蟹仙海鮮蒸氣鍋 (仁愛街) (已結業)

試過佢嘅蟹之後你就知佢點解叫自己做蟹仙，跟別家比較，佢認第二冇人敢認第一。野生越南頂角膏蟹及黃奄蟹，每只都系豐滿爆膏，蟹膏甘香蜜甜，蟹膏實嘅質感跟軟綿口感都各有千秋，蟹肉梳梳鮮甜鮮香吸引，有專人幫你烹調控制時間非常到位。龍蝦肉質爽脆多汁，老闆對客人提供食材不會吝嗇，多款海鮮同是高質， 日本元貝、翡翠九孔鮑魚、 龍躉片、海中蝦等等共有九款，都是精心挑選，原因就是老闆系香港海鮮入口商，經營批發30年經驗，會確保拎到最靚嘅海鮮，天天直接空運到每間店鋪，有咁嘅背景真系冇得輸，食完海鮮還有一個海鮮粥底，鮮甜至極，飽餐後還奉上椰汁官燕甜品一度。這種服務就系老闆要令客人有賓至如歸感覺，往後再來惠顧，結帳後我哋都已約定下次再來大吃一餐。

昨晚一家人出街食飯，揀咗喺新蒲崗附近有一間蒸氣鍋餐館，佢個舖頭名都幾有霸氣叫-蟹仙-，我哋就係畀佢個名吸引過嚟。老闆系香港海鮮入口商經營青蟹批發30年經驗,確保拎到最靚既青蟹，而其他海鮮都非常新鮮，天天直接空運到每間店鋪😋。野生越南頂角膏蟹及黃奄蟹隻隻豐滿爆膏，佢有實蟹膏同軟兩款，蟹膏黃金亮麗，實蟹膏甘香蜜味，軟蟹膏軟綿綿滑溜溜，有另一種口感，肉質鮮甜幼嫩King size份量，兩款蟹種各有千秋。龍蝦一樣鮮甜無比，肉質爽口彈牙，套餐多款海鮮都不遑多讓，佢嘅深海龍躉片，魚皮厚厚的，煙煙靭靭爽脆非常，最後嗰個海鮮粥，真係冇得彈，不用加一丁點鹽，鮮甜味十足，我們吃飽飽之後還送上糖水椰汁燉官燕，這個價錢有這種級數，絕對超值，這晚我們一家人都吃得非常開心，心情靚靚地回家去。​

星期六同好友慶祝生日晚飯，我哋一行七人order左3.5份情人晚餐$998/2位我地試曬2款硬膏及軟膏蟹，係爆膏嘅龍蝦都好唔錯鮑魚好味大蝦亦都好好味爽口彈牙元貝就一般啦大家都話蠔好味我就冇食到琵琶蝦同賴尿蝦王ok4月有優惠滿4人可加$9換凍蟹（但要買$398以上套餐先可以）當日唔知係咪老闆娘非常熱情，仲free左我地切餅費, 成餐飯都有員工幫我地蒸埋服務好好！但星期五六日有附加費$28，仲有加一同醬料費，我地亦叫左酒同飮品，埋單$46XX提提大家，佢哋只收cash

呢間晚市蒸海鮮就聽得多，都有不少人食。一入舖就嗅到濃濃蟹味，真係好乎合間舖名“蟹仙”由於午餐所以係咩人，中午12:40左右入到去，只見小猫三兩隻，以為中伏。店員不停在門口叫客入來試，落足嘴頭。好少見人推介午市，所以午市入來試下，佢門有簽蟹皇/蟹肉雞排飯/麵，而且做緊優惠價$48就食到，我見店內都幾多人食呢個，好似都幾多蟹皇下，但我見人就吾食呢個。我選擇左海鮮湯飯優惠價$45，湯飯食有蜆，蝦，聖子及青口，都算豐富，湯飯加左脆米，令口感豐富，湯則用左龍蝦湯，廚師話無味精,飲落都清甜。

之前一直同老公講，未食過海鮮蒸氣石鍋，一直都好想食，今日老公終帶我去食啦！今日我地去新蒲崗食蟹仙，蟹仙位於仁愛街，係Mikiki商場格兩條街，非常易搵。6點到達，未算多人，但到了7點晚飯時間已經滿座，門口還有人等位。餐廳老闆是海鮮入口商，所以老闆挑選了好多高質海鮮，全部都係野生，由外國入口，同埋最重要係冇激素餐牌有幾款套餐選擇，有$298/每位、$398/每位、$498/每位、$688/每位，愈貴當然食既野會愈大隻，同埋食既海鮮都會唔同，因為第一次食，我地選了$298/每位 既套餐。套餐入面有九款，罕有大黃奄蟹、澳洲青年龍蝦、翡翠九孔鮑魚、紐西蘭大蟶子、越南貴妃蚌、泰國海中蝦、深海龍躉片、紐西蘭青口、有機蔬菜藍，好豐富，食材拎到上黎，海鮮仲識郁架，真係超級超級新鮮食蒸氣鍋之後，侍應會先倒入米，南瓜，豬骨擺係鍋底做粥底。之後就開始蒸開海鮮啦泰國海中蝦好新鮮，好爽甜翡翠九孔鮑魚好厚肉，有小小嚼勁紐西蘭青口/越南貴妃蚌蒸既時間剛剛好，好鮮味，特別越南貴妃蚌，肉厚又鮮美澳洲青年龍蝦每人一邊龍蝦，龍蝦有不少膏，龍蝦爽口彈牙，唔夠喉罕有大黃奄蟹未食已經見到爆晒膏，流晒口水，我係超級鐘意食蟹，好鮮甜

M佬最愛咩？咁當然係我A姐啦！第二位就係海鮮啦！海鮮最正係清蒸，咁先食到佢嘅鮮味！今日，我哋去到新蒲崗蟹仙海鮮蒸氣鍋，老闆係做海鮮批發，唔靚嘅海鮮唔入，每位HK$298 (星期五、六、日、公眾假期及前夕，每位加HK$28)，就有八款海鮮加蔬菜，真係幾抵食！泰國海中蝦食海鮮有先後次序，由淡口味嘅海鮮先。海蝦新鮮爽口，入口彈牙，味道鮮甜，點埋豉油，無得彈！翡翠九孔鮑魚之後就到大大隻鮑魚，非常厚肉，口感十足，爽口彈牙，鮮甜多汁。日本大元貝 + 紐西蘭青口同樣大大隻，啖啖肉，鮮甜美味，正！越南貴妃蚌蒸煮時間控制得啱啱好，鮮嫩彈牙，鮮味十足！深海龍躉片雖然薄薄一片，但係魚味香濃，魚皮邊位更鮮味。澳洲青年龍蝦呢隻嚟自澳洲嘅青年龍蝦，非常大隻，啖啖肉，仲有好多膏！越南頂角肉蟹呢隻肉蟹一啲都唔細隻，非常新鮮，啲膏多到滿瀉咁！肉質結實，蟹膏濃郁！有機蔬菜籃食完咁多海鮮，最啱就係食啲菜！嗰蔬菜籃一啲都唔馬虎，有粟米、南瓜、娃娃菜同唐生菜，蒸完就保持到蔬菜本身嘅鮮味，正！南瓜芋頭排骨粥仲未完㗎，終於嚟到全晚嘅精華所在！一開始放喺鍋底嘅南瓜、芋頭、排骨、粟米同珍珠米已經煮成粥，頭先八款海鮮嘅精華已經滴晒落去，

蟹仙❤️高質蒸氣海鮮石鍋🥳朋友生日佢鍾意食海鮮 所以搵左呢間餐廳 網上睇啲評價都唔差 所以就訂左位食😋-我地嗌左個2個$398海鮮餐👯‍♀️有蟹蝦鮑魚龍蝦等等海鮮我覺得最特別係琵琶龍蝦❤️同埋未食過 同見過 店長？老闆？推介既 佢話唔係周圍有得食😋仲話啲海鮮係外國返 同街市賣個啲唔同🥳整體鮮味都好夠 根本唔洗點醬料🤤 而且啲肉係堅彈牙‼️‼️我覺得可以一戰架🤣佢會逐樣幫你蒸 再分埋比你服務都幾好🤔而且最後有個鍋粥 就係岩岩蒸完啲海鮮精華滴哂落去不過我同朋友覺得唔夠味🤭最後問佢地攞菜脯個時已經無哂🤡因爲一開頭佢問洗唔洗加啲蔥同菜脯🤪另外我地嗌左渣洛神花 酸酸甜甜咁 正常味 都ok🤔最後埋單 加埋一 一千蚊左右我覺得雖然貴 但都滿足既👻反正唔係成日食 要偶然放縱下🤪推介‼️‼️溫馨提示：記得記得先訂位 因為佢鋪面比較細😁

「白似玉，黃似金」來形容蟹仙的蟹，一點也不過分。 早兩日同朋友去新蒲崗蟹仙食海鮮蒸氣火鍋，第一次食蒸氣火鍋，係一個唔錯嘅體驗，除咗海鮮新鮮大份夠抵食，可以食到來自不同地區新鮮海產，更有專人幫我地蒸海鮮。令我最欣賞嘅係店員誠懇的態度為你介紹Menu。 佢有幾個套餐，我與朋友選擇了$398/位的套餐 可以試到9款海鮮，主打當然就佢地既越南頂角膏蟹，仲有澳洲青龍新西蘭大蟶子、翡翠九孔鮑魚、越南貴妃蚌等等，所有海產都十分新鮮，蟹膏多到爆出黎，超正，肉質超鮮嫩。鮑魚好爽脆，好有口感。除左海鮮客人玩可以散叫其他食物肥牛或其他海產，每人三百幾 就可以試到高質的海鮮，絕對是值回票價。 食到最後，當然要食埋佢個粥，吸收所有海鮮既鮮味，oishi,作為最後完美句點。 喜歡食海鮮，更喜歡食蟹的你 ，值得一食。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

朋友曾經係晏晝食過呢間嘅蟹皇撈麵，覺得好好食，於是捉埋我夜晚一齊黎蟹仙食野。點知原來呢度夜晚係做蒸氣火鍋，咁一場黎到冇理由唔試。價錢$298起，因為我哋本來都冇預到食太貴，就揀咗最平嘅$298餐。當我地落單嘅時候，店員冇即時回應我地，而係向一個女人打眼色。之後個女人就行過嚟，拎住個餐牌逐個餐同我地介紹，不停強調以下幾個點:所有海鮮都係外國進口，出面買好貴架！$298 個餐真係好細份！唔抵食！(loop左幾次)然後就不停講啲貴既餐有幾好食🙂又遞返個餐牌俾我哋叫我地考慮下。咁既然佢講到咁好食，我都唔介意俾貴啲，但事實係海鮮係新鮮嘅，但都唔會話特別好食，賣單差唔多成千蚊，個套餐唔包嘢飲，得海鮮！完全冇其他食物！而且個粥底超淡！食成千蚊我仲要食多個宵夜先夠飽，其實都真係幾離譜。新蒲崗我推介滿粥，2個人先$400，而且海鮮質素唔差，食物份量仲多幾倍。講返食物先。圖中嘅食物加埋碗粥就係今餐既全部，食完都仲係好肚餓。全程都會有啲店員去幫你蒸海鮮，但係佢哋係十問九唔應，好似自己都唔知唔知做緊啲乜咁😂鮑魚煮得太耐，口感好un，冇乜水份，貴妃蚌同蟶子都有呢個問題。蝦🦐肉質幾飽滿，鮮甜，但係每人分得一隻咁大

一坐低有人詳細解釋, 推介如何配搭最抵食. 海鮮好有水準,蟹+粥最出色, 蒸菜的口感特別, 似熱食沙律,以此價錢食這個水準的海鮮算是合理,會再試及推介朋友一試。缺點是貨存不足, 見到較遲入座的未能選到想食的海鮮。

Excellent service from Jasmine! Attentive and polite! The food is also amazing. All seafood are fresh and sweet. Really got to come back again!

呵呵呵終於食到呢間蒸海鮮我地四個人超難約架準時到達門口泊低架車，方便一坐低店員超有耐性講解不同套餐但我超無耐性聽。因為勁爆肚餓。一睇$298，$398已知唔岩食實唔夠飽！所以選了$498套餐！店員話可以每一自選一個不同收費的套餐！但我覺得咁樣好麻煩！大家都係食同款套餐啦！店員又話不如食「情人節套餐」好啦！好少再多少少嘢食！最緊要快！餓死我呀！然後就開始不停食不停食講真！睇相都知係咩海鮮！真係無胃再打字講解！重點講下有幾好味好過啦！我自問海鮮狂魔家庭飯都無海鮮不歡我唔理解價錢平定貴最重要岩我口味好食唔會係天價我都願意比唔好食嘅我會黑色加反枱😂😂😂我見食評有人話$298，$398唔抵乜乜乜食得海鮮真係唔好慳、唔好留手即係咁，去買海鮮又要算過度過！留返回家煮算啦！🐷🐷蟹仙確實係比咗一頓高水準海鮮我食我結婚都在三聖村魚巿場攞左十圍海鮮已過六年，每年都有人叫我擺多次酒😂因為席上海鮮都係頂級加上平時成日食海鮮的經驗$498+1後的收費係物超所值嘅！⭐️⭐️⭐️⭐️⭐️我老公夠膽死攞一間$200一人餐來比較💢淨係隻黃奄蟹、頂角膏蟹、龍蝦、賴尿蝦、帶子都值回票價啦！其他食物都係配親但都好好味！果幾粒丸和粥底好正

臨搬屋前再來新蒲崗搵食，之前一直想吃蒸海鮮，但之前路過見"蟹仙"都有很多人喺門口等位，剛好呢日平日比較晚既時間人不多，機會來了。當我們坐好後, 女店員就很友善地為我地介紹店主是做海鮮入口, 全部海鮮都係由當地訂購返黎, 包保又平又正。 餐廳有每位$298, $398, $498, $688套餐, 還有情人節套餐(太受歡迎再度推出)(原價$1688, 優惠$999/兩位)。 望望隔離枱既爆膏蟹已經流哂口水, 大家都好肚餓同想食好啲, 就揀咗情人節套餐。 海鮮確係好新鮮又大隻, 而家仲又正又靚!只限於12張相實在太少, 唯有揀重點相👍值得一讚, 蒸海鮮前同後都會有店員幫手同較時間, 基本上乖乖地坐喺度食野就ok。🔸翡翠九孔鮑魚🔸🔸越南海虎蝦🔸🔸北韓野生游蚌🔸🔸日本大元貝/蟶子🔸🔸韓國慶南蠔🔸全部都係好鮮甜同大大隻, 唔會好似其他蒸海鮮連鎖店淨係俾好多蜆你食, 質素真係好好多。🔸野生花尾龍𧄌片🔸(竟然無影相😂)係由好大大條花尾龍切落黎, 大大塊好膠質蒸得啱啱好, 每人得一塊, 食完好想再食, 不過之後都明點解得一塊, 因為仲有好多正海鮮等緊我😂🔸越南頂角膏蟹🔸呢個真係無得頂, 望見隔離枱已

上次路過看到有間新開蒸鍋，今晚就來吃飯。有幾個不同款式的套餐，我就要了九款海鮮餐$298。不過由於是星期五、六、日，附加多$28一位。泰國海中蝦，蝦肉鮮甜爽口，蒸蝦🦐和白焯蝦最大差別在於，蒸蝦保持原汁原味，不用醬油更可以吃到原來的味道。越南貴妃蚌，貴妃妦的肉質，鮮嫩彈牙，味道鮮甜。翡翠九孔鮑魚，內臟已經除去，肉質軟腍不會靱。澳洲青年龍蝦，比大隻龍蝦肉嫩，味道更鲜甜。日本大元貝，元貝肉厚鮮甜，加點蒜蓉、醬油、椒絲，味道更好。紐西蘭青口，新鮮青口，味道鮮甜嫩滑。深海龍躉片，魚味濃度十足，爽口彈牙。越南頂角膏蟹，蟹膏很多，現正吃蟹好時候。有機蔬菜籃，蒸菜可保持原汁原味。

姐夫食完蟹仙后大讚材料新鮮又美味，所以我今日專程過來新蒲崗試下蟹仙。餐廳整齊的2邊座位，也有一間貴賓房，裝修清雅。海鮮蒸氣鍋金額由$298至$688，我們要了$398/位的共十款的套餐。侍㒣很快已將澳洲青年龍蝦，菲律賓大黃奄，泰國海中蝦送上。澳洲青年龍蝦先蒸的是澳洲青年龍蝦，澳洲青年龍蝦不是很大隻，但是肉質飽滿，新鮮夠爽口，最喜愛橙色及黃色的龍蝦膏，入口軟滑帶香。菲律賓大黃奄侍㒣介紹菲律賓大黃奄比膏蟹少了少少膏，但肉質會比膏蟹甜，所以，我們揀了菲律賓大黃奄，每人半隻，原來菲律賓大黃奄也是非常多膏的。泰國海中蝦，感覺比本地的薄殼，但肉質也是比較爽及有蝦味。野生瀨尿蝦王野生瀨尿蝦王去殼上，長度與一般筷子差不多長，也是2人分享一隻，肉質很鮮。翡翠九孔鮑魚，因蒸的時間拿捏得好，剛好熟，肉質帶爽且鮮。日本大元貝，新鮮之餘味道清甜。越南貴妃蚌，雖然不是很大隻，但肉質也是很爽口鮮嫩。紐西蘭青口及深海龍躉片等，各樣海鮮都材料很新鮮。侍㒣告訴我們，深海龍躉片是60斤的花尾躉，所以比較有魚味。有機蔬菜籃食了這麼多肉，是時候食一些蔬菜，而最後一蒸鍋就是有機蔬菜，有生菜、粟米、南瓜及娃娃菜等。食完有機蔬菜，還