街坊Cafe (已結業)

一直都對港式小食情有獨鍾，耐何係貴租環境之下小食必然係街邊檔先有，甘熱天氣係街邊食野太煎熬了吧！朋友介紹呢間街坊cafe, 話有驚喜！先上餐湯，竟然係碗仔翅！有大量冬菇同木耳絲，足料，亦唔杰，加埋胡椒粉，香港味番晒黎鐵板燒美國西冷 $178一上檯賣相滿分，肉質實淨，唔係一般坊間平價扒餐用梳打粉拿過貨色，仲配埋露筍同小番茄，以呢個價錢合格有餘餐飲叫左‘一加一’， 係藍蝶花加芒果，兩種顏色溝埋好夢幻，很適合打卡用！最後甜品叫左Tiramisu吉士雞蛋仔配雪糕 $68呢個係必點！雞蛋仔上面唧左大量吉士醬，底下仲墊左燒溶左既棉花糖同焦糖爆谷，幾種不同甜味加埋，好味到暈！大家如果去開旺角食飯，絕對可以試下呢間甘有特式餐廳！

星期五晚，難得約到舊同學一齊食飯，就出左去多選擇既旺角睇下有咩好野食～係通菜街行行下，見到有間餐廳叫「街坊cafe」，個名幾特別，野食選擇又多又唔貴，就決定食依間啦！一入到去，見到個裝修幾有特色，有啲淡淡既香港情懷！野食選擇都幾多，中西式都有，普通set dinner同二人餐任君選擇今次我地兩個人都叫左set dinner，一個飯一個意粉！今個set都包一個湯同一杯餐飲個湯一啲都唔細碗！朋友叫左碗仔翅，好足料，夠杰身唔會好稀而我就叫左什菌忌廉湯，一樣好飲！本身既味道已經好足夠，唔洗再加咩調味料～飲得出有好多菇另外飲品我地就分別叫左凍奶茶同「是我的錯」是我的錯個名係咪好搞笑呢！原來係蘋果菠蘿氣泡水，姐係sparkling water! 飲落口好清新，果味都好出，幾特別！到主菜啦！朋友嗌左原隻虎蝦海鮮龍蝦汁意大利飯（＄128）個賣相十分唔錯！可以見到好足料，虎蝦青口隻隻都好大隻，食得出係新鮮既～龍蝦汁意大利飯煮得剛剛好，啲飯入味但唔會太淋而我就嗌左松葉蟹腳蟹肉海鮮意粉（＄118）同樣都係極足料！有三條蟹腳，大大隻青口，底下有硯，仲有啲魷魚圈！意粉煮到al dente，啲汁掛係意粉上面，好食

通菜街有好多餐廳今日朋友帶我去一間幾有特色嘅餐廳一入到去就見到兩幅大的壁畫又真係好靚，好香港feel👍🏻👍🏻👍🏻餐廳環境都ok 舒服我哋見好多枱面都有留位嘅牌我諗真係夜啲嘅話就會好多熟客餐廳菜式很多好多不同款式，真係有排揀😆我同朋友都睇咗好耐價錢都大眾化叫咗個set dinner 餐湯竟然可以揀碗仔翅真係冇得頂！意料之外因為已經好少地方可以食碗仔翅材料十足，如果熱啲嘅話就更加好！西班牙海鮮飯最鍾意係調味方面，竟然辣辣地十分開胃平時去西班牙餐廳啲飯會比較乾D我諗依間餐廳特別調節左所以啲飯加埋啲汁就特別好食👍🏻👍🏻👍🏻黑醋汁番茄上級牛肉沙律個賣相真係冇得頂份量足四人食用最鍾意係黑醋汁，非常醒胃👍🏻👍🏻👍🏻如果牛肉冇咁乾就更好食！ 菠蘿蘋果汔泡水 / 熱情果藍蝶花都好大杯，味道OK！

今日又去女人街搵食, 見到有間叫街坊CAFE既, 又有扒食又有得意甜品食下~ 就試下佢~入到去, 好香爆谷味~ 好似去咗戲院咁~ 真係好香~ 原來門有有部爆谷機整緊爆谷~ 應該係FOR 甜品用~餐廳環境係女人街既食肆黎講叫做幾大間~ 坐得好闊落~ 食物主要係西餐, 意粉, 扒, 意大利飯, 雞蛋仔配上雪糕, 吉士, PANCAKE, 等等今次叫咗一個SET DINNER 鐵板燒美國穀飼西冷 $178 飲什菌忌廉湯, 加12蚊配蝶豆花特飲~先來個什菌忌廉湯, 好濃磨菇味同牛油味, 好香好滑, 再黎鐵板燒美國穀飼西冷, 今次叫咗七成熟, 原個鑄鐵GRILL PAN 咁上~ 賣相好靚仔~但美中不足係GRILL PAN真係太熱~ 七成熟既牛扒變咗WELL DONE, 下次要叫5成熟先得~講返塊排味道~ 材料係靚既~ 牛肉好有肉味~ 無用梳打醃過~ 保留原味哩個要讚下~ 粗身薯條炸得外脆內軟~ 整體黎講扒餐好過花X餐廳, 扒X之王好多好多~仲要份量都幾大~ 塊扒起碼有12安士~ 正~之後"VIVIAN 仲有少少唔肚餓" 叫埋佢個TIRAMISU吉士雞蛋仔伴雪糕$68,估唔到佢

喺旺角通菜街一帶有唔同嘅食肆林立，無論是中日韓泰餐廳、小食店、飲料店都會搵到。而我今次專登食去搵下香港特色嘅餐廳，聽到「街坊cafe」就知道應該係我想去嘅餐廳啦～餐廳好用心將香港獨有嘅街景、海景畫咗喺牆到，如果下次有外國朋友嚟香港，呢間應該可以代表到香港特色啊～今次點了一set二人餐，先嚟係二人份嘅碗仔翅。呢個絕對係驚喜滿分，當我以為都係街邊貨色，但裡面仲有鮑魚、原條海參，失敬失敬。之後係沙律，除咗上面有少少蟹籽，如果多返少少沙律醬或者芝麻醬就更好了。主食之一：蜆肉炒河粉。初初見餐牌我以為係中式炒河，但原來係西式蕃茄河粉代替意粉。蜆肉都唔少，不過呢個組合，令到河粉偏酸。主食之二就係鐵板燒牛扒配薯菜，加黑椒汁。牛扒都好大塊，幾juicy，兩個人食已經好飽。飲品方面，蝴蝶花飲品係唔洗加錢，「櫻花樹下」「我的宣言」，聽個名都覺得好浪漫。最後嘅甜品，係綠茶雪糕雞蛋仔，除此之外，上面仲有綿花糖、爆谷，呢個組合真係第一次食，太新奇啦。

女人街兩旁食肆林立，呢間「街坊cafe」圖文並茂，相當吸引，二話不說就衝左入去😆梳化位多坐得舒服，牆上有維多利亞港的壁畫，同好多香港特色既壁畫，地方夠大無壓迫感😁！有經濟午餐，All day breakfast全日供應。點左兩個套餐！蘑菇湯，正👍將蘑菇打成碎粒，飲落不止香氣滿溢，仲啖啖食到蘑菇肉。五成熟的澳洲西冷，肉味濃郁，簡單配以幼鹽就好美味，個黑椒汁可以唔駛落。整碟熱騰騰上枱，配菜蕃茄、四季豆及薯條都毫不遜色。蝦🦐汁海鮮意大利飯。有蝦、蜆、青口、魷魚、蟹籽...... 材料豐富。左：你的男人（咖啡+朱古力）；右：女神（金桔+百香果+芒果+藍莓）朱古力心太軟+雪糕。心太軟外脆內流心👍配以入口即溶的棉花糖、香脆爆谷及冷凍雪糕，實在為整頓午餐畫上完美的句號😋

帶外國返黎既朋友行完旺角 大包細包 諗住求求其搵間近近地既餐廳～ 見到街坊cafe甜咸都有 一於入去抖抖～ 晚餐選擇都幾多 見到人人都食碗仔翅 原來係出名話足料 即刻試下呢種港式風味。確實幾足料架。啖啖餸 木耳絲 雞絲 冬菇等等 濃度適中 唔錯。水牛城雞翼。炸粉唔算太厚 水牛城汁調得唔錯 酸酸辣辣 幾惹味。蟹籽大蝦墨魚麵～ 大蝦幾新鮮 都算彈牙爽口。墨魚汁唔會太腍 有咬口。鐵扒肉眼扒～ 份量唔少 牛扒都頗厚。肉質都唔會太鞋 配上港式黑椒汁 都唔錯。配菜既薯條係厚切 正～最後加個甜品 綠茶吉士雞蛋仔～ 雞蛋仔即叫即製 外脆內軟。配埋綠茶吉子 幾有新意。

中午食完buffet ，晚餐通常唔能夠再食四大法明，所以約朋友傾project 都搵間多小食嘅餐廳，朋友介紹响女人街嘅街坊，原來甜品至係重點芝士焗西蘭花 $68，清爽嘅西蘭花，配上鹹鹹地嘅芝士，好match，西蘭花煮得唔太硬亦唔過淋，口感啱啱好德國腸拼盤 $68，有D失色，無諗過會係呢兩款似BBQ腸拼成，味道一般，好在有伴碟沙律菜，令整個拼盤有睇頭左脆香雞翼 $58 ，有水牛城、蒜香牛油、椒鹽三選一嘅味道，我揀左蒜香牛油味，出嚟效果都唔錯，夠熱夠香朱古力心太軟伴雪糕 $48，心太軟係我至愛，但好怕食到外層唔脆，內裏朱古力唔流兼唔熱嘅心太軟，街坊做嘅就真係幾好食，配搭亦得意，成個甜品用預熱石鍋上，用左棉花糖氈底，棉花糖遇熱有BBQ效果，上面加了甜甜爆谷，及香濃朱古力雪糕，五十蚊都唔駛就有齊四種享受，係快樂之選。

旺角真係唔簡單，人多車多之外連食嘢嘅地方更加舉目可見，喺女人街靠近廣華醫院見到呢間餐廳叫做街坊cafe，感覺親切，因為佢個名好似話比大家知佢歡迎各位街坊，唔會剩喺照顧啲遊客。入到去叫左個墨魚汁帶子河粉($88)，因為睇左個菜名之後覺得成個餸嘅組合好得意，一般會用意大利粉配墨魚汁，但呢度就用左有香港特色嘅河粉去配墨魚汁再加上帶子，上檯時熱辣辣，成個presentation 睇唔出用左河粉，用义吉落啲河粉時好似吉緊意大利扁麵咁，但食入口又比意大利扁麵更滑更容易入口，估唔到呢個得意組合唔單止構思有創意，出來效果亦好味道。仲想講佢個Tiramisu 吉士鷄蛋仔伴雪榚同樣創意爆燈同埋好好食，點會有人諗到用鷄蛋仔去做Tiramisu 㗎，真係要比個LIKE。

今日在旺角和女朋友逛街, 逛了一會覺肚餓又有點累, 便在附近找餐廳食飯, 到這間街坊cafe 食物種類幾多又聞到一陣陣香味由餐廳入面傳出黎, 就決定在這裡用餐。 餐廳裡裝修不錯, 壁畫展現了很多香港特色, 有些畫得很有趣, 看完餐牌覺得set dinner 不錯又抵食, 便選擇set dinner. 前菜我選擇了碗仔翅, 碗仔翅味道香濃, 用料又多。主菜我要了西班牙海鮮飯, 海鮮飯色香味俱全, 蝦肉爽口彈牙, 青口新鮮, 飯配上醬汁很香濃惹味, 這種中西混合的配搭很特別, 但又不會奇怪, 每道菜都可以發揮各自的特色, 配合得很好, 一口海鮮飯, 一擔碗仔翅, 吃起上來很新鮮, 最後另外點了金莎朱古力雞蛋仔伴雪糕, 雞蛋仔和雪糕都吃過, 但合起來一起吃是第一次, 結合了兩款我最喜歡的甜品, 創新又好味, 我和女朋友這餐飯都吃得津津有味。

今日夜晚餐又來到旺角呢頭食，七點幾嚟到見到周圍嘅鋪頭都好多人，最後就揀咗呢間街坊Cafe，大概等左五至10分鐘左右🤣睇睇餐牌，呢度嘅嘢食款式有好多，就連二人餐都有兩款可以揀，咁我哋就揀咗日本熊本霜降牛西冷二人套餐💕首先係餐湯，我哋加咗$28要黑松露野菌忌廉湯，原本以為只係得一碗，點知原來係有一兜可以分到兩大碗嘅湯，不過佢嘅味道就偏淡咗啲，所以食嘅時候我都加咗啲黑椒同埋胡椒粉吞拿魚蟹子沙律🥗呢個係黑松露肉丸河粉，通常食呢啲餐一般都係配意粉，但係我哋竟然係呢度見到可以配河粉，咁就梗係要試吓啦，點知原來河粉都幾好食，呢度嘅黑松露味比起頭先嘅黑松露忌廉湯濃郁好多💛跟住有我哋最期待嘅日本熊本霜降牛，我哋叫咗七成熟，覺得啱啱好最後甜品就叫左呢個西多，佢都幾大份，又配埋雪糕、水果、爆谷、燒溶左嘅棉花糖、同埋吉士，不過因為我哋之前已經食到好飽嘅緣故，所以呢個甜品我哋就食唔晒啦飲品就一人一杯跟餐配嘅，味道不過不失啦

兩年工作假期澳洲回來的朋友終於約出黎食飯了佢新工作在旺角所以在附近尋找美食...地點：旺角通菜街1號威達商業大厦地下1E,F& H號舖 港鐵旺角站 E2 出口， 入通菜街（即女人街），向家樂坊方向行嘩！門外有獎項和許多介招報導！環境：裝修有特色，多客人很熱鬧服務：食物上菜速度快食物：四份Set Dinner其實Menu仲有好多頁，太多選擇，簡單D只叫Set Dinner街坊碗仔翅餐湯可以選碗仔翅夠哂特別熱辣辣、很足料香港味道啊羅勒醬蜆肉意粉 $98濃郁羅勒醬，啖啖蜆肉，意粉煮得岩岩好法式鵝肝雞肉黑松露意大利飯 $118大大塊鵝肝，魚籽脆卜卜飯與飯之間黏口，應該加了芝士還有少少飯芯口感架波士頓龍蝦海鮮龍蝦汁意粉 $138龍蝦肉夠新鮮彈牙，可以整塊完整地與殼分離龍蝦汁香濃惹味，材料又夠豐富：還有青口、蜆和魷魚完全滿足了海鮮迷的口味很細心預備了剪鉗和濕紙巾鐵板燒美國穀飼肉眼  $178肉眼扒大大塊，四個人Share一齊食最好食是切開一塊嫩肉配上少少肥膏一啖食大滿足熱咖啡加奶我地最後傾到好晏，坐到唔捨得走

夜晚唔知食乜好 咁啱上網見呢間做緊優惠 book枱有折就試下賣點係食具好似cafe咁 但食物係港式混合西餐牆身畫滿香港特色嘅圖畫打開餐牌樣樣都古古怪怪咁 其實幾驚有伏是但揀咗兩三樣就算點知食落又唔錯 估佢唔到蜆肉辣意粉同小食拼盤都冇拼味薯餅有啲過重味 反而個水牛雞翼幾好食 連平時唔食甜味主食嘅我都覺得還不錯哦用豬仔包用嘅漢堡都幾特別 沙津用嘅醋都恰到好處 又係估佢唔到飲品都正正常常作為普普通通一餐可以再去幾好嘅 認真有驚喜

香港有好多特色美食，唔少係街頭小食，但有時企係街度食有少少唔方便，呢間街坊CAFE就有唔少街頭食品演變成的特色食物，而且可以坐係度慢慢食牆上畫滿充滿香港特色的圖畫，仲有本土代表麥兜添呀MENU太多選擇，就簡單貼上其中幾版吧街坊雞骨碗仔翅 ($28)主菜加$28可以有碗仔翅加飲品，碗仔翅我諗大部分香港人都會食過，呢度既碗仔翅夠晒多料，唔會淨係飲生粉水咁，實在不錯凍咖啡 ($3)跟餐的飲品，咖啡的糖同奶係另上的喔雞肉香草醬河粉 ($68)呢碟野勁FUSION，西式煮法但就配河粉唔係意粉，出到黎個效果又唔錯，香草醬味道好濃，河粉比意粉更加吸收味道黑魚子醬帶子忌廉汁蟹籽蝦子麵 ($128)又係FUSION野，今次輪到炒蝦子麵，蝦子麵口感彈牙，黑魚子醬比黑松露好，唔會太重搶晒成碟野的味道，忌廉汁剛好掛係每一條麵上

放工後到旺角同太太行旅行社，睇下年尾旅行有咩著落，之後就黎到街坊cafe食飯。餐廳地點方便，就係廣華附近，而且近登打士街街口，唔難搵。平日7:30pm去到，人流開始多，好彩早左少少唔洗等位。裝修幾有特色，牆上有關於香港的壁畫。座位都唔迫，唔洗好似同隔離檯一齊食飯咁。打開menu，主打西式料理，有牛、黑毛豬、龍蝦等。比較特別見到龍蝦可配沙河粉，咁當然要試一試啦。叫左兩份set dinner, 包埋湯同飲品。蘑菇湯唔會一碗粉漿水咁，有好多菇菌碎，味道香。我就比較喜歡碗仔翅，多料好味又夠香港。波士頓龍蝦海鮮龍蝦汁河粉材料豐富，龍蝦、青口、蜆、魷魚、乜都有。龍蝦汁點綴河粉，香氣淡淡的，配上河粉中西合璧，又意外地夾，河沙有咬口又索汁。法式鵝肝雞肉黑松露意大利飯黑松露味香，而且每口都可以拉絲，應該有不少芝士。最正係真係啖啖雞肉。鵝肝比想像薄，煎到表面香脆，加埋飯食都唔錯。街坊cafe算係貼近港人口味西餐，價錢比西餐又更可親，加埋地點就腳，都係幾好選擇，一大班人可考慮叫幾份二人餐，多人share幾抵。