蟹仙海鮮蒸氣鍋 (仁愛街) (已結業)

同男朋友反屋企成日經過呢間店頭一直都想去試下 見係星期五 聽日就放假 甘就約左男朋友食呢一間啦 入到去環境不錯 坐得舒服 簡左個 299$ 套餐 試試 有8款食物既 元貝 虎蝦 奄蟹 龍躉片大青口鮑魚 貝蚌 同埋 蔬菜籃同男朋友一致認為正 因為夠新鮮😚同埋份量足啊 會再黎食 佢地海鮮樣樣都食唔停口但當中我最愛佢地既蝦肉質厚實味道鮮甜龍躉片都不錯非常滑身 魚皮中又有膠質口感好好 新鮮度滿分 💯 

第二次到蟹仙，今次去新蒲崗分店海鮮直銷，重點是新鮮！餐廳的海鮮是一落機直運！我和朋友選了399$一位的套餐，共十款食材，要留意的是海鮮款式會因來貨有可能不同。店員會幫忙蒸煮計時，不用擔心不懂操作。開始之前先放個鍋底。勁長瀨尿蝦！鮑魚大大隻彈牙，厚實，新鮮的鮑魚，我至愛！元貝Juicyjuicy!深海龍躉片，很滑嫩！刀貝蚌又是超大隻，彈牙新鮮！大隻！龍蝦勁彈牙！沒有腥腥的海水味！蟹膏蟹黃超多！蟹膏口感淋身，啖啖蛋黃鹹香蟹鉗肉也非常厚實，一絲絲蟹肉。有機蔬菜果然鮮甜！所有精華煮好的粥，啖啖精華女士補品來了！燕窩！物有所值的一餐！捧著肚子走

蟹仙海鮮蒸氣鍋（新蒲崗）🦐🦞🦀今日去左新蒲岡搵食，呢個地方雖然好夾涉，但其實好多平靚正野食。所有海鮮都係直接批發入貨，由老闆親自係當日挑選。餐廳有唔同價位套餐選擇例如$299、$399、$688套餐。.職員好貼心，一入門口就開始介紹唔同套餐同食物既來源，幫我地諗好邊個套餐較為適宜。由於每樣食材都有唔同既處理時間，店員會幫你處理好曬所有食材，務求有最完美的烹飪時間，因為每件海鮮唔同大小都唔同蒸煮時間。.今次就同朋友簡左$399既海鮮套餐，😍海鮮夠新鮮，隻蟹好多膏，本身唔好蟹既我都覺得好鮮甜，問返店員先知今日先係菲律賓空運過來，唔怪得咁新鮮。隻龍蝦都超大隻，好鮮甜！享受完海鮮仲可以食到有大量南瓜既棉密粥底，再加埋是日糖水椰汁雪燕，真係夠曬滿足。☺️.

🔺蟹仙海鮮蒸氣鍋今日難得地去左新蒲崗搵食😹呢個地方雖然好夾涉 但其實好多平靚正野👏🏻今次食左海鮮 呢度所有海鮮都係直接批發入貨😯由老闆親自係當日挑選👍🏻👍🏻👍🏻餐廳有唔同價位套餐揀$299、$399、$688套餐😛.尊貴海鮮套餐$399揀左中價位套餐😽😽有鮑魚、鮮蝦、龍蝦、蠔、蟹、粥底、元貝、有機菜等等隻蟹好多膏 好鮮甜！今日先係菲律賓空運過來 唔怪得咁新鮮🦀🦀隻龍蝦都超大隻 好鮮味🦞🦞值得一提有機菜 好味 唔會乾身🍀最後食埋充滿精華嘅粥 但如果有少少鹽調味會比較好 但都好足料🤤甜品係椰汁雪燕 香滑好飲🤗.除左食物唔錯 要超讚店員服務👏🏻店員會細心講解今日有咩好食&用心介紹海鮮👍🏻每一次蒸海鮮都會親自幫手蒸同夾 真係超好態度

午餐時同同事講起想食海鮮～收工同事即話要一齊去食～他們在網上搜尋左定左一間在附近的餐廳！不用看餐牌同事們已經決定了那一款海鮮鍋套餐～下單後店員很快為我們送上鍋底和海鮮～有扇貝， 龍躉片，鮑魚， 瀨尿蝦，龍蝦， 肥大膏蟹～扇貝鮑魚大大隻蟹，非常多膏又飽滿～龍蝦邊食邊傾，好快就到最後個精髓出場，就係個粥底，粥底吸收哂海鮮既鮮味同精華，煲出軟綿綿口感，入口十分鮮味～食完個粥底大家都非常滿足～首先價錢合理，海鮮新鮮又大隻，份量十足～還想多約幾位同事再來一次～

好耐冇食海鮮 又唔想去得遠 發現原來市區都有海鮮食 蒸海鮮啲海鮮一定係最新鮮先夠膽做 店員姐姐話啲海鮮全部野生捕獲 老闆自己批發 所以先做到咁抵食一開始碗碟都會係開餐前高溫燒毒然後就開始放粥底 粥底可以揀落唔落芋頭 除左芋頭 仲有啲粟米、豬骨、南瓜咁有蝦有蠔有魚片 樣樣都好新鮮帶子真係好甜 蒸完個汁好好飲貴妃蚌都係好甜好甜 帶有好濃郁既海水味 而個蚌好有咬口、煙煙韌韌鮑魚依個啖啖肉呀 完全無鞋口同好韌 證明真係蒸得啱啱好 食落反而俾佢既彈牙程度嚇親 真係超級彈牙膏蟹蟹肉好多 膏都好多 樣樣都好好食 最後食菜食粥食甜品已經好飽了

我聽朋友既介紹而來的 睇準佢哋用野生海鮮每日新鮮到港既賣點🤓🤓我哋坐低咗之後 侍應就介紹今日咩海鮮有貨 邊個配搭最好👍🏻我哋最後揀咗$399既套餐等緊海鮮上枱既時候 侍應拎咗隻饅頭蟹俾我地睇下 本身都完全唔知咩係饅頭蟹 而家望到就覺得好得意 😂😂蝦好大隻好鮮甜 仲有膏添 蒸既時候麵見到d膏咇咗出嚟 無點豉油都好食 食得出新鮮既味道龍蝦上枱仲識郁架😱😱的確好新鮮啲肉係一絲絲 膏既味道真係無得彈 海水鹹味加結身蛋黃味蟹膏味道好鮮甜 有別於奄仔蟹既蟹膏 軟身流質既蟹膏會食到停唔到口🥳🥳🥳🥳蠔鮮甜肥美九孔鮑魚鮮甜帶子饅頭蟹相比於膏蟹 佢嘅蟹肉比較少 但膏比較硬身 食落係帶有咸香味既蛋黃味 但又唔係咸蛋個種死鹹味 佢既鹹味應該嚟自海水既鹽分 兩種蟹都唔錯每樣食既海鮮都好新鮮 所有處理完既海鮮係你面前即蒸  全程有人服務 控制哂煮海鮮既時間 仲幫手夾埋上碟俾你食最尾既粥底再加埋菜莆同葱花 我無諗過啲海鮮幾分鐘幾分鐘咁蒸 就可以將個粥煮好煮稔好綿最後整返個甜品。雪耳燉官燕

近期疫情放緩，多左少少出街食飯！黎到呢間食海鮮蒸氣火鍋，一坐底就會幫你用蒸氣消毒碗碟，咁就可以更加安心了！😊之後店員會好細心介紹番啲海鮮套餐，可以根據個人喜好揀番😊佢仲話老闆係做海鮮批發，可以用較相宜嘅價錢食到野生海鮮！我地今次揀左$398套餐，包括左9款時令野生海鮮架！最正係有兩款蟹同龍蝦😍..揀好套餐後就會送上粥底呢道係5款海鮮～即叫即劏，好生猛，仲有專人幫你逐樣續約海鮮蒸，計啱晒時間唔驚蒸得老得制🤩👉🏻越南大虎蝦肉質鮮甜彈牙，同平時街市買到嘅特別唔同👉🏻日本大元貝雖然唔係好大粒，不過非常鮮甜👉🏻台灣九孔鮑魚慢慢細嚼，非常彈牙又有鮑魚味，完全唔韌！好戲在後頭，終於到蟹喇🤩👉🏻饅頭蟹平時係深海嘅饅頭蟹，一年得一個月先食到，比較少有，外殼比較硬，肉質真係幾鮮甜✌🏻👉🏻澳洲青年龍蝦新鮮龍蝦唔難食到、但第一次食咁彈牙嘅龍蝦🤩肉質又飽滿，非常好食 😋👉🏻罕有大黃奄蟹最驚艷嘅一款海鮮！非常肥美，好似脫緊殼，剝開啲外殼入面有增軟殼，蟹肉鮮甜又飽滿，重點係啲蟹膏就黎滿瀉、入口甘香濃郁成個口腔都充滿蟹膏味👉🏻粥底由蒸海鮮嘅蒸氣黎煲，鮮美無比！👉🏻椰汁甜品作結尾非常滿足嘅一餐🤩

疫情稍稍緩和，急不及待要出來見下朋友，朋友是海鮮控，就來個蒸海鮮吧！進店要先探熱，坐下後侍應送上信封讓我們存放好口罩，但叮囑我們開始進吃前才可除上口罩，而所有餐具都即場放上蒸籠高溫消毒，防疫功夫做到足！原來店家是經營了三十年海鮮批發生意的老闆，金漆招牌，出品自然有保險。我們選了每位原價798，現特價399尊貴海鮮餐，海鮮種類已經十分豐富。海鮮全部都十分鮮甜軟彈，尤其膏蟹更是大隻多膏，蒸完後更是爆膏流出。之後吃點蔬菜清一清味蕾，吃過軟綿鮮甜的粥底，十分滿足！臨走前有店員拿著一大個背包進來，細問下原來是剛去取回外賣的蒸鍋，而且還會提供蒸餾水，用蒸餾水蒸海鮮更鮮甜，十分貼心的服務！

💛💛💛黃店 ～ 《蟹仙》海鮮控嘅我忍唔住又去咗蟹仙食啦！呢間蒸海鮮係我食過同類餐廳嚟講算是高質的！可能因為個老細多年做海鮮批發，有一定嘅心得，加上每日親自嚴格挑選最靚嘅蟹同海鮮，咁樣自然更有信心嘅保證啦！我哋今次揀咗$399/位嘅尊貴海鮮套餐！目測嘅海鮮都相當新鮮同肥美的！疫情下店內人流都算係咁，可以坐嘅位置都坐滿的，不過店員都好犀利，可以協助每一枱客人蒸海鮮，全程都好似食緊殘廢餐咁！服務的確值得一讚！而海鮮方面每一樣都好鮮甜，特別係隻奄仔蟹，非常非常之肥美仲爆晒膏tim, 仲有隻龍蝦都好鬼正呀！同樣係爆晒膏的，肉質又夠結實，食落啖啖肉！其次還有大過隻手掌嘅賴尿蝦，仲有人幫你剝埋殼tim, 非常之貼心！其他仲有彈牙爽口嘅鮑魚、扇貝、蠔、蝦、龍躉片、刀貝蚌等海鮮，絕對足夠滿足我呢個海鮮控！尾聲仲有有機雜菜同個粥底！包你一定夠飽！而且餐廳仲送咗一份香脆嘅炸魚皮比我哋係等食時享用！套餐係唔包飲品的！不過我哋叫咗嘅津露烏龍茶都只係$16支，收費算是親民呀！連埋加一都係四百幾蚊就可以食到咁豐富又新鮮嘅蒸海鮮，性價比都相當高呀！下次會再嚟呀！

如果你正在物色好味又新鮮嘅海鮮，建議大家可以去蟹仙大吃一番！佢哋攞到最新鮮嘅貨源，而且老闆係呢一方面有好多年經驗，所以絕對唔使擔心！呢間店仲啱啱成為飲食界雙料冠軍💪🎉《港飲港食2019年度最人氣海鮮》及《港飲港食2019年度最人氣蒸氣火鍋》🎊🎊🎊重量級得奬餐，一共18款食材咁多啊！有齊野生罕有嘅海鮮、各款唔同嘅肉類、健康有機嘅蔬菜籃、滋潤養顏嘅甜品！木瓜雪耳燉官燕飲落去好清甜好補。最後仲有個海鮮粥大家唔好錯過有好豐富嘅芋頭豬油渣同芫荽蔥😍😍😍私心推介😈帝王黃膏肉蟹、澳洲罕有琵琶龍蝦、紐西蘭刀貝蚌！真係諗起都流口水而家仲有4折優惠添！只係$599／位（原價$1498）就可以食哂咁多樣野！唔想出街食？佢哋呢排仲新推出咗外賣海鮮套餐，仲會連埋個家用蒸氣石碢附上架！想知多啲就去佢地個社交平台到查詢吓啦🤗

今日口淡淡想食海鮮大餐，即刻諗起呢間蟹仙，舖頭主要做即蒸海鮮，而且每樣海鮮都夠新鮮，四個人試咗兩個價值$399嘅二人尊貴海鮮餐。第一樣食嘅係越南大虎蝦，嘩！真係好新鮮，啲海水滴晒出嚟，朋友食到眼都唔眨，勁讚新鮮無比！之後再食就係台灣嘅九孔鮑魚，蒸嘅時間大概6至7分鐘，鮑魚嘅肉原隻甩咗出嚟，非常新鮮。之後仲有來自韓國嘅慶南蠔，幾肥美，啖啖肉，蠔味同海水好濃，唔鍾意食蠔嘅朋友未必食得慣。紐西蘭刀背蚌都唔錯，大大隻有咬口彈牙，雪白色嘅肉爽脆。野生琵琶龍蝦係重點，啲蝦膏金黃色，多到爆瀉！有機蔬菜盤五顏六色健康無比，食多啲對個人都有營養😋😋。

好耐之前食過蒸海鮮甚回味，今次來新蒲崗蟹仙嘆海鮮。做足防疫設施，高溫消毒餐具,消毒雙手。這裡的套餐由$250到$900都有。同朋友就選了$400套餐。共有十款食物，包括越 南 大 虎 蝦，台灣 九乳鲍,紐西蘭刀贝日本大元貝，越南蟹 ，瀨尿蝦，澳洲青年龍蝦,，深海 龍 躉 片和有 機蔬菜盤。服務員根據食物易熟度將食物分類再分開蒸，用電子蒸鍋計時蒸食物。先上碟的是大 虎 蝦，肉嫩味鮮。接著再輪流蒸其他食物，好像食法國菜，服務好貼心。每樣海鮮都好鮮味，個人最愛食龍蝦龍躉片。海鮮後，另一驚喜是海鮮粥，加了南瓜，小許海鮮和玉米，好甜。整體來說很滿足的海鮮餐，喜歡這裡食材無激素，新鮮和服務體貼，價錢吸引。

生日飯食蒸海鮮，發現全場人其實都係食生日飯 LOL首先個蒸爐幾特別，蒸上嚟有陣竹香畀啲海鮮圖大家望下鮑魚夠大隻賴尿蝦超級大隻，大到連啲腳仔入面都啖啖肉啲蟹都幾靚仔(´▽｀)海鮮拼盤，隻蠔幾正老闆娘好搞笑，整咗個心心畀我哋 XD但其實最正係最後個粥。食完哂啲海鮮之後，啲海鮮汁滴哂落下面個粥道，所以個粥好香好甜。份量都幾大，結果打包攞走 ٩(˃̶͈̀௰˂̶͈́)و佢有送個燕窩甜品，又冰又甜。唔記得咗要點樣先會送，自己打去問下。

好久無食海鮮，一般海鮮系餐廳都食到,但蒸海鮮就比較特別，所以來新蒲崗蟹仙品海鮮。服務員好細心，幫我地所有餐具鍋全部一件不留全消毒。除了食得安心外，還有食得健康，這裡的海鮮是進口，沒有激素。甘我地就叫了兩個$399套餐包括蠔，日本大元貝，越南蟹 ，瀨尿蝦，澳洲青年龍蝦,台灣 九乳鲍，越 南 大 虎 蝦,深海 龍 躉 片,紐西蘭刀贝和有 機蔬菜盤。食海鮮，最重要新鮮，這裡的食材的確讓我體驗了鮮味，朋友連蒸海鮮的汁也不放過，的確鮮甜，令人回味。朋友最愛食蟹，膏香肉嫩，而龍蝦肉更是厚甜，肉汁鮮甜。而我自己就愛龍 躉 片，甚滑嫩，厚度剛好，口感甚佳。另外也很吃元貝和九乳鮑魚，元貝大大只，鮑魚肉質细嫩。最後到品嚐有海鮮精華的粥啦，餐廳幫我們落了菜蒲，粥除了🈶海鮮外還有南瓜玉米🌽，所以真的好鮮甜。好感恩今晚能品嚐到這麼鮮，美味的海鮮餐，好滿足。