蟹仙海鮮蒸氣鍋 (仁愛街) (已結業)

今晚去左喺新蒲崗嘅🌸蟹仙海鮮蒸氣鍋🌸， 一入到舖頭其實都已經聞到一陣海鮮嘅海水嘅味道😮。我哋四個揀咗 $298 一位既套餐，每人都有八款海鮮，夠曬吸引😍。負責人話佢哋啲海鮮都係自己入口，唔使經過批發商，都係最頂級嘅野生海鮮，分別由越南、菲律賓、澳洲同泰國等入口，價錢會比較優惠 。海鮮都係落咗單先會劏，保證新鮮👍🏼。點完餐侍應就幫我哋喺個鍋底度加咗米、芋頭、粟米同埋豬肉 ，無額外落水，一陣間蒸嘢食嘅時候啲汁就會滴曬落個鍋底度，都最尾變成一鍋粥，一定會係好夠鮮甜🤤。呢個時候海鮮亦都嚟到。最吸引我記莫過於蟹同埋龍蝦🦞。兩個人可以有一隻蟹，我哋要咗一隻軟膏蟹，一隻硬膏蟹，兩款口味都可以試到，而且兩隻都係爆膏嘅。隻蟹上枱隻腳都仲喐喐下，證明真係新鮮劏。 兩款入面我鍾意食硬糕膏嘅，蟹糕味非常濃郁🦀。龍蝦都有成隻手板咁長，肉質鮮嫩彈牙，充滿海水味。貴妃蚌亦都係我心水之選，真係超級鮮甜 。而且呢到仲可以有侍應幫我哋蒸啲食物，佢計好時,包保海鮮唔會過熟， 完全唔使自己喐手。 食完海鮮試個粥，果然係十分之美味鮮甜， 忍唔住食咗兩碗。原來四人同行仲會送官燕糖水，真係食到捧住個肚走😂