街坊Cafe (已結業)

下雨天,約咗朋友去旺角shopping,係多人多傘,想行都行唔到, 想搵嘢食就更加痛苦!!!所以我哋就鼠左入去女人街入邊搵餐廳食, 見到呢間"街坊" 嘅cafe 竟然外觀幾好又有funsion 菜咁, 所以就一於決定食呢間。一人set 包左湯同飲品, 個湯係足料碗仔翅, 味道一流,濃度唔會太杰太稀, 有醋同胡椒粉喺枱面，加埋就絕對係我記得的兒時味道。美國穀飼肉眼牛扒,叫咗七成熟, 因為鐵板嘅關係 開始食無耐便熟曬lu。不過鐵板又真係開心啲, 有聲有香又有味,牛扒唔算厚正常size,雖然好快熟曬但都未去到韌嘅地步,仍然好多肉汁。西班牙黑毛豬,厚身多肉汁, 剛剛好熟, 時間拿捏得好好。配菜方面嘅係粗薯條, 熱辣辣 ,一D 都唔油, 而且鐵板鐵板汁係分開上所以啲薯條唔會林晒。凍飲品都多野揀的, 呢杯係「我的宣言」，係藍碟花凍飲，味道寫好似白桃乳酸咁帶少少玫瑰香味, 好好飲, 一杯都唔夠喉。埋單都係$300零蚊左右, 都係幾高質素, 都係女人街收收埋埋嘅好味小店。 要支持下。😊😊

平時經過見到通菜街兩旁嘅食肆林立，選擇非常豐富，而且價錢相對便宜，今次都決定黎呢一帶幫襯。經過見到呢一間街坊cafe門口貼住「入圍食店」，應該都係唔錯，所以決定試一下。翻左個餐牌睇睇，有各類二人餐、set dinner 同埋全日早餐。食物嘅款式都幾多，但係眼球就比一個二人套餐吸引咗。二人套餐有餐湯、前菜、主菜、甜品同埋飲品，大概四百蚊。1) 黑松露野菌忌廉湯 (⭐⭐⭐⭐⭐)套餐加28蚊就可以食到，香濃嘅黑松露味配合忌廉，真係超級好味，飲到一滴都冇剩。2) 吞拿魚蟹籽沙律 (⭐⭐⭐⭐⭐)蟹籽沙律都幾新鮮，吞拿魚增加左沙律嘅口感層次。3) 原隻波士頓龍蝦 (⭐⭐⭐⭐⭐)龍蝦兩大隻，賣相超級吸引，仲配有芝士龍蝦汁意大利飯，份量大，令人飽肚好滿足。由於餐廳嘅效率都幾快，所以連埋嘢飲同埋甜品都只係食咗一個鐘，不過就坐多咗一陣，享受一下呢度嘅環境先至離去。整體嚟講，對今餐幾滿意，價錢亦都合理，下次一定會再幫襯。

係旺角行街，同閨密想趁行人專用區無之前，好好細味我們曾有的香港特色。咁岩又搵到呢間用街坊cafe命名既餐廳，就入去試下。坦白講私心因為我酷愛雞蛋仔，每次唔開心，食番雞蛋仔就開心番。 最近都down down 地 賣相又吸引就入去試下。 入到去，好多油畫，仲有我兒時最愛，老夫子，真係好「港味」見到佢既餐，好多都好吸引。all day 係配雞蛋仔架，真係只能說老闆好愛港 ，好想識下個老闆。 見到隔離台叫左個龍蝦飯勁正，但無奈我地幾個都要減肥，只好忍一忍口。叫住個龍蝦炒河試一試佢。 好開心河粉無令人失望，中式得黎又入味，好濃既龍蝦汁，龍蝦肉鮮甜，有咬口，內仲配以不同海鮮，好驚喜。 餐湯仲可以選碗仔翅，真係令人好意外。菇味好濃，加埋醋真係，我覺得要帶外國朋友黎一試。朋友叫左個飲品叫「當我想起你」個名好sweet ,餐廳內好多飲品都改左特別既名，唔係女人野到，我都想飲番杯。 試左一啖，好清新，又靚，岩晒打卡用。另外我仲叫左個明太子牛油果意粉， 牛油果控既我好佩服店主心思，會配以青瓜一同入饌，減左牛油果油膩口感，明太子咬落去卜卜聲，好有咬口。蝦肉處理都好好，好厚實。 最後等到流晒口水既雞蛋仔出場啦

不得不補回這一篇食評，雖然呢間街坊cafe店內地方不大，但裝潢好有特色，而且食物都好有水準，色香味俱全。位置在旺角女人街內，睇住地圖好容易搵到。有幸食到呢一餐，係因為我生命中其中一位好重要的朋友生日，我地4個女人仔眼闊肚窄，叫左8碟野，碟碟份量都唔少，結果就是飽飽飽，主角仲話要食山渣餅解滯。飯軟軟的又有口感，正!五款不同味道既燒蠔，好味!呢碟係我既至愛，非常鬆化又好香蛋味，配上香滑雪糕，實在食到唔可以停口。朋友見我不停讚，差唔多成碟比晒我食呢個流心朱古力蛋糕係生日主角既最愛，好香濃，值得推介!呢個紫薯雞蛋仔係因為外形可愛所以叫的，因為佢係最後一碟上枱，之前實在已經食得太飽，大家望住呢碟野唯有不停傻笑。。。但叫左唔好浪費，每人都盡力食左少少，至於好唔好味就講唔到比大家知，因為已經飽到無晒味，想知既你地自己試下啦～

Happy Friday 又係gathering 既好時機。今次揀左旺角既街坊cafe, 見OP 成3xx個like, 質素應該吾差。放工坐巴士例牌響太子度塞車，由金都到廣場到信和足足用左15分鐘，真係無言...好彩fd 早到攞左位，黎到岩岩有位入，座位都算闊落。睇完menu, 樣樣都想試，最終就交左俾fd 發板，叫左個2人餐。街坊素鮑參碗仔翅窩。上枱時真係有驚喜，勁大窩，有好多我愛既香菇，肉絲相對地比較少，但見到成隻素海參同鮑魚就咩都抵翻哂，海參雖然係素既，但勁彈牙...唯一美中不足係個翅吾夠熱，如果熱辣辣上枱就真係perfect 啦接住上吞拿魚蟹籽沙律，吞拿魚既量都吾少。主角終於登場：波士頓龍蝦帝王極上海鮮...(略去n 字）...飯。個名實在太長啦，基本上係將所以海鮮加落去個名度🤣。上枱時嚇親我地，超大碟，兩個人根本食吾哂。芝士焗蠔有成隻碟咁大，芝士夠多， 又香又惹味。波士頓龍蝦，我同fd 一人半隻，啖啖都係肉，最有我愛食既蝦膏。翡翠螺同帶子。仲有蜆同魷魚夾雜響意大利飯裡面，真係啖啖都有料。食完主食其實我地都差吾多到頂啦，真係好飽，hea 左陣等消化就上甜品。綠茶吉士雞蛋仔拌雪糕

餐廳嘅環境佈置非常有心思，用街坊作為主題，帶出咗好多昔日香港嘅面貌，懷舊得嚟又摩登。牆上嘅壁畫同埋燈光擺設互相映襯，成為餐廳一大特色。首先點咗明太子大蝦意大利粉。大蝦有幾隻，份量幾多，意大利粉香滑，而明太子汁比較多，適合我個人嘅喜好。最值得推介既都算係重量級嘅餸菜：原隻波士頓龍蝦配芝士龍蝦汁意大利飯。跟餐點唔算太貴，而且有埋意大利飯，唔會浪費咗龍蝦嘅味道。有埋芝士簡直係味蕾嘅一大享受。龍蝦新鮮，賣相都唔錯，適合二人食。甜品方面，提拉米蘇吉士西多士伴雪糕，超級大碟，一上菜仲以為係主菜。多士一共有六件，再配埋一個雪糕球，仲有啲爆谷，賣相非常吸引。飲品方面，叫咗藍碟花系列同埋街坊氣泡水，都幾有特色，又可以用嚟打卡，哈哈。

這間街坊Cafe裝修佈置及壁畫都充滿香港地道風晴，非常貼地。香港街頭小食點少得碗仔翅！這個碗仔翅簡直是升級版，有素海參和原隻鮑魚非常高級嘅享受啊！ 碗仔翅10分足料，有很多肉絲及冬菇呀！質地濃稀度適中，味道也調較得不錯，不會太鹹。加埋酸醋及胡椒粉食就一流喇！小食點少得雞翼呢！安排上雞翼都有幾款選擇，而我地選擇左既係香蒜牛油雞翼！雞翼好重牛油香味，聞到都流口水喇！入口雞隻都幾多肉，雞皮非常香脆，內裏雞肉肉汁仍保持風到，肉質嫩滑。入口食到濃郁既牛油香道，同時也不失蒜香！甜品是芒果班cake，賣相很美呢！班cake皮內面包了cream同一粒粒既芒果肉，口感十足！配上綠茶雪糕，甜而不膩呀！

夜晚出開旺角食飯就諗起之前黎過依間餐廳不錯，所以又來吃了！想不到，冇黎一排...發現餐牌多咗一些新款式選擇，好有新鮮感呀！鮮蝦青果沙律🥗非常清新開胃。蝦隻都幾大粒，咬落爽口鮮味，沙律菜配上芝麻沙律醬非常惹味可口！每次黎到都必吃既素鮑魚海參碗仔翅！鮑魚又大又彈牙，海參爽口， 碗仔翅湯底濃稠度都調得剛剛好，配上胡椒粉及醋充滿香港地道街頭小食風味呀！這個海鮮拼盤真係要相機食先，非常吸引又好味！拼盤有半隻龍蝦、大蝦顯肉、海螺及青口非常豐富！龍蝦肉鮮甜之餘又有蝦膏，非常高質呀！海螺🐚爽彈，醮上酸酸辣辣既海鮮醬汁，更加惹味！

由5點幾6點吃到差不多8點⋯⋯真是由少少人，安安靜靜吃到後面好嘈，肚子裡的BB不停咁踢我。頂5順，才走～如果西餐環境，安安靜靜就不錯了。由於個人口味，覺得#明太子牛油果🥑🦐意粉#清清淡淡，個汁和意粉的口感配合得剛剛好，真心覺得好吃過，下次我會再吃這個。但是大食貪心，後面還叫了#大蝦龍蝦汁河粉#果d蜆肉有d沙，吃了一隻，無再吃，不太喜歡果個汁既味，河粉濕濕底，好膩口，喜歡🦐的人可以嘗試下。但我下次不會再點。叫了好多嘢吃，最後甜品#芒果西多雪糕#正。好滿足的一餐。😄

見食評幾好於是黎試下 ，三百幾like 諗住實無死啦。點知真係失望到極點。港式fusions ，嗌左個內眼扒358 set ，嗌左5成熟，黎到一切開就肯定係over cook 左，起碼7,8成熟，un到咩咁，勁難切。之後個蕃茄蜆河粉，望落個樣幾好，但一食完全係就咁茄膏倒落去兜兩兜就上碟。然後杯野飲”一加一”又係就咁芒果漿菠蘿漿溝出黎。性價比勁低，200蚊一個人，真係走去食放題好過，完全唔明點解有咁多好評，食完一肚氣。

這是一家屬於香港人的餐廳！「靈活變通亅及懂得在狹縫中左右逢源「突圍而出亅，可說是香港人引以自傲的兩大特徵！ 這家餐廳的出品，話說得婉轉一點， 就可以說是店家將「經典再造亅丶進行二次創作！！但你也可以說它的東西其實只是東拼西湊， 把最近最吸睛 丶大家最喜歡的食品元素拼湊在一起，成為有香港地道風味及流行條件的的特色招牌菜。 正所謂：「不扮高深、只求傳真」！街坊 素鮑參碗仔翅窩這個碗仔翅本來只是尋常不過的港式平民街頭小食，店家怎樣把它改良，再放上大枱賣呢？答案很簡單，他們很聰明地在碗仔翅上面放了一隻素鮑魚同一條素海參 ，便清脆利落地為素翅完成了提昇工縮，讓它褪變成為眼前這個獨一無二的豪華版街坊cafe 碗仔翅！ 當然，店家在調味方西也是下個功夫的 。味道調較得十分「香港地亅。 另外，碗裏面的冬菇絲也比一般坊間的街頭小吃份量多，增加了碗仔翅的囗感和豪華度， 讓我們這些街坊吃起來感覺良好，又覺得佢有些與別不同就是了！原隻波士頓龍蝦、芝士龍蝦汁意大利飯好長的菜名啊！美國🇺🇸 的「波士頓Boston」 加上「意大利亅 Italino 🇮🇹 ，歐美兩大令人傾慕的地方，都被放進這碟飯的名稱裏面了， 浮誇

MK通菜街林立左好多餐廳，見到呢間主打fusion 野，中西合璧好特別，女朋友話有創意想遢下，咁就帶我心愛既女朋友仔去食。D位都幾寬。烤美國西冷牛扒$128咁大塊都係128$，叫左七成熟，份量真心大。咬落係外有烤肉的脆，入面d肉幾嫩，可以一試WOR!2. 焗肉醬五香肉丁河粉dinner set$58五香肉丁河粉其實唔知伏唔伏，好似Fusion。河粉同D肉醬都算MATCH 。但五香肉丁唔夠多。河粉已經好飽肚，我食完已經好飽。3.凍鴛鴦極濃咖啡 (跟餐加錢)$8呢到既鴛鴦係用expresso 沖，咖啡味幾濃情歌王 (跟餐加錢)$8係西洋菜蜜加藍蝶花凍飲。個杯好吸引，甜甜地，有創意但係一般般。Tiramisu 吉士雞蛋仔拼雪糕＄58賣相好吸引，雞蛋仔上面蓋一層厚厚的吉士醬加tiramisu粉！仲有燒左既棉花糖拼綠茶雪糕🍦真係肥到爆~~但雞蛋仔有d淋。兩個人食左2百幾左右，都算唔錯。

上網見到呢間餐廳有特式雞蛋仔同西多士，所以同朋友黎食，又幾好食bor!餐牌有好多選擇，揀到我地眼都花哈哈最後我地叫左二人套餐，名叫 “帝王極尙海鮮—芝士龍蝦汁意大利飯二人餐”,每人都只係200幾蚊首先有黑松露野菌忌廉湯唔好睇落好似一碗湯咁，其實個容器好大架!!可以分成兩大碗湯，夠哂兩個人飲! 黑松露好香，好多粒粒蘑菇，夠足料呑拿魚蟹籽沙津呢盤沙津都係好大盤!!呑拿魚沙津好好味波士頓龍蝦帝王極尙海鮮(配芝士龍蝦汁意大利飯)主角就係波士頓龍蝦! 海水味幾重，夠新鮮，正! 另外仲有好多海鮮呀— 生蠔,帶子,翡翠螺之類，真係啖啖都係海鮮芝士龍蝦汁意大利飯都唔錯，質感有少少似西班牙海鮮炒飯，不過轉左做龍蝦汁，配海鮮一流甜品-tiramisu 吉士法國西多士配雪糕呢個西多士真心推介!! 份量多之餘，配埋溶化的棉花糖,爆谷和朱古力雪糕

好好味！蝦子麵都煮得這麼好食，勁！那個拼盤也好正，德國腸最正，雞翼辣味適中。還有那個甜品，綿花糖底加上雞蛋仔，雪糕，爆谷。都幾甜！但勝在夠特別。最緊要係半價只需HKd205. 正到無朋友

旺角女人街食肆居多，要試晒全部餐廳，用上幾十日都唔出奇。今日同朋友喺旺角買嘢，跟住就去通菜街覓食。喺咁多間餐廳入面，呢間中西合璧嘅Cafe貌似幾得意，所以就入咗去試吓。最吸睛嘅係入面嘅油畫牆，除左colorful之外，仲好有香港嘅味道。呢度嘅招牌菜係素鮑參傳統雞骨碗仔翅。一開始我對呢個碗仔翅冇好大嘅期望，覺得碗仔翅可以好食得去邊？但點知好有驚喜！！翅嘅底料好足，木耳、冬菇同腐竹嘅味道好鮮，而且用上雞骨去熬製，一啲都唔寡。最特別係佢嘅素鮑魚同海參，除咗質感好似之外，仲索晒啲底料味，大推！由於我同朋友都係明太子嘅忠實粉絲，所以我哋嗌嘅主菜都係有明太子xd明太子溫泉蛋意粉質感creamy，半生熟嘅蛋黃同明太子一向都係絕配，好食就唔需多講。而朋友嗌嘅明太子鮮蝦牛油果意粉就好特別。原來牛油果同明太子都幾夾，加埋海鮮一齊煮就少咗份油膩感。飲品方面就叫咗凍玫瑰鮮奶咖啡同女神xd前者玫瑰味好出，忌廉都好夠;後者清新酸甜，啱晒炎夏飲用！