越萊 (廟街)

营业中

休息中

食過番尋味，當你試過 ❛越萊❜ 嘅出品，肯定你必然再幫襯，始終性價比高，而且有驚喜。今晚同老友一齊嚟食，上次冇叫火車頭，今次唔放過啦！份量大得驚人，一個人冇可能食完呀！材料超級之多，湯底清甜，河粉幼滑，如果唔係大食王，可以3至4個人share，而家2個人食，非常飽肚。跟餐送熱飲，加$6改咗越南咖啡，冰凍好飲，咖啡味濃，甜度適中，不妨試吓。再點咗西貢馬拉盏炒通菜，濃味馬拉盏令通菜好入味，增加食慾，係惹味之選。今次見Menu多咗好多新菜式，食物圖片吸引，期待下次。