裕記大飯店

营业中

休息中

入到深井，當然系要食燒鵝啦！ 今次系為了燒鵝而來！選了最出名的裕記，果然名不虛傳！ 燒鵝真系皮脆肉滑！ 好香口， 配上梅子醬，一流！花膠海参煲，好足料，好豐富！燉湯好清甜，好好味。不貴價錢好貴！

去深井梗係要買燒鵝嚟食。呢度係例牌燒鵝，份量都幾多，冇我想像咁少，隻燒鵝唔係好肥，有好多肉，脂肪唔係好多。鵝皮本身都好脆，啖啖肉雞蛋炒蝦仁，雞蛋好嫩好滑，蝦仁好爽口，整體都唔錯。魚云豆腐湯，湯好有火候，好重魚味，但又唔會太腥菠蘿咕嚕肉，攞到返屋企啲咕嚕肉已經唔脆，但係味道OK，酸酸甜甜。

我第一次来这里吃这家全香港著名的烧鹅，果然名不虚传，会再和亲人朋友来。我们两人点了烧鹅下庄，培根娃娃菜，椒盐吊片和濑粉，共420元。烧鹅皮很香脆，肉一点也不硬，非常不错。

同男朋友無無聊聊禁踏車入深井食燒鵝，今次就一於試下食裕記2個人叫左個例牌，賣相唔只吸引，一黎到已經嗅到香噴噴，真係好香好好味，肉質好嫩，不過燒鵝真係好肥好漏，一定要配懶粉或飯食先正！（梗係要有埋茶消脂）椒鹽豆腐，豆腐皮勁脆卜卜，但感覺豆腐炒得唔夠入味，不過豆腐超滑！

今日跟同事在大欖進行海事訓練，之後大約4點就放學了...同事提議到附近的深井嘆燒鵝，所以來到了裕記。這個時間人不多，零星數粒。叫了一例燒鵝及每人一碗瀨粉。由細到大，本人就對這個下午茶組合情有獨鍾。好可惜，而家美心都好像沒有得吃了。好中意他的碗筷都印有個隻燒鵝的經典圖案。好有童年回憶。簡單的一碗瀨粉送上，加了點蔥花，更香更可口！麵質好彈牙，亦不易夾上，很易滑落。唯有近少少將個咀差不多貼住碗食。亦以免湯汁四濺。燒鵝叫了一例同朋友分享，還未放進口中香味己令人流口水。皮燒得很脆，脂肪油都燒出來，沒剩多少。而肉入面都不是很多脂肪見膏，肉一層一層分明，是好上乘的鵝肉。入口鮮嫩不鞋口，肉汁溢出，吃一口瀨粉再送一口鵝肉。人生，就停在這一刻了

平時去深井多去陳記、傅記，今天心血來潮試裕記就出事。一碟上莊燒鵝有一半是鵝頸。問個侍應是否搞錯，我不是叫鵝頸，佢話係咁。再問經理，佢話平時上莊唔俾鵝頸，今日師傅俾埋，是俾多了。我當堂o了嘴。Oh, my god, 是我不識感恩。咕嚕肉純沒咕嚕肉的味道，口中所食的只是一塊炸過頭的膠豬扒。腐乳通菜不過不失。果碗白飯完全沒飯味，放水太多太爛，令人想起參加大陸好便宜的旅行團團餐的陳年米所煮的飯。最諷刺的是牆上掛著幾年的米芝蓮獎牌.Never never never come back.

香港新界的深井以燒鵝馳名，不單在香港家傳戶曉，連訪港旅行團也會到深井歎其燒鵝。而深井有好幾家燒鵝店，包括裕記、能記、傅記、陳記。裕記雖位於深井村內的偏僻位置，但店內的燒鵝都是來自家養殖的黑粽鵝，用炭爐高溫烤製而成，故鵝皮呈棕黑色，味道獨特，肥而不膩，遠近馳名，深受歡迎，連前港督彭定康和香港特首曾蔭權也曾到訪裕記品嚐馳名的炭燒燒鵝。裕記燒鵝飯店創立於1958年，以秘製炭燒燒鵝馳名香江，始創人吳春鹽是潮州普寧人，對家鄉廣東的黑粽鵝十分熟識，創製出獨特的炭燒烤法，秘訣由 [ 揀、養、劏、燒 ] 四個步驟保証燒鵝的質素，做出屹立至今五十年的深井正宗 [ 炭燒燒鵝 ]。其實裕記起初是一間在深井村經營的飯店，為附近釣魚灣釣魚人士將魚穫加工。時至今日，裕記第二代管理人吳小姐秉承祖傳的秘方，令裕記不但譽滿香江，更做到遠近馳名。飯店內的環境寬敞舒適、保持鄉郊風味。店家設有專用大型停車場，凡惠顧午市可獲兩小時免費泊車，其餘時段每小時收費25元，優惠顧客首三小時只收20元 (結賬時記得將停車卡交服務生蓋印方可享用免費泊車)花生小食每碟8元價錢比陳記貴，但鵝比陳記的大及更香口和好味裕記在廣州自設鵝場餵養優質黑

心血來潮入深井食燒鵝第一時間當然是一碟例牌燒鵝加多好似唔記得30定40就可以轉下脏燒鵝的確好咁香而鵝皮不會太肥肉汁唔夠嫩這個質素在很多酒樓都食到經過試試是可以但唔值得專登入去食因見到唔少食客都係專登渣車入去魚香茄子煲唔會太鹹偏向甜味多啲但多油是預佐，餐牌上亦都括住（肥） 椒鹽鮮魷做得唔錯，粉漿好薄，但唔太脆 埋單$392價錢方面比出面啲酒樓貴但勝在份量夠足，2個人食嘅話嗌2個餸已經好足夠但白飯一個12蚊確係覺得有點貴食完之後口較渴，味精應該也唔少不得不提大家檯面上的花生是要收費的而且每碟8蚊如果唔食應該是可以同佢講唔要嘅紙巾未見有收費除佐要收取每人7蚊茗茶費之外仲有加一服務費

一行六人，一班人一齊行完山（元荃古道），揾都唔洗揾就見到遠近馳名嘅裕記。點菜後，先嘆下茶，並有花生醫住肚先。 六人點了半隻燒鵝～ 上菜速度很快，先來了海蜇拼鴨腎。我最愛食海蜇，呢度d海蜇加了小小辣😋食得好過癮。第一次食鴨腎，比雞腎爽好多，冇咁實的的，又鹵得入味😋原來一隻燒鵝唔同位d肉質差好遠。呢舊雖然啖啖肉，但係d肉就實的的。不過，皮脆，同皮同肉之間夾住一小層肥膏，一啖咬落去，又香又滑又脆，加埋個甜酸醬，正！ 另外叫了煲仔津白，用小砂窩盛載，食好耐都仲熱辣辣。清甜嘅津白加上少少臘肉碎，錦上添花，令津白更多層次。 呢味豉油王鵝腸真係好邪惡，但好吸引，好惹味。超肥超香，煙煙韌韌，少少咸，係油膩咗少少。但底下有爽甜既芽菜吸哂鵝腸d精華，一肥一爽，小食多滋味😋 另外加了瀬粉，自製燒鵝瀬，很喜歡個清湯，份量也很足。 最後叫了椒鹽豆腐，必叫小菜，外面脆𥚃面又熱又滑。 加上脆卜卜的炸蒜和辣椒，更加香更加惹味。

裕記作為一家老店，以燒鵝馳名，燒鵝肯定出彩喇，每次想食燒鵝或者食緊燒鵝飯盒果陣就會特別掛住裕記嘅燒鵝！呢度飯食嘅時候有時候要等位，因為都好多人過來食嘅，環境麻麻地喇，不過大家都係為咗食好嘢喇。燒鵝真係好正吖，是肥餓來加，我嘅摯愛肥餓吖， 皮非常脆肉比較嫩肉汁很豐富，肉質好扎實，最重要係皮同肉之間仲有一層薄薄嘅脂肪係度，無睇小呢層脂肪，燒鵝咬落去有小小油脂流出來，呢种感覺回味無窮吖，而且有D酸酸甜甜嘅酸梅醬係度根本就唔會覺得油，想食幾多件都唔怕油喇！呢度除咗燒鵝之外其他嘅抄菜都麻麻地喇，可能係燒鵝太正所以對其他嘅要求就高了，其實鄭係其他菜都無燒鵝驚艷吧，其實還可以嘅！

裕記將燒鵝的皮燒得十分脆，而皮和肉之間包含肥膏，令到燒鵝的美道更上—層樓。而鹵水雙拼與燒鵝—齊吃的話，更加好吃。雖然瀨粉十分普通，但如果與燒鵝—起吃的話就會好吃

今日同朋友一聚，朋友話成十年冇去過，好想食燒鵝，一於去深井裕記，我地叫了三款！果然，皮脆又薄冇肥膏，肉質香嫩滑又多汁，真係一流👍👍👍呢個，什菜㷛，有豆苗，菜芯，白菜仔，蝦米，枝竹，草菇，冬菇，粉絲，再配上南乳，香囗野味，內容豐富，又唔咸，清爽可口，正！👍👍👍開始時朋友仲話咁大嚿豬排，實硬過我條命啦！點知一咬落，驚喜處處，肉質鬆軟，多肉汁，豬排夠厚身，勁有滿足感，酸酸甜甜，食唔停囗！食肉獸必試！超正👍👍👍

同學聚會話要嚟裕記食燒鵝，咁多年無見，於是就專登過嚟食野啦~~呢間店噶服務員服務態度好好，而且見到佢menu上面噶菜色都幾多，而且唔貴！！招牌燒鵝，可以算喺我之前食過最好食噶燒鵝吖~！！燒噶時間啱啱好，外面噶皮好酥脆，入面啲肉鮮嫩多汁，而且配酸梅汁一齊食會更加好食！！清蒸松鼠斑，魚肉非常新鮮，有好香噶魚味，而且好少骨，魚肉口感嫩滑蝦球好脆，入面好軟熟，可以聞到有好香好香噶蝦味。酥炸魷魚須，好大碟啊，好香噶酥脆味。而且外面真係好脆，但係又可以依然保持魷魚噶鮮味，正吖！！

有十年冇去了，沒想到水准差咗好多，燒鵝太油，水准類似太興，炒鵝腸唔單止油多而且有d騷 。鯪魚球湯咸到喊，西檸蝦球OK酸甜好開胃，中式牛肉都唔錯，茄汁夠，牛肉夠冧，送飯一流。最差係泊車要俾錢，同行友人話一個星期前都係免費的

好耐冇黎深井食燒鵝，其實係冇幫襯過其他，淨係幫襯裕記招牌燒鵝半隻，皮算脆,都食都炭燒既味道，胸位都唔柴皮，不過係肥左D！粟米班塊$98，班塊夠乾夠脆，粟米汁淡左D。