蟹仙海鮮蒸碢大公館

营业中

休息中

今晚訂位同幾位朋友食蟹仙，地點最方便就係銅鑼灣分店，地鐵站D出口行幾分鐘就到，方便大家。蟹仙一定要book枱，今次安排得好好，我地三人可以坐窗邊梳化位，可以舒舒服服邊傾計邊食海鮮。今晚重頭戲係琵琶龍蝦同奄蟹，琵琶龍蝦個名好特別而且又比較少有，啲肉同龍蝦一樣好鮮甜，我哋食完個殼放返落去個粥底度繼續煮，等個粥煲得更加鮮甜。另外，隻奄蟹啲膏多到流出黎，未食已經流晒口水，由於係用蒸既煮法，蟹既鮮味完全鎖左入啲膏同肉到，無可挑剔。