蟹仙海鮮蒸氣鍋 (仁愛街) (已結業)

海鮮粥底火鍋已經興左一排 但小編都中左好多次伏😭一係就超貴 一係就食材吾夠新鮮 今次終於比我地食到好抵又好好食既粥底鍋啦😍✌🏻-十款海鮮蒸氣鍋 ($398/位)依到有幾款吾同既套餐 最平由$298/位起，店員姐姐推薦依個$398套餐，每款海鮮都會相對大隻啲😍😍😍分別有越南頂角膏蟹/野生瀨尿蝦皇/澳洲龍蝦/九孔鮑魚/泰國海中蝦/越南貴妃蚌/紐西蘭大蟶子/韓國慶南蠔/龍躉片/蔬菜籃店員姐姐會逐樣計時蒸比我地食，每樣海鮮都好新鮮!!😍最令我地驚嘆既係瀨尿蝦皇，一早整好吾洗蒸既，咬落好厚肉好鮮甜🥰之後就有澳洲龍蝦🦞啖啖肉而且好多膏，好新鮮！最後出場就係膏蟹✌🏻蟹膏好鮮甜 肉質好爽 蟹肉好分明😚☺️食哂所有海鮮之後就食一直都煲緊既海鮮粥～入面有南瓜 芋頭 排骨 粟米 再加上海鮮既精華😆兜粥食吾哂仲可以打包tim😍最後仲有木瓜桃膠糖水 好完美😆✌🏻

今晚約左姨姨談心，上網搵到呢間食蒸海鮮，又可以網上book位咁方便，大家又未食過一於試下。職員向我地介紹每款套餐，我們最後選擇左最平套餐$298位（未連加一）店員好快上菜，龍蝦同蟹真係超級新鮮，被斬左半份的蟹，還在郁動隨後上埋餘下海鮮，全程都有職員幫我地蒸🙏🏻所有海鮮都食哂後，我地就開始食粥，姨姨唔係食好多，我就岩岩好，但不是很飽，最後還有木瓜雪耳糖水送

餐廳裝修唔錯，算新淨。 不過部分嘅櫈係吧檯凳，背脊冇得嗌住坐，坐得耐唔係太舒服。 不過最緊要啲海鮮好食。 我哋一人齊，風騷嘅老闆娘就出嚟同我哋解釋一下佢哋嘅海鮮來源， 佢話啲海鮮係佢哋直接喺外國引入， 冇經過中間人，所以價錢平好多 ， 而且係 野生捉返嚟嘅，唔係人工飼養，所以特別鮮甜美味咁話喎。佢地有唔同嘅套餐選擇， 我哋揀咗個較為經濟嘅套餐，大約三百蚊左右。啲海鮮好新鮮，有啲蟹腳仲係喐下喐下嘅。 啲海鮮係斷人頭份量咁計分好曬唔使爭，唔使自己喐手。 有個阿姐專門企喺枱邊幫我哋控制蒸爐嘅時間，因為控制得唔好啲海鮮嘅肉質就會變得唔理想。 所以嗰個專業嘅阿姐係非常重要。要食最正嘅海鮮就要靠佢。先嚟蒸個蝦先， 啲蝦好大隻，長過手掌， 蒸到一半已經聞到鮮蝦嘅香味。 打開個蓋蝦嘅顏色已經變得鮮豔橙紅，我忍唔住食先， 蝦嘅肉質鮮嫩甜美，爽口彈牙， 而且蝦膏金香飽滿 。海鮮本身嘅鮮甜已經唔需要任何調味料。 佢哋嘅蟹有分硬膏同軟膏，我哋兩樣都有要。好快脆哋啲蟹就蒸熟。我一啖咬落去，成口都充滿曬蟹膏，啲蟹膏喺啲牙罅度遊走，真係快活過神仙。而且啲蟹肉又丰厚，啖啖都係肉，連解腳入面啲肉都好多，真係好滿足。之後

十款海鮮蒸氣鍋套餐 ($398 / 位) 越南頂角膏蟹超多膏超鮮甜，同市場養蟹無得比。食到黃油鹹香、感受蟹之鮮甜原味。野生瀨尿蝦王肉質鮮甜，不須要添加其它調味料，保持原汁原味。而且上枱前師傅已經幫忙起殼，簡單方便淡淡肉。澳洲青年龍蝦有圖有真相。非常大隻，啖啖肉，仲有好多膏！翡翠九孔鮑魚非常厚肉，口感十足，爽口彈牙，鮮甜多汁。越南海虎蝦蝦頭膏多味濃，肉多肥美，肉質結實、爽口彈牙。越南貴妃蚌、韓國慶南蠔、紐西蘭蟶子貴妃蚌蒸煮時間控制得啱啱好，鮮嫩彈牙。慶南蠔雪白飽滿，鮮味多汁。日本大元貝同樣大大隻，啖啖肉，鮮甜美味，正！深海龍躉片魚肉質雪白細膩、口感嫩爽。粥底好戲在後頭。其實已經食到大半飽。但 “索” 盡海鮮汁液嘅粥底，再飽都要食。柑桔蜜Refreshing...

OpenRice個account都開咗好多年，睇人哋寫嘅食評就睇得多，但真係一次都未寫過今次係激氣到要非寫不可，原來好評可以唔睇，但負評一定要睇。因為真係超級我哋有朋友係Facebook見到呢間餐廳勁賣廣告，講到好似好正咁，咁就book咗位四個人去食。入到去之後，發覺餐廳格局古怪，啲嘢周圍擺，絕對唔乾淨整齊，已經感覺不良睇咗餐牌後我哋就開始點餐，原本諗住叫4個$298餐，點知嗰個老闆娘係咁hard sell 講到嗰個$398餐，同個$298餐啲海鮮差好遠。我哋難得朋友食飯，諗住冇所謂啦乜都試吓，但係對於佢嘅推銷手法，真係非常有保留。因為佢冤咗我哋大概起碼7-8分鐘，直至佢sell 到我哋要啲貴嘅餐為止上菜之後，發現兩個餐嘅分別只係多咗半隻蒸熟左嘅賴尿蝦，佢話「大左」嘅羔蟹，同埋佢話「大左」嘅龍蝦。三樣嘢入面有兩樣原本係$298餐入面有嘅，但海鮮嘅大細兩個餐係一樣，其實個分別只係多咗半隻賴尿蝦，即係我地比多左$200買一隻賴尿蝦同埋，其實未試過食蒸鍋比啲熟嘅海鮮我跟住嗰個老闆娘仲好厚面皮咁過嚟問我地啲蟹正唔正，我為免係啲朋友面前發爛，已經全程唔同佢講嘢，佢仲不斷懶係殷勤，係咁講佢哋做海鮮

誤打誤撞去左呢間蒸窩.......海鮮好新鮮 ！！！老闆 招呼好到不得了 最後個粥底好鮮甜好食 四個人都食唔晒啲野 p.s. 最後仲好窩心送甜品 仲要唔係馬虎既甜品！十分推薦！！

今晚去左喺新蒲崗嘅🌸蟹仙海鮮蒸氣鍋🌸， 一入到舖頭其實都已經聞到一陣海鮮嘅海水嘅味道😮。我哋四個揀咗 $298 一位既套餐，每人都有八款海鮮，夠曬吸引😍。負責人話佢哋啲海鮮都係自己入口，唔使經過批發商，都係最頂級嘅野生海鮮，分別由越南、菲律賓、澳洲同泰國等入口，價錢會比較優惠 。海鮮都係落咗單先會劏，保證新鮮👍🏼。點完餐侍應就幫我哋喺個鍋底度加咗米、芋頭、粟米同埋豬肉 ，無額外落水，一陣間蒸嘢食嘅時候啲汁就會滴曬落個鍋底度，都最尾變成一鍋粥，一定會係好夠鮮甜🤤。呢個時候海鮮亦都嚟到。最吸引我記莫過於蟹同埋龍蝦🦞。兩個人可以有一隻蟹，我哋要咗一隻軟膏蟹，一隻硬膏蟹，兩款口味都可以試到，而且兩隻都係爆膏嘅。隻蟹上枱隻腳都仲喐喐下，證明真係新鮮劏。 兩款入面我鍾意食硬糕膏嘅，蟹糕味非常濃郁🦀。龍蝦都有成隻手板咁長，肉質鮮嫩彈牙，充滿海水味。貴妃蚌亦都係我心水之選，真係超級鮮甜 。而且呢到仲可以有侍應幫我哋蒸啲食物，佢計好時,包保海鮮唔會過熟， 完全唔使自己喐手。 食完海鮮試個粥，果然係十分之美味鮮甜， 忍唔住食咗兩碗。原來四人同行仲會送官燕糖水，真係食到捧住個肚走😂

跟一個喜歡四處吃吃喝喝的朋友吃飯，這天她帶我來到新蒲崗品嚐海鮮🦀🦐甫坐下便有職員前來介紹：食店老闆做海鮮入口，入口的野生海鮮包括日本、菲律賓、越南、美國等地，所以可以以優惠價錢提供新鮮的海鮮~套餐有平有貴，豐儉由人，我們不算太餓，所以點了每人＄298的套餐，已包括罕有大黃奄、澳洲青年龍蝦、日本大元貝、越南貴妃蚌、翡翠九孔鮑魚、深海龍躉片、紐西蘭青口、泰國海中蝦，還有蔬菜和粥底，超十分豐富！點餐後員工才會劏海鮮，所以很生猛很新鮮。珍珠米和粥底會先下鍋，但不用加水，因為鍋上有朵「帽」，蒸海鮮時全靠這帽子，蒸氣鍋海鮮的鮮味不會流失。而海鮮蒸熟後的汁就流進鍋裏，因此最後的粥底吸盡海鮮精華，特別鮮甜！吃的海鮮也有先後之分，先是泰國海中蝦，每人2隻，蝦肉彈牙，連蝦腸也很乾淨！然後是青口和貴妃蚌，鮮甜美味~接着是鮑魚、元貝和龍躉片。鮑魚脹卜卜，口感嫩滑有嚼勁，元貝則味道鮮美。等了好久好久，終於到龍蝦和大黃奄😍😍雖然龍蝦只係就咁蒸，但色澤誘人，食落肉質緊緻，仲有甘甜既味道，正呀！大黃奄係有黃膏既肉蟹，仲要蟹膏係超爆多，可以同時食到蟹膏同蟹肉，一次過滿足兩個願望❤❤最後仲有粥底同蔬菜，每人有成2碗粥，食

新鮮嘅食物一定有質素! 怕肚仔唔舒服就更加要食新鮮嘅海鮮 朋友試過話好好食，包我鍾意，所以我又約埋朋友仔一齊唻試試佢~店員好有耐性咁介紹咗每一個餐有咩俾我地食…我見到之前d 食評有人話好hard sell, 老實講…我勁怕人sell 我嘢但我又唔係好覺喎我覺得佢係好熱情地分析俾我地聽邊樣好…但最終佢都行開咗一段時間俾我地自己考慮最終我哋揀咗兩set 呢個已經唔係情人節…但都仲有得食嘅套餐!!因為叫咗兩set 嘅關係～ 所以唔使理佢個「或」，全部都有得試! 我哋四個自己再share食~ 咁就咩都可以試晒　店員先將粥底嘅材料放晒入個煲度…用海鮮嘅汁同精華煲超甜嘅靚粥打頭陣就係越南海虎蝦!! 大隻之餘仲要好肉質爽口~ 唔點豉油就最食得出佢嘅鮮甜味喇!!跟住就要介紹超驚喜嘅韓國慶南蠔成日都覺得d蠔一煮熟就冇啖肉食...但呢隻一入口係有得慢慢咀嚼佢嘅鮮甜同埋享受佢肥厚嘅口感！！不得了日本大元貝同埋翡翠九孔鮑魚都係冇得輸!! 鮑魚蒸得剛剛好，完全唔韌～元貝蒸熟都仲係漲卜卜!! 店員會幫你將 d 湯汁倒埋落個粥底度...非常好! 反正我又唔會飲~ 又唔使驚成隻碟都係汁。我掛住食…冇樣樣影晒呀但象拔蚌

請大家去呢間食之前，睇一睇我呢個食評，我絕對唔係打手！開左account起碼5年，我一個食評都冇寫過，就係依間野要我出手食物好新鮮咩？但只係一般，份量極小，絕對唔夠食。叫左每位$398嘅餐。最後埋單接近$500一位如果願意比$500一位嘅價錢，我相信你去地球上任何一間餐廳，都會好過依度唔係吹水、千祈唔好去。伏到唔伏如果想食蒸海鮮，去潮X好過，起碼條氣順啲，環境都好過依度啦。俾錢出街食飯，大家都只不過係想開開心心，飽肚一餐，我真係唔想大家食完一肚氣，有可能因為揀咗呢間餐廳，同屋企人鬧交。仲有餐廳嘅老闆，做生意有良心，希望你攞個良心出嚟，唔好再去坤9啲街坊。

見係新開黎試下一黎個爐已經係漏水壞左用唔到，搞左好耐先換枱比我地跟住個呀姨係咁埋黎Hard sell，一開始就sell最貴嗰個餐。咁我地就揀左$398嗰個餐。每樣野都係得兩舊，完全係唔抵食。食完好似食左陣風咁😐聽住兩位呀姐serve客仲好笑，一時就同啲客講蒸完要焗一陣先好食，一陣就話唔好焗要即刻食。講緊嘅係同一樣海鮮喎....其實就係得閒就幫你夾起，唔得閒就等陣先我地一黎漏水嗰張枱，合埋左比一枱5個客嘅家庭坐。合併左後有兩個爐。跟住個呀姐話用一個爐蒸鮮味啲，所以開一個得架嘞😑嗰枱客唔知緊係話好。鋪內衛生程度欠佳，你睇下連埋單本野都可以係爛哂同有隻野🤦🏽‍♀️啲蟹又冇遮冇掩放喺但張枱隔離勁多野飛黎飛去*其實我開左account 都一段日子一直冇諗過會留食評但依間，真係咁耐以黎唯一一間我未食完已經想寫食評的食店

店內座位吾算多，所以去前最好訂位老闆娘好熱情，知道我地第一次去就逐一介紹Menu咩餐比較適合我地，海鮮種類多而且都非常新鮮🦐🦞🦀亦有刺身可以選擇上菜上得快，店內員工會幫我地蒸埋，計好時間吾驚過熟，吾洗自己搞，好好服務老闆娘有時會同客傾計，好友善食到尾會有個粥底，吸哂啲海鮮味好正😋不過唯一就係食到成手蟹味冇濕紙巾抺手就有啲失望😞如果店內有濕紙巾提供就最好不過🤪🤪或者店內有洗手間我睇吾到⋯

呢排蒸氣火鍋大行其道，周圍都開咗好多，連差唔多算係美食沙漠嘅新蒲崗都有得食啦。我哋去咗位於仁愛街嘅蟹仙，佢哋係地舖嚟嘅，所以好容易搵。晚飯時間大約六點開始，我哋四個人一早到咗就開始點餐，店員介紹佢哋嘅海鮮唔係交貨，而係自己有貨源係新鮮海上攞返嚟嘅，包保新鮮款式有羔蟹、龍蝦、特大瀨尿蝦等等，價錢由$298起至6佰幾不等，豐儉由人。由於我哋第一次食，所以都係揀返個基本餐試吓先，咁就點左個$298餐，包括左每人有龍蝦半隻，一啲貝類、青口、鮑魚、斑塊、海蝦同埋重點嘅羔蟹或者奄仔蟹，再加買蔬菜粟米同埋個粥底，其實食完都幾飽架講返海鮮，海蝦新鮮爽口彈牙，鮑魚蒸幾分鐘，諗晒唔會un，其他貝類都幾鮮甜，斑塊薄切蒸熟，又滑又有魚味最後龍蝦有半隻，都幾多肉，有少少羔，味道梗係夠鮮啦蝦仲有羔蟹或者奄仔蟹任君選擇，我哋每樣要左一半，羔蟹爆曬羔，好誇張，蟹肉夠實證明夠新鮮，奄仔蟹唔係實羔，但係就被非常香甜，啲肉又清香，所以自己都鍾意食奄仔多啲最後食埋菜同個粥底，每人一大碗粥，今次真係捧住個肚走，算唔錯嘅選擇。仲有糖水。

落住大雨來到新蒲崗食飯，揀左呢間甚多好評嘅海鮮蒸鍋，預訂左5點半鐘，不過當日落幾大雨架，我地早到左，店員都好好啦，俾我地入座坐住等朋友，因為朋友一向係例遲哥。撞著店員食飯時間，反正我地等緊朋友，就唔急住開爐。溫馨提示你，最好6點後先入座。新蒲崗特別多小店仔，好靠口碑架，有幾多個好似我地咁喺大西北專登入來食飯，好在食物都有一定水準餐廳面積就唔係話好大，以四人、六人枱為位，仲有一間應該係房，環境來講都算闊落，完全唔逼，而且假日都唔算好多人，特別舒適。menu分5款套餐，店主會向每位客人介紹餐牌，非常詳細當然啦，我訂位前都有睇過餐廳嘅評價，明白點解有部份客人會感受唔好，試問有邊個鐘意俾人sell啊，明嘅。不過店主都係想你地知道，佢地嘅海鮮同出邊其他蒸鍋有咩分別，全部產地新鮮攞貨，野生無激素；而且整個介紹過程都好有禮，態度好好，我地就唔覺得有hard feeling嘅。298蚊套餐包左8款海鮮、一份蔬菜籃。咁星期六日就每位加28蚊，醬油費每位20蚊，連埋加一就人均3百7，可以講，佢地嘅海鮮真係食得出好新鮮。其中兩款可以自選，咁我地一行四人，每樣半半。佢地嘅蒸鍋值得一讚，好快滾起，而且唔會彈到周

前幾日朋友生日🎂🎂，朋友鍾意食海鮮,所以選擇了食海鮮蒸蒸鍋。之前聽其他朋友介紹過蟹仙,所以選擇了新蒲崗這間分店。我們先頭選擇了$298套餐，但之後老闆娘好熱情同我地介紹餐牌,細心介紹每樣海鮮，所以之後選擇了$398套餐。每樣海鮮都好新鮮，朋友都食得好開心！