越萊 (廟街)

营业中

休息中

剛剛去完美麗華買聖誕禮物，諗來諗去都唔知喺尖沙咀食乜好，所以行返來佐敦龍堡這邊幫襯小店見到行過這間越南餐廳性價比很高， 50幾蚊就有一個撈檬，仲要附送柑桔蜜。唔食撈檬，仲有其他飯嘅選擇。估唔到仲有火鍋叫，但是今晚未夠凍，所以我們沒有叫。見到這個有厚切豬扒和蝦餅，咁就可以唔使額外叫多一個蝦餅小食。鍾意食辣野的朋友亦都可以試吓這個湯底。原來附送的柑桔蜜，是咸擰，可以解解熱氣，非常適合冬天滋潤喉嚨。蝦餅來到了，咬落去趣卜卜，有蝦多士的感覺，入面的蝦肉很彈牙， 10分足料。原來豬扒亦是厚切，非常大塊，食落口有香濃的香茅味，又不會太油膩，不知不覺間就吃了很多口。檬粉足足有成兩個人的份量，所以建議不是太吃碳水化合物做晚餐的人，其實一個粉兩個人食已經很足夠。另外我們叫了一個甜菜心苗，清清地，食得健康啲，每條菜都沒有渣，非常嫩。這個米紙卷小食真的是必叫，吃落去淡淡滿足，食物充斥整個口腔，非常清新，鮮蝦彈牙，很有去了越南的感覺。

有朋友係佐敦站附近返正，太耐無見唯有直接就近一起約出黎食飯。臨近6點放工時間發現全部都係人頭湧湧，排曬長龍！咁我地就去左呢間，橫掂都未食過就去試下啦😜。入邊服務員好有禮貌帶我地去坐，當時選擇困難症發作既我簡左勁耐都簡唔到。服務員唔單止無催我地，反而主動走過黎比建議我地。大貪既我地最後2個人叫左三樣野😂✏️照燒雞扒豬頸肉撈檬 $52豬頸肉一向係我既最愛，呢間豬頸肉唔單止半肥瘦狀態，仲唔會太油膩。令我估唔到既係，另一邊擺住咁多足料既雞扒，雞扒算香滑又唔會太肥，令我無咁大罪惡感😂😂😂最中意都是撈檬既汁，通常其他店既撈檬汁唔係太酸就係太淡，呢店既酸汁調得岩岩好！真係好難得😆。✏️越色自選湯粉 $46其中配搭左牛骨湯牛腩生牛肉河粉，聽上來好普通。但係一上菜覺得真係又養生又健康😎試落又發現牛骨湯都幾濃烈又足料。生牛肉又真係白中帶d紅。都幾滑下又唔會煮得太老太難咬。果然廚師掌握既火候又幾恰當。✏️法式吉列豬扒包$36豬扒包又幾足料，豬扒唔會感覺太乾，熱辣辣證明剛剛炸出來黎，加埋d青瓜番茄沙律醬簡直一流😚。基本上每個人食一個粉麵已經足夠，但是叫多左個豬扒包實在太好味，最後真是個肚仔都滿載而歸啊！最最最估唔到

早就聽過這間越萊的越南美食，所以在經過的時候忍不住進去一嘗美食。叫了一客越萊雞串＄４０、西貢馬拉盞炒通菜＄２４、河內蝦仁米紙卷＄３８、海防炸蝦餅＄２８、越萊自製手工春卷＄２４和２杯熱檸茶＄２４，ＴＯＴＡＬ＄１７８首先講講越萊雞串＄４０，雞肉嫩滑之餘不會太咸，咸淡適中就算不配沙爹醬都已經很好味！其次是西貢馬拉盞炒通菜＄２４，其實我平時是個不太吃蔬菜的食肉動物，但這碟通菜非常的惹味開胃，令我都忍不住夾了好幾夾。至於，河內蝦仁米紙卷＄３８簡直係冇得彈！皮薄餡靚，里面大大細的鮮蝦仁加埋越南檬粉、香炸蒜片、香蔥同埋青瓜，沾上醬汁後，鮮嫩之餘還有很青爽的感覺，ＷＯＮＤＥＲＦＵＬ！！！而海防炸蝦餅＄２８，外面的粉不是太多，一口咬落去啖啖都係肉，真係用足真材實料！棒棒噠！跟住係越萊自製手工春卷＄２４，這款自製手工春卷跟中式的春卷甚至係其他越南春卷都有很大分別，外表看上去好似細細條咁，放入口里就感覺到里面的餡料豐富，用生菜把著更去了那份油炸食物的油膩感，加埋酸辣汁就更是一流！最後，強烈推薦大家試試河內蝦仁米紙卷＄３８、越萊自製手工春卷＄２４這兩款最特別最抵食的美食！！！

最近不停好想食東南亞食物，同埋上次冇食到嘅春卷諗左 n 日，所以今日 target 就係春卷！今次揀左間越式小店，位唔係好多，都要排一排先入到去，入到佢燈光舒服柔和，裝飾品非常有特色又colourful，而且樓底超高，所以雖然係小店，但好夠空間感飲品黎先，柑桔蜜，本身以為係韓國玻璃樽果隻，點知唔係，係媽咪牌屋企浸果隻咸柑桔味，出奇地好飲喔～野食黎啦，e碗叫做“牛來了”，生牛肉 + 牛腩 + 牛筋 + 牛展 + 牛丸湯河，好少餐廳嘅湯牛河可以咁齊，完全唔洗揀同諗，咩都食到，close up影左粒牛筋丸，真係有一粒粒牛筋嫁～招牌撈檬，有豬扒 + 豬頸肉 + 牛肉，材料好豐富，撈檬汁正常發揮，冇咩特別，值得講係佢好大碗，食得多嘅男士都夠今晚(我心目中嘅)主角，手工春卷，鮮炸嫁！雖然唔係網紋果種，但係一樣咁脆，食完開心曬我食完要起身果陣，先發現到個機關掛袋。。。豬左添

本身約左朋友食飯，就佢收工，所以揀左佐敦~起初見到地址「佐敦廟街306號地下」，以為係廟街牌坊個頭😂點知原來就係龍堡酒店對面，幾就腳😝七點三到左餐廳，好彩唔洗等位就入得。餐廳唔算大，一眼望晒，不過都算舒服嘅😉本menu幾得意，頭兩版介紹左老闆開業同埋牛骨湯小小資料。之後越睇menu，就越發現好多野都想食😂越萊自製手工春卷 (2件 - $24)一上枱，就已經覺得好吸引😚點完甜酸汁，咬落去，脆卜卜，個汁酸酸地，勁正😍好想再encore多碟，可惜我地都叫左其他野，驚食唔晒😔🧈越萊蒜香牛油雞翼 (3件 - $26)上枱個陣見頭有頂越南帽仔幾得意，仲研究左一陣🤣雞翼都係炸到好脆，就算放到最後食，咬落去都仲有聲架😊不過最後食，碗度好多溶左嘅牛油，好邪惡😫🥬西貢馬拉盏炒通菜 ($24)望住個menu，呢個菜只係 $24，有D愕然🙈正常出面餐廳食都要$50 $60，而佢只係$24，等同於雲吞麵樓個淥菜咁嘅價錢😂不過味道上佢比上面兩個小食遜色😢蒜蓉太多，以致於我只係食到蒜味，反而唔多食到馬拉盏味……但份量絕對對得住個價錢，就算當佢係普通炒菜都抵到爛，呢個一定要強調😝🐷厚燒豬扒蝦餅撈檬🦐 ($52)撈檬幾

今日諗住喺佐敦食完嘢，行去尖沙咀睇下燈飾🎄🎈🎊，行咗去廟街諗住搵下嘢食，見到呢間越南嘢門口有人龍，餐牌見佢啲小食超抵，就決定入去試一試我哋叫咗一個「牛萊了」🐂🐃🐮， 入面有: 牛筋, 牛腩, 牛展, 牛丸, 同埋生牛肉碗粉超級適合牛肉控食嘅同埋佢有勁多牛筋佢入面嘅牛丸好出色, 夠彈牙同埋有肉汁!! 牛筋就好淋， 佢個配菜：蘿蔔都好入味另外，小食叫左「潘良帶子明蝦伴茄子」佢個茄子個皮係煎左，跟住蝦同埋帶子都有啲蒜蓉伴住，同埋煎香咗，成件事係好惹味好好味😍😍 非常之推介， 仲要唔貴30蚊左右河內蝦仁紙米卷佢個皮煙煙韌韌, 入面包住滿滿嘅粉絲同埋蝦, 再點一點佢個酸酸甜甜嘅汁好好食食咗呢三樣嘢，再加杯凍檸水都係130蚊你話係咪超抵

無得去旅行，今次見到越南餐廳就好掛住pho(越式河粉），見到呢間新裝修，價錢又咁平，就入黎試下！佢成個裝修用左好討喜既色調，再加上繽紛既燈，都幾刺激食慾！今次叫左河粉，撈檬同埋小食拼盤，諗住呢個價錢黎講晚餐平平地岩岩好，送上黎既時候嚇親我同朋友——份量原來咁大！我同朋友差d食唔曬！除左量之外，當然要講下個質素。湯粉同撈檬都有分開上既配料，青檸，香葉，芽菜落唔落落幾多都可以自己決定，一飲個湯，香濃得黎唔會好油好膩，我最後好唔健康咁飲曬成個湯哈哈！呢到既牛肉就係正常級，不過唔韌，脂肪夠均勻，有香味已經好好！撈檬黎講係比較開胃之款，佢既汁有少少偏酸，甜味適中而又較為清，配上豬頸肉同豬扒就好似生菜包既配搭一樣，一清一油非常搭！最後就係有春卷同小食拼盤，春卷係特色既紙網卷，都好耐無食過，個人覺得幾特別！我都唔係太分得清個肉配左咩醬汁。

兩個人夜麻麻行完街食咩好？泰國嘢嘅份量太多❌ 茶餐廳又有啲悶❌ "越南嘢"就啱啱好喇😋今次我哋兩個就竄咗去位於廟街嘅越萊，距離美麗華都唔使10分鐘路程。門口嘅裝潢一睇就已經好有越南風味喇，隱約仲見到店內擺放咗充滿越南特色嘅竹製品🎍同香料等等。雖然係平日嘅夜晚，但都坐滿人咁濟，好彩啱啱好有幾枱客人用完餐就，即刻有位叫嘢食！坐低見到餐廳除咗有越南粉面之外，仲有唔少小食同拼盤，但我哋得兩個人就食唔到咁多喇，所以嗌咗一個越萊經典撈檬、一個牛萊了🍜同一款蒜香牛油雞翼🐔就夠晒喇～相信大家好多時食嘢都會試過"圖文不符"嘅情況，啲配料碎濕濕又細份，但係越萊完全無呢個問題，分量大大碗、配料又多唔使擔心唔夠飽，而且餐廳十分細心，香料例如辣椒、檸檬同埋其他香葉都係另上，由客人自己加入去，唔會擔心因為調味過晒龍，影響到主食本身嘅風味。越萊經典撈檬方面，見到牛肉、豬扒、豬頸肉嘅份量十足，厚切得嚟又唔會太乾，本身嘅醬汁配埋撈檬嘅湯料甜中帶酸，非常開胃。嚟到個樣好吸引嘅小食 - 蒜香牛油雞翼🐔，除咗隻隻都新鮮炸起，大大隻又炸到金黃色之外，一啲都唔會乾身，咬落去啲雞油同肉汁滴到周圍都係😂而家閑閑哋搵間茶記、食碗粉麵都

呢間位於佐敦嘅越南餐廳想試好耐但平時行過真係太多人唔太想排隊今日特登夜啲過嚟過咗晚飯時段9:00人流開始少唔使等位餐廳入面座位不多，餐廳裝修好有特色以藍色為主餐具同埋擺設都好配合風格而餐廳提供嘅食物就有好多款式二個人食叫過拼盤就係明智嘅選擇，可以試到唔同種類嘅小食拼盤上面有米子卷爽口嘅蝦配新鮮嘅青瓜同米粉用米子包住點埋旁邊個汁成個卷就好清爽作為小菜嘅餐前小食一流拼盤上面仲有雞翼春卷同茄子個茄子上面有蝦同帶子較為特別食落有輕微嘅油膩但包着菜式就將油膩減低茄子完全唔乾上面放有蔥花，令到鮮味更加突出，有驚喜豬頸肉燒到好乾脆又唔會鞋口保持到豬肉嘅水份食落仲非常爽口豬頸肉作為拼盤入邊嘅一部份份量都算好多比出面多成倍成個拼盤只需$168，可以試盡唔同嘅美食不得不提嘅梗係牛魔王嘅越式河粉牛肉嘅肉質好靚肉同脂肪嘅比例分布均勻牛丸有好彈口湯底仲有好濃郁嘅牛骨湯味，非常清甜半生熟嘅牛肉，口感尤佳就算浸耐多一陣都唔會覺得鞋口，可見用料非常上盛另外再配有薄荷葉芽菜辣椒同埋青檸，呢啲全部都係另外上，隨你喜歡落幾多都得份量亦都好多超級大碗餸菜嘅份量亦都非常多😋牛肉有六片，牛丸有三粒，+3舊蘿蔔，蘿蔔非常林身，浸入

間唔中都會同啲朋友去廟街佐敦食嘢,因為本身係尖沙咀返工,過去佐敦非常之近,搭地鐵都係一個站,行路過去都係幾分鐘,今日個同事話想食越南野,我記得有一間喺廟街嘅越南餐廳價錢又公道又好味所以就帶咗佢去食 越萊餐廳唔算大，但係裝修得好簡潔，而且店員非常之有禮貌，值得一讚越萊自製手工春卷 4件 38元春卷用一個好得意有頂帽嘅籃仔載住，賣相幾好，春卷皮好薄，可以望到入邊啲餡，而且一個被炸到好香脆，配埋佢嘅越式甜酸醬，味道好好安格斯牛魔王牛骨湯粉 108元呢個湯粉真係唔講得笑，份量好多好大碗，好足料，面前有各種嘅調味，九層塔，檸檬，辣椒，你可以自己選擇加幾多，自己去調教個辣味牛肉非常之嫩滑，而且牛肉味好重好香，牛丸做得非常出色，咬落去有少少油脂，味道更加突出，河粉都做得幼滑，整體嘅配搭都好好越萊超值拼盤 六款食物 168元呢個真係重點推介，首先賣相係非常吸引，望落去都睇得出食材好新鮮，師傅好有心機炮製蒜香牛油雞翼，雞翼做到好入味，雞翼皮炸到好香，雞肉亦都好Juice，香蒜同牛油配搭埋一齊酸辣鳳爪，鳳爪做得好爽口，而且非常有咬口，酸酸辣辣好開胃蝦仁米紙卷，非常有越南特色嘅小食，米紙包住大大粒嘅蝦仁，而

朋友係尖沙咀返工，等佢收工一齊食飯。佢話呢頭有間越南餐廳好好食，性價比好高，我都好耐無食過PHO，都想試下，所以就等佢帶我搵食啦🤣🤣🤣呢間餐廳位於佐敦九龍仔公園附近，好近地鐵站，都幾容易搵到。食飯時間都幾多人係出面等位，😆餐廳座位唔多，有bar枱位，自己一個人食嘅時候，坐bar枱唔洗同人對望都唔錯咖🤣🤣🤣裝修充滿越南風格，吊燈都係竹制🌟🌟越萊經典撈檬 $60檬粉好大碗，😳有香茅牛肉、厚切燒豬扒、豬頸肉，仲配有紅蘿蔔絲、白蘿蔔絲、青瓜絲，非常足料。全部肉都好好食，肉質口感唔錯，豬扒唔會韌，牛肉用香茅醃過，食落好香口。豬頸肉都煎得啱啱好，有少少脆😛加埋秘制甜酸醋撈埋檬粉一齊食真係好適合🥰🌟越式自選湯粉 $48今次點左手撕雞絲同豬軟骨配河粉，牛骨湯清甜，可以自己落芽菜同金不換，加幾滴青檸汁落去，酸酸地咁，幾開胃。🌟越萊蒜香牛油雞翼 $36雞翼係必叫，有五隻，一入口已經食到香濃蒜味同牛油嘅香味，炸到雞皮卜卜脆，但肉質嫰滑，非常juicy，食唔停口😛😛。青檸梳打+$6 加$6可以有特色飲品，青檸梳打好飲👍🏻熱柑桔蜜 （跟餐免費）柑桔蜜唔會太甜，都幾好飲總括黎講，呢間餐廳cp值極高，非常抵食😛兩個

放工同朋友嚟咗廟街度同事話之前食過呢間覺得幾好味又抵所以同佢食多次去到嗰陣係7:00入面已經坐滿晒人等咗15分鐘到門口都有Menu可以睇住等入到去都唔算話好大不過裝修睇得出好用心好精緻係真係依照越南嘅特色嚟整嘅牆上面有好多越南帽我哋嗌左：👍🏻越萊蒜香牛油雞翼 Garlic butter chicken wings 最鍾意就係個雞翼嘅outlook,用咗個好似涼亭嘅嘢裝住啲雞翼真係好得意！個雞翼好趣幾好味，不過蒜香味就唔算話好重！👍🏻越萊經典撈檬 Cold rice vermicelli with lemongrass beef, grilled pork chop & pork jowl呢個我會比8/10分！碗撈檬仲大過我隻手！酸酸甜甜既汁令我食慾大增，有牛肉，豬頸肉，豬肉，我自己最鍾意食豬頸肉，朋友就覺得牛肉好味啲，Overall 個面夠大碗，又足料，味道好味，抵！👍🏻Vietnamese beef soup rice vermicelli with self chosen toppings 招牌牛骨湯檬粉 檬粉有12款配料選擇，湯底可揀牛骨/雞湯湯底，面底可以揀河粉/檬粉。我哋揀咗

現時冇得去旅行，一諗起想食越南嘢，就自然會去越萊解決，因為性價比太高。越萊經典撈檬的確係經典，一次過試齊三款越式味道嘅肉，而且每款各有特式，豬頸肉爽脆，牛肉鮮嫩細緻，豬扒醃得入味，炸得通透，檬粉加咗酸甜汁撈勻一齊食，零舍開胃，味道一流。順道叫咗一個人份量嘅越萊精選拼盤，有香脆雞翼、越式春卷及潘良帶子明蝦伴茄子，份量各一又可以試到三種小食，各有獨特味道及口感，幾好㗎。加多個西貢馬拉盞炒通菜及凍檸水，滿足晒一個人的要求，好極！

食過番尋味，當你試過 ❛越萊❜ 嘅出品，肯定你必然再幫襯，始終性價比高，而且有驚喜。今晚同老友一齊嚟食，上次冇叫火車頭，今次唔放過啦！份量大得驚人，一個人冇可能食完呀！材料超級之多，湯底清甜，河粉幼滑，如果唔係大食王，可以3至4個人share，而家2個人食，非常飽肚。跟餐送熱飲，加$6改咗越南咖啡，冰凍好飲，咖啡味濃，甜度適中，不妨試吓。再點咗西貢馬拉盏炒通菜，濃味馬拉盏令通菜好入味，增加食慾，係惹味之選。今次見Menu多咗好多新菜式，食物圖片吸引，期待下次。

聽朋友介紹“越萊”係一間由兩夫婦用心經營，地道食越南嘢嘅舖頭，今晚總算有機會一試。餐廳地方細細但四正，有越式帽子及竹製燈飾做簡單點綴，效果唔錯。晚市七點左右，食客開始多，品質一定有保證。我最想食越南小食，一口氣叫咗三款。先有潘良帶子明蝦伴茄子，煎好嘅茄子上面舖咗鮮甜帶子，再有爽口鮮蝦，幾夾噃，有特式創意。跟住有河内蝦仁米紙卷，彈牙嘅大蝦被米紙卷包住，通透鮮明，夠清新，好吸引食慾。鍾意食蝦嘅朋友，不容錯過。再嚟炸好嘅海防炸蝦餅，顏色金黃，粉槳薄薄地，咬落好脆身，蝦餅質地結實彈牙，冇油膩感，好好食！餐牌有好多美食，留待下次再品嚐。