裕記大飯店

营业中

休息中

今晚同兄弟跑完步, 跟住邊賭馬，邊食燒鵝，簡直係男人的浪漫。平時或者會去陳記，因為有電視方便賭馬。 但今日運氣麻麻,頭幾場輸曬! 於是疊埋心水去裕紀專心食燒鵝……阿姐話招牌燒鵝製作中 ，要9點半至有得食。 於是我哋叫咗前菜麻油海蜇同例湯，邊食邊等。麻油海蜇現成嘅，所以冇乜特別。 至於個例湯係西洋菜煲瘦肉, 三個人分,每人兩碗, 普普通通不過不失啦!椒鹽鮮魷: 鮮魷炒得夠脆夠香, 送啤酒一流!豉油王鵝腸: 如果鍾意肥鵝腸一定要叫。 鵝腸夠肥就咬口配埋鹵水汁， 味道不同凡響！！蒜蓉白菜仔: 菜炒得夠清甜亦唔多油。招牌燒鵝半隻, 可能係啱啱出爐的關係, 燒鵝皮夠熱夠脆, 肥膏同肉分配啱啱好, 鵝肉夠肥夠厚, 我覺得全深井最好食, 本來諗住減肥都忍唔住叫咗碗瀨粉!!!

住喺深井嘅朋友生咗BB咁就去探吓佢哋睇完BB都唔知去邊好男朋友就話不如去食燒鵝啦既然都嚟到不如就咁話啦燒鵝我哋就叫咗個例牌另外就叫左滷水鵝翼拼海蜇自家製嘅海蜇好彈牙爽口好正喎燒鵝外邊真係好脆肉味濃又唔老肥膏相信師傅整走左唔會話好肥果然係名不虛傳

之前食過深井另一比較大名氣既燒鵝覺得普普通通, 今次黎之前諗住出左名好食極都有限, 但係食完確實有驚喜, 一行四人叫左半隻燒鵝 ($270), 一碟草菇扒西蘭花($88), 一碟紅燒豆腐($88), 一個燉湯($118), 2個賴粉($16/each)!燒鵝首先上枱, 半隻都算幾多肉, 夠熱又夠香, 外皮非常脆, 燒得好好食, 熱食真係一百分!草菇扒西蘭花就正正常常, 草菇份量極多, 數過有20幾粒-_- 紅燒豆腐都唔錯, 估唔到有冬菇, 燉湯都ok, 分到6碗左右!4個人尚算食得晒, 埋單$7xx, 都算幾好, 唯一就係地點有d難搵要屈入巷仔

今日行山，由荃灣行去深井，再去裕記食lunch. 燒鵝，一來就食哂左，好味，但肉質冇以前咁㰱身，成本上漲影響品質，冇計。椒鹽陳腎頭，好味！帶子豆腐，正路！鵝腸，好肥呀😱！

Absolutely brilliant! The goose was roasted to perfection. Crispy crimson skin on the outside, the most juicy succulent meat on the inside. The bird juices was enough flavour so no need for the plum sauce!Another fantastic dish was the salt & pepper squid. Oh my! Fried to perfection and cooked without compromising the texture of the squid and just the right amount of seasoning.Service was second to non as we was offered a free dessert at the end. High recommend It's not surprising this place has

我地兩人揸車去深井食燒鵝，深井實在太多間可以食燒鵝啦，第一次係揀傳記食，都唔錯，今次諗住試下第二間，結果揀左裕記，一入到去環境都算乾淨，我地叫左3個餸，當然有燒鵝例牌啦！我地6點幾入去食，個店員已經同我講無下莊（脾位），唯有要上莊啦，我未食過甘難食既燒鵝，鵝皮非常韌，咬極都咬唔爛，結果成碟鵝皮唔食得，淨食肉，非常失望！仲有個鼓汁帶子蒸豆腐好唔抵食，帶子太細粒！最後得椒鹽鵝腎球好食，鵝腎好爽口，椒鹽好入味

喺香港要食燒鵝，最多人識的係裕記 。就算你未食過，都實識佢個名，因為由細到大睇電視都睇到裕記的廣告，黃色的鵝著住綠色圍裙的商標。大左開始食唔同地方的燒鵝，今次黎深井，真係要一試佢的味道！ 山長水遠入到黎，見到餐牌都有好多其他小菜，但梗係要食返燒鵝，要食半隻！再加個菜就夠喇。但半隻燒鵝都有分正常（$270）同特大半隻（$300）。咁我地叫左正常大小就得。燒鵝好快就上，皮脆肉嫩，整體都好出色，果然名不虛傳。 首先食左隻脾的部份，肉質嫩，仲有肉汁，中間肥膏師傅處理左，唔怕好肥膩。 唯獨特的燒鵝肉味唔係好出，同食到胸肉位就有啲鞋喇。另外叫的菜係蟹肉扒西蘭花，賣相好靚，亦都好香。有滿滿的蟹肉絲伴西蘭花。蟹肉份量好多，不過直接食蟹肉就淡而無味了。燒鵝賣$270半隻都唔係平價，當然會有期望同要求，整體黎講表現中上，值得回味，但未到一試難忘。

難抱天下花，捨景求霧花！難尋此生愛，離不開此愛？與靚太在元朗的錦田區內遊走了半天，消耗能量大之餘，也搜尋不到合乎心中價格的居所！智者有云：「 滿足人生四件事，大則能天下太平，小則家和萬事興。此仍衣、食、住、行。」排列次序中，「食」是在「住」之前。令我相信，保着生命確是最為重要。於是立刻、盡快去食嘢吧！<<裕記>>已是由第二代掌管，味道與火候也同在當年情，它的出爐燒鵝最令我難忘，也是和靚太 ‘拍拖’ 的回憶。今次到訪時間算是下午茶，店裏職員人數凋零，有如初秋落葉，而令我喜出望外的，就是熱氣騰騰之燒鵝，仍然存在於視線範圍內。我們一行四人雖然默不作聲，而眼中已閃出燒鵝的光。立刻提出旨示：燒鵝半隻、豉油皇鵝腸、鹵水鵝掌翼加鵝腎、來多一碟薑汁芥蘭。此為一頓豐富又滿足的下午茶。完全運動手册頭一章：如何才能令你 ‘產生自覺性’。<<裕記>> “ 燒鵝 ”、皮脆肉香是我的最愛。别人説牠輕飄飄，我話牠是脆神仙。口中满是甘嫩滑，鼻前生出奇滋味。“ 豉油皇鵝腸 ”特别之處在於腸中脂肪。愛者是上品，千里實難尋。“ 鹵水鵝掌翼加鵝腎 ”其實只是為咗

雖則本食肉獸向來無肉不歡，嚮譽多年的裕記燒鵝卻是從未蹈足，是次有幸一嚐名物是也。燒鵝皮堅脆，肉厚而多汁，邊吃肉汁邊從嘴角流下來，豐腴滿溢，千萬千萬不要加甚麼酸梅醬，以免影響鵝肉的鮮美！燒鵝之外還要了酸菜炒鵝什和浸豆苗。咸酸菜炒鵝什乃上乘之品，鵝什的香油滲入咸酸菜，下酒一絕也！至於蒜子上湯豆苗，自是吃過那麼多肉食之後用來清腸胃的，少些油份會更好……確實是值得一試的燒鵝！

深井裕記大飯店, 我相信無人唔識..睇電視唔知幾點...緊會出現佢既廣告深入民心今日.. 家姐提議過黎晚飯想到裕記就立刻答應因為太耐無食過好味燒鵝一上枱香噴噴皮脆肉嫩,仲有D炭燒香味咬落去仲有D汁 ''bi'' 出黎鵝亦非常肥美多肉多肥膏咕嚕肉份量多, 炸粉唔係好厚, 炸得香脆鬆化肉質肥瘦比例好好, 口感好腍好食最後呢個帶子豆腐好正豆腐既豆味好重而帶子亦非常鮮甜亦帶點爽口與豆豉汁既配搭好好送飯一流~~平時出去食個燒鵝瀨都唔平呢到每人都係百多元.. 就食到咁多野

秋高氣爽，兩小口子揸車出去想搵個地方矮野睇星星，諗住去黃金海岸點知有個人行錯路去左深井。咁咪頭冇乜嘢好食就諗起去食裕記，因為有私家停車場唔使煩搵位泊車。去到路口已經有個哥哥幫我地泊車，一落車好禮貌請左我哋上咗2樓，呢度好多人多數都係上左年紀既哈哈，咁望下二人餐五百幾蚊啲餸菜好似去飲咁🤔有蟹鉗、魚翅、鵝掌扣鮑魚再加隻燒鵝，其他餐牌啲餸個個都好行😶好似食團年飯咁。但係某人話想食牆上面賣廣告嘅枝竹羊腩煲。咁呢間野出名架嘛梗係食燒鵝啦。咁就叫咗羊腩煲同燒鵝例牌。個侍應姨姨好驚我哋再叫野咁樣，強調兩個夠食架啦，因為個羊腩煲仲會跟啲菜😂咁唯有放低餐牌啦其實佢廣播不停講嗰啲餸喎好想食。好鬼衰嘅又有游水中蝦又話有肉蟹🙈隻燒鵝髀好大隻😍真係好厚肉、皮脆卜卜。佢哋個自製酸梅醬仲好好味。個羊腩煲用火慶着好滿，好多羊肉，又有筍同馬蹄同姜蔥。炆到好入味好足料，啲肉同配菜淋晒姨姨仲好細心走來睇吓駛唔駛加水。唔使叫飯都好夠飽。仲有糖水送今次係椰漿西米露，以為送既會求其啲，點知椰漿夠杰仲有香芋粒粒好味喎。埋單加一服務費、花生、茶介五百幾蚊兩個人食得好滿足。落到去就有人幫我地駛返架車出嚟，唔使錢有代客泊車真係好。

素聞深井裕記燒鵝已久，但由於地點唔太方便所以一直無試，適逢有日兩位朋友提議揸車同成班人去，所以就成團啦去到泊好車後行2分鐘就到，我地被安排上一層既坐位，侍應建議我地6個人可以點個set dinner,我地就爽快拍板啦由於跟set只有半隻，朋友擔心唔夠就話加多半隻，點知黎到之後發現我地太不自量力，因為呢間餐廳半隻既份量已夠6人淺嚐，全隻燒鵝係多到咁👇🏻實物同上圖一樣，燒鵝真係燒到咁令面同脆卜卜，而且肥瘦適中唔會太肥膩，另外新鮮出爐又令佢完全係「蘇」味，唔洗點醬食味道都一流呀！試過真係印象難忘，所以黎緊會同屋企人再去食！

去到深井，諗住去食燒鵝，去到停車場，見到有好多間，之前都試過其他果幾間都冇乜驚喜。今次黎到裕記，泊車去到門口落車即刻入去就有位坐。好方便！上到樓上果層見到佢哋牆上面掛住米子連嗰啲證書，望完之後發覺原來全場爆滿得返我哋最後一張枱，真係好彩。我哋叫咗隻特大燒鵝，熱辣辣香噴噴，有啲炭燒香味，真係未影相就想食呀，食落有鮮味，皮脆肉嫩，咬落去仲有啲汁流出嚟，真係好正！不過，有啲切得大舊咗啲。椒鹽鮮魷又係冇得輸，整到好soft 味道剛好！鵝腸本身有鮮甜味，好肥美，有油香味，其實我本身不太喜歡鵝腸但係今次我食唔定鵝翼及鵝腎就比較失色，鵝腎又乾又鞋，鵝翼唔係好入味。總結：今次食得好開心，燒鵝又好食，上菜又快，員工態度親切，如果下次再有朋友來香港我一定會帶佢嚟。

After a morning of hiking we reached Sham Tseng for a lunch. Of course we needed to try the famous things here and it's all good with nice service

特登入深井就係為咗食燒鵝，叫咗個例牌燒鵝，分量唔算多，不過燒鵝比較肥， 味道亦都冇想像咁好。而且冇乜肉食所以我更加推薦小菜，蒜蓉蒸蝦、滑蛋蝦仁同咕嚕肉味道都唔錯，最緊要係新鮮熱辣。