街坊Cafe (已結業)

今次係我第二次光顧呢間餐廳，感覺比第一次好，今次嘅服務態度明顯係好左，但如果部分侍應再多少少笑容就好啦，有改善空間，希望下次黎會更好。今次我地叫左蝦子麵，但呢個蝦子麵用西式煮法，幾好食。另外叫左小食併盤及野菌雞肉意大利飯，意大利飯煮到剛好，好入味，唔會有膩嘅感覺，好味。小食併盤如果加配多一個蕃茄醬就更好。下次我會再黎😄😄😄😄

下午茶時間，甫入店內，店員招呼我和朋友到一個四人座位，店內環境非常有香港風味，牆上有人手畫出的代表著香港特色的景象，加上播放著一首首廣東話流行曲，令人感到十分舒服。朋友選擇了lunch set，我則選擇了tea set。Lunch set附有西湯，朋友選了忌廉湯，廚師將什菌和湯一齊攪拌，令到湯帶有菌的香味，口感亦更濃厚。主食為法式鵝肝雞肉意大利飯($68)，因為菜式中有翠玉瓜、蘑菇、雞脾菇、雞肉等，口感非常豐富，飯的調味亦十分適中，而鵝肝也十分肥美，帶有油脂香。而每張檯都有四款調味料，黑椒，胡椒，鹽，酸，供給食客按自己口味加料。Tea set選了士多啤梨荷蘭班㦸伴雪糕($78)，士多啤梨帶少少酸味，與曲奇雪糕一起伴食，酸酸甜甜，挺開胃，班㦸熱騰騰的，帶有蛋香及糖漿甜味，邊緣更是脆卜卜，十分香口。我們也選了一個小食，水牛城脆香雞翼($58)，真的有脆香雞翼感覺，但配上水牛城口味，帶有點酸味，外層有少許黑椒，增加少許辣味。Lunch set 和 Tea set都可以優惠價(+$8)叫上特飲。特飲名字十分特別，叫「我的宣言」，即係白桃Mix玫瑰，白桃味十分清甜，有玫瑰的香味。換個他(熱情果)

辛勞工作了一整早上，lunch和同事們來到旺角的「街坊Cafe」。在Openrice book位，有主餐牌50%off的優惠! 這裏口啤不錯，來過的同事都讚好😆，餐牌上不管熱食或甜品，選擇多得令人目不暇給。為了滿足好奇的胃口，我們決定share來食。1. All day breakfast (原價＄88-> ＄44)💟食物多得盆滿缽滿的一碟英式早餐，好飽足。2. 墨魚汁帶子河粉 (原價＄88-> ＄44)💟食過墨魚汁意粉、 墨魚汁天使麵， 就是未試過墨魚汁河粉。炒河炒很有地道茶餐廳風味～3. 燒西班牙黑毛豬 (原價 $138 -> 69) 💟喜出望外之選。黑毛豬竟有成2厘米厚，熟得來不靭不老，調味足夠~👍👍4. 黑松露野菌忌廉汁蝦子麵 (原價 $98-> 49) 💟原來蝦子麵配西式煮法，都幾好食。 5. 紫薯吉士法國西多士伴雪糕 (原價 $68 -> $34)出街食飯又點少得甜品呢? 這裏的甜品貫徹港式風味，這個紫薯西多士配撘有趣，只可惜西多士有少少overcook~6. 士多啤梨荷蘭班戟伴雪糕 (原價78-> 39)賣相還不錯吧!

好好味既隱世CAFE!剛剛好係OPENRICE有5折COUPON, 咁岩又約左朋友去旺角行街, 於是就膽粗粗去試下. 事實係, 非常之有驚喜.餐廳牆上畫左香港地標, 仲有麥兜同佢既朋友仔, 色彩繽紛, 好適合大家去打卡!餐牌既食物, 全部都係加左少少港式茶記元素, 例如蝦子麵, 豬仔包, 雞蛋仔, 河粉, 茶記扒餐...但卻用左西式既汁去烹調, 好有口感同味覺上既衝擊, 別出心裁既煮食意念, 我同我朋友都非常欣賞! 味道上, 比起好多旺角既偽西餐廳好味, 至少唔係果種金寶罐頭味, 而且豬扒都食唔出有雪味. 最重要係, 雞蛋仔雪糕值得一試, 吉士醬打得幾好! 碗同雞蛋仔係熱既, 但係吉士醬及雪糕都係冷, 絕對係新鮮即叫即整! 味道唔錯, 係食雞蛋仔新鮮熱騰騰加雪糕凍冰冰既感覺!我同朋友一致認為呢個用餐經驗好好, 原本價錢已經唔貴, 加埋5折變得更加抵食, 值得再去試其他食物. 唔太明白點解餐廳人流好少, 賣單時問一下老闆, 佢都話係靠OPENRICE吸引客人, 可能位於女人街既競爭實在太大, 又開業只有1年多. 我真心希望呢篇食評可以幫佢吸引更多新客, 加油!

小編前日同友人係旺角做完facial之後，就係通菜街附近遊下睇下有乜野好食，行行下見到幾出名既街坊cafe，就知走對了門，二話不說就進入餐廳。由於我同友人都對海鮮情有獨鍾，所以不約而同點了海鮮飯，我點了原隻虎蝦海鮮龍蝦汁意大利飯，而友人點了西班牙海鮮飯。上菜喇，頭盤忌廉湯都係啲基本野，但當個飯一上，我地都幾驚訝，因為無講大話，真係原隻！係原隻！原隻既龍蝦同虎蝦放左係我地面前！重要既事要講三次！係用料方面已經係可以話滿分！面飯身唔會太濕同乾，味道亦無完全被海鮮既腥覆蓋，難得！因為我鐘意欣宜首「女神」，就嗌左女神！而友人就點左「戀愛大過天」，相信大家都知佢鐘意咩歌手啦！飲料方面我杯女神混合四種水果而成，包括百香果、金桔、芒果同埋藍橘，飲落真係會有好濃既藍橘同百香果清香，而配合埋金桔同芒果果肉增加咬感，簡單係雙重享受！好想再試埋其他汽泡飲料！而友人都話佢杯戀愛大過天既玫瑰同埋士多啤梨好夾，好清幽嘅感覺！甜品方面我地揀左呀華田雪糕同芒果pancake有好多芒果呀！友人都話佢個呀華田味好濃好正！另外佢係有堂食服務費10%，不過服務態度好唔錯，希望下次再試新野！

話說早排去完旅行，約左朋友諗住比手信佢順便聚一聚啦朋友話早輪見到呢間餐廳好似唔錯咁，於是就訂左位諗住試下有咩特別我地嗌左兩個意粉，一個甜品朋友嗌嘅係明太子溫泉蛋意粉，見佢食左半碟都無就停哂手個味好奇怪，我都唔識點形容，同平時食開嘅差好多我就嗌左個墨汁大蝦意粉，大蝦幾好食，啲墨汁都夠黑，得個鹹字囉，鹹到我不停咁飲水，後尾都無食哂碟意粉，真係太鹹甜品就嗌左個tiramisu多士？唔記得叫咩名，等左十五分鐘終於上檯爆谷好甜，仲要有陣藥水味，食左一粒都放棄左個多士係好似西多咁，不過入面無搽花生醬，沾埋雪糕同底戈嘅棉花棒都ok嘅總括黎講勉勉強強啦

相信唔少朋友都試過約人係旺角區食飯，但永遠食咩都係一個難題。今次呢間位於旺角通菜街嘅街坊cafe就係一個非常好嘅選擇。一入到去坐低就已經見到牆身畫滿左麥兜公仔嘅裝潢，見到咁可愛嘅麥兜，比起其他餐廳的確俾到人開心嘅感覺。睇完餐牌後，我和友人點左兩個set dinner，分別係原隻虎蝦海鮮龍蝦汁意大利飯同西班牙海鮮飯。湯方面，我揀左碗仔翅，佢非常足料，每一啖都幾乎有冬菇雞絲等等配料，食落很滿足。而飲品方面，呢間餐廳更別出心裁，推出街坊泡汽水系列。顧名思義，其實都是汽水，但佢啲名就非常搞笑同特別，最後我揀左杯「戀愛大過天」，是玫瑰、士多啤梨和菠蘿的飲料，想不到這些加起來又幾好飲，很解渴呢！希望飲完真的有戀愛降臨，哈哈。主菜終於上枱，我的原隻虎蝦海鮮龍蝦汁意大利飯賣相十分吸引，未食已經流晒口水，果然食落冇令我失望。龍蝦汁令到個飯很開胃，而主角虎蝦亦十分鮮甜，滿滿的蟹籽鋪滿虎蝦更是錦上添花。這個飯我給90分！食完飯當然唔少得甜品，筆者點了一個阿華田吉士伴法國西多士雪糕，一聽個名咁長都知有料，估唔到用西多黎做甜品係咁好味，令到好飽嘅我都想繼續食，真係食完肥多幾磅都唔怕呀。

行親女人街經過呢間cafe見到咁多得獎同平台推介都會好想試今日終於得嘗所願！餐廳既皇牌堂然係必點之一皇牌卡邦拿拉沙河粉($88)同我想像既卡邦拿唔一樣不過都好正配料有三色椒煙肉炒得好香另外一個我特別推薦既蒜香甜椒蜆肉意粉($78)佢真係做到未食已經嗅到濃濃既蒜香令人食慾大增！而且意大利麵條可以做到有彈牙感覺更增口感！真正既蒜香意粉真係好正好有興趣啲特飲但一杯單點要四五十蚊跟餐反而抵好多 (+50)有個極上龍蝦湯同特飲 特飲 我的宣言 (白桃+玫瑰)大愛紫色 但估唔到咁紫但會咁香白桃味 友人點左普通檸茶就 (+38) 凍飲再加$3服務態度好好 坐得都舒適！

如果同你講，去咗間街坊餐廳食嘢，即時聯想到嘅喺啲小店呀，賣嘅嘢普普通通呀，環境可能地踎少少呀……等等。但今日 同親友嚟茶聚嘅地點「街坊Cafe 」，雖位處女人街內側，話就話店名叫「街坊」，但就絕對唔「街坊」。鋪面好似啲茶記咁，貼滿晒啲雜誌訪問報導，又掛上唔少餐廳嘅主打餐牌，但入到裡面，裝修唔失禮架，藍色為主調， 燈光柔和，最特別喺幾幅牆畫，畫出本土色彩、香港風情，但就唔喺扮懷舊嘅一類。初初嚟到都未喺咁多人，越坐就越多後生仔女嚟幫襯，確實，環境又幾舒服，尤其坐晌啲梳化椅之上。之前已睇過相關食評，望過吓啲餐牌做參考，專登揀2:30pm嚟，因為午餐仲有供應（12:00-5:30pm），但又開始可以點下午茶餐（2:30-6:00pm），咁我哋想食正餐又得，輕啲點個茶餐都得，皆大歡喜。再者，兩者都選擇不少，尤其下午茶餐，將雞蛋仔、西多士加添新意進行二次創作。結果，我哋點咗一客午餐跟兩客茶餐。餐具、基本調味料早已放好晒晌枱上，而最得意喺啲餐碟仔，隻隻圖案都唔同，印上一啲打氣或祝福字句，如：Good Luck Day、Today is Nice Day，令人睇到心情都正面啲。什菌忌廉湯（午餐）午餐其

港女朋友推介一定要黎打卡佢個甜品~~!!不過甜品之前就順便食個晚餐啦!三文魚牛油果焗飯 ($98) +38 可以有龍蝦湯同餐茶 / +$28就有碗仔翅同餐茶我地揀左最後龍蝦湯~~超濃郁~!!感覺好足料喎~!由於係即焗所以需時15mins不過可以食到熱辣辣既即焗飯~我地當然願意等!!非常足料~鋪滿大大舊既三文魚底~飯底係炒飯底~牛油果令整個焗飯更出色~冇乜味精同健康!!~唔中意重口味既健康人士可以試下呢個!!跟餐加特飲 ($12)一見到個名就決完要叫呢杯!當我想起你~因為勁浪漫~其實係藍橘同金桔加氣泡水~~外表真係超吸引~望落好夢幻~好中意!重頭戲 : Tiramisu 吉士雞蛋仔配雪糕 ($68)果然冇令我失望!!~ 配料已經有爆谷 棉花糖 同雪糕!!~ 全部都係我既最愛~~主角雞蛋仔當然係正啦!! 原來配上吉士係咁正~~!!而且超大份~成個主菜咁飽真係~推薦推薦!!

黎呢間cafe食野一定要一定要一定要book位（好重要所以要講三次）！每次去食晚餐都好多人係門口等位，而我係一個唔鐘意等位既人所以每次黎食野我都會預先book位。因為黎緊同朋友去旅行，想坐得舒舒服服傾下行程，朋友又未食過呢間所以就介紹佢黎同試下，我地當晚點左個二人餐，碟碟都好大碟一定足夠兩個人食，但係我地兩個女仔都食唔哂，前菜主菜甜品飲品成個dinner set齊哂，食到捧住個肚埋單。呢到最出名係碗仔翅，我見到差不多枱枱客人都有叫，而個黑毛豬我覺得值得一試，平民價錢但係食到高質素既食物，真係好難得，肉質鬆軟睇落好似好肥咁但係食落去完全唔油膩，佢個甜品我地揀左西多士，睇相都見到好大碟，我地真係食唔哂架個甜品佢即叫即做，西多士送上黎仲係熱架，配埋個雪糕食真係幾過癮幾好食。最後我朋友都話我介紹得好好，佢都覺得抵食又好味！

見openrice 訂位有5折~即刻揀左來同老婆做個小小週年慶祝原本以為cafe會係樓上鋪，原來就起正女人街既地鋪，相當方便。店內牆上畫有香港風景壁畫，打卡影相不錯呀。主菜叫左 傳統bbq燒豬腿 （$138），整個pan上菜，有3隻豬腿配上薯條，烤茄子同南瓜賣相不錯。薯條幾脆，大大個茄汁在枱任加。見豬腿唔算大隻，以為無咩肉。點知骨很幼，肉都幾多同滑，點埋BBQ醬，幾好味。街坊餐廳的話，感覺要點番個焗飯，於是點了 菠蘿鮮茄豬扒焗飯。扒肉唔算厚，但大件同多，軟滑有dd肉汁，茄味濃郁加上芝士，雖然唔係好特別但味道係OK。加28蚊配了雞骨碗仔翅和熱飲，可以有碗仔翅食感覺開心，都幾足料，味道不錯。枱上有齊醋同胡椒粉，貼心。前菜點了日式炸雞沙律（細，$68），大約4件雞，沙律都幾多，岩2個人食，雞面有大量蛋黃醬，雞幾大件，都係嫩滑既肉。外皮唔脆，配醬好好味最後點了甜品~阿華田吉士雞蛋仔伴雪糕。其實仲有3個味（紫薯，tiramisa同抹茶）但我諗住街坊d，就試阿華田先。個甜品賣相好靚，雞蛋仔上有華田粉同吉士醬，配有曲奇味雪糕，爆谷同棉花糖。雞蛋仔比較煙韌，像窩夫，但配埋醬同熱溶左棉花糖，食落都唔錯是

食物款式幾有趣 港式西式fashion菜龍蝦意大利飯：好大份 真•二人份量三文魚牛油果焗飯：算比較清少少墨汁帶子河粉：河粉配西式製法 幾新鮮 值得打下卡整體份量大 但味道太咸

好耐冇出過女人街行街街，今晚約咗好友行，去到近登打士街時，見到有間餐廳叫街坊cafe，店內有好多食客，門外亦好多Menu介紹美食，剛好有少許肚餓，就入去食啦叫咗一個晚餐，燒西班牙黑毛豬配黑椒汁，肉質軟綿綿，不油膩，入口易溶，薯條脆口餐湯叫咗碗仔翅，好有香港地道街邊美食風味，好多冬菇，加埋浙醋，一流餐飲另加＄12，點了一杯我的宣言，藍碟花特飲，加咗白桃，玫瑰，好清甜烤雞三文魚凱撒沙律，有大，細碟可選，我們要咗碟大，真的好大碟，沙律菜好新鮮，配乾煙肉碎，好配，三文魚，烤雞，啖啖肉！蜜糖芥末籽煙三文魚豬仔包三文治配薯格，包身好脆口，咬落去好正，芥末籽不會太嗆口，配搭配好！旁邊的新鮮沙律菜加上黑醋，正！店內有好多海鮮餐提供，下次一於再食過！而且餐廳有甜品供應

成日聽講横街呢度好多好野食，食過日本野泰國野等等，今次就試呢間，有d fushion菜既感覺🤣晏就黎到，2個人都幾肚餓，就叫左1個lunch set，散叫1個主食同1個小食🤩🤩跟餐既碗仔翅好足料！唔會偏咸，入面d材料都算多主食一，鵝肝雞肉意大利飯鵝肝都算大塊，食落唔算太膩同冇血腥味。雞肉意大利飯偏淡，撈鵝肝一起食可以相輔相成，真心不錯主食二，鮮蝦波菜河粉蝦有幾隻，唔算鮮甜但夠厚實。波菜河粉，食到有小小忌廉，口感勁滑身，但菠菜味唔算重。河粉食落好有彈性，唔會癡埋一齊！小食，芝士五香味炸薯條新鮮炸起，係最愛既粗薯！芝士未能做到拉絲效果，但都好好食！加上五香味好重唔太咸，掂！勁令既凍朱古力算係用心制作！上面d朱古力粉同cream真係勁邪惡，朱古力飲落好濃厚，掂！