越萊 (廟街)

营业中

休息中

晚市禁堂食之後， 好少可以6:00之前係餐廳走到，今日早咗放工，見呢間野好似幾抵食，一於試下。六點前仲係’午餐’，叫左個豬扒撈檬($48)，送熱柑桔蜜，可以揀加個小食($12)，試左蒜香牛油雞翼。豬扒較薄身，食落去好似有啲甜甜地，好入味，而且分量都多。檬粉都好大份，之前驚食唔哂，己經叫左扣底，都仲好大碗，一個女仔正常食量應該唔會食得哂。配料都係嗰啲，青瓜絲生菜絲紅蘿蔔絲。蒜香牛油雞翼上面真係有啲蒜蓉，而且炸得好趣，好惹味。我食完個陣己經坐滿哂八成位，都幾爆場，但係待應態度好好，好有耐性，而且會唔該前唔該後☺️好鐘意餐枱枱邊位置有個掛鉤，可以放袋，好貼心。可以再試！✌🏻

上堂上到半夜三間, 超級肚餓, 好在朋友事先嗌左越萊嘅小食拼盤外賣俾大食妹<潘良帶子明蝦配茄子>泰式拼盤裏面有茄子都係第一次見茄子水份飽滿, 可惜帶子同明蝦冇咩味<鮮蝦仁米紙卷>鮮蝦仁米紙卷就咁食冇咩味, 點左泰式醬汁, 清新開胃<炭燒豬頸肉>炭燒豬頸肉份量唔多, 但口感爽口, 而且充滿炭燒香味<牛油雞翼>牛油雞翼就相對重口味, 蒜蓉混合牛油嘅調味, 非常唔錯<雞湯浸蘿蔔>雞湯浸蘿蔔蘿蔔又大又充滿水份真係雞湯裏面又幾好食啵

之前係佐敦返工，今日舊地重遊又肚餓，開 Openrice睇下有咩食時見到 Pho Bo，自己又有段時間無食越南嘢，就去試一試。去到門口，已經有人等緊位，不過等咗一陣就有位。為咗唔浪費時間，係等位時已經揀好食咩 ，所以一坐底就馬上叫餐（餓鬼上身咁叫咗份生牛肉河，撈檬 and 一d 小食）上餐都好快，轉個頭就上曬，影完相就正式開始 Pho Bo 嘅生牛河係同外面一般嘅生牛河有少少唔同，佢地標明「安格斯生牛肉河」，食得出用嘅牛肉同一般嘅生牛河係唔同，真係鮮嫩好多。

自從去過一次越南旅行之後，成日都念念不忙當地啲食物，今日路過見到有間越南餐廳，即刻入去回味下！入面裝修都好似越南咁，用左好多竹同木，好有feel野食選擇都多，飯、麵、包、小食通通都有，而家價錢仲好親民添朋友叫左個雞扒飯，好足料，亦都好靚，最緊要係雞扒嫩滑多汁，飯配埋啲汁同配料食亦唔會覺得好乾難以下咽，高質！食越南野，春卷一定唔少得呢到啲春卷好香脆，仲要係手工自製炸豬扒包，就咁望落去都流晒口水，一睇就知塊包烘到脆卜卜，勁有咬口，中間炸豬扒有沙律醬調味，唔會覺得好乾好熱氣乳豬拼盤，有通菜同米紙卷。主角乳豬層皮好脆身，似足係酒樓食個啲，但一啲都唔貴，平時出面食隻乳豬都要幾舊水，呢到百幾蚊就食到，勁抵食！

越萊 Pho bo 📍佐敦站步行至廟街，見到Pho bo 招牌即至一直都知廟街好多野食🤗禁堂食既最後一晚就黎左呢間餐廳食越菜😋去到大約6點半左右，餐廳鋪面唔算好大，都已經有唔少人係度好好彩我地都唔洗等位就入到D裝飾同燈都好靚😆每個位都好貼心有個勾比你掛袋，好細心💗我地叫左一個越式湯河，佢係好似車仔麵既形式😆🔸兩餸越式湯河（牛骨湯·河粉·生牛肉+手撕雞絲）湯底好濃呀，唔係一般味精湯白蘿蔔好清甜，夠淋而且冇渣👍🏻生牛肉夠滑手撕雞幾爽口，同埋真係一絲絲唔係一舊舊🌟另外見到佢餐牌寫+$5可以粉麵轉菜底😳好適合唔食碳水/唔想食咁heavy 既人✨🔸越萊經典撈檬（香茅牛肉·厚切燒豬扒·豬頸肉）叫左個湯既，就叫返個經典撈檬😋佢既撈檬汁係另外有一個兜裝比你唔係公家share！夠衛生！呢碗撈檬好抵食，淨係個碗都大過我塊面🤣D餸又多~香茅牛肉好濃味，配左芝麻突出左牛肉味豬扒真係好厚，唔痴牙～豬頸肉條邊係脆既，食落口超級香✨大大塊仲有好多塊🤤🔸馬拉盞炒通菜 $24呢個菜真係幾抵食，價錢超親民但係又唔會份量少汁比較多但係味道都夠👍🏻🔹熱柚子蜜（跟餐送）跟餐會有熱柚子蜜送😆好正呀醬好多～每啖都有豐富柚子味😙唔會

今日黎到呢日pho bo越萊食晚餐，見面口都幾多人排隊，時間尚早但入面已經坐滿晒人盞等位既時候唯有睇下門口menu有咩食，估唔到餐廳望落好細間，但原來有咁多款野食朋友叫左個雞扒煎蛋飯，價錢同一般茶餐廳差唔多，但淨係睇賣相都已經高幾個級數，配料又足，絕對抵食！一上枱第一時間望到既係隻靚蛋，中間半生熟流心，蛋白一啲燶都無，不得不讚廚師好手勢雞扒亦好香好嫩滑，唔錯我叫左炸豬扒包，中間已經切開左一半，食起上黎唔會太大舊好狼狽，食到一半啲餡跌晒出黎豬扒勁脆身，咬落去隔離枱都聽到聲呀入面大量沙律醬，味道十足！越南春卷，新鮮炸出黎熱辣辣，搞到我差啲淥親個嘴配埋個醬食好正乳豬配馬拉盞炒通菜、米紙卷，份量十足，乜都有乳豬脆得黎唔會硬，不過係有少少肥米紙卷入面包左好大隻蝦仁，好解既蝦味，食到勁滿足！

喺佐敦地鐵站行過去唔使5分鐘就到，好方便！未到6半已就嚟坐滿，要等位！都幾誇張，可能店面唔算大，得10幾個位！不過外賣單就不停keep住有，一路食一路出貨!!見佢menu價錢又唔算貴咼！啲野食又好似好吸引hehe油菜健康之選!!今次係菜心，都新鮮嘅唔會淥到好林👍🏼👍🏼喺街食飯都要食得健康🙈小食拼盤好抵食！有春卷，大蝦米紙卷，蝦餅，串燒各2款！新鮮熱辣出爐，脆卜卜🥳略略覺得如果串燒有多啲汁會更開心！但其實4個人分享都絕對夠哂👍🏼👍🏼高質！牛萊了唔洗70蚊有齊牛腩，牛丸，生牛肉，牛筋，牛𦟌！食肉獸必點👍🏼一定滿足哂！味道唔會好騷好硬啲牛！而配湯一齊食，好好食👍🏼👍🏼整體來講我覺得都好高質，價錢亦都唔算貴！值得再encore🥰

我好鐘意食越式菜今日又凍冰冰，最岩食返碗暖笠笠嘅湯河上次行過呢間餐廳，見到超多人排隊，今日過嚟食個lunch先好多野想食～豬扒撈檬，雞扒飯，湯河都好吸引，不過咁凍，都係飲啖湯啦老公想叫一碗「牛萊了」，而我本來諗住叫碗「火車頭」 因為火車頭好多配料，樣樣都好想食，只係$88咋但個侍應哥哥好好人～～同我講碗火車頭好大碗，夠兩個人食好彩佢提醒我哋，唔使浪費食物最後叫咗碗牛萊了 同 三餸湯河呢碗係牛萊了，牛丸好彈牙又juicy，牛腩同生牛肉都好有味原來普通湯河已經好大碗😆我呢碗係三餸牛骨湯河！只係$52咋！豆卜好大粒！朔晒啲湯汁但豬軟骨未係完全淋嘅狀態，仲係有一條條軟骨係到，不過味道正常嘅呢碗份量比我平時食嘅多一半，我好努力食到肚都脹卜卜，都係食剩少少😛配料夠鮮，河粉夠滑，牛滑湯夠味，唔會飲到人口渴，唯一一樣要輕輕彈一彈係個湯嘅熱度～唔係唔熱，但可以再熱少少，可能放咗啲配料同生牛肉，個湯稍為走咗啲熱度😛下次去佐敦都會再食～平靚正午餐，點解我我公司附近無🥲

平時lunchtime門外總係大排長龍，於是一路無機會試，但次次提起同事都讚不絕口，今日難得早放工，就襯下午茶時段去幫襯。店舖位於佐敦同柯士甸站之間，空間唔算大，甚至有少少逼，但裝修幾有越南feel。下午茶同午餐既menu都有得嗌，下午餐平到有少少surprised,38蚊包檬粉/扎肉包+小食+飲品，真心食到飽。午餐貴少少但都經濟實惠，加十蚊可以加小食。新年慰勞下自己，於是叫左一枱餸。食物到既時候立即後悔！因為太大份！叫左三餸麵，其中一個餸係蘿蔔，竟然有五舊蘿蔔omg 真係一d都唔慳料。米紙卷味道恰到好處，粉絲細條分明，非常開胃。鳳爪又係大大份，爽得黎唔會太酸。最後馬拉盞炒通菜，賣24蚊真心抵，份量無減，但略嫌有d濃味。

牛萊了$68份量好足，而且款式多，裡面有生牛肉，牛腩，牛筋，牛展，牛丸，岩哂肚餓又貪心嘅我😌而且裏面個牛筋好大舊，牛丸好多汁！好多汁！好多汁！重要嘅嘢一定要講三次🥰🥰跟餐仲有杯熱柑桔蜜，其實$68來講份量多款式多仲要有嘢飲送都真係幾抵.越萊蒜香牛油雞翼$36$26有三隻$36有五隻，咁梗係嗌$36啦，而且呢度嘅牛油雞翼食落同出面嗰啲好唔同，係另外一種口感，但呢種口感出奇地適合自己嘅口味😋😋下次嚟到都一定要再叫.西貢馬拉盞炒通菜$24佢屬於冇咁辣嘅，比較上香比較上甜，朋友唔食得辣，叫呢個啱啱好🥰.Cp 值及夠飽: 我同朋友share 食，每人都係$70唔使，就已經有牛油雞翼，有碗多款式份量足夠嘅越南河仲要有碟菜，講真去邊度搵😌😌😌另外要提嘅就係座位有個勾，店舖好體貼👍🏽.翻啅:剩係講個份量價錢都一定返嚟😂.我見有人叫左個火車頭，個份量多到呢，大胃王一定要叫！

最近愛上咗食越南嘢，所以今次係佐敦到搵下有咩越南嘢食。入到餐廳，侍應好好禮貌咁帶我到位坐，同時服務態度又好好喎，令到你感覺有種愉快用餐嘅體驗咁牛肉湯河，撈檬呢啲一定有啦，佢仲有飯同越式法包，非常之好呀越萊精選火車頭湯粉上枱時我嚇親，好大碗，好多嘢食，好滑嫩嘅生牛肉，非常多汁嘅牛丸，豬軟骨，雞絲咩都有，加5蚊仲可以轉菜底，勁多娃娃菜，生菜，唔想食粉麵嘅人就啱哂啦。小食方佢都好細心，有時一個人食嘢，眼闊就肚窄，想食款式多，但又食唔哂，呢度就好好，廿十幾蚊就一份小食，細細份，一個人份量就啱啱好。燒豬頸肉燒得啱啱好，有油香又唔會乾哂咁，個邊仲有啲脆口，點下佢個辣醬就更加惹味啦雞湯清蘿蔔惹味香口嘢之外，清淡嘢都唔少得。佢個清雞湯煮蘿蔔，煮到好腍，好入味，而蘿蔔本身嘅甜味完全帶哂出嚟，可以清走啲油膩感會再返嚟試下其他食物

路過來佐敦一帶，見夜晚時分道道都熱熱鬧鬧的，發現等候時間頗長。唯獨這一間比較少人，所以就入去試試啦。誰知道一進去掃完安心出行立即可以就坐。雖然地方雖小但是五臟俱全。照燒雞扒豬頸肉撈檬個名太長啦！一講完就覺得飽飽地啦。我好中意食豬頸肉，但是這款豬頸肉並不肥，但是可惜我偏偏喜歡半肥瘦豬頸肉，雖然如此我萬萬猜不到竟然這個餐我最喜歡係雞扒，因為滑溜溜的，不會煮得太老，火候剛剛好，另外值得一讚👍是調味撈檬的醬汁我最喜歡，平時食dd就胃酸的我，這次缺沒有反胃的感覺。所以我真的好欣賞醬汁和這滿滿的分量，讓我滿載而歸。我最喜歡的另外朋友仔的餐是自選湯粉牛骨湯生牛肉牛腩河粉我最欣賞這款是夠清淡，不會太儂，牛骨湯還蠻好喝的，嘗試了一口。只能說是清淡，牛肉不會太老剛剛好，反正如果河粉不煮太耐就更好了法式吉列豬扒包食完自己的那碗撈檬基本就已經飽到7成撐住了，當面對還有一半的吉列豬扒包還是忍不住食2口 試試味道。可能時間放得有些長，所以豬扒沒有這麼熱了，不過對於不太可以食熱氣得人來說，卻剛剛好。我還是很喜歡特質沙律醬的，酸甜。但是下次一定不會點這麼多了，因為這店鋪已經很經濟實惠了。晚上還有吃45-60塊的價格真

最近發覺廟街多了很多新的餐廳，又有甜品店、cafe、印度菜，剛巧想搵個地方食lunch，見到門外餐牌都幾吸引，價錢又好抵，決定一試。看完餐牌覺得好似在點車仔麵，可自行選擇不同餸和粉，我們點了一個豬軟骨湯濛及香茅豬扒蝦餅撈濛，每個餐都配飲品。份量絕對夠大！！豬扒和蝦餅都很香口，豬扒調味剛好，很嫩，好味！ 豬軟骨亦煮得很軟身，味道不會過鹹，唯一美中不足是其中一位服務員態度不是很好。以CP值來說，是抵食的！

約左朋友係佐敦見面,就搵左呢間近地鐵既越南野試下💁🏻‍♀️餐廳唔係好大,但用餐環境唔錯,乾淨舒服我同朋友都好肚餓,所以叫比較多野食😁🍽越萊精選拼盤💰$32呢個拼盤非常精美, 望落就好想食拼盤有3樣野,春卷, 茄子,雞翼三樣都唔係得個樣,食落都好味🐔蒜香雞翼係炸得幾脆,重蒜香味🍆茄子加埋帶子同蝦,面頭有蔥油,味道好唔錯,🫔春卷係我同我fd都覺得3樣入面最正外皮脆而煙韌, 餡又好味👍🏻🍽西貢馬拉盞通菜💰$24出街好少叫菜式, 通常💰$7-80 一大碟菜又比較貴又食唔曬佢呢度💰$24 有碟菜,2個人share食啱啱好菜夠野味,少dd油更好🍽越萊經典撈檬💰$60經典撈檬有豬頸肉,豬排,牛肉一次可以試曬3款餸3款餸都幾好味,每款都醃得夠入味,最好係豬頸肉我平時唔係太好牛肉片,但佢既牛肉幾淋身,都ok窩每款餸分量都多, 剩係食呢碗都飽豬排豬頸肉🍽牛筋扎肉河湯頭幾清甜,特別要一讚既係個牛筋牛筋非常之林, 就黎到啫喱既境界😂我牛筋愛好者既friend 非常欣賞🍽餐飲叫左青檸蘇打同山薑茶青檸蘇打好醒神,山薑茶超級夠薑😂Overall, 食物質數好,性價比高,會再回頭既餐廳💁🏻‍♀️

早排同同事係佐敦食過呢間越南菜餐廳因為覺得好食，所以再黎食多次（p.s.今次仲要係冇食早餐同晏就）入面裝修好有外國風情零舍開胃望下個餐牌先～特別介紹，呢個越萊超值拼盤係上次同事推薦，入面有齊晒餐牌平時嘅散叫小食既然今日胃口大開，一於試下佢～另外都驚唔夠飽，所以叫多個飯食野之前要潤一潤跟餐有埋杯檸蜜，好解渴Yeah～主角黎喇真係好大份！好大份！好大份！重要野講三次入面有泰式春卷、豬頸肉、牛油雞翼、帶子明蝦配茄子、蝦餅、燉蘿蔔、越式鳳爪......好多野食，仲要好好味架走骨嘅鳳爪岩晒懶人之外，配埋甜酸醬更加咬到爽脆嘅口感。蝦餅要醮泰式辣醬，感覺上冇咁熱氣，同埋岩岩炸好，熱辣辣食落肚真係好岩冬天食呢個係最好食混合兩種海鮮一齊食 帶出鮮甜味道，而且一啲都唔膩泰式春卷亦都好好味，睇相就知入面真係好足料，包著檬粉同蝦肉一齊脹卜卜好有咬口最後我地都係叫埋個雞排肉碎煎蛋飯雖然個拼盤真係好大份好飽（兩個人食絕對足夠）而個飯都好足料，我地兩個人食都食唔晒，比相片睇嘅仲要多，岩晒大食嘅朋友總結報告今次第二次食依然好有新鮮感，特別係個小食拼盤，真係可以成日order正如標題話齋：真係越萊越好味