街坊Cafe (已結業)

旺角真係唔簡單，人多車多之外連食嘢嘅地方更加舉目可見，喺女人街靠近廣華醫院見到呢間餐廳叫做街坊cafe，感覺親切，因為佢個名好似話比大家知佢歡迎各位街坊，唔會剩喺照顧啲遊客。入到去叫左個墨魚汁帶子河粉($88)，因為睇左個菜名之後覺得成個餸嘅組合好得意，一般會用意大利粉配墨魚汁，但呢度就用左有香港特色嘅河粉去配墨魚汁再加上帶子，上檯時熱辣辣，成個presentation 睇唔出用左河粉，用义吉落啲河粉時好似吉緊意大利扁麵咁，但食入口又比意大利扁麵更滑更容易入口，估唔到呢個得意組合唔單止構思有創意，出來效果亦好味道。仲想講佢個Tiramisu 吉士鷄蛋仔伴雪榚同樣創意爆燈同埋好好食，點會有人諗到用鷄蛋仔去做Tiramisu 㗎，真係要比個LIKE。