蟹仙海鮮蒸氣鍋 (仁愛街) (已結業)

跟男朋友點了兩個699的套餐，東西很好吃，服務很好，雖然兩個人吃了1620，但是還是覺得很值，東西是真的好吃，服務態度真的無得頂。膏蟹好好吃，賴尿蝦也是超級大隻

朋友話好耐冇見要約食生日飯， 知佢鍾意食海鮮，同事之前介紹新蒲崗［蟹仙］ 一於今晚就去 擦海鮮餐！店員已經準備好蒸爐下嘅粥底以鲜味為主蒸的方法便最能保持原汁原味！材料就一定要新鮮， 冇得化妝冇得調味～店員介紹店主做海鮮入口多年， 一定攞到最靚最抵嘅貨色。專門蒸海鮮嘅食具唔少得～ 餐廳也很注重衛生，提供搓手液消毒紙巾， 餐具仲特意高溫蒸一次， 食得安心。套餐有很多選擇～ 海鮮種類至少六至八款以上。揀咗$399中等價錢 都唔差呀樣樣都有而且幾豐富嘅啱食。越南虎蝦大隻又鮮甜，啖啖肉， 唔駛三分鐘啱啱好最快有得食。貝類有日本大元貝，貴妃蚌，韓國蠔。當中今晚以貴妃蚌最鲜甜， 肉質又彈牙，一啲都唔韌。 韓國蠔蠔味夠鲜～ 日本大元貝同樣肉厚彈牙。雪白的深海龍躉片， 肉質結實魚味濃， 並非一般海斑肉質，近皮位置亦好煙韌！👍❤️台灣九孔鮑魚， 口感好爽 味道鮮甜。野生瀨尿蝦堅係鮮甜～ 成隻前臂咁長 ，好罕有， 中間嘅膏仲非常結實甘香～😋澳洲青年龍蝦， 每位套餐包括半隻， 原隻開邊極新鮮， 龍蝦頭還有不少蝦膏， 鮮味洋溢～這隻大黃奄蟹 來自菲律賓， 肉質飽滿，唔係屬於多膏嘅款式，但蟹肉鮮甜 霸道難怪要放到最

蟹仙之前去過尖沙咀既蟹仙一班人係房食 非常舒適而且覺得味道 海鮮質素 同埋服務都好好所以心思思今日帶鐘意食海鮮既朋友再品嚐今次我地去新蒲崗分店雖然地方冇尖沙咀店咁大地方但依然都好寬闊既位好舒服今日我地簡左個尊貴海鮮套餐只係$399 一位。但非常多款包括越南大黃奄蟹冰鎮北韓象拔蚌澳洲青年龍蝦台灣九孔鮑魚越南大虎蝦深海龍躉片日本大元貝蘇格蘭大蟶子韓國慶南蠔新西蘭大青口有機蔬菜籃另外欣賞蟹仙餐廳既地方係服務店員好細心咁介紹每款海鮮亦會為客人蒸煮 上碟蟹仙既所有海鮮真係好新鮮絕對有質素保證冰鎮北韓象拔蚌比起出面食既厚身彈牙越南大黃奄蟹上檯時仲係郁緊非常新鮮蒸完好鮮甜非常多膏 香軟深海龍躉片魚肉非常香滑佢地蒸完哂所有海鮮最後會有個粥底係吸收哂所有精華味道非常香甜整體黎講蟹仙 性價比非常高海鮮新鮮多元化服務良好真心推介比鐘意食海鮮既朋友

結婚2個月紀念，同老公慶祝，初嘗粥底火鍋，服務窩心，海鮮鮮甜，食唔番點算🤣蝦， 鮑魚，生蠔，龍蝦，帶子， 象拔蚌，中式海鮮版Omakase，遇到心愛的人，一定要帶他來❤️

近排想食下海鮮，就搵左呢間。佢地老闆做海鮮批發，所以全部海鮮都好新鮮，隻蟹切左放到上枱仲識郁。叫左個海鮮套餐，應有盡有，奄蟹、龍蝦、琵琶龍蝦、九孔鮑魚、大虎蝦，元貝、蚌同蠔就更加唔少得！先講講貝類嘅海鮮，全部都好鮮甜多汁，無論係蚌、鮑魚定元貝，有咬口得嚟冇一樣係覺得韌，店員幫我地蒸得嚟岩岩好。龍蝦啖啖肉就唔洗講，仲要有唔少膏，真係食到唔想停。自己係第一次試琵琶龍蝦，需然肉冇龍蝦咁實，但都好甜。至於奄蟹就未食已經流晒口水，雖然冇想像中咁多膏，但都好滿足，個蟹弶啖啖甜肉之餘，啲肉真係好鮮嫩，自己好懶拆蟹，但食完一隻都想再食多隻🤤錦上添花嘅係蒸海鮮嘅精華落左個鍋底，煮左個南瓜粥出嚟，如果食海鮮唔夠飽，食埋碗粥就岩岩好😆最最最後仲有個甜甜地燕窩做糖水！係好完滿嘅一餐😌

久唔久就想吃一頓豐富高質嘅海鮮餐， 唔需要任何藉口因為工作辛勞又要打理家頭細務，又係時候獎勵自己～這天屋企人提議去新蒲崗搵食， 剛好那裏下班途經这间［蟹仙］， 主打各款清蒸海鮮， 真係再好不過又唔使動手烹調～有多款套餐可供選擇， 豐儉由人， 視乎你想食幾多款海鮮～店員介紹老闆從事海鮮入口生意 40年， 海鮮質素絕對有保證。疫情之下餐廳也做足消毒程序 ，洗手液，消毒紙巾也不缺，還把碗筷高溫蒸煮👍我們叫了$399嘅套餐，價錢中等， 但也可試多款 主打新鮮入口海鮮。醬油其實都不太需要~😀越南海虎蝦唔使三分鐘， 蒸得啱啱好， 肉質鮮甜彈牙。来自日本嘅大元貝， 肉很厚但些微碎殼。紐西蘭刀貝蚌， 有驚喜竟然係最甜嘅貝類，味極鲜且肉質柔軟。韓國蠔也相當肥美。台灣九孔鮑魚好大隻，肉質堅韌夠結實，大啖肉完全冇縮水。澳洲青年龍蝦非常新鮮， 即叫即劏，开边後仲郁郁哋。 而且略帶少少蝦膏， 甘香， 肉質鮮甜彈牙！ 龍蝦嘅味道真係無法取代。很期待這隻野生瀨尿蝦， 普通酒樓餐廳未必有這種貨色。 好好彩呢隻仲有極香濃嘅硬身蝦膏。 其實平時細細隻嘅椒鹽瀨尿蝦我都覺得特別鮮甜， 這款野生瀨尿蝦真係超正， 唔洗點樣搏鬥都

雖然肺炎疫症係香港還未終止, 但唔少餐廳都採取防疫措施, 只要做好衛生同埋避免太多人既聚會, 出街食飯還是很放心。話咁快就到3月最後一日, 亦係出糧既大日子, 當然要食豪D! 帶左媽咪去食蒸海鮮, 幾個月前同朋友幫襯過, 好食當然要同媽咪分享啦! 今次揀左$399呢個海鮮套餐, 食齊龍蝦、鮑魚、蟹等等貴價食材, 款式絕對有氣派唔失禮!食用工具亦經餐廳進行高溫消毒, 再加上入座前量體溫同提供搓手液, 雙重保障, 食得安心。部份已處理乾淨海鮮先上檯, 每款海鮮都由店員負責協助教好時間蒸煮, 保証不會蒸過龍!蒸海鮮前先準備好粥底, 才正式蒸海鮮越南大虎蝦: 大隻又肥美, 肉質爽口札實, 味道鮮甜台灣九孔鮑魚: 鮑魚內臟已被清理好, 蒸既時間控制得很好, 剛剛好熟, 又食到鮑魚原汁原味青口: 很少機會食到新鮮青口, 大隻之餘, 帶有鮮甜味, 對比平時食開急凍青口, 味道差好遠刀貝、蟶子: 兩款同樣都爽口, 冇沙, 清甜原汁原味龍躉片: 質地很滑, 有鮮魚味之後的海鮮更是套餐的重頭戲, 每款各人分到半邊澳州青年龍蝦: 龍蝦肉鮮甜彈牙, 一吉成條肉順利完整拆出, 絕對是新鮮才可做到帝黃肉蟹: 店員

今日和同事係新蒲崗做完嘢，經過蟹仙海鮮蒸氣鍋，記得老闆係蟹的批發商，可以入到靚蟹，食過真係好正！一於叫埋同事食返餐先回家。因新冠肺炎關係，食店採取防疫措施，先量一量體温，再用搓手液清潔雙手才可入座，碗筷也在蒸鍋裏蒸過，確保清潔衛生。揀左有10款食物的海鮮套餐，店員解釋海鮮是每日入貨，確保有新鮮海鮮給顧客享用。蒸爐下放了粥底配料，豬骨、南瓜、芋頭、粟米，都是有甜味的配料。準備海鮮的時候，來了一大隻賴尿蝦皇，因要保持最鮮甜的味道，買回來的時候就立即將賴尿蝦蒸熟，而家店員拆殼就食得，肉質鮮甜美味。各種海鮮已準備好了，最吸引的就是龍蝦和蟹，超多膏。開始由店員為我們蒸熟，龍蝦是來自澳洲野生的，雪白的蝦肉，黃色的蝦膏已令人垂涎欲滴，啖啖蝦肉鮮甜彈牙，蝦膏更是美味無窮。蟹是越南來，蟹膏有橙色和綠色，橙色比較有口感和鮮味，綠色軟滑帶甘味，店員解釋因為蟹食了海噪，所以有綠色膏，蟹肉鮮甜。台灣九孔鮑魚熟度剛剛好，鮮味彈牙。韓國慶南蠔有蠔的鮮味，蘇格蘭大蟶子色白鮮甜，深海龍躉片，魚味香濃。日本大元貝味道鮮甜，越南大虎蝦，口感厚實富彈性，有機蔬菜脆綠爽口，粟米、南瓜清甜。當食完海鮮，鍋內的粥已煮好，因為蒸海鮮

今日我生日，老公請我去新蒲崗蟹仙海鮮蒸氣鍋慶生。近日因疫症問題，店家做了防疫措施，入座前量體溫，並提供搓手液給客人使用，餐具也放在蒸爐內蒸過，消毒殺菌。選了刁鑽海鮮套餐，侍應便開始上菜，首先要將豬排骨、粟米、南瓜、芋頭、米放入蒸鍋裏，開爐等鍋熱就蒸海鮮。眼前一亮，一隻有手臂甘長的野生賴尿蝦上枱，賴尿蝦要趁生猛時蒸熟才可保持肉質緊實和鮮味，侍應將熟賴尿蝦給客人過目後，便拎返入廚房剝殼，再上枱給客人享用，因為是野生，肉質非常鮮甜。海鮮好新鮮，而且清洗得乾乾淨淨。侍應為我們將海鮮分類蒸，時間計得好準確。澳洲青年龍蝦開邊清蒸，原汁原味，肉質彈牙，鮮甜無比。越南頂角膏蟹：橙色蟹膏略為硬身，綠色膏滑溜，味道甘香，蟹肉紮實，鮮甜味十足。日本大元貝、越南大虎蝦彈牙鮮美。紐西蘭大蟶子厚肉爽口，深海龍躉片嫩滑，翡翠九孔鮑魚彈牙，韓國慶南蠔鮮味多汁。各種有機蔬菜清甜，食完海鮮就食粥，剛才蒸海鮮的精華全部落在粥内，粥底夠綿滑，有膏蟹的香甜味道。最後有甜品送，椰汁燕窩是我最愛食，非常滿意又滿足的生日晚餐！

好鐘意食海鮮，特別係蟹既我，成日都會搵有邊間餐廳平、靚、正，話哂食海鮮都係高消費。比我搵到間位於新蒲崗，食蒸海鮮，海鮮粥底餐都幾抵食，係咪直就要試過先知。今日book 左同朋友食，入去前要量體溫，消毒雙手，成套餐具都用高溫即時蒸焗消毒，甘就食得安心。我地都揀399一位既套餐，好豐富，有九款海鮮，虎蝦、蟶子、東星斑、膏蟹、龍蝦、鮑魚、 龍躉片、蠔同刀貝蚌。樣樣新鮮鮮甜，全部都係同時身為批發海鮮老闆挑選，全部係世界唔同地方野生捕足。個粥底一樣好正，吸收左甘多海鮮精華，起鮮甜，又放埋豬骨入去熬粥。個粥分量好多，同朋友一人打包一碗，返到屋企比寶寶食，佢讚不絕口，話唔解可以甘好味。呢度員工好Nice 又熱情，蒸海鮮全程員工處理，同朋友絕對唔會交叉感染。冬瓜露同椰汁官燕都無得彈。

好耐冇食過海鮮，作為海鮮控，突然癮起，就諗起蟹仙啦。以前食過九龍城分店覺得唔錯，咁啱約了朋友喺新蒲崗，就同朋友一齊去新蒲崗分店食。呢間分店比九龍城更靚，裝修光鮮明亮，店員服務殷勤。我哋揀咗399套餐，有十款食物，部分海鮮項目可以自選。最令我難忘就係韓國慶南蠔，好鮮好濃郁，令人驚艷。套餐包羅萬有，有龍躉片，原條東星斑，龍蝦，蟹，元貝，鮑魚，蟶子，食到舐舐脷。最後仲可以煲返個海鮮粥，一定飽到捧住個肚。驚喜系最後送左椰汁宮燕，完美嘅晚餐😍

是日同朋友去到哩間蒸氣海鮮鍋，雖然入面唔算好大但係兩個人坐下都覺得唔錯，貼心系佢地D位仲有墊給你墊住坐，期後一位好有心的女職員同我地介紹不同的海鮮餐，好有熱誠咁說明佢地的海鮮來由同埋不同海鮮的分別，因為女職員說，老闆係做海鮮入口，真的給我感覺系，佢地真的好用心去研究D海鮮點蒸個D，我同朋友點左999的二人餐，因為女職員說明一定會有驚喜，因為蒸海鮮都是店員幫忙蒸的，服務會更周全，自己ONLY食就OK哈哈底層係可以放粥底，另外有埋粟米，豬骨個D，越南頂角膏蟹 野生琵琶龍蝦 澳洲青年龍蝦台灣九孔包魚帶子大虎蝦有機蔬菜籃   深海龍躉片 紐西蘭大蟶子 韓國慶南蠔安格斯牛肉黑毛豬肉蟲草花雞星爺爆牛丸蟹棗有汁貢丸甜品:椰汁官燕真的好多野食，由其個越南頂角膏蟹 ，真的好多好多膏，仲要系大半隻都系膏，真的食得好滿足，另外其他海鮮真系食得出甜品，唔用豉油都食得出原汁原味，當然最重要系最後食的野，粥底， 職員叫我地連埋殼一齊煲，另外加埋蔥花同埋菜脯，真的更上一層樓~~同埋甜品:椰汁官燕真的好好食，哩餐真的好完美，同埋女職員細心貼心的服務，真的令我地食到有家的感覺!!!!

蒸海鮮我就食得多啦，但係食到咁講究咁嚴謹都係第一次。皆因呢度有個職員嘅服務真係有200分咁好，由你一入門口已經好仔細咁為你介紹餐廳背景，食物來源，套餐內容等等，然後開始之前又會用蒸籠幫你蒸下啲餐具，絕對殺菌，務求要你食得放心又開心。而最最最重要嘅係，嚟到呢一度只需要動口，不用動手，因為佢真係好熱心好細心好體貼咁樣幫你做晒所有嘢，咁嘅價錢食到五星級酒店嘅服務，本人表示超出晒滿意嘅程度。我哋揀咗一個$999二人餐，除咗海鮮之外仲有其他肉類丸類。喺進入重點之前不如我哋講下佢其他配料先。佢哋所有食材都係外國返貨，佢哋嘅臀肉好重豬味而且好多汁好腍，但係一啲都唔騷。而個牛亦都好腍好重牛味，蒸到七八成熟，仲好多汁添。而佢最令我印象深刻嘅仲有兩種丸。一種係芝士丸，佢個芝士真係好幼滑，出邊層魚蛋都好彈牙。而最得意嘅係佢呢個爆汁蝦餡牛丸，一咬落去好似小籠包咁有湯汁，而入邊包嘅唔係普通肉餡，而係鮮蝦肉。好鮮甜，好彈牙。重點嚟啦，套餐包左十樣海鮮，一開始會食晒呢啲平常都食到嘅之後，先會食啲蝦蝦蟹蟹。佢呢度啲海鮮全部都洗得好乾淨，而且味道好鮮甜，完全清蒸食原味，豉油都唔洗點。連鮑魚都係拆好晒先上，好方便。然後就

第二次嚟蟹仙，上次去九龍城，今次來新蒲崗阿姐第一時間問我粥落唔落芋頭，他也好落力解說鋪頭嘅由來同埋獨特嘅地點，我就同佢講我知道其實海鮮個粥先係靈魂！大家盡力睇圖片啦，其實好唔好食睇相就知道，當然蟹係因為係海蟹海鮮係海鮮，唔係飼養。沒有吹谷的，一食就知道！嗰種鮮甜係非常之好食，絕對值得嗰個價錢，平均每個月來一次差唔多，有蠔/扇貝/鮑魚仔。到賴尿蝦/龍蝦都非常出色，賴尿蝦有人手臂咁長，沒吹水啦你望圖就知道？差啲忘记赞下侍应，好鬼fit😉