越萊 (廟街)

营业中

休息中

廟街美食街餐廳多元化就好多人都知，小妹相隔多年再次闖入廟街覓食就比呢間淺藍清新招牌 「PHO BO 」越萊吸引住餐廳Logo 、menu 至到室內環境design充滿越南美食風情，四個字「清新簡潔」！疫情期間店內依然保持衛生，用膠板分隔好對坐位置食物方面，越萊由前菜/沙律，主菜（撈檬/飯類）、越式小食、炒菜至飲品都一應俱全，下午茶時段仲有輕食餐單小妹就系晚市揀左以下幾款心水食物前菜：米紙卷系列鮮蝦仁米紙卷🍤：蝦仁好大隻，鮮味彈牙，配上爽口生菜同粉絲，點上魚露汁，感覺開胃清新純素扎肉米紙卷🥬：素食版扎肉，味道外相十足真扎肉，推薦比素食朋友仔主食：香茅雞扒煎蛋飯🍳嘩！成大隻大湯碗上枱既飯，份量十足太陽雙蛋蛋黃keep到半熟，刺開流出蛋黃液流入燒汁飯粒內黎得越式餐廳食雞扒，不得不讚越萊既雞扒煎得excellent 皮脆肉嫩，肉汁鎖住，而且香茅滲透成塊肉扒上，味道香唔刺鼻，呢味越式親子丼好味到連平時唔食得多飯既小妹轉眼間鯨吞落肚小食系列雞肉串燒：一份有三串，雞肉燒得岩岩好唔會好乾身，面層有芝麻粒，點上惹味沙嗲醬，好似置身於越南🇻🇳旅行食緊宵夜咁香蔥蝦多士：一份兩件，多士炸到金黃色，穌脆鮮甜，蝦

佐敦篇~今日由佐敦廟街食到尖沙咀😆這間越南食店其實近柯士甸道，在香港童軍中心對面，店舖的的式式，但店面、入面都有越南既元素及色彩😊下午茶幾吸引，不過留喺下次食🤭今日食全部都係豬嘅#豬三寶# 配料有豬手豬軟骨同豬扎肉， 金邊粉配牛骨湯底， 升級要埋個菜心苗😚 湯底清爽香濃👍 配料入味軟腍，蘿蔔最正， 多汁無渣😋小食好抵💰18起，叫咗牛肉串燒有3串， 配埋有花心碎粒嘅醬汁😋 飲埋杯酸酸甜甜越南桔仔梳打🍊🍊

同男朋友喺尖沙咀行完街，諗住清清地食個越南撈檬，就上網搵吓有咩越南餐廳。誤打誤撞嚟到佐敦呢一間餐廳！好驚喜喎！！！真係性價比好高嘅餐廳，所以好想打一篇去稱讚一下👍👍👍👍一睇Menu已經好驚訝，覺得位於喺都算旺區，食物嘅價錢都可以做到唔會太貴。小食有10幾蚊至廿蚊，撈檬麵跟餐送熱飲都只係36蚊👍而且店員好好人😊然後上碟嘅時候，我哋都哇咗一聲，覺得超大碗！大家睇睇：撈檬真係好大碗，味道仲要好好。牛肉同雞肉份量都超多。同男朋友一路食一路讚😂呢一個沙律塔就一般覺得偏鹹，但都只係$22，試吓無妨。

經朋友介紹黎左呢間位於佐敦既越南菜餐廳，今日太熱，所以我地兩個都揀左食越式凍撈檬🤣店舖唔大，所以我覺得坐得有d迫，如果可以每桌隔得開d 會好好多💪🏻我地兩個人叫左四樣野，分別係：炭燒豬頸肉撈檬、香茅豬肉撈檬、一口雞絲牙車快沙律、純素扎肉米紙卷如果要比較，我會覺得炭燒豬頸肉撈檬更好味，因為香茅豬肉每塊都頗肥，撈檬表現就正正常常個人黎講都幾中意個一口雞絲牙車快沙律，個combination好新鮮，fresh得黎又有脆口既蝦片，好過癮，口感唔錯🤤純素扎肉米紙卷就普普通通，唔太推介🥺呢間真係幾抵食，抵食得黎又有一定水準，怪唔之得門外一直有人排隊等入坐#越萊#越南菜

今日去咗佐敦廟街搵嘢食，嚟咗呢間叫做越萊嘅餐廳。呢間餐廳係深水埗福榮街有另一間分店，下次如果去福榮街都可以再食，因為真係好抵食！叫咗個豬三寶，有三個餸，包括香辣豬手、豬頸肉同埋扎肉。可以自己揀配乜嘢麵同埋乜嘢湯。我揀咗牛肉湯同埋金邊粉，個湯非常之出色，好友有牛肉味，淨係食啲金邊粉唔使飲湯都好夠味，非常之讚！不過之後食食吓啲麵索哂啲湯又有啲鹹。我見對面位叫咗一個單拼，一個碗面配一個餸， $34 ，仲要係晚市，大大碗，真係超級平！

佐敦一向多平靚正既野食，呢間真係要推介。見其他人既食評都係講佢d越式粉/ 小食好食，但其實佢個下午茶越南法式包都好鬼正！！越南法式豬肝三文治 個包表面脆脆地，入面好軟熟。配料方面有豬肝醬，扎肉，青瓜，芽菜等等配料，個配搭係岩岩好，唔會食完好油膩、好滯咁。加埋杯熱野飲都係$32 咋！真係好出色仲要係黃店餐廳，一定要支持下啦！

朋友介紹，原本相約兩人一起去，可是最後朋友來不了，所以自己一人去吃這個午餐。差不多1:00到達，見到有最少五六個人在外面等位或等外賣。因為我得一人，可以即刻入座。全店遵守食市限聚令不多於五成人，所以空間很大。我坐吧枱。侍應幫我量度了體溫才讓我進入。環境感覺清潔安靜，下單後大概等了10分鐘，不算超快也不算晚。牛骨湯頭好味，牛丸牛肉牛腩片的份量很足夠，還送了一碟油菜。唯一要挑剔的就是湯不夠熱，生牛肉浸了很久好像還沒有熟透。

由佐敦走向尖沙咀方向，差不多走到柯士甸道，見到此越南菜餐廳。 門外寫着人氣小吃笫一位是我最喜愛的牛油雞翼，即時食指大動。店內裝潢簡約。以透明膠板分隔桌面，消毒潔手液放在桌上供客人使用，衛生防疫功夫妥善，我們用膳也放心。點菜紙共兩頁，選項也不少。 越式珍寶火車頭 : 十二款基本配料; 湯底有三款 (招牌牛骨湯、蕃茄濃湯、清雞湯)，任選其一。既然是招牌， 我當然選牛骨湯。湯粉可選金邊粉、河粉或檬粉，我今次點了河粉。火車頭送上，份量多得一人一定吃不完。 先嚐湯底，牛骨湯底口感頗厚、香而不臊，滿是牛味。十二款配料均可口，尤其牛筋和牛肚炆煮得腍，配料份量足夠二至三人享用。 這個火車頭性價比非常高，$68套餐還包括一杯熱飲。 鮮蝦仁米紙卷 : 米紙卷薄得晶瑩通透，蝦仁新鮮，口感清爽。 越萊蒸粉卷 : 粉卷皮薄，包裹着一些肉碎蔬菜，肉碎炒得香口不膩，還有扎肉片，好豐富。 越萊炸春卷 : 春卷皮脆，不覺油膩 蒜香牛油雞翼 : 大大隻的雞翼，皮香脆，滿口蒜香牛油味道。那麼大的雞翼全熟，但雞肉仍濕潤，烹調功夫好。 熱奶茶 : 朋友平日喜愛奶茶，也說這杯奶茶茶香順滑，不錯呀。 越萊椰青特飲 : 椰青肉頗多

見到openrice 講得咁行，就去試一試。以下係本人給予極度劣評的罪狀：1. 樓面的姐姐首先胡亂放客人進入店內，在疫情的限制下，胡亂安排客人放行進入店內，導致社交距離短暫超過限制。經理已經即時作出糾正的字句。2. 我叫了一份火車頭，所有粉面類最棹忌的，就是個湯唔夠熱。唔夠熱的意思，不是普通的唔夠熱，而是好像買外賣回到家的溫度。這個情況，在疫情下和在這個炎炎夏天，食物安全是一個很基本的要求。前因後果不必多說。3. 上菜時，姐姐將我碗麵放喺我的旁邊，然後走開。意思是否叫我自己搞掂？ 當時店舖的人數已經減至正常的一半，而我旁邊是沒有人的。根本不是要求把餸菜送到轉角位的角落頭位置裏面， 這是基本的服務。4. 在進食的過程中，廚房傳來大量而且嘈吵的聲音。這個源頭來自於水吧的同事，大力大力把塑膠的器皿從一個箱搬到另一個箱。這一種噪音，在一個密封的舖頭裏，令人極度難堪，而且這個噪音維持了超過2分鐘。同時間，所有器皿移動完畢，水吧的同事將一箱器皿從地下搬到另一個平台上，然後大力拋下這一雙的器皿，噪音有象一架私家車撞向鋪頭一樣，把所有食客嚇一跳。 情況令人側目。5. 樓面姐姐走來走去， 行過我背面時不

最近先發現原來吳松街、廟街、白加士街都好多野食，一到lunchtime就見到間間都出現人龍，今次揀左去食越南野，店內唔多位，空間較細，所以真係要等10-15分鐘，如果唔想等都可以叫外賣，我見外賣單都出得好快－－－－－－豬扒撈檬 $36 7.5/10$36真係幾抵食，午餐仲可能跟一杯熱飲，每張檯都會有枝辣醬，任你自己加，豬扒味道都唔錯，有輕輕煎過，口感厚實唔似加左鬆肉粉，，但呢到份量唔似足一塊😖而檬粉味道較淡，所以要加大量魚露，不過食落都幾滑，同埋我已經揀左少粉份量都有咁多，性價比都算唔錯

路過睇細細間鋪，越南粉，都有人排下隊。見價錢又唔貴，就排下隊。。。我後面2位女士在傾計，講呢間野次次到lunch就好亂。剛開始不理解“亂”係邊件事？有幾個客食完出來，隔玻璃門望店內。個侍應執枱都幾慢下，樓面有3個人，幾窄間鋪。當行入去時，坐低，仲有近6-7個位仲有上手食完d碗碟。女侍應就慢慢執，放木盤係每個位上。再開始派紙巾+筷（台風方式的擺設完..）俾完張紙，選擇完食咩（落單完）等待食物。。就會不時聽到個女侍應大聲問邊個叫左杯凍檸茶走糖等，邊個碗生牛肉河等等。。。我對面枱1男1女就講笑話，問到佢地時要應機。唔係無得食。。。明明對面枱遲過我入，仲快過我。甘都係小事，終於等我碗湯檸。賣相一般,食物合格。不過，佢落左我個小食拼盤，要追加返。小食拼盤，涼拌茄子正常睇字面都係涼（凍菜），一口想吞入，發現熱，有些燙又吐出來 。有點意外驚喜，客源係幾多。（以上只係個人經歷）

路經此店，發現新面貌，做越南菜。價錢大眾化的，快飯之選。牛肉牛筋金邊粉牛肉湯底。這是正價越南春卷，竟然有打卡位。但論驚喜是跟餐追加的小食拼盤，抵食！牛油鷄翼能更小油就好了。跟餐送飲料一杯，味道正常熱柑桔。

今日係深水埗電腦商場買完野好肚餓，於是行去最多野食嘅福榮街，見到尼間越南餐廳價錢又幾抵，一於入去試下先點了三個小食和一碗火車頭，火車頭大大碗，牛骨湯清新，份量十足，起碼有二個麵底，二個女仔share 食先食得哂，牛肉牛展有口感，蘿蔔豆卜吸入湯的味道，很惹味，加入青檸和少少辣椒落個湯度，更能提升湯的鮮味蒜香牛油雞翼，雖然炸醬比較厚，但食落好香牛油味，雞翼咬落好juice 炸春卷，外層炸得酥脆，份量細细地有三條，用生菜，包住食點埋醬汁更惹味炸蝦餅，蝦餅肉質彈牙，炸得外層爽脆天氣咁熱，飲杯桔仔梳打，喝一口透心涼，真係超級解渴買單都只是幾百元，不得這麼多人排隊等位

星期六放工同大佬去搵食，去咗佐敦，其實呢區真係好多選擇，不過上網見越萊都好評如潮，咁就試一試啦。到達時大概2:00，店舖裡面係坐滿晒人，以為要等啦，門口姐姐又話安排到座位，仲即時同我哋量體溫。眼見真係座無虛席，被安排坐喺人與牆中間平排坐，食店內個個都坐到膊頭貼膊頭，更唔好講檯與檯之間有距離，只係有塊透明膠板隔住對面食客。成餐飯都喺好迫嘅情況下食。上菜時服務員因為太窄嘅關係，往往都要坐隔離近路口食客避開或者幫手遞過嚟，感覺非常唔良好。當日叫咗:-1.     香茅豬扒煎蛋飯– 香茅豬扒肉質鬆軟，有入口即溶嘅口感，香茅調味啱啱好。兩隻煎荷包蛋，蛋白邊香脆，蛋黃呈溶岩漿一入口蛋漿瀉出。飯嘅份量都幾滿足，不過豉油汁同蔥油多啲相信會更完美。2.     招牌牛骨湯+秘製豬軟骨金邊粉 – 湯頭清香味濃，有啲鮮洋蔥絲同炸過嘅蔥粒，香料味滿滿充斥口腔，甘香味久久不散。湯內仲有蘿蔔兩大嚿，索晒啲湯好滋味。跟配菜有金不換同大量生芽菜，客人可按自己喜好份量落入湯粉內，芽菜比較粗大肥，夾埋啲比較碎嘅金邊粉連湯入口，互補情況下有驚喜。餐牌上推介嘅秘製豬軟骨，味道一般，肉靱黏牙，軟骨部份反而軟脆軟脆仲好食。跟湯粉

朋友帶我來試越南粉，模式有點像車仔麵檔，自己點選喜愛的餸和小食等，周邊環境舒適，坐位平排居多。😎😎如車仔麵般挑選選料選湯選麵，加上幾款小食和飲品的簡單配搭，選擇蠻多。😉招牌牛骨湯河加配了牛筋及招牌咖喱魷魚。牛骨湯香濃而不膩，加上咖哩汁鹹味剛好，浸湯蘿蔔也十分軟身。牛筋和咖喱魷魚出奇地配搭，芽菜青檸辣椒等可以自由加配。🤤小食 - 菜心苗甜豉油搭配鮮嫩菜心，一解膩氣，很有車仔麵檔感覺！香脆炸蝦餅貼心的切成小件，熱辣辣脆口，蝦肉質地彈牙，配上辣醬十分惹味。😝蒜香牛油雞翼盛戴小吃的容器玩味十足！蒜香牛油香氣撲鼻，炸漿很薄皮，炸得乾身。😋精選拼盤再來吃不停的雞翼！還可多試兩款小食。春卷香脆，饀料豐富。另一個燒帶子大蝦涼拌茄子很越南風味，新奇有趣的配搭。😍越式桔仔梳打咸咸的桔仔，舒緩一下喉嚨的上火，配上清爽梳打水，把剛才油膩感都打散了！😙🤗🤗