蟹仙海鮮蒸碢大公館

营业中

休息中

前排聽到朋友講開有一間舖頭食海鮮好好味，對於我呢個鍾意食海鮮既人緊係唔會錯過，咁岩有朋友仔都係灣仔附近，就好即興咁約左佢一齊去銅鑼灣食。呢間舖頭都算容易搵，都係距離地鐵站5分鐘內既路程。入座之後第一時間睇下MENU，都有好多選擇，不過最後都同朋友仔揀左個尊貴海鮮套餐。開始之前侍應都會將所有餐具都會用高溫去消毒👏🏻上左海鮮之後，侍應都會好細心咁地逐樣介紹每樣既海鮮，亦都會幫我地為每款海鮮設定一個特定既時間，務求保留住海鮮既鮮味同口感。特別注意既係海鮮每日都係新鮮運到，老闆都會每日親自挑選☝🏻日本大元貝同韓國斧山珍珠蠔都好惹味😋日本深海石班一夜干D肉好彈牙👍🏻個兩款蟹我係最期待，因為蟹都係我既至愛😍肉質都比較實，鮮甜味都好夠🤤最後仲有個粥底，平時係出面食開好多都係咁南瓜粥，呢間以芋頭粒為主，再加上經過蒸海鮮既過程，粥底吸收左海鮮既味道，係超級超級好味，我自己都忍唔住食左三碗。食飽飽仲有碗糖水附送，好滿足既一餐。

最近好想食海鮮, 近一兩年蒸鍋又好似唔流行了, 但係又想好想食蒸海鮮喎, 朋友介紹cwb有一間食蒸海鮮叫”蟹仙” 佢話D海鮮好新鮮,四百幾一個套餐價錢又大眾化, 有龍蝦鮑魚奄仔蟹食, 係咪咁扺丫? 一於去試試.我地點咗一個每人$499套餐, 睇字面好擔心唔夠飽, 但係店員叫我地放心, 一定夠餐, 個餐有龍蝦,奄仔蟹, ,石班一夜干九孔鮑, 幾種貝類…(太多…附餐牌自己睇)跟住講下味道,日本石斑一夜干 – 通常日本居酒屋都係燒OR煎, 香口D, 蒸係第一次食, 鮮甜又帶咸香, 一D都唔腥,澳洲龍蝦仔-- 唔好睇佢蝦仔細細, 爆哂膏, 好咁香野生奄仔- 哩個堅丫, D膏同肉都好香, 好食過大閘蟹好多, 咁啱又係中秋前後, 真係好靚, 想叫多隻 總結: 真係好扺食, 幾百蚊自己買唔到哩D貨, 去食啦, 唔好煮啦

朋友生日想食餐好，搜尋openrice見到近來甚多好評的蟹仙海鮮蒸氣火鍋，一於試試！我們選了銅鑼灣店，店子裝修十分寬敞，有兩層，坐得舒適闊落店子主打蒸海鮮，我們選了$449的海鮮餐，已包了8款海鮮，十分超值先上日本深海石斑一夜干，原條放進蒸鍋，魚肉鮮甜爽口，與平常一夜干燒的方法不同，原來又有另一番風味 ! 配上特制專用豉油，令魚肉鮮味更加提升之後上白刀貝、鮑魚及赤蝦，肉貿鮮甜而且很濃海水味，細問店員之下知道原店子的海鮮全都是入口野生的，與一般店的養殖海鮮不同，所以味道較濃郁再上龍蝦及奄仔蟹，兩款都爆膏，入口極香，肉質爽口，果然是新鮮貨最後再上蔬菜藍及吸收了海鮮精華的粥底，完美 !無論環境及食物都值得推薦！

一直知道呢間蒸海鮮好多人食，見到開始入秋，約朋友一齊食。上到去侍應好好人，安排我們位置，即場用高溫幫我們消毒餐具，我哋叫左兩人套餐，一共十款海鮮，一開始侍應好細心講解會蒸日本深海石斑一夜干，仲同我地講唔好把啲豉油落去條魚，反而點黎食，我都擔心會唔會好腥、點知完全無腥味，仲好好食好爽口，每樣海鮮都好新鮮，好爽口，同埋每一樣海鮮侍應都會幫我們放落去幫我們計時間完成唔洗擔心蒸唔熟或者蒸過龍問題，最重要係食蟹，都係爆哂膏，肉質好爽口，同朋友食到舔舔脷，最後要食粥，啲粥吸收哂海鮮汁，再配上芋頭粒，粟米好鮮甜，最有驚喜係用甜品做結尾。

我和朋友都好鍾意這間蒸氣海鮮店老闆係做海鮮批發所以價錢真係相對吸引海鮮種類多元化、獨有和新鮮😍餐廳不設限時，最啱同朋友傾偈同埋每道海鮮隔住時間食可以好好享受味道，不會過飽👍🏻套餐款式好多有一人和二人餐等多款選擇亦可以加配料食到飽為止🤣好想推介👍🏻👍🏻👍🏻野生琵琶龍蝦第一次食，體型較闊身蟹肉好鮮甜和嫩滑喜出望外😍比一般龍蝦更加好食雖然份量較少但係真係要食一次就知道分別原來係咁大🤣野生蠔仔蟹真係勁多蟹膏，味道濃郁☺️唔係好食蟹的我都慢慢食蟹肉多同鮮甜，好正啊👍🏻鮑魚、青口、蚌、白刀貝、蠔一貫都係大隻和新鮮好有海水味、根本不需要調味料已經很鮮味👏🏻✨特別想讚賞多位服務員很細心講解預備每項海鮮蒸煮時間同埋好喜歡最尾的生滾粥和甜品真係大滿足☺️

今日同 honey 中秋節晚飯，第一次去呢間，冇選擇錯，海鮮美味，有機蔬菜🥬粟米鮮甜。兩個人食如果叫 二人餐可能會有點多（食到最後啲肉會好飽） 不過十分滿意。店舖乾淨、店員有禮貌、洗手間也乾淨。 讚呀！

餐廳主打蒸氣石煱，釆用野生海鮮，全部飛機貨，因為老闆做海鮮批發，海鮮方面的確質量有保證，保證新鮮。首先蒸氣消毒餐具，然後送上佐料及醬油。蒸喜之刺一夜干，是全港獨創用蒸的方法，可以先品嚐原味，或者加點醬料一齊食，可以食到兩種不同口味。魚肉有咸香味，吃落有啲啲似馬友。日本九孔鮑魚，鮑魚本身無味，沾上醬油更能帶出鮮味。鮑魚已經起肉，清洗乾淨，很嫩滑一點也不鞋口。日本野生大赤蝦，一定要食蝦頭，濃厚的蝦膏令人回味無窮，蝦肉比較松和甜，好爽口而且特別鮮甜。原隻野生青口，新鮮撈出，海水味夠重，不用沾醬油，原汁原味已經很夠味。紐西蘭刀貝，亦非常新鮮，肉地厚實，海水味較濃。澳洲青年龍蝦，肉質鮮嫩多汁，啖啖肉，非常新鮮美味。龍蝦肉鮮嫩不韌。蟹肉果然名不虛傳，肉質鮮嫩結實蟹膏香口，果然對得起蟹仙的稱號。粥底吸收蒸海鮮的精華，還有排骨、芋頭粒、菜甫、煮成充滿鮮味的粥。最後餐廳送上椰汁燕窩，非常飽，完美。

再一次約埋朋友一齊去食蟹仙 今次我地都係揀左食尊貴海鮮套餐 唔算太貴又食到好多唔同種類既新鮮海鮮 兩次食完都係好飽咁走😆 一開頭先食左蒸日本赤蝦 店員一打開個蓋已經有好鮮既味道漂出黎 即時好ready要開始食大餐😆 今餐比較印象深刻既係食深海一夜干同膏蟹 我第一次聽一夜干同食呢種魚 原來係日本三大名魚 同價格都較高 由於呢種深海魚一上水即死 我地個日食到既係佢一深水就已經風乾左既 所以魚味都較濃 但同時都好有鮮味 好開心又試多左野😆 之後蟹膏真係好多好食既膏 店員話因為佢地老闆係做蟹既生意 所以拎返黎d蟹都靚d 我地對上一次食既時候食左饅頭蟹 又係以前冇見過同食過既 不過個人就比較鐘意今次食既膏蟹啦 除左以上三樣 個晚仲食左鮑魚、青口、珍珠蠔 呢三樣就正常發揮啦 另外食左一個貝殼類 又係超好食 龍蝦又係有膏既幾正 蟹係海鮮類入面最後食既 一跟食蟹一路食菜 淨係食蟹都食左差唔多45分鐘😂 臨尾仲有粥底同官燕糖水食 真係勁豐富 食得好開心 全程店員都會幫你蒸海鮮 確保係煮得恰到好處 另外加埋佢地都好認真介紹唔同既海鮮 感覺都長知識了 so far坐得幾舒服 可以慢慢食住同朋友傾計 如果鍾意

因為朋友想吃新鮮海鮮地方方便唯有去總統戲院的蟹仙預先安排訂位閒曰都很爆🈵️冇sofa seat 去到有專人介紹餐牌由於🈶️幾款套餐價錢大約500元但有一套二人套餐只不過1000元多d…但有18款內容包括鮮蝦 鮮蟹鮑魚扇貝全部很鮮又有疏菜和鮮🐔牛肉片和🐷肉片很好味有專人幫你蒸非常細心而且調味料正唯一缺點係沒有中式酒樓的一壺🍵但又計每位味位

之前去過新蒲崗的蟹仙，覺得那邊的海鮮很特別、很新鮮、很划算。於是特地來銅鑼灣再嘗試此餐廳，但卻失望至極。我們兩人都點了700多元的套餐，加上週末需要每人再加幾十元，加了瓶啤酒，加一收費，人均一千多元，卻不知道吃了什麼。他們拿出來的海鮮盤（如圖）與400多元套餐的海鮮盤一模一樣，每款海鮮都小的可憐，也不特別新鮮。餐牌上說好幾樣海鮮可以三選一的，當天都沒有選擇，你必須吃餐廳當天僅有的海鮮款式。短期內應該所有蟹仙的分店都不會再去了。第一次寫食評，因為太氣憤，因為真的太差了。

點了一個七百多塊錢的套餐，但裡面的海鮮與四百多塊錢的海鮮一模一樣。每樣海鮮都小的可憐（附圖），也不怎麼新鮮。奉勸大家千萬不要來。去過新蒲崗的店，這裡完全比不上。第一次寫食評就是這個，太憤怒了。

今晚相約一位老朋友食飯，帶佢去試吓蟹仙專門店，之前食過其他分店覺得好出色，今次就帶朋友黎地點比較就腳既銅鑼灣分店。屬於樓上店，小心行過見吾到，見到佢餐牌午餐有set lunch，夜晚就專食蒸海鮮。性價比最高係尊貴海鮮套餐，$449就食到九款海鮮+個菜，如果有需要仲可以升級蟹/龍蝦/南非鮑魚。海鮮分兩輪上，第一輪食左啲貝殼類既海鮮同埋條石斑，全部都原汁原味，除左條石斑其他海鮮都唔洗沾醬汁。第二輪食琵琶龍蝦同蟹，全部都係新鮮湯出黎。最後會食埋佢個粥底，所有鮮味都係晒碗粥度。

今晚訂位同幾位朋友食蟹仙，地點最方便就係銅鑼灣分店，地鐵站D出口行幾分鐘就到，方便大家。蟹仙一定要book枱，今次安排得好好，我地三人可以坐窗邊梳化位，可以舒舒服服邊傾計邊食海鮮。今晚重頭戲係琵琶龍蝦同奄蟹，琵琶龍蝦個名好特別而且又比較少有，啲肉同龍蝦一樣好鮮甜，我哋食完個殼放返落去個粥底度繼續煮，等個粥煲得更加鮮甜。另外，隻奄蟹啲膏多到流出黎，未食已經流晒口水，由於係用蒸既煮法，蟹既鮮味完全鎖左入啲膏同肉到，無可挑剔。

超高質好新鮮既海鮮蒸鍋 - 蟹仙海鮮蒸碢大公館今次就係朋友介紹，帶我黎銅鑼灣食海鮮蒸鍋🦞🦀🤤我地叫左個尊貴海鮮套餐 $449/each店員會先放上粥底，入面有粟米、豬骨及芋頭，再係上面放蒸板同海鮮，最後先會食粥。同時，蒸海鮮既過程，海鮮既精華會流入底層既粥底，咁樣係食完食材之後，就可以食到充滿鮮味既粥~一上黎個海鮮拼盤好吸引👍🏻😍套餐就包左以下10款食物：罕有藻食綠膏蟹/野生膏仔蟹蟹肉份量亦唔少，蟹肉同蟹膏都好鮮甜太平洋饅頭蟹/日本深海石斑一夜干我都係第一次食一夜干，呢款魚幾重魚同鹽水味，鮮香十足👍🏻野生琵琶龍蝦/澳洲青年龍蝦龍蝦新鮮、爽口、彈牙！肉質結實，蟹膏仲要勁鮮甜，絕對係好食推介👍🏻😍台灣九孔鮑魚鮑魚都新鮮、爽口又彈牙🤤日本野生大赤蝦呢個都入口新鮮，質感爽彈之後仲有大西洋野生青口/紐西藺刀具蚌/野生日本深海白刀具，紐西藺月亮具/日本大元貝，韓國斧川珍珠蠔，全部都好新鮮好好食😋最後仲有機蔬菜籃同粥，食埋就剛剛好喇😍蟹仙海鮮蒸碢大公館 (銅鑼灣)銅鑼灣謝斐道500號維安商業大廈地下-1樓

今日經過見到原來蟹仙開左銅鑼灣店！套餐價錢都有所提升，希望質素無變🤭深海石斑一夜乾燒既食得多，蒸真係第一次，肉質比較水嫩多汁，魚味夠濃夠鮮野生膏仔蟹蟹膏又多又肥美，入口軟身甘香。蟹肉一絲絲，鮮甜味美澳洲青年龍蝦肥美程度係去到蝦鬚位都有肉食，來貨新鮮，蝦肉爽口彈牙，夠哂鮮甜👍🏻台灣九孔鮑魚入口肉質彈牙，鮮味十足👍🏻日本野生大赤蝦蝦膏鮮甜程度前所未見！而且蝦身既肉又多又厚，超爽口野生青口加左自家醬汁，同自家咸香好夾，食落更鮮味白刀貝，月亮貝兩種貝類都希海水咸香，充滿貝類鮮甜，肉都非常飽滿，彈牙有咬口🤤韓國珍珠蠔蒸完出黎縮水縮得好勁，但不失蠔既鮮味！最後個粥底perfect！完全吸哂海鮮既鮮味，入口啖啖鮮味，加左菜脯同蔥粒，更香口🤤