街坊Cafe (已結業)

西洋菜街樹立左形形式式嘅餐廳,但係依間餐廳嘅名就吸引左我。”街坊Cafe”依個名令我想知道依間餐廳究竟有幾街坊化。所以就決定一試。用左豬仔包代替一般漢堡,豬仔包外邊徵脆, 內裹仍然鬆軟,漢堡扒肉汁尚算飽滿,配上生菜,洋蔥,番茄同芝士。份量啱啱好,不過如果再熱返少少就更好啦。龍蝦汁嘅味道吾算得話突出,但係勝在海鮮配料夠多,意大利飯嘅軟硬度亦適中。港式街頭風味雞蛋仔作為依餐嘅結尾。配搭着吉士醬同燒過嘅棉花糖一齊吃,再加上冰凍嘅雪糕,味道同層次都提升左。

好耐冇約埋一齊去食飯啊四個女仔即興約食飯好怕星期五晚冇位呀啲朋友就叫我想OpenRice book 位有位朋友就推介街坊Cafe啲嘢平得來又幾好食所以我就用OpenRice book 位方便簡單仲有折添落大雨嘅星期五晚我book咗七點半四位環境幾舒服 幾有香港風味由於真係好肚餓所以我地點左好多依個街圬碗仔翅 好正好足料！好多🍄仲有海蔘 炸物都唔錯唔會太油 又香口4人份一人一件仔意粉就一般唔太特別份量一般黑毛豬又係熱門菜式！好味啊豬肉軟軟的！又香！推總結平價扺食 係openrice book 位仲有折一定會再去試

同女友想試tea time,就openrice訂位。見食評不錯。就試試。都小小難搵。但同小丞哥都安全到步　。入坐。不多人。播住音樂。幾好。安排好登仔比小丞哥就望下有咩好野食。都有幾款幾吸引。午餐有黑松露意大利飯69蚊。好抵。但見到有綠茶雞蛋仔仲吸引。就order。我女友就點了三文魚凱撒沙律🥗。先上綠茶雞蛋仔已經好吸引。雞蛋仔熱騰騰。雞蛋仔入面有吉士。有棉花糖同雪糕。好味再來三文魚沙律。菜新鮮配料都好味。我們好快就食清。叫了杯咖啡同女神。飲品好一般。都係美食吸引。會要試。

女人街不嬲多食肆，行過見到呢間咁得意有龍蝦食就試下門口有哂menu，有多款set dinner，啱哂我呢啲懶人海鮮餐好正，不過睇份量好似好多，我地唔算好肚餓，下次先試店內裝修充分展現出香港情懷，亦都非常切合餐廳名字，作為香港人都好有共鳴好彩唔太晏黎，七點正已經坐滿了九成我地點左兩款普通set dinner，配有餐湯同飲品餐湯係碗仔翅同什菌忌廉湯二選一，果然夠地道，我地每款點一樣，兩款湯都好足料右邊是普通熱檸水，不用加錢左邊是街坊汽泡水的青春頌（薄荷，金桔，菠蘿），跟餐加$12下面是波士頓龍蝦意粉，$138一上枱就聞到香噴噴的龍蝦汁味道真係有半隻龍蝦，再加蜆，青口同魷魚等海鮮，超值👍🏻下面是燒西班牙黑毛豬，$148豬肉是厚切，肉質唔靱，啖啖肉

這晚有點事要到旺角地區, 先在附近找個地方吃晚餐，上網找了些資料,發覺這裡的環境舒服,價格而言也是抵食, 那試試也沒大不了。餐湯有什菌忌廉湯, 濃稠度適中，口感幼滑, 味道濃郁而且鮮甜。是日的主菜鐵板燒美國穀飼肉眼拿上來了, 選擇了五成熟，先吃一口，牛肉鮮嫰, 有濃郁的牛味，肉汁非常豐富, 入口肉質細嫩帶嚼勁，點了些醬汁更加美味, 加上薯條和其他配菜, 整份牛扒吃完後真的滿足。飲品點了凍咖啡，飲落既香濃又滑溜, 感覺唔錯。總體而言，食物水準是合理的, 餐廳的環境也是舒服, 價格方面算是抵食。

今晚同朋友出開旺角，途經通菜街，發現依間叫街坊cafe的食店，晚飯時後，已有不少客人在店內進食，外面的餐牌好多選擇，於是同朋友決定今晚光顧這食店。入內冷氣充足，好凉快的感覺，店內装飾得好得意，最適合一家大细來，小朋友應該會好開心。店員很友善地帶我們坐下。看完餐牌，食物款色很多。最後叫咗個波士頓龍蝦海鮮龍蝦汁意粉及美國西冷扒餐。首先有什菌忌廉湯及碗仔翅選擇。忌廉湯好味道，份量也不少。碗仔翅也做得好味道。，龍蝦海鲜汁意粉，意粉份量十足，龍蝦又大隻，又新鮮，好食。海鲜汁好香，胃口大開。另叫蒜香牛油脆香雞翼，雞翼好脆，好入味，口感一流。另外叫咗芝士濃味薯條。芝士味好濃，好食，十分難忘。綜合各方面，誠意推介给各方朋友。

以前細個都會係西洋菜南街嗰邊搵吓嘢食，人越大就越少行過呢啲地方，不過最近有一間餐廳叫街坊Cafe非常出名，就特登慕名而來試吓啲嘢係咪真係咁正。 $398日本熊本霜降西冷二人餐係比較新嘅餐牌，店員都推介，所以就試吓呢個餐啦。餐湯三選一加$38可以飲極上龍蝦濃湯，我本身仲好奇怪唔知點解兩個人的一個湯，原來個湯係好大兜，起碼整到三碗，至少二人份量。龍蝦濃湯有好濃郁嘅龍蝦香味，特別係龍蝦學嗰種香氣好吸引，食落去有啲好輕微一粒粒嘅實感。頭盤有吞拿魚蟹子沙律🥗記得食之前要攪拌好，咁就可以令到爽口鹹香嘅蟹子同埋調味左嘅吞拿魚醬軍文買放在清新蔬菜之中，味道都幾夾。主菜日本熊本霜降牛西冷好容易就切得開，鐵板上，旁邊仲有啲蔬菜以及薯條，好豐富大大嚿！經過調味所以味道都有一定保證。主菜另外三選一就揀左黑松露肉丸意大利麵黑松露肉丸真係第一次聽，黑松露味比較清淡，肉丸鹹香十足，意大利麵旁邊都有三色蕉，令整體更加清新。甜品二選一便揀咗抺茶吉士雞蛋仔伴雪糕嚟到真係好神奇，因為雞蛋仔熱辣辣，上面就擺着凍冰冰嘅抺茶雪糕，好快就融為一體，而且雞蛋仔上面有啲吉士甜甜地。菜式味道冇講嘅，就係側邊有啲cream同埋爆谷，成件事

某個禮拜五同同事食lunch，大家都沒頭緒。Openrice一search之下找到這間餐廳。看照片有特色之餘價錢貼地，訂座仲有優惠。喜歡輕食的我放棄了lunch menu，在main menu選了個英式全日早餐。裡面有炒蛋/煙肉/炒菇/豬肉腸/田園沙律/豬仔包。炒蛋滑但蛋味不濃；煙肉同腸default味不多說；炒菇好味；豬仔包熱辣香脆雖然沒牛油香，OK.沙律非港式，正常沙律菜配油醋dressing都可以，整體是豐富的。配港式奶茶，都幾夾。最重要一點係，$88的話不值，但訂座主餐牌半價，$50蚊唔洗，這樣的質素份量，CP值就好高。街坊CAFE果然是街坊價。

同朋友行行下街落大雨，見到呢間街坊cafe幾旺場，入黎避下雨順便dinner~最方便當然係揀二人餐，見到有個日本熊本霜降西冷二人餐幾多野食，一如試下！餐湯我地加左$38升級飲極上龍蝦濃湯。一上菜原來係超大鍋，可以分到5-6碗😂 湯味好香濃，唔係罐頭湯，而且creamy!吞拿魚蟹子沙律沙律菜好新鮮，食落爽口清甜！ 配搭埋吞拿魚同蟹籽 ，食落好有口感！ 而且唔會太多沙律醬，食落更健康👍🏻日本熊本霜降牛西冷西冷扒用鐵板上，賣相吸引之餘，仲保持到牛嘅溫度係 熱騰騰， 本身擔心會唔會變左唔係五成熟，但切開依然帶少許微紅，煮得啱啱，肉嫩多汁且牛肉味濃，水準唔錯👏🏻主菜我地揀左黑松露肉丸意大利麵， 意大利麵幾夠汁，肉丸有啲似我最愛ikea嘅豬仔丸，不過配搭黑松露白汁 又係另一番風味😋甜品揀咗抺茶吉士雞蛋仔伴雪糕， 開頭不以為意，後尾發現原來雞蛋仔入面塞滿咗抹茶吉士， 食落同平時食開嘅雞蛋仔好唔同， 感覺實在啲外脆內軟，加上熱騰騰嘅雞蛋仔加埋凍冰冰嘅雪糕一齊食， 冷熱交集，味道唔錯！💕以398嘅價錢可以食到咁多嘢，同埋質素仲要唔錯真係幾抵！不過太多人下次要避開啲食飯時間黎食😂

自從西洋菜南街冇咁嘈之後, 最近都行多左旺角呢邊買下野同食下野。今次收工就約左老婆仔去通菜街果頭行下順便食下野，果度周不時會搵到好食性價比唔錯既餐廳。今次去到呢間餐廳門口第一樣吸引到我係D 焗蠔同二人餐，估唔到食到勁飽。入到去坐底, 就立即叫左呢個日本熊本霜降牛西冷二人餐, 個價錢包括左西湯、沙律頭盤、主菜、甜品同飲品，好標準既二人餐。由於聞到隔離檯黑松露味已經流口水, 我地兩個都加$28叫左個黑松露忌廉湯。然後其中一個主菜係熊本霜降西冷扒，另一個主菜係香草海鮮意大利粉。另外杯飲品都幾特別，佢地都改晒D香港經典歌名，80後既小弟都覺得非常之有親切感!值得一提既係佢地上菜速度都好快唔洗等之外，呢度每一樣野食都大大份，成個餐食到中間已經見7分飽, 如果係女仔多應該可以3-4個人食呢個超抵巨餐。最後甜品就叫左個TIRAMISU，份量又係大大份，老婆都開啟左第二個胃。

一入到餐廳，就見到很多好靚嘅香港街景畫，畫咗喺牆身上，顏色鮮豔搶眼，食食吓飯都好想望多幾眼。感覺比起其他餐廳的確有少少自己既風格，幾特別。今次點咗份Set Dinner同叫多個主菜。嗰Set Dinner有湯、有主菜、有野飲。首先，嚟碗好足料既「街坊碗仔翅」先，入面嘅料完全係超出我預期，一啲都唔hea。之後，再嚟，當然係主食喇，「日式鐵板咖喱牛肉漢堡飯」，無論賣相、味道同樣吸引，每一啖都好juicy，有多件俾我食就好喇。另一個主菜「海鮮蕃茄意粉」，嗰賣相唔錯，高級Feel。味道就唔酸唔甜，啱啱好。當然唔少得野飲喇，所以最後叫左杯「街坊蒸餾咖啡」，味道唔錯。杯係用左紅色嘅，係顏色配搭上面，的確係唔錯，夠特出、鮮明。

2018.8.12(星期日）今日同老公行旺角，見到呢間街坊cafe好似幾好味咁，亦好多人食，門口又掛住新假期必吃食店大獎2018，於是決定會一會它！店內裝潢好香港地道，真係有種街坊感覺環境都幾好幾乾淨，座位都好舒適！我地叫左個日本熊本霜降西冷二人餐$398首先，餐湯選左黑松露野菌忌廉湯+$28。個湯一上枱，我們都嘩一聲！個湯好特別好港式地道，係用沙鍋盛載的！而且仲好大鍋，味道方面，好濃香黑松露味，而且仲好有菇菌粒粒口感！好味頭盤係吞拿魚蟹籽沙律，好fresh！到左個主角出場《日本熊本霜降牛西冷》，擺盤依舊港式味濃！牛扒好嫩好淋，但略嫌扒味不夠濃！不過就好新鮮口感夠！薯菜稍嫌不夠香脆！但配菜茄子同豆角都好夠juicy!另一個主菜就選左《香草海鮮意大利粉》，意粉味道好正好creamy，亦好足料。甜品就選左<Tiramisu吉士法國西多士伴雪糕> 甜品份量算得上extra large。雖然係好肥仔，但個西多士好夠香脆，底下舖左層棉花糖，面頭係tiramisu醬同爆谷，配埋雪糕味道好夾。係個爆谷已經淋左，不夠香脆！飲品就選左藍蝶花系列，我選左《我的宣言》，係白桃加玫瑰，好夾好味

今日同朋友旺角行街 行到晚上肚餓搵野食~街坊cafe係通菜街 人流都十分多 係門口見到呢間餐廳入選2018必吃餐廳 所以就入去試試了餐廳環境裝修以香港特色地標，街道景貌為主題感覺同一般茶餐廳 冰室唔同~ 坐得好舒適我地叫左兩個主菜 加錢的話可以加龍蝦湯或碗仔翅我地各叫左一個~ 我試咗朋友的龍蝦湯一口 龍蝦湯十分香濃碗仔翅也十分足料~ 每一口也會有冬菇或肉絲主菜!!我叫左一個比目魚餐~~ 但感覺比較油膩 可能因為魚油比較多 下次想嘗試一下黑毛豬我們還叫了一個五香肉丁肉醬河粉感覺味道像肉醬意粉一樣~ 但多了一點五香肉丁的辣香味 不錯~我地仲叫了一個小食拼盤雞翼十分香十分惹味，薯格也是新鮮炸起套餐的價格包括了一杯茶或咖啡特飲的話就需要加錢我覺得特飲比較特別 可以試試新口味 所以就點特飲了 飲品的名稱十分特別 是以歌名命名我叫了一杯我的宣言~ 有玫瑰花😂朋友叫左是我的錯😂 是蘋果加菠蘿雖然冇叫到 但餐廳all day breakfast 好得意😂是雞蛋仔! 有機會再黎試

星期五同朋友兩個人去旺角買衫，買完衫近近地就係女人街巷仔覓食開餐。一人揀一個餐，我揀左波士頓龍蝦海鮮龍蝦汁意粉意粉煮得軟硬剛好，唔會太糊/軟身，幾有咬口朋友揀左個美國西冷扒配燒汁，佢揀左9熟賣相不錯，份量幾大件下，兩個女仔食剛剛好，煎得幾香，咬落仲好有肉汁配菜係炸薯條，新鮮炸起熱辛辣辣跟餐有餐湯送，一個係什菌忌廉湯料都幾多下，真係食到蓉唔係稀一個係碗仔翅，個人偏愛呢個多d因為有個人喜愛既冬菇 ~都幾多冬姑蒜香牛油雞翼熱辣辣，炸到外層脆金黃色脆卜卜，帶點牛油香面頭灑滿蒜蓉，幾香口, 不過少少油芝士海苔薯條薯條即炸脆卜卜夠熱，薯條外面好脆而中間綿密軟熟，配上熱溶左既車打芝士簡直係無敵，好邪惡既呢~~(不過我地兩條友仔食得太慢仲食緊扒，放凍左d芝士由好熱到冷卻番左，建議都係即食好)揀左杯女神，酸酸甜甜好醒胃，直達喉嚨有種爽歪歪既清涼感夠冰涼，酸酸甜甜味適中，夏日炎炎飲夠哂爽。朋友揀既係榛子鮮奶咖啡佢話好重奶味，碞晒平時飲凍奶茶都要多奶既佢口味整體食物味道唔錯，又一個滿足的晚上

今日貓貓入左呢間cafe。發現係好多野食。有西餐，甜品，漢堡包，野飲都好特別。貓貓想食既野實在太多。貓貓發現餐廳係將典型香港特色既人物卡通畫係個牆，好有香港特色既風格。什菌忌廉湯好香什菌味。什菌整得有口感，飲湯時都食到雜菌粒，口感豐富。貓貓order左個鐵板美國肉眼。貓貓估唔到個肉眼扒係咁大舊架！貓貓見到都濕左個嘴。食左塊牛扒發現牛肉好軟好多汁。燒得勁香。色澤均勻，5成熟既口感一流。貓貓鍾意落埋牛扒汁，牛扒味道更加香。配菜有薯條，豆角，茄子同番茄。絕對係食到好滿足好飽。薯條炸得脆，食完牛扒再食薯條都依然咁脆。好食又抵食。貓貓食完飲返杯熱檸水。貓貓早就留左肚食甜品。係貓貓鍾意既香蕉pancake。好靚呀，一定要打卡。香蕉pancake同雪糕一齊食。即使好飽都可以食得落。側邊仲有香又脆既爆谷。好邪惡既甜品。下次再減肥，因為真係好好味，停唔到口。貓貓濕左個嘴啦！