影片
更多
2019-05-18
127 浏览
OpenRice個account都開咗好多年，睇人哋寫嘅食評就睇得多，但真係一次都未寫過今次係激氣到要非寫不可，原來好評可以唔睇，但負評一定要睇。因為真係超級我哋有朋友係Facebook見到呢間餐廳勁賣廣告，講到好似好正咁，咁就book咗位四個人去食。入到去之後，發覺餐廳格局古怪，啲嘢周圍擺，絕對唔乾淨整齊，已經感覺不良睇咗餐牌後我哋就開始點餐，原本諗住叫4個$298餐，點知嗰個老闆娘係咁hard sell 講到嗰個$398餐，同個$298餐啲海鮮差好遠。我哋難得朋友食飯，諗住冇所謂啦乜都試吓，但係對於佢嘅推銷手法，真係非常有保留。因為佢冤咗我哋大概起碼7-8分鐘，直至佢sell 到我哋要啲貴嘅餐為止上菜之後，發現兩個餐嘅分別只係多咗半隻蒸熟左嘅賴尿蝦，佢話「大左」嘅羔蟹，同埋佢話「大左」嘅龍蝦。三樣嘢入面有兩樣原本係$298餐入面有嘅，但海鮮嘅大細兩個餐係一樣，其實個分別只係多咗半隻賴尿蝦，即係我地比多左$200買一隻賴尿蝦同埋，其實未試過食蒸鍋比啲熟嘅海鮮我跟住嗰個老闆娘仲好厚面皮咁過嚟問我地啲蟹正唔正，我為免係啲朋友面前發爛，已經全程唔同佢講嘢，佢仲不斷懶係殷勤，係咁講佢哋做海鮮
今次係激氣到要非寫不可，原來好評可以唔睇，但負評一定要睇。
因為真係超級
我哋有朋友係Facebook見到呢間餐廳勁賣廣告，講到好似好正咁，咁就book咗位四個人去食。
入到去之後，發覺餐廳格局古怪，啲嘢周圍擺，絕對唔乾淨整齊，已經感覺不良
睇咗餐牌後我哋就開始點餐，原本諗住叫4個$298餐，點知嗰個老闆娘係咁hard sell 講到嗰個$398餐，同個$298餐啲海鮮差好遠。
我哋難得朋友食飯，諗住冇所謂啦乜都試吓，但係對於佢嘅推銷手法，真係非常有保留。因為佢冤咗我哋大概起碼7-8分鐘，直至佢sell 到我哋要啲貴嘅餐為止
上菜之後，發現兩個餐嘅分別只係多咗半隻蒸熟左嘅賴尿蝦，佢話「大左」嘅羔蟹，同埋佢話「大左」嘅龍蝦。三樣嘢入面有兩樣原本係$298餐入面有嘅，但海鮮嘅大細兩個餐係一樣，其實個分別只係多咗半隻賴尿蝦，即係我地比多左$200買一隻賴尿蝦
同埋，其實未試過食蒸鍋比啲熟嘅海鮮我
跟住嗰個老闆娘仲好厚面皮咁過嚟問我地啲蟹正唔正，我為免係啲朋友面前發爛，已經全程唔同佢講嘢，佢仲不斷懶係殷勤，係咁講佢哋做海鮮批發，三聖邨啲海鮮好多係佢哋交貨，跟住我答佢，我真係唔覺得呢兩隻蟹同龍蝦有分別，根本兩個餐啲海鮮都係咁細，跟住轉頭個老闆娘入去攞咗一隻熟嘅賴尿蝦出嚟，俾咗半隻我哋放入去個煲入面話要來煲粥，佢話啲肉唔係咁靚，所以俾啲客攞嚟煲粥，當時我哋冇出聲，但嗰一刻覺得自己真係好豬，人哋俾啲死蝦我哋都要
因為我去到最後食個粥時，佢嗰隻賴尿蝦出嚟睇原來係無肉嘅，根本嗰隻係死蝦
仲要啲生蠔係急凍嘅，759嗰啲韓國急凍蠔，青口又係急凍嘅，超級市場一大盒嗰啲急凍紐西蘭青口！第一次食急凍海鮮蒸鍋。
最後，全晚食完野好似冇食過一樣，完全唔飽。嗰個所謂嘅海鮮精華粥，我哋係要加鹽，完全冇味，嗰個老闆娘又再好厚面皮咁過嚟問過海鮮粥正唔正，我哋話冇味，佢就話早啲講總之拎入去同你煲吓等佢濃味啲。
個一刻我覺得，原來人無恥真係無敵
张贴
