裕記大飯店

营业中

休息中

一行六人，一班人一齊行完山（元荃古道），揾都唔洗揾就見到遠近馳名嘅裕記。點菜後，先嘆下茶，並有花生醫住肚先。 六人點了半隻燒鵝～ 上菜速度很快，先來了海蜇拼鴨腎。我最愛食海蜇，呢度d海蜇加了小小辣😋食得好過癮。第一次食鴨腎，比雞腎爽好多，冇咁實的的，又鹵得入味😋原來一隻燒鵝唔同位d肉質差好遠。呢舊雖然啖啖肉，但係d肉就實的的。不過，皮脆，同皮同肉之間夾住一小層肥膏，一啖咬落去，又香又滑又脆，加埋個甜酸醬，正！ 另外叫了煲仔津白，用小砂窩盛載，食好耐都仲熱辣辣。清甜嘅津白加上少少臘肉碎，錦上添花，令津白更多層次。 呢味豉油王鵝腸真係好邪惡，但好吸引，好惹味。超肥超香，煙煙韌韌，少少咸，係油膩咗少少。但底下有爽甜既芽菜吸哂鵝腸d精華，一肥一爽，小食多滋味😋 另外加了瀬粉，自製燒鵝瀬，很喜歡個清湯，份量也很足。 最後叫了椒鹽豆腐，必叫小菜，外面脆𥚃面又熱又滑。 加上脆卜卜的炸蒜和辣椒，更加香更加惹味。