲帶子加上燒得熱哄哄啲茄子上，香氣十足； 再同朋友分埋幾隻蒜香牛油雞翼，食得超飽，再另多有杯凍咖啡（系越南正宗甜甜地啲味！正）同埋凍菜蜜，唔洗百五元就有食到，現場店員都好西利，見takeaway啲人同foodpanda黎接食物啲人都不斷，真系好食到做到停唔到手！食完走之前再睇下店內裝潢，原來都好有心思，有特色啲農民帽掛左響壁上，每張枱店員都好細心放埋一支消毒液比顧客用，真系食得放心，下次經過會再黎食過!

佐敦出名多好野食😋今晚屋企冇煮飯，來佐敦找美食醫肚。看到這間越南餐廳裝修幾有特色，就進來試試。店內天花掛了很多竹籠燈罩，還有牆上的越南帽，幾有特色。坐下來看到桌子上有扣子給客人掛袋，設計十分細心😊先點了小食春卷和雞肉串燒，春卷上有越南帽做裝飾，未吃已經感受到越南風味，春卷十分脆，也夠熱，用生菜包著吃，十分可口😋主菜點了牛三寶，有招聘手打牛丸，生牛肉和牛腩肉，牛丸非常彈牙，內裏很多汁，牛肉味十分濃濃，的確是高質素手打牛丸！👍🏻😋湯㡳也牛味十足👍🏻😋另外又點了豬三寶，有豬手，豬軟骨和札肉，豬手肉非常淋，很大塊，配菜有很多芽菜，九層塔，還有青檸，令湯㡳更香。總結價錢不貴，份量也多，是勝價比高的餐廳，會再來👍🏻👍🏻😋😋😋

今日係廟街行下見到有間食越南🇻🇳菜既越萊店，樓面吾算多位，不過都幾多人入座，同朋友都試下新菜，就入去試左，真係好味夾抵食👍👍🤙🏻佢既下午茶時間係3-6pm,不過下午茶既河粉就係無料係入面既！因為我想食生牛肉河粉，同事就另外叫左個牛3寶，（生牛肉，牛丸、牛腩片）一上到黎都嚇親咁大份🙈$66 仲包埋碟菜心！真係好抵食👍👍菜心仲要好鮮甜如果下午菜細食既話都好夠食🥳佢d小菜都好好食，鮮蝦仁米紙卷d蝦好新鮮，皮都好薄好爽！香脆炸蝦餅既蝦都好香好脆，但係無平時酸辣醬得辣醬點！精選拼盤既雞翼真係好好食！必點，外皮香脆，內裏好嫩滑！有小小似錦麗既雞翼，絕對係王牌之一！外層既牛油好香脆，薄薄一層！