街坊Cafe (已結業)

之前喺Facebook見到有介紹呢間街坊Cafe 最近主打緊龍蝦😋同埋茶餐廳小食😋雞蛋仔同西多士雪糕😝😝都幾有特色啊！！今晚就特登約埋好朋友出嚟旺角食la😝😝我哋order左個香煎比目魚扒 加＄38轉set包一杯飲品同試咗佢個極上龍蝦湯😍😍 再叫埋個芒果拿破崙吉士西多士雪糕share食！！兩個女仔食飽飽😙個比目魚扒好厚身 魚質好滑 魚皮煎到脆脆地👍不過有d細骨 食既時候要小心哦😗 仲有好多配菜 薯條就梗係唔少得㗎啦！而個四季豆就好好味wo！鹹鹹地有啲黑椒好惹味！👍個芒果拿破崙吉士西多士雪糕就好靚哦！影相打卡一流😝😝😝 佢有成六件西多士 份量3個人share都夠哂！！ 仲有爆谷舖面！第一次食吉士配西多士 又幾match wo 連埋芒果酸酸甜甜好好味 不知不覺就食哂六件啦😋😝下次仲打算試tiramisu味！！我地仲要左杯熱既烏龍latte！拉花好精細！牛奶同咖啡既distribution都幾balance！仲有烏龍茶香 成件事又無咁甜！！可以try try☺️

今日嚟到旺角女人街行街， 晚飯時順便再嚟食這間街坊cafe， 皆因這間餐廳最近推出帝王極上海鮮二人晚餐，以海鮮為主打， 難得經過當然要試下啦。話明海鮮大餐，有餐湯、有頭盤、有主菜、有甜品、更有飲品 ，連加一都係四百蚊鬆啲， 超豐富呀!餐湯我選了極上龍蝦濃湯, 湯雖然飲落有些少苦澀味， 但也有龍蝦的鮮味，飲完挺滋味。頭盤叫吞拿魚蟹籽沙律， 蟹籽其多， 配上新鮮的沙律菜， 美味多汁嘅吞拿魚 ，食落感覺好fresh，大大碟兩個人食好足夠。至於主菜點了C, 有法國鵝肝、虎蝦、比目魚扒帝王極上海鮮，集合多種美味嘅食料 ，配上濃郁多汁嘅意大利飯， 豐富都爆燈。而當中焗生蠔、青口、蜆肉、帶子刺身、翡翠螺等，都是貝殼類中非常鮮味嘅食材， 咁多咁豐富的海鮮，簡直越食越開心， 舌尖上的興奮。甜品是Tiramisu吉士法國西多士伴雪糕， 即時制作熱辣辣， 外脆內熱、 甜而不膩， 二人份量有咁多塊西多士 ，正正正。飲品點了兩杯特色的街坊氣泡水， 有女神，又有當我想起你， 兩杯飲落甜甜地都非常之fresh。兩個人食咁豐富的套餐， 美味又飽肚， 經濟又化算， 超級大滿足。

今晚係旺角百老匯戲院睇戲，所以就近近地係女人街食間快靚正既餐廳。門口見個餐牌食物選擇多就入去。我地兩pair情侶，叫左一個2人dinner set ，另外再散叫一個意粉。一個2人餐，要左碗仔翅作餐湯，成窩上，基本上都夠4碗，素鮑魚海參賣相好似，食落個口感都似埋。味道唔錯，都好足料。吞拿魚蟹籽沙律，份量都唔少。波士頓龍蝦芝士龍蝦汁意大利飯大大隻波士頓龍蝦，蝦肉唔「鞋」。意大利飯煮得軟硬適中,保持有嚼勁之餘,龍蝦汁均勻地滲透了每粒飯之中,令其味道十分豐盈。帶子墨汁炒河粉第一次試墨魚汁 炒河粉呢個配搭，河粉都滑溜，帶子入口爽口唔油膩，Tiramisu吉士法國西多士伴雪糕一片片香脆的西多士唔會太膩，連埋少少溶化棉花糖同雪糕一齊食，雖然有d邪惡，不過甜得黎又好味。

係通菜街云云餐廳覓食之際, 見Openrice 優惠卷一欄街坊Café 主菜單有5折, 覺得一試無坊, 就好隨意的揀左呢間餐廳。街坊Café 門面貼滿不同雜誌的介紹與訪問, 但最觸目都係佢個tiramisu雞蛋仔, 所以係廣華醫院果邊入見到個雞蛋仔紙牌就會好快搵得到間餐廳。不過話時話, 而家先五月中, 天氣熱到好似去左非洲咁, 個人唔係好開胃, 肉就唔係想食gam 多, 但野點都要食去維持體能, 所以今日食既野都諗住揀D 輕食為主的食物, 好彩街坊Café 食物款式多, 想大食可以大食食飽D, 有創意款式的炒河粉/意大利飯, 想輕食都有沙律/三文冶等供應, 百貨應百客, 不錯不錯。我今日就揀左一個烤雞三文魚凱撒沙律($68), 餐廳好貼心的有Small ($68)/ Large size ($98) 可以揀, 方便唔同人數的顧客。煙三文魚有3大舊, 份量都幾多, 又厚實, 而且生菜都新鮮, 而沙律醬唔算太多, 如果比多少少可能會好味D。另外又叫左個明太子溫泉蛋意粉, 老實講我好鍾意食鯷魚、明太子呢D夭壽鹹的魚, 我次次見親都會叫。街坊Café D 明太子睇唔出原來都幾新鮮, 鮮味10足

每次去旺角食飯都非常頭痛， 因選擇太多了，加上 晚飯黃金時間好食嘅餐廳經常要等位。所以今晚約了朋友提早少少去食晚飯，就揀這間旺角街坊cafe，勝在食完飯又可以行行女人街。兩個人點了一份set dinner 和一碟意粉， 大大分應該夠食啦。Set dinner 的menu上有好多選擇，考慮了一陣就點9號餐，燒西班牙黑毛豬，有湯又有飲品，盛惠148蚊。湯是什菌忌廉湯，足料，味道非常濃郁。而燒西班牙黑毛豬， 優質極黑毛豬非常厚切，肉質鮮嫩而味道濃郁，每一啖食落配上黑椒汁，濃汁加上香濃肉味，絕不感到油膩。餐飲加12蚊轉街坊氣泡水， 名字特別叫青春頌， 有薄荷、金桔和菠蘿 ，味道甜而帶酸， 飲落不錯。意粉叫了鮮茄肉醬溫泉蛋意粉， 醬汁之多、材料之豐富，加上醬汁勁多，令意大利粉味道特别濃郁， 而材料配合得非常夾，有不同嘅菇類、翠肉瓜， 加上大量嘅紫菜絲和香滑嘅溫泉蛋， 令這碟意粉食樂滋味滿足。

見街坊Cafe 呢幾日做緊promotion, 主餐牌有5折及飲品有半價優惠,非常爽快地就係Openrice 訂定位, 中午放飯就可以去食。因為間餐廳係係女人街入面, 近廣華醫院/家樂H&M果邊, 所以其實都幾易搵。話明係街坊cafe, 餐廳走的當然係街坊格局,牆上幾幅壁畫, 滿有香港得色情懷。中午時份餐廳越來越多人, 有中學生, 也有街客, 因為價錢非常「街坊」。-愛吃漢堡的我們叫了兩個漢堡餐,1. 和牛豬仔包漢堡每個漢堡餐也附有生菜沙律及薯格, 份量得宜, 沒有太多或太少, 足以減低油膩感。至於包, 這裡是用豬仔包, 麵包沒有烘焙得太久, 外表雖然不算太脆, 但內部仍然鬆軟,溶掉的牛油也讓包滿帶咸香。漢堡扒肉味雖然有些淡，但肉汁尚算飽滿, 份量大而不欺人, 美中不足的是不算太熱。配搭著生菜、洋蔥、芝士也算不錯吃。2. 意大利黑醋薄牛肉豬仔包三文冶外面天氣太熱, 讓人感覺飽飽濟濟,少少黑醋少少肉, 與及三文冶裡的蕃茄、生菜、洋蔥正好為嚴夏增添清新的氣氛。附上的薯格也即叫即炸, 也很好吃。每個包的分量適中，醬汁也不會過多, 不會吃得太過狼狽。3. 士多啤梨荷蘭班戟伴雪梨鑑於朋友最近迷上

朋友話依間cafe好多人推介，所以就約我黎食晚餐🤓 太耐冇去旺角了，唔係好認得路，好彩朋友行出黎搵我哈哈🤣入到去一坐低，我已經即時拎手機出黎影相，因為牆上既圖畫好得意😛 又有麥兜、又有老夫子，都係香港熟悉嘅卡通🙃 係我影相既時候，朋友已經諗緊食咩✌🏻 太多選擇了，我地咩都想試🤣諗左好耐，叫左個set dinner 龍蝦海鮮意粉（聽講係好出名既，特別係個龍蝦汁😌）配什菌忌廉湯！餐湯我一向冇咩期望，但依個湯好濃、啖啖蘑菇味，非常正✌🏻 我share左d俾朋友，佢都話好飲!主菜一黎到，好大份量😯😯 我地心諗：一定食唔哂😂 龍蝦佔左大半個碟，賣相吸引，打卡一流！我地移開龍蝦，發現下面既意粉都幾多下🤣🤣 配合埋海鮮同好味既龍蝦汁，我地share食，每人幾碟，都係食唔哂既😂唔記得咗講，我哋仲加錢叫左兩隻焗蠔🤣 $12蚊隻，大大隻，好抵！餐飲我要咗個玫瑰鮮奶咖啡😋 佢唔算太多玫瑰味，但都ok ge. 食完咁多heavy野，飲清d都好🤣依度食物唔錯，環境好、又有香港特色，下次應該約埋多d朋友黎，吹下水食下野🙃

今日等朋友收工，朋友話有間餐廳味道吾錯而且食物十分特別就去食，去到裝潢的確吾喎，但都不夠食品特別，竟然有中式配西式，最後我們叫了二個主食加一個甜品，價錢比心目中合理，應該會再來吃。菠蘿鮮茄豬扒焗飯沒想到份量不少，而且一夾原來有不少豬扒，飯都係炒飯底而且夠乾身，蕃茄都不少而且味道好味，感覺沒有落太多蕃茄醬所以味道十分新鮮，豬扒份量朋友說差不多有二片已十分足料。見到野菌配黑松露吾覺奇，但特別地方是用蝦子面就試一試，黑松露野菌忌簾汁蟹籽蝦子面。黎到見到十分漂亮有意外，都幾吸睛，同西餐感覺有點相似但面質吾同，沒想到配合得吾錯，好香而面質彈牙帶點蝦子味。鐘意食雞蛋仔嘅朋友見到甜品已勁開心，因為好多不同選擇味道，最後我哋選擇了...Turamisu吉士雞蛋仔伴雪糕，雞蛋仔意外好味夠脆都有蛋香，吉士吾太甜味道剛瞜子，配合雪糕夾一齊食吾錯，而且份量吾少，岩晒二人分享。

Openrice 又有優惠喔！未看食評已經有很多折扣。這間位於旺角通菜街的西餐廳，地理位置十分方便！而裝修亦很吸引，未入餐廳已經被雞蛋仔伴雪糕的牌吸引。當日點了一份二人餐。餐湯: 龍蝦湯窩前菜: 吞拿魚蟹籽沙津正餐:法式鵝肝，虎蝦，比目魚扒帝王極上海鮮(焗生蠔，青口，蜆肉，刺身帶子，翡翠螺)配上番茄意大利飯。甜品: 綠茶吉士雞蛋仔伴雪糕飲品: 戀愛大過天，我的宣言前者龍蝦湯窩有點咸至於吞拿魚蟹籽沙津，不錯！正餐出現了！有法式鵝肝，虎蝦，比目魚扒，焗生蠔，青口，蜆肉，刺身帶子，翡翠螺，實在份量十足！而且味道不錯，兩個人都吃不完。。。甜品: 綠茶吉士雞蛋仔伴雪糕，味道尚算不錯飲品: 戀愛大過天，我的宣言餐廳為飲品改了不少名字，幾吸引好特別的碟子至於價錢方面，也不算便宜。以二人餐來說，加一後過$400，如果想抵吃一點，不妨用 Openrice coupons，比較化算。

係女人街眾多餐廳之中揀左一間食晚餐，一入到去勁多人勁熱鬧，感覺冇黎錯地方，即刻睇睇menu有咩食先～有晒各款嘅西餐款式，比較特別嘅係港式fusion口味，好似用我地經常食嘅河粉配上意粉汁咁，非常特別，同埋唔使驚冇野食，反而係怕太多選擇揀唔到～另外仲有特飲同甜品墨魚汁帶子河粉，份量相比同類西餐唔算少，墨魚汁一啲都唔腥又夠味～估唔到墨汁同河粉又幾夾，而且個河仲保持返少少咬口，唔人腍到痴住晒～入面仲混入左啲紅蘿蔔粒 菇菌 魷魚等，撈埋啲黑過墨汁既墨魚汁，絕對有驚喜！唯一敗筆就係個帶子，一入口好鬆散，冇咩特別。我地仲跟餐加左個碗仔翅同咖啡 呢個真係值得一讚碗仔翅相當高質 一啲都唔稀身 冇落胡椒粉都夠味 連平時冇食開碗仔翅既朋友試過都覺得唔錯 仲有杯咖啡 以為係跟餐加既就會好普通 點知都唔錯 有調配過既感覺～加$28有驚喜 相當抵呀德國腸拼盤就好一般 只有兩款口味 種類唔多 外加少少沙律菜仲要食落同平時食開既司華力腸冇分別 早知就叫其他小食拼盤 唔值得專登去試最後朋友散叫左杯特飲:女神 味道類似柑桔檸檬 冇乜特別但味道幾清新 食完啲咁濃味既西餐 飲返杯清下喉嚨都係唔錯之選

今晚同朋友相約係旺角食飯，係女人街側邊啲店舖搵食，經過呢間餐廳覺得個名幾搞嘢於是入去試食。餐廳內牆七彩繽紛，好有藝術感，圖畫亦好有意思。食物包羅萬有，有選擇困難症嘅我地最後揀咗咩都有得試嘅二人餐。吞拿魚蟹籽沙津配日式芝麻醬冇得輸。碗仔翅。大大碗上，可以分到好幾碗，味道唔差得嚟仲好足料，仲有素鮑參，勁呀!意式蜆肉河粉。將西式意粉煮法轉成煮河粉，嚟個mix & match，夠曬特別。河粉比想像中好，唔會太腍，蜆肉都幾多，配埋個蕃茄汁酸酸甜甜好開胃。鐵板黑毛豬。熱辣辣，好肥美，食落好腍好軟，唔點醬汁都好夠味，食埋粗薯條好滿足。女神，果汁嘅酸甜，啱曬食完有啲Heavy嘅黑毛豬飲。你的男人，係意大利極濃/朱古力，啱曬啲鍾意甜中帶有少少苦嘅人。Tiramisu吉士西多士伴雪糕。凍嘅雪糕加上熱辣辣嘅吉士西多士，仲有好甜嘅爆谷，棉花糖同Tiramisu，好邪惡呀。埋單$339，呢個價錢食到咁多嘢都幾化算。

龍蝦湯色澤偏深紅，非一般龍蝦湯既橙色。第一啖感覺係濃濃既蝦膏味，但並唔鮮甜，甚至帶有少少腥及苦澀味，而且要另加$38, 性價比低，令人失望。碗仔翅提到港式食物點少得碗仔翅？餐廳聲稱用雞湯煮的碗仔翅，用上真既翅群邊，而唔係粉絲當魚翅。另外配料有木耳絲，肉絲，冬菇等，都幾足料，美中不足係味精可能多左少少。豬仔包餐豬仔包夾住生菜，洋蔥同大大塊豬扒，都幾惹味。豬扒肉質爽口，但略嫌乾身，豬仔包本身已經係比較乾，所以食起黎成個包都係偏乾。伴碟既沙律配上黑醋味道尚算清新。配菜既薯格可以再脆口D就更好。五色焗蠔五種口味包括芝士，芝士煙肉，黑松露，羅勒及明太子。上菜時豪殻好熱，但係中間既蠔肉竟然只係微暖，可能因為怕太熱令蠔肉過熟。雖然唔係熱辣辣，但係蠔肉都算幾大隻，唔係太熟所以蠔肉幾滑，都有少少海鮮味。首推黑松露，羅勒及明太子味，芝士煙肉味既煙肉太熟，好鞋口。

環境  Cafe 環境寬敞，牆上有幾幅有香港本土特色的油畫，幾得意。          龍蝦湯同碗仔翅跟餐加錢 幾足料  而且味道唔錯  可以一試墨汁大蝦意粉  大蝦煎香過再放上面，味道唔錯。但扣分位係墨汁無原味，似係開粉溝出黎。傳統bbq燒豬腳  鐵板燒豬腳係即製，賣相十分吸引，份量合理。豬腳醃製得幾惹味，配即炸薯條好好食。鐵板燒亦配有蔬菜，蔬菜好新鮮，絕對唔係急凍貨色。 漢堡包比想像中好食  有薯格個豬扒幾JUICY  而且好大個  熱辣辣  好正

今日系旺角行街，行行下肚仔有點餓見到間街坊Cafe環境舒適，系鬧市中可以搵到間寧靜的地方。什菌忌廉湯，什菌味香濃又不會太咸。明太子鮮蝦牛油果意粉，蝦大大隻又爽口彈，仲有菇和牛油果，每條意粉都沾上明太子意粉夠煙韌軟熟，味道又香醬汁又夠creamy龍蝦汁海鮮意大利飯，蜆和青口肉質飽滿，仲有菇和蟹子，龍蝦汁醬汁濃厚，每粒飯都沾上龍蝦汁飯又軟熟又不硬。士多啤梨荷蘭班㦸伴雪糕，士多啤梨雪糕濃厚，班㦸又煙韌又軟熟，仲有士多啤梨醬和士多啤梨肉😋

今日同朋友行開旺角，女人街兩邊都有唔少餐廳，去左呢間街坊cafe食lunch，cafe餐牌都有唔少選擇，仲有賣香港街頭特色美食，好似碗仔翅、雞蛋仔咁。我同朋友兩個叫左新推出既帝王極上海鮮二人餐，二人餐都包括幾多野，有餐湯、頭盤、主菜、飲品、甜品，主菜選左B.波士頓帝王極上海鮮，有原隻波士頓龍蝦，估唔到cafe都有原隻龍蝦食。餐湯有三選一，碗仔翅唔駛加錢，當然選我至愛既碗仔翅啦，最特別係裡面係有原隻鮑魚同海蔘，不過係素菜黎，味道都唔錯。頭盤係吞拿魚蟹籽沙律，吞拿魚同蟹籽都幾多，仲有唔少蔬菜，醬汁味道幾好，幾開胃。主菜除左原隻波士頓龍蝦之外，仲有其他海鮮，有焗生蠔、青口、蜆肉、帶子刺身、翡翠螺，咁大盤海鮮都幾抵食，波士頓龍蝦幾大隻，啖啖肉又鮮甜，其他焗蠔、青口、蜆肉都好新鮮，翡翠螺比較少食，不過味道都唔錯，帶子刺身都幾大隻同新鮮。另外，海鮮下面既飯都好好食，係芝士龍蝦汁意大利飯，芝士同龍蝦汁好香濃。二人餐包兩杯特色飲品，可選藍蝶花凍飲系列或者街坊汽泡水系列。兩杯飲品顏色都好靚，好有夏日feel。最後上既係我最期待既綠茶雞蛋仔配雪糕，綠茶味雞蛋仔本身已經正，加埋雪糕、棉花糖仲正，仲有d雜果粒