裕記大飯店

营业中

休息中

唔明點解燒鵝自己可以成為一個招牌菜﹐咁油雞、叉燒、燒肉點解唔可以做到好出名﹐點解呢﹖不過總之人地話去深井食燒鵝咪食囉。燒鵝一隻﹐食左幾舊﹐OK 喇﹐肉質好似骸骸地。鹵水鵝掌併鵝腸﹐冇食。羊腩煲﹐食左一舊﹐冇感覺。尖椒炒鵝腸腎花﹐又係食左幾舊﹐腎花幾爽﹐OK喇。炸鯪魚球﹐冇食。椒鹽鮮魷﹐冇食。西檸蝦球﹐食左一舊﹐冇感覺。琵琶豆腐﹐冇食。臘味炒芥蘭﹐食左幾條菜﹐菜新鮮﹐幾好。清炒豆苗﹐食得最多的一碟。咕嚕肉﹐食左兩舊﹐冇感覺。

不知不覺間, 係N年前同屋企人食完一次, 0個一次令我回味無窮! 而家有機會食一次, 令我係食0既前一晚好雀躍, 好期待... 但往往會「事與願違」!首先, 無可否認佢地0既燒鵝係好食, 出面D鋪頭係冇可能做到「誰能代替你地位」, 皮光肉滑~ 但價錢貴~ 但都預左~ 另外叫左其他例牌SIZE小菜, 味道都OK, 4個人4個小菜都OK飽~CAR PARKING方面俾$20可以泊3個HRS 都好合理, 因為D野食來得勁快~~去埋"發記"食飯後DESSERT, 仲有好多時間REMAIN~~總括而言, 一年去一至兩次都OK~

星期日行食團尾站係深井經過四五小時行程, 雖然頭場端記食得好飽但接近六時大家也覺得肚餓了六時左右到達裕記大飯店裝修不算豪華但已在及格之上...菜式有:燒鵝x1 鹵水鵝掌拚鵝腸羊腩煲尖椒炒鵝腸腎花炸鯪魚球椒鹽鮮魷西檸蝦球琵琶豆腐臘味炒芥蘭清炒豆苗咕嚕肉燒鵝個皮都幾脆...隻鵝唔算大隻但都幾好肉同肉嫩....不錯.鹵水鵝掌拚鵝腸...我較喜歡鵝腸...頗爽...鵝掌其實不差...只是多骨較難食....我都吃左好多.羊腩煲...我愛吃較羶和諗的...這裡的羊肉按KC說不是黑草羊....羶味夠但我嫌它較韌.炒腎花算是其中一碟最好吃的...雖然辣但好惹味...用來送酒最好吃.我最愛吃腎花...貪其夠爽.西檸蝦球都ok...汁味道適中但可能用粉包著蝦炸...不太吃到蝦味炸鯪魚球...ok...中規中矩椒鹽鮮魷又係深炸菜式...又是吃不到鮮魷味...有點失望.琵琶豆腐反而不錯...雖外層是炸但裡面的豆腐還頗滑.臘味炒芥蘭...我不太愛吃臘腸和臘肉...除了加國元昌出品的.芥蘭不是很大的那種但好嫩好滑...吸收了臘味的味道很香.清炒豆苗...不算太特別..ok咕嚕肉...坦白說我覺得呢味可以俾滿分..

Openrice行食團﹝中﹞星期日與Openrice的食友們搞了個「行食團」，終點是在深井。行了一整天，經過一番步速調教，一行十四人終於在六時正到達深井開餐。就來失禮，人說深井燒鵝，我幾十歲人都未食過，今日就趁人齊，來試一試。而MM伉儷及Lazyqueen也來加入吃燒鵝的行列，令到是晚開餐的也有13人，坐滿一圍大檯。我們六點入座，這裡客人一點不少，可見呢度確實有多少名牌效應的。我們給安排坐在角落的大檯，地方不小，傾計又方便。因為只是一般小炒，難得我話明未來過大家也給我亂咁點菜，就要了燒鵝一隻、鹵水鵝掌拚鵝腸、羊腩煲、尖椒炒鵝腸腎花、炸鯪魚球、椒鹽鮮魷、西檸蝦球、琵琶豆腐、臘味炒芥蘭、清少豆苗，同餐餐都唔少得的~咕嚕肉。有鵝又豈能無酒，是晚又多得MM兄帶來袋鼠國靚切粒子紅酒兩支，加上幾支藍妹大啤，吃著肥美的燒鵝，真的是人生一樂也。燒鵝最先上檯，一隻分兩碟，大家也爭相舉筷，因為都知道燒鵝涼了，風味何止減半。吃過下午端記的薄皮燒鴨，肥美又夠厚肉的燒鵝就對辦好多。吃件厚鵝胸肉，加上冰凍啤酒同帶甜味的紅酒，覺得不錯。雖然食評對這裡的評語麻麻，但親身吃過，又一點不差。唯一要彈的就是份量似乎較少了一

揀左裕記, 一行十三人都幾浩蕩架. 叫左好多小菜, 當然仲有主角--燒鵝啦.首先係"主角"上場, 雖然SIZE 唔係大, 但都有個好處係唔會有層勁肥膏在皮下, 薄薄地剛好, 肉唔算多, 但都幾夠味, 學MM 話齋, 紅酒配燒鵝都唔錯.其他小菜有椒鹽鮮魷: 鮮魷唔韌, 面頭的脆漿亦唔厚, 椒鹽亦無過份重手, 唔錯.臘味炒芥蘭: 芥蘭唔苦亦唔老, 臘腸臘肉夠肥, 嗜此者必喜歡羊腩煲: 夠羶, 羊肉愛好者都食唔停口鹵水鵝掌鵝腸: 唔同平時深色的鹵水汁, 以為無乜味, 點知又錯喎, 兩樣都好入味呢尖椒炒鵝腸+ 腎花(確實名稱忘了): 辣辣地, 好味, 有口感咕嚕肉: 唔夠酸, 而且D肉係用肉片, 大家都覺得唔夠正宗呢清炒豆苗: 普通, 幾夠油水蜆介鯪魚球: 鯪魚球圓碌碌, 幾可愛, 唔腥, 夠味, D蜆介漿真係有蜆仔0向入面呢(因我食到有殼><)琵琶豆腐: 都係普通, 個人覺得腍左少少西檸芝麻蝦: 蝦幾爽口大隻, 夠咬口, 加埋個西檸汁好開胃整體上各小菜水準都唔錯, 個人較喜愛臘味炒芥蘭及西檸芝麻蝦. 除左燒鵝之外, 鹵水鵝掌送酒都一流. 小菜份量適中, 所以都係0個句, 人

今晚成班朋友去深井特登食燒鵝,諗住裕記都算係叫出名,點知就出事!叫左6人套餐(我地有9個人,都叫夠食!),有半隻燒鵝,但都唔知邊舊有肉,從前去過另一間食,啖啖肉既;炸蝦丸都ok,xo醬西蘭花花枝片唔夠味,海上鮮同海參冇食到,但整體都唔係好好,好似浪得虛名既感覺=.="!

前言：老爸自從上週在中環吃過某名店的燒鵝，近日嚷著要我陪他入深井食燒鵝。食物和評語：兩個大男人，點了以下菜式，合共$328。 a. 「深井裕記」燒鵝（$120/半隻）：皮脆肉香，皮肉之間那層油脂燒成透明，近乎液體狀，入口即溶，油香四溢，絕對係為中國男人而設的菜式。我這個人較喜歡口感扎實兼「啖啖肉」的鵝胸，遂把鵝腿和鵝頭讓給老爸。鵝汁夠香濃，拌飯一流。鵝夠大隻，調味恰當，煮法到家，新鮮熱辣，「好味」是合理！定價$120 半隻，以此質素，不算貴，比起市區的燒臘店所售賣的「來貨」燒鵝，這兒算划算。 b. 雲腿扒芥膽（$50/份）：約八片雲腿置於芥菜膽上。雲腿頗「行貨」，芥菜膽味淡不苦，勾芡略稠和油膩。 c. 紅燒雞絲生翅（$65/碗）：每碗翅均以迷你小砂鍋，約一個半飯碗份量，翅料奇少，味道頗淡，質素不理想。下次可以不叫此菜式。 d. 一碗白飯（$5/碗）。 e. 紅豆沙（贈品）：罕有的濃稠，好「沙」，不太甜，惜果皮皮味不足。 f. 另外，點了一罐汽水。註： a. 個人覺得此店的甜酸醬比一般燒臘店較好味。前菜的花生相當「是但」，只是去皮的烘花生，乾乾的披上一層灰白色

lee間野，我未搬來住之前食過都ｏｋ的，上年年尾我同我ｄ親戚去食，叫了一個餐，份量又少，味道麻麻，個鵝居然係全個餐最差的送，ｄ味怪怪地有ｄ酸味同好多肥膏，７個人食左＄９００真係唔直，同埋ｄ服務都差了很多，同埋ｌｅｅ到假日夜晚成日都好多人黎等位，條路已經好窄，仲有好多車經過，真係有ｄ危險，我覺得宜家佢地最主要都係做遊客生意多，都唔休做，ｌｅｅ到有免費待客泊車，但都要比ｔｉｐｓ的，不過我都相信我以後都唔會再幫襯，因為佢隔離果間好過佢好多。

裕記正垃圾，山長水遠去到真係大失所望。環境又惡劣，最慘係食品質素同傳聞所講簡直差天共地。雖然宜家無新鮮燒鵝入口，但d冰鮮燒鵝燒出來後d肉質呈黑色，食入口簡直無離鮮味，點掂呀？話哂佢間嘢係以食燒鵝聞名，唉...講到其他家庭小菜重嚇死人，例如我哋 點咗 過通菜炒牛肉，都唔知個廚用乜嘢 調味，成浸腐屍味，d牛肉用鬆肉粉漂到好似唔係食緊牛肉。d乜嘢炸鵝腸鵝腎，鹹到溺。而這些咁嘅 垃圾竟然每碟要六十元，唔好叫佢去搶！

已經幾年無去過裕記，除了有鵝部份的餸菜ok外，例如的鵝掌、鵝翼和燒鵝，其他餸都不太好，西寧蝦就粉太厚、炸蟹鉗肉太實等，而且價錢都不太平，四個人食都成伍百幾蚊，所以都唔值得再去。

尋日一大班人去裕記食燒鵝。叫o左全隻燒鵝($240)，沙律海鮮卷($60)，豉油皇煎中蝦($68)，椒鹽鮮尤，椒鹽茄子，沙嗲肥牛粉絲煲，鵝翼併腎片等等。燒鵝都唔錯，唔太肥而且幾好肉地，燒得好香，比小妹上次o係度叫果碟例牌多肉食好多。海鮮卷一般咁啦，每件裏面都有一隻蝦，都足料。煎中蝦D蝦o既size有D大，有D細，而且$68得幾隻，唔抵食。椒鹽鮮魷同椒鹽茄子都唔多夠味，尤其係個茄子，香就香喇，但食落口係冇乜味o既~~Service就唔多掂喇，serve我地果個阿伯都幾「侮氣」，可能呢度真係唔憂做啦。去停車場拿車果陣，停車場果個人又要我地俾小費，好似黑社會收砣地咁，差！眼見隔籬傅記雖然冇咁多人，但個個侍應都笑容可恭~~睇怕下次o黎深井食燒鵝都唔會再去裕記lu。

買了半隻燒鵝回家吃, 130元, 味道一般.

年初二, 去開深井附近. 所以專登去買隻燒鵝. 其實都吾知邊間好, 見到呢間好似ok就入去買了.$260一隻, 有個好靚的紙盒. 我地要隻瘦Ｄ既, 但都好大隻. 至於味道, 心理上一定覺得好味Ｄ. 咁遠...又咁貴喎...不過又真係幾好味, Ｄ皮好脆, 仲啖啖肉. 其實深井邊間食燒鵝最出名嫁? 等我下次去試試呀！

o黎到深井食飯, 多數都會叫燒鵝, 而我o地當然都唔例外啦, 但食落係同燒味舖買的冇分別, 而且燒得好乾, 另外叫了幾個小菜, 其中一個係$78「龍蝦煲」, 有伊麵底的, D 伊麵係勁多, 但D 龍蝦就得幾件, 仲要冇肉, 差不多全部都係D 手手腳腳, 而D 芝士就好一般, 而且唔係好夠香和濃, 至於個$50 「沙嗲肥牛粉絲煲」, 粉絲就好入味, 但D 肥牛就好「鞋」, 唔好食!!

唔知係o米我唔識食，覺得d 燒鵝同出面冇乜分別。其他o野食都ok 啦! 但一假日就鬼死咁多人，地方又屈塞。