裕記大飯店

营业中

休息中

由細到大只係聽得多深井出名食燒鵝,但從來冇專程入去食.今日由荃灣行山行到深井,行完途經裕記,就決定試下係咪真係要食燒鵝入深井~裕記有提供套餐.但我地2大2細組合.應該食唔到咁多.所以散叫.半隻大SIZE 招牌燒鵝見隔離枱隻燒鵝真係好大隻好吸引,點左加大燒鵝半隻,一上枱香氣撲鼻,鵝皮香脆,鵝肉肉質扎實,肉香滑多汁,皮下脂肪豐富單點飯大大碗  滷水翼配腎滷水味唔會好重,但個人認為已足夠,唔會太咸酸菜鵝腸當爽口鵝腸遇上酸菜,送飯一流

有朋從遠方來，話要食裕記燒鵝，當然要盡地主之誼，陪食啦！門口己擺放多個米芝蓮獎牌，好巴閉呀！😊半隻燒鹅，真的名不虛傳，皮脆肉嫩，好入味，咬落肉質好有彈性。另一碟秘製鹅肝腸。由於店員推介時冇圖睇，仲以為是鼓汁炒鹅腸之類的東西，後來見到圖片，原來是臘腸，嚇我一跳，立即想取消order, 但侍應話己落單，冇得取消。仲要118元一碟。侍應話鹅肝腸是自己師傅秘製，食過一定冇後悔。好在冇取消，原來真的甘甘香，好好味。鴨舌，好有麻油味，鸭舌都好厚肉。白灼虾，一斤，侍應話新鮮運到，虾都好肥大肉厚，食落都好鮮甜。

假日到荃灣找地方泊停又近餐廳的確是一個非常困難假的任務，附近的停車場都滿了。小妹想起附近的深井就糊裏糊塗的駛入找個能泊車的下午茶地點。入到深井首要找停車場，跟著指示牌駛入了小路終於找到停車場。那時才發現停車場是私家的，但凡惠顧裕記大飯店就可免費泊車兩小時。好，就決定以裕記燒鵝作今日下午茶吧。心想，以燒鵝作下午茶實施太瘋狂了。應沒太多人會這樣吧。誰不知進入餐廳才發現有很多食客就是這樣，幾位叫半隻燒鵝，一碟小菜再加瀨粉作下午茶。那。。。我們4人就照板煮碗的叫了半隻燒鵝，一碟椒鹽鮮魷，兩碗瀨粉跟一碗白飯吧。嘗試小妹第一餐的燒鵝下午茶枱面碗碟甚至紙巾包裝上都有印上裕記燒鵝logo,很可愛。燒鵝半隻 $270份量都算大，皮脆肉嫩，但卻少了炭爐燒的味道，缺乏了那獨特的舊時味道。有點失望。我們4人剛好吃光，可能是我們太肚餓了椒鹽鮮魷 $98熱烘烘的，即叫那炸，炸至乾身，沒有多餘的油流岀，一點油膩都沒有。魷魚爽口新鮮，但唯一不足的是外表不夠脆口。但都是好味道的。淨瀨粉 $16食燒鵝，小菜除了配白飯，瀨粉亦是好選擇。泊車優惠吸引客人的優惠，因深井駕駛人士超多。食飯普普通通都需要一個至兩個小時。惠顧飯店可

和同事們即興駕車入深井食lunch。從小對深井的認識就只知道是食燒鵝的好地方，有兩家很有名的飯店─裕記和陳記。這是我有生以來第一次踏足深井，感覺有點像探險。同事們提議去裕記，造就了我寫食評的機會。這裡是代客泊車的。全人下車，車子交給店員處理後，我們被安頓到飯店的二樓坐下。經過一輪商討，決定要點4餸套餐(連半隻鵝和湯)，另外追加兩碟小食海蜇和鴨舌。小食和湯先來，然後「主角」登場。馬上嚐一口試真偽！燒鵝的肉質是頗鬆化，不過對我來說是略為咸了些。要把鵝件放進湯瀨粉把味道沖淡了才能吃。其餘的4個小菜也陸續上菜，開始擔心菜太多了，會吃不完。估計這其實是六人餐來的，我們只五個人還點了小食，愈吃愈覺得over左。其中咕嚕肉和豆腐火腩煲我覺得不過不失，沒有什麼特別。反而要讚賞的是粟米班塊，粉不會太厚，魚很好吃，粟米汁味道適中。至於冬菇掌翼煲，在一般飯店並不常吃得到。這道菜水準不錯，煮得好入味。結果瀨粉我只吃了三分之一碗。一是因為吃不下，二是因為湯被我用來為燒鵝「沖身」而變得很多油。可能有點難以置信，但這餐之中我覺得最好吃的不是燒鵝，而是粟米班塊。

去得深井當然要去食燒鵝啦😋在眾多選擇之中選了裕記大飯店食佢地出名的燒鵝裕記的燒鵝，色澤漂亮沒有過🔥而且皮脆肉嫩，不會太肥非常美味可惜味道有點鹹，須要送飯或瀬粉來沖淡一下，不過整體來講都算合格以上。

專程搭個半鐘車入來。坐底想落單，侍應聚埋一齊傾計，望到都唔應，過左一排先終於叫到餸。野食OK, 鵝肥了一點，$450 三個餸偏貴，但都OK 啦。埋單時，本來態度已經好悪劣，點知我地話想睇下張單，個侍應好大聲鬧，"一早又唔睇！"。我懷疑枱枱七八個人大魚大肉，我地得兩條友叫得少，咁兩個人都要食飯架！感覺好似無比錢要乞食咁。你地係出名，都唔洗咁寸鬧客瓜！無下次！

星期日專程入深井食呢間 So-called老字號名店食燒鵝，結果一肚氣。因為只有兩個人，所以我們只叫了一碟燒鵝下庄 (例牌) 及兩碗瀨粉，燒鵝上枱時簡直吃驚，除了一隻鵝脾外，其他都是些 “頭頭尾尾” 既垃圾野，而且食物不夠熱。之後同侍應先生反應，佢答我 : 『我打份牛工，你有咩同經理講』, 2分鐘後，一位叫 麥建平 的經理來，我表示不滿全碟燒鵝下庄都不能食，除鵝脾外，其他全部都是鵝皮跟脂肪，麥經理回答，鵝頸我送俾你，其他人未必有，呢碟野好正常（講左好多次鵝頸唔係人人有，我送俾你），之後我再問佢，呢碟只有皮同脂肪既燒鵝下庄是很正常嗎? 比正常例牌還貴30蚊既下庄 都只有d 頭頭尾尾野。麥經理再一次理直氣壯回答:『好正常，好合理』，我沒有再跟他理論，因為佢根唔認為自己有錯。除左燒鵝，佢碟醬見到都唔開胃，稀到無朋友。呢間所謂米芝蓮推介店，我會用奸商來形容，大家小心。

朋友生日食好啲同佢慶祝，一早book定位，同埋好彩有人有車，因為去深井搭車好煩呢度食物嘅價錢同我之前黎其實差唔多，都係貴...不過冇計，朋友生日。名副其實一坐低就要比錢，無論佢嘅茶或者小食樣樣都係錢💸黎依度梗係要食佢最出名嘅燒鵝，燒鵝既外皮真係夠晒脆！味道都好夠，肉質一d都唔「鞋」！！食完呢半隻唔夠喉，仲叫多左份下脾，但係就太肥好多都無食到叫咗瑤柱配西蘭花&粟米班腩，雖然啲瑤柱幾大粒，但係西蘭花唔係好夠味，可能個汁唔夠味。粟米班腩煮得幾好，斑腩外層脆卜卜，裏面既肉質幾嫩滑，配埋個粟米汁就完美，不過略嫌個汁太少。

入深井同朋友飯聚, 當然要食該區著名的燒鵝,聽聞好多間已經做得冇以前咁好食, 裕記會是比較穩陣的一間, 所以就訂位了當晚去到門口果然大排長龍, 訂了位也要稍等先可以入座因為人多, 所以點了一個8 人套餐 (有湯, 燒鵝1隻 同6 個小菜), 再散叫一D小菜小菜都幾貴, 隨便一個都上100元...有些什至索價130元...但只是一般家常小菜下單後燒鵝好快上台, 1 隻燒鵝真係好大隻, 我地太耐冇食過, 忘記左1隻鵝可以有2 隻雞咁大燒鵝OK, 皮燒得很香脆入味, 確實比很多燒鵝店都好吃~不過市區其實都有差不多質素的燒鵝, 不必刻意入來食....食燒鵝一定要配上瀨粉, 散叫每碗HK$16小菜很快的, 一次過上齊...這個香芒海鮮卷炸得幾好食, 裡面有一大條芒果和海鮮, 用料十足!整體小菜同燒鵝都好食, 呢次13 人埋單約 HK$2,600 , 平均每人HK$200 食到咁多野都幾抵

今晚我們去咗深井嘅「裕記大飯店」食晚飯！我們叫咗西洋菜燉鮮陳腎、馳名古法傳統炭燒燒鵝「半隻」、檸檬蒸烏頭同香芒海鮮卷！西洋菜燉鮮陳腎好耐都無飲過呢個湯喇，因為唔係有好多地方有，飲落有啲住家湯嘅感覺，味道好清潤下火！馳名古法傳統炭燒燒鵝「半隻」嘅鵝皮燒得非常香口脆身，肉質極之軟滑鬆化，脂肪唔會好多，加埋酸酸甜甜嘅酸梅醬一齊食，味道更加惹味醒胃！檸檬蒸烏頭相當肥美大條，肉質超鮮甜嫩滑！香芒海鮮卷嘅外層炸得相當金黃香脆，炸粉唔會好厚身，餡料非常豐富，有一大塊香甜嘅芒果，鮮甜嘅帶子同爽甜嘅大蝦！

今晚我們去咗深井嘅「裕記大飯店」食晚飯！我們叫咗馳名古法傳統炭燒燒鵝「半隻」、鮑魚花膠燉老鷄、花膠扒時蔬、香菠咕嚕肉同避風塘炒蟹！馳名古法傳統炭燒燒鵝「半隻」嘅鵝皮燒得極之香脆，肉質非常鬆軟嫩滑，唔會有「嚡」嘅感覺，由於他們係用炭燒，所以鵝味更加芳香濃郁！鮑魚花膠燉老鷄嘅湯料份量十足，湯底嘅味道好清甜！花膠扒時蔬嘅花膠燜得好腍身，口感好軟滑彈牙，而且份量相當多！香菠咕嚕肉上碟嗰陣超新鮮熱辣，炸粉唔會好厚身，每一件肉都沾咗汁，肉質好香脆鬆化，咕嚕肉嘅份量比菠蘿同紅椒青椒仲要多，真係好抵食！避風塘炒蟹經過「走油」，祇係輕輕炸到蟹殼表面，已經香脆可口，而且能夠鎖著蟹肉嘅肉汁，食落肉質非常鮮甜嫩滑，味道恰到好處，唔會太鹹同太辣，真係好惹味，係本人嘅必食推介！

５個人去食，六人C餐一開始頭盆以經係燒鵝，好少係香港食到真係燒鵝真係好香同食鴨根本冇得比，其次炆掌都十分好食炆得十分淋之餘汁味濃入味，而個竹苼翅食落係有陣特別既味道怪怪不過又唔係唔好食當然就要熱食啦，唔係凍左就，重有個芒果海鮮卷都好足料，蝦，帶子，大大條芒果其他都平平，不過不失

即慶即book木台。。深井裕記燒鵝一行5人揸車去去食裕記燒鵝 我地叫佐個c餐 重點介紹 馳名燒鵝 半邊燒鵝皮脆肉滑 肥瘦適中 重點系一d都唔so.香芒炸蝦卷 芒果好甜一d都唔酸 內凍外暖 食落無咁熱氣 配埋沙拉 正 。西蘭珊瑚炒蝦球 橙色既珊瑚爽口彈牙 大大隻蝦球 鮮味彈牙 可配少許蝦醬 味道鮮味更实出。

< 椒鹽鮮魷 $98 >用椒鹽做法黎整炸得熱辣辣好香，味道黎講的確整得幾入味，充滿椒鹽味而唔會過鹹，而金黃色既賣相更增添幾分，真係口水都流埋！而外層既炸粉皮唔會好厚，恰到好處，魷魚食落都魷魚味十足，都冇咩好挑剔，係份量少左啲，價錢貴左啲！

< 海參花菇鵝掌翼煲 $220 >一黎到見到煲野又香又膠就知好正！炆到海參花菇鵝掌翼都入哂味，好濃好味！而鵝掌翼好 lum 好好食！食完覺得好暖好補！骨膠原爆登！下次會再叫！