越萊 (廟街)

营业中

休息中

聽朋友介紹“越萊”係一間由兩夫婦用心經營，地道食越南嘢嘅舖頭，今晚總算有機會一試。餐廳地方細細但四正，有越式帽子及竹製燈飾做簡單點綴，效果唔錯。晚市七點左右，食客開始多，品質一定有保證。我最想食越南小食，一口氣叫咗三款。先有潘良帶子明蝦伴茄子，煎好嘅茄子上面舖咗鮮甜帶子，再有爽口鮮蝦，幾夾噃，有特式創意。跟住有河内蝦仁米紙卷，彈牙嘅大蝦被米紙卷包住，通透鮮明，夠清新，好吸引食慾。鍾意食蝦嘅朋友，不容錯過。再嚟炸好嘅海防炸蝦餅，顏色金黃，粉槳薄薄地，咬落好脆身，蝦餅質地結實彈牙，冇油膩感，好好食！餐牌有好多美食，留待下次再品嚐。