越萊 (廟街)

营业中

休息中

廟街──越萊餐廳不算大，佈置充滿越南特色，乾淨舒適。呢到食物嘅選擇都好多，有樣野覺得餐廳好細心，menu都會寫埋小食類係有幾多件。而且一份細細份$20左右，可以就返幾多人再點餐，三點仲有埋tea menu。茶餐越南法式豬肝醬三文治，之前食過嘅越南餐廳都好似唔覺有呢種包餐，肝醬打得幾滑，冇腥味。裹面仲夾左扎肉同酸酸地嘅蘿蔔絲，三文治包烘到好脆，食落唔會覺得油膩。小食就叫左蒜香牛油雞翼，有3隻，炸得好脆好香口，好香蒜味。豬頸肉沙律，沙律有酸酸地嘅蘿蔔絲同椰菜絲，豬頸肉肉質都唔錯。燒帶子明蝦涼拌茄子，係非常惹味嘅菜式。帶子明蝦都有鮮甜味，同涼拌茄子都好夾，值得一試！牛肉串燒，牛肉燒得夠火喉，仲帶少少筋，有咬口。飲品叫左咸檸梳打，咸檸已經搗碎，好香咸檸，配D油少少嘅野食都唔怕。