裕記大飯店

营业中

休息中

個日心血來潮突然之間老爸話好想食燒鵝咁就成家人山長水遠走入深井食燒鵝lu~~實在太心血來潮gei 關係, 相機都無帶....結果d 相都係用手機影... 差左...雖然只係lunch但都叫左幾多野~~ 燒鵝(半隻), 好香呀!! 皮脆肉嫩, 個皮一入口, 係聽到脆卜卜gei 聲音ga~ 然後d 鵝油就會係你個口入面化開黎~ 正呀!!!! d 肉再加上冰梅醬, 嘩, 諗起都想食!! 鵝腎, 估唔到佢咁大碟咁多! 鵝腎爽爽的~ 每一片都切得好薄好薄, 好刀工!! 百花酒鵝肝(個名類似係咁, 唔係好記得), 好中式gei 鵝肝呀~~ 不過幾好食呀~ 好香酒味, 入口即溶, good! 蟹鉗, 薄薄的脆炸粉, 包住彈牙的"蟹"肉, 好好味呀!!! 而且隻蟹鉗好大隻呀, 食得好滿足~ 薑汁炒芥蘭, 好濃gei 薑味呀! 正!!呢一個lunch 真係食到好滿足~~服務又ok wor~有求必應, 有問必答仲會得閒過黎同你傾兩句tim~可能因為午市比較少人, 所以有時間同d 客傾計啦~~試過晚市黎服務態度又未至於差但係會好rush lor~今次就剛剛好啦~good!!

一行六人行完山，吃過糖水，六時正來到裕記。剛好黎得切，齊人唔使等...好，黎到，有個鐘意食鵝的仁兄叫左一整鵝呀~~~ 結果上左兩大碟黎，搞到我地好似成世未食過燒鵝咁....廢話少講，先講吃：- 燒鵝一隻: 皮脆，肉質嘛...尚可；以此處燒鵝之肥膩來說，肉質應可更嫩滑一點；部份鵝件肥膏有點厚，吃起來不夠盡興，燒鵝，個人還是比較欣賞鏞記的，肉質雖也不太嫩，但勝在味道較鮮美，也沒那麼肥 - 能夠取走皮下脂肪，是師傳的功力問題。同埋，六個人食半隻好夠啦，呢度d鵝比較大碟。- 百花炸蝦球: 本沒甚麼期望，但反而有驚喜，蝦夠新鮮，炸得剛好，沒有弄得過乾，好味。- 西湖牛肉羹: 牛肉份量夠多，一個例牌六人分剛好- 蒸帶子豆腐: 蒸完的豆腐很滑，不過用的豆腐不夠好，不夠香；帶子夠新鮮，與豆鼓配合剛剛好- 西蘭花炒鮮魷 - 鮮魷新鮮，炒得幾爽口，讚！- 豉油xyz鵝腸: 我唔食內臟，冇食到，據聞幾爽喎...整體而言......其實呢度的餸整體黎講係above average，但價錢唔算平，又唔係大碟果種，所以係咪真係好值得翻dull, 真係睇你like唔like佢隻鵝....我只可以講，我唔會law。

平生中去了幾次裕記，既有驚喜的，也有令人失望的，有一次和父母談起，原來他們也是只聞其名，而未曾真正試過的。在還有一天假期的情況下，不論是龍是鳳，也趁機帶他們去深井村一趟，好去認識這一個「香港品牌」。而今次亦是我首次在裕記品嚐的午餐。好多人都說這裡的出品水準，不多不少都會和繁忙程度扯上關係，閒日的午市，總不會太多人吧 ! 另一方面，相比上來，其午市的價錢，也給人一個合理的感覺，點了一個燒鵝午餐，有一盅例湯、一碟上庄例牌、兩碟可揀選的小菜，加上茶芥和白飯等，約廿百五十元的價錢，剛好足夠我們三個人食用。原盅例湯也不只是「吉水」，而是頗足料的大白菜燉豬肘，主角燒鵝上場，從熱度和時間估計，相信出爐不久，而看其外皮是挺身的，夾了一件送入口中，發出一聲清脆而裂開的聲音..........已很久沒吃到脆皮的出品，調味上亦不會過搶和過淡，可惜某些部位的柔嫩度不足，帶點乾的感覺。知道經過多年的禽流感後，大部份的來貨，已是冰鮮鵝的天下，今次的燒鵝水準，始終不復當年的高峰，是先天上的不足?! 還是烹調上的退步?! 還是索多一點碟上的鵝汁好了。其餘兩個小菜分別是涼瓜火腩和薑蔥魚雲煲，也是合格有餘的水準，勝在夠熱

為左燒鵝, 一行5人晚上來到深井, 有陳記, 傅記, 能記, 但係我始終鍾情於規模比較大的裕記, 始終水準穩定一d其實散叫有時仲平過套餐, 又可以叫自己喜歡的野食, 唔駛限住晒!!叫左半隻燒鵝($160), 一如以往, 燒鵝用上傳統炭爐燒烤, 燒得皮脆肉嫩, 皮下有少少脂肪, 肉質上乘, 肉汁亦多, 熱辣辣食落去, 非常可口, 配白飯一流, 不消一刻, 全碟清晒, 可惜無人喜歡鵝頭同鵝頸(包括我自己)另叫左琵琶豆腐($48), 豆腐用蛋同魚肉炸香, 配上菜芯淋上獻汁, 味道唔錯, 椒鹽鮮魷($70)肉質新鮮爽口, 但價錢偏貴, 而且炸粉太厚, 大打折扣荔芋雞煲($60)就等左半個小時才熱辣辣送上, 炸過的芋頭夠粉夠淋, 好味道, 但雞件亦係同鮮魷一樣, 炸漿太多太厚, 感覺唔係太好, 粟米魚肚羹(例牌$50), 有幾多魚肚, 不過腥腥地, 整體都OK!!另加3個白飯, 埋單連茶芥$438, 星期一到星期五仲唔駛收加一, 都算幾抵食, 下次要試鵝肝同豉油王鵝腸

非常同情"憤怒人"遭遇的冷酷對待.上星期我和friends多人也有同樣case.祇不過當時没有老人家.想不到連老人家都無面俾!!!平心而論,目前所有香港人,各行名業都要齊心,同舟共濟,保持香港名聲及國際地位.希望這些事祗是個别員工失職,也希望"裕記"大老細要親自出來處理了解及改善客人訂枱及等位時的問題. 否則到時要香港旅遊協會去請劉德華幫你們講多一次"咁嘅服務態度係唔夠!!!" 又或者要"乜週刊"幫你 **宣傳**就失禮啦!!!

最近一心去一嘗裕記的燒鵝，伙計服務差都算啦，一家三口叫了半隻燒鵝，皮唔脆肉又"鞋"，最過份係碟燒鵝好似係炒雜碎 (唔似係同一隻鵝)，而且份量少，隔離table係熟客, 好明顯份量多好多。其他送菜, 真係一般過一般, 講老實話, 呢度價錢唔算平, 所以唔值。與其入深井食, 不如去"新浦崗德龍" 和 "旺角九龍", 肯定有水準兼冇勞氣!!!!!

十月二十五号晚上，我们三户人家共八个人约好去裕记吃烤鹅，在差不多七点的时候我和老公，女儿三人先到，在们口定八个人的抬，餐厅门口的女知客说要等齐八个人才给抬我们，过了五分钟我的八十多岁的老爷和奶奶和弟弟和弟妇也来了，一共七个人都不给我们入坐，还说要等我的侄儿到了才给入去，我们说怎么可以要两位老人家站在门口等位呢？那个女知客说人家坐轮椅的都要等，旁边的一个男招待员说你们不满意就不要吃拉，到别的地方去吃，我们气死了就不在他们那里吃饭了。我老爷说在香港生活了几十年，还是第一次碰到这样的无人性的代客态度。

朋友想試下深井燒鵝﹐下晝就帶距地黎左呢度. (雖然知道呢度成日水準不穩﹐但係話晒都係深井最出名﹐即管碰下運氣...)3個人叫左﹕燒鵝半隻 - 睇返樓下既食評﹐我地今次應該算係幾好運! 雖然唔係撞0岩剛剛出爐﹐暖暖的﹐皮少少脆果隻﹐但起碼鵝肉夠嫩唔鞋﹐肥瘦適中﹐幾好食!蒜蓉炒菜心 - 菜心好甜唔老﹐好味! 賴粉 - 呢個唔得﹐好淡好淡… 吃了一半就不想吃了可能無咩期望﹐覺得都幾好味! ^ ^ 但始終覺得﹐深井燒鵝﹐其實並不特別…

今日特登入嚟深井試吓呢間連日本雜誌都介紹嘅裕記大飯店係唔係名符其實咁正先。其實上次行過都想試吓架嘞，不過比門口排緊隊啲人多到嚇到我哋去咗第二度啫！一入到去就有侍應招呼我哋去咗一間房入面坐，呢間嘢究竟有幾多間房？好大喎！我哋叫咗： 半隻燒鵝：我哋都知唔好叫例牌，因為唔知比咩嘢位你食，食唔晒都要叫半隻，燒鵝最後先嚟，主角梗係最後出場嘅。好香炭燒味，真係皮脆肉嫩，但係唔係咁多汁，乾身咗啲，唔知點解個碟就好多汁喎，整體上都好好味嘅！ 炸蟹鉗：炸粉唔厚，不過好似全部係墨魚膠，食唔到有蟹味，夠彈牙，但冇驚喜！ 豉椒炒鴨什：夠惹味，可能我哋鐘意食內臟啦，覺得好好味，又冇內臟嘅羶味，正！ 琵琶豆腐：大碟抵食，仲有好多菜墊底，啱啱炸起，皮脆內滑，味道亦唔錯！ 可樂啤酒各一以為食唔晒，但我兩公婆本著趁新鮮嘅原則，最後都係乜都冇剩！食完佢都差唔多收工囉，不過太早嚟真係冇位，招呼仲差少少，有好嘢食，夜啲就夜啲啦！

一向都覺得深井燒鵝的味道沒有傳聞那麼好, 尤其"裕記"(因多年前已親口体驗), 但見它在open rice 裡的食評有不俗的評價, 便抱著再一試的態度, 希望再給它多一次機會。因為只想"試一試", 便打算叫燒味飯。 但侍應叔叔強調飯店只賣燒鵝, 無其他燒味賣, 我便只好 order 了一碟燒鵝飯。 結果? 全碟燒鵝飯只得兩塊皮, 肉質粗鞋, 味道一般, 多年來唔見得有什麼改進。 總括而言, 這碟燒鵝飯絕不應是賣燒鵝老字號的出品!

唔掂，講到天花龍鳳咁原來主打燒鵝都咁差，同普通酒樓般質素，皮唔脆肉唔香又硬；最好食竟然係炒白菜仔、海上鮮同原盅燉湯，其他嘢都係油淋淋又咸過咩咁。咁ge價錢同位置仲要排大隊但係咁ge質素真係無下次

星期六Family day！同老公、老爺、奶奶、家姐、姐夫，同埋家姐奶奶一行七人黎食大餐。揸車黎有代客拍車，但就要20蚊3個鐘，3個鐘咩都夠晒食啦..........經過一番研究，都係決定食一個六人套餐，718蚊︰燒鵝半隻 - 暖笠笠，真的唔係鴨扮鵝，好大碟，稍嫌鵝皮唔脆，可能燒定好耐。竹笙雞絲翅 - 材料十足，味道好。花支片炒西蘭花 - 鑊氣夠，花支片炒得乾身但食落嫩滑。炸花支丸 - 炸得唔太夠脆，可能又係一早炸定好晒。鵝掌海參煲 - 海參同鵝掌都煮得好淋，不過汁既味道就差D喇，稍嫌無鮮味。清蒸海上鮮 - 蒸得啱啱熟，所以唔老好滑又有魚味。橙汁一大盒 - 抵啦！仲有一支橙汁送。另再加多碟︰豉油皇炒鵝腸 - 食得出唔係急凍貨，好肥美又香口，好少地方食到，超正！總括套餐食物可能大部份都似係煮定好晒，但味道好、新鮮，兼且好抵食，計過數如果散叫的話，700幾蚊既價錢只可以叫六七碟普通小菜食，所以套餐真係又好味又抵食，一流！

第二次來,今次一行7人,由於是我推介黎食飯,當然吾衰得!雖然是7人,但只叫了幾道菜,主角:燒鵝全隻:一條伙計話正過東星既班,兩碟炒菜:一個湯!先講燒鵝皮脆肉嫩,.剛出爐...好味!至於蒸魚方面,上次試過蒸魚有水準,所以今次叫條正D既,果然無失望,火喉剛好,醬油味道適中,加埋條魚新鮮,簡直無得彈!炒菜....仿似回到以前大排檔...夠鍋氣!個個都話好過沙田龍X好多!(因上星期去沙田龍X,個個彈都飛起),算補回上次的失望!

和老爹老媽再加印傭一行四人到深井吃午飯 , 老爹都係指定要吃這裡 , 小時候他們常帶我來 . 點了媽媽愛吃的紅燒翅 , 鮑片扣鵝掌 , 西蘭花炒帶子 , 燒鵝半隻 , 還有老爹喜愛的檸檬蒸烏頭 .紅燒翅一般酒家中上水準 ; 鮑片鵝掌很入味 ; 西蘭花炒帶子不錯 , 有鮮味 ; 燒鵝夠脆夠香 ; 檸檬烏頭酸中帶鮮甜 , 比一般蒸海班的味道多了層次 . 因印傭不吃豬肉 , 又沒有愛吃豬的朋友 , 都避開了沒點 .是次消費約九百元 . (翅祇點了兩碗 , 我受女友影響 , 儘量不吃魚翅了…)

聽說燒鵝係一流既, 不過, 我同屋企人去, 只係叫左例牌, 都唔平囉. 同埋都唔脆既, 照理外表係脆架嘛...咁多人幫襯,都環境仍然係好舊式的, 碗筷都係好舊的. 燒鵝都算係最好食的啦, 其他都真係麻麻~~~埋單都唔平3個人都有5舊幾呀!!!