裕記大飯店

营业中

休息中

Four of us went hiking yesterday afternoon. The sky was overcast and the monsoon wind brushed our faces without mercy. We started from Tsuen Wan and ended in Sham Tseng. All of us were very tired and hungry after 4 hours walking along the trail. When we were walking down the hill to Shum Tseng, a light breeze carried a familiar smell of roasted goose and our salivary glands were stimulated at the same time. We knew that by that time we would have our dinner after 4 hours of our hard work.Environ

生平都幾喜歡入深井食燒鵝, 之不過又好怕2大牌子: 裕記同陳記。今次等我一次過同大家分享下2次可怕經歷。先講昨晚裕記。琴日係親戚及其朋友之飯局, 我做細的名副其實小薯一名, 所以當在座各位各自介紹下中英美等移民生活時, 我只負責密密食及加茶。一張標準10人大檯, 坐坐下坐左16個人! 可見香港人幾彈性!小小一張餐牌, 叫左3/4, 菜之多係食過乜都唔記得。燒鵝太肥, 皮都叫脆, 肉如柴皮... 只食皮加少少肉及肥的部分就good!好耐冇食過鮮鵝腸喇! 呢度難得有未經加工的出現, 心理上已感動得想哭! 鵝腸仲有連膏的部分, 甘香味美! 雖然比起豉油皇, 個人較喜白灼, 然小薯只有吃得份矣.... 碟上芽菜味道ok, 個人只嫌芽菜多, 而鵝腸太少... 一人都分唔到一件食! 京都骨量少, 味道一般, 碟上有一塊一開二的罐頭菠蘿, 醜。咕嚕蝦好食! 化學份量係我接受到的水平。最後食都仲幾脆。蟹肉扒豆苗一般。多油。咸魚炒芥蘭只留有少量的葉, 非常好。芥蘭o係個心度下一刀先煮唔知係咪應該, 之不過俾我的感覺就只有懶。不過唔係見到咸魚皮就一直以為食緊蒜頭炒囉。海"折"拚鵝腎, 前者爽, 後者脆,

入深井探朋友，順道食晚飯。客多但吾洗等位。燒鵝(味道一般，多油，) 椒鹽鮮魷(一般)肥牛粉絲煲(糊狀)炒菜3人330元，吾底食食燒鵝吾會特登入黎食~~~~

星期六晚同男友一行四人突然想食燒鵝…一諗之下大家都異口同聲咁話”梗係去深井啦”~!!!, 其實我去親深井都係去裕記既, 不過對上個次都幾年前既事lu.個晚唔係咁多人, 唔駛等位而且上菜都幾快….我地叫左三一湯, 首先講下隻燒鵝先啦, 比起上次我食個陣差左好多, d皮唔單止唔脆仲要係奀個隻添…..d肉都係過晒火好奀….好似人地去微波爐翻熱之後咁…..一個字”差”. 咁諗住其他會好d啦…之後個粟米魚肚好似水咁, 再黎埋個椒鹽焗茄子…..冇味兼”淋之之”, 跟住都冇期望last個會好味喇…..再上埋個金銀蛋浸豆苗, 點知呢個最正常….其實我食野都唔係好掩尖個種, 不過今餐真係唔同大家分享都唔得, 我記得以前唔係咁差既….不過好多老牌既食仕一出左名就求求其其, 有幾多真係保持到水準丫, 值得一提服務態度有待改善.

11月23日19:30今年公司亞太會議選址香港，老頂為各外賓在這裡洗塵。燒鵝：一隻分兩碟，皮薄、脆，肉汁鮮美由於是政治飯，其餘菜式，食而不知其味，不可評。

話說某日家中最高尚宮同無飯不歡o既飯桶老豆忽發奇想，想到深井食燒鵝去。於是舉家不理黃色暴雨警告下飛的入去，想搵番多年前令全家淪陷的皮脆肉香深井燒鵝。不過，滿心歡喜卻變成滿肚谷氣﹣﹣﹣隻燒鵝，o吾係，應該係雜錦拼鵝，全無水準可言。o吾熱、o吾香、o吾脆係佢o既特色，遲o黎不在話下，食到好似碎屍案重組咁都係第一次。雖然是次係叫半隻，而且都o吾算平，望下間離個Ｄ，有Ｄ仲衰，我應該感謝師傅賜我沒有屁股o既燒鵝，阿彌陀佛，阿門！究竟Ｄ燒鵝脾去o左邊？莫非一如肯德基o既雞一樣，無咁Ｄ部份？但係奇怪o既係，其他小菜竟出奇好味。芝麻檸汁蝦好香口，香芒牛肉粒都o吾錯，蝦醬粉絲蒸鮮魷雖然Ｄ魷魚o吾夠新鮮，但都好鮮味。另外仲叫o左碟菜，一般啦！由於是次主角燒鵝令人大跌眼鏡，其他o野幾好味都補o吾番，乃奉上喊面一張。

我0地2個人叫0左一碟例牌($70), 剩係個面隻兩舊鵝比係食得嫁, 又肥, 又無肉, 0的皮又淋一0的都唔脆, 又唔熱. 其他部份我相信係由三/四隻鵝夾埋一碟0既.個底0個0的真係唔係點食得落0既, 又肥又無肉.仲要比埋個鵝pat pat同鵝頸, 真係見到都唔想食.仲差過你去燒腊舖買0的0的.我0地另外再叫0左個蟹肉西蘭花($55)同冬瓜燉湯($65).0的西蘭花係一早煮熟, 連0的蟹肉都唔熱, 個冬瓜湯就叫到比較好0的. 但係都係全靠師傅- 味精.全部送夾埋應該係$180, 再加埋0的加一茶介就要成$223.即係0的茶錢花生都要成三十幾蚊.

之前去嘉韻，食得唔開心，之後去裕記，食得正常啦。其實燒鵝係一個人食既野，最好係淨脾係咁此，鵝身斬大大件，家鄉雞咁先至叫過引。想象下落手食，滴晒油，由手指流到落手爭。嘩！正到爆啊！

今日專程坐車去深井食燒鵝,三個人叫左碟例牌燒鵝($70), 椒鹽魷魚($58), X0醬炒鵝腸腎花($45)和蟹肉扒西蘭花($55), 但係碟燒鵝"蘇"到不得了,又搭埋舊鵝頭和兩舊petpet 叫極個"經理"都唔肯換過碟,激死人!

我只係去吃lunch, 所以只係叫了半隻鵝同條菜.我覺得的確好食過其他.D皮好食.但碗瀨粉就麻麻la. 湯底吾得.只係燒鵝,都值得一言式

今日突然心血來潮想到深井食燒鵝，既然順路我就去左黃金海岸先，酷熱天氣警告呀！好熱呀！之後搭53號巴士入深井。到達後第一個感覺係：下？！唔係掛！一d偏僻feel都冇，高樓大廈，同d屋邨feel（落街買飯食）冇分別，我第一次去深井，但預計有海景，冇囉，睇青馬大橋？去人地後花園啦！唉！好在，d食物冇令我失望，我首先order左炭燒燒鵝（例牌）唔好誤會，例牌係size黎嫁，燒鵝size分三種：全隻($260)、半隻($130)、例牌(即係四分一隻，$70)，食食下因為大好食order多四分一隻。d皮好薄，好脆，唔係太多脂肪，好多肉呀！記住試下點d醬啦！仲好食。之後order左淨瀨粉，佢d湯底好甜，唔係街邊d味精湯，越食越吸引。d侍應好nice，不斷介紹其他好食既食物，例：元貝、帶子……但我地最後order左一個佢地冇介紹既金銀蛋通菜，唉！唔好食，d菜煮到冇色澤，d皮蛋OK啦，整體黎講好值得去試，雖然少少貴同埋交通唔方便。

昨晚和朋友入了屯門，晚上便來了這裡吃。我們叫了香煎枇杷豆腐、鵝掌翼和海蜇、蒜蓉蝦乾蒸勝瓜、椒絲腐乳通菜、油泡蝦醬鮮魷和椒鹽白飯魚。香煎枇杷豆腐- 味道一般，豆腐唔夠味。鵝掌翼和海蜇- 鵝掌翼多數只有鵝掌尖，所以肉比較少，而且味道也是麻麻；海蜇唔多好，可以不試。蒜蓉蝦乾蒸勝瓜- 蒜蓉唔夠香又少，勝瓜唔多入味，比較上淡。蝦乾普通。椒絲腐乳通菜- 通菜已經是昨晚最好的一味，幾新鮮但腐乳也是唔多夠味。油泡蝦醬鮮魷- 蝦醬味怪怪，相信係唔新鮮，可能放得太久了；鮮魷就幾好，但因蝦醬唔得，太可惜了。椒鹽白飯魚- 唔脆、唔夠味，失敗。還是小菜王好得多。真不知是否大未開工，還是質數就是這麼差，相信都沒有再來的原因了。本來也想叫燒鵝，但看見附近幾食客的燒鵝，實在燒得太過火了，而且全部也吃不完，便走了；所以我們便放棄沒有叫了。走時看到很多人在門口等，真係唔明點解會咁多人，難道全部也像我們一樣，第一次來。停車場收$20三小時，也可以接受；但拿車時，竟然叫我再給小費，說真的，真係幾過份；當然我當聽不到沒有比啦。

我地一行十一人去食晚飯，好彩有訂枱。因為真係好多人係出面等位。因為我地之前食左少少野，個個都唔係太肚餓，所以叫左個八人套餐再加多兩個餸就攪掂。先上隻燒鵝，嘩! 比起往時既質數，移家真係失色左好多。隻鵝無咩肉食，無咩香味…總之就唔係好得...其他餸都無咩特別，食左隻鵝唔好食，都無咩心機食其他野lu.... 十一個人去食八人餐都會食剩!!ps 食燒鵝都係去鏞記

很久之前我和男友已經常常說要找機會到深井食燒鵝，可是一直也還沒有去呢！星期天，他終於提議帶我到深井吃燒鵝了！他在農曆新年的時候和他的好朋友們到過深井裕記燒鵝吃飯，他覺得那兒的燒鵝不錯，所以我們今次都是到裕記吃燒鵝。我們點了四個菜，包括裕記例牌燒鵝、蒜香風鱔片、香煎枇杷豆腐、XO醬炒鵝腸腎花和瀨粉。二個人叫菜，還是不要太貪心好，三個菜已經很足夠，四個菜實在是太多了。燒鵝很好吃，皮很薄很脆，可是吃得太多卻有點膩。餘下的菜我覺得香煎枇杷豆腐最美味，就連放在豆腐下面的菜心也很好吃呢！

唔明點解燒鵝自己可以成為一個招牌菜﹐咁油雞、叉燒、燒肉點解唔可以做到好出名﹐點解呢﹖不過總之人地話去深井食燒鵝咪食囉。燒鵝一隻﹐食左幾舊﹐OK 喇﹐肉質好似骸骸地。鹵水鵝掌併鵝腸﹐冇食。羊腩煲﹐食左一舊﹐冇感覺。尖椒炒鵝腸腎花﹐又係食左幾舊﹐腎花幾爽﹐OK喇。炸鯪魚球﹐冇食。椒鹽鮮魷﹐冇食。西檸蝦球﹐食左一舊﹐冇感覺。琵琶豆腐﹐冇食。臘味炒芥蘭﹐食左幾條菜﹐菜新鮮﹐幾好。清炒豆苗﹐食得最多的一碟。咕嚕肉﹐食左兩舊﹐冇感覺。