蜜庵本膳 (已結業)

星期五 7點幾時間，都幾full, 侍應比左個餐牌我地，話pancake 無士多啤梨，改用芒果or 水蜜桃🍑。落order 同佢講左要個pancake,話後上。點左個豚双味丼$138正正常常 有碟咖哩汁，但d 豚肉偏”銀”難咬！再叫左個甘辛手羽大根，得2隻雞翼仲有d 血水，要$58! 友人唔太舒服，林住佢未整個pancake 想cancel ,侍應話唔得，話師傅已經整緊！但我心想我都未叫佢整，仲話無得cancel🤔😨咁算照要左佢，開心果水蜜桃米粉班㦸$138，🤔味道其實同麵粉果隻叉不多,都係一般！最後食完埋單都要近$400 ！性價比不高！無下次

Lunch set 自選定食揀咗最豐富嘅自選三主菜定食($128)主菜分別有冷盤、鍋物&燒/炸物可揀健康嘅十穀飯另外仲有餐湯、沙律&雪糕 ⠀我叫咗：🌱香煎胡麻豆腐蓉拌菠菜 清淡健康🐥味噌豆乳煮雞 肉質滑嫩🐟鹽燒鯖魚 嫩滑香口⠀老公叫咗：🍆七味田舍煮茄子 咬落juicy唔會咸🐷西京赤豚汁 豬肉脂肪位算多 🐃塩燒安格斯肉眼 燒到岩岩好 唔會老 但較薄身⠀🍋黑糖雙檸酎高第一次飲黑糖味嘅酒 加上檸檬好fresh⠀🥭愛文芒沙冰新鮮嘅愛文芒味✨十分足料好清甜💛⠀🍦美人軟雪糕里度嘅雪糕無添加奶同豆 成份採用日本豆乳、甘酒(無酒精)、大米等自家製成 入口香滑 濃濃嘅豆乳味及米香 重點係低卡路里又養顏✨🍦提拉米蘇芭菲鴛鴦飲得多, 鴛鴦雪糕第一次見- 京茶咖啡軟雪糕係將咖啡溝焙茶 加上朗姆酒餅、朱古力醬、咖啡寒天等。比平時焙茶苦少少, 不過入口香滑, 幾特別

難得放假帶埋女女一齊黎個約會先，帶女女去完跳舞記黎到呢間日式餐廳醫下肚仔先！一個定食已經包括左好多款菜色，我同女女share食所以叫左三小菜$128仲有前菜、湯及甜品架！十分豐富的定食，雖然每碟小小的，但份量一點都唔少，足夠我同女女食到飽飽！冷盤：七味田舍煮茄子茄子夠淋，茄子心入哂醬汁的味道，味不會太咸十分惹味！主菜：柚子風味雞燒這燒雞雞皮脆卜卜超香口，雞肉肉質嫩滑多汁！一小份但好足料鍋物主菜：廣島蠔海鮮味噌鍋鍋物有蝦、蠔、青口、三文魚蠔又鮮又肥美唔會腥蝦大大隻爽口彈牙三文魚大大舊又舊身，整碎小小撈埋飯一齊食，女女最愛！水蜜桃班戟$138食完正餐緊係食甜品，今期係水蜜桃水蜜桃又甜又多汁又夠淋超正班戟面上的忌廉帶點芝士香味，加埋班戟一起食好夾，忌廉唔會太甜，甜度剛剛好，班戟鬆軟熱辣辣食超好食！

朋友約出來chill 番晚，五個人到了尖沙啞赫德道的蜜庵本膳。店子唔算大，但環境和氣氛都好chill 下。有時，我哋都會覺得我哋啲聲浪太大，影響到其他人添。今晚叫咗五個主菜和兩個pancake 一齊share。和王牛漢堡丼免治和牛高質，弄成一個窩蛋牛飯，絕對level 當堂高晒。炸三文魚柳伴芝士菠菜汁炸魚肉質仍保持到嫩口，不過好少見會配菠菜的，有點不習慣。炸三文魚烏冬這個三文魚跟上一個差唔多。個烏冬係無湯的，綠色的係菜汁，幾健康。醬油豚烏冬初初以為啲豚肉會好肥，之後食落又唔多覺，仲幾好味添。朱古力香橙 pancake、茶茶蜜pancake份量大，五個人去分絕對夠分。香橙汁好有橙，至於茶茶蜜就沒有驚喜。

Tastes: 4 /5Service: 4 /5Environment: 4 /5一日之計在於晨 但難得放假當然想訓耐少少 每次起身都係訓到晏一晏 成日就咁skip咗個good morning 真係好可惜 咁就同McDonald既醒晨早餐無緣啦 一直都好鐘情於熱香餅 經過尖沙咀 原來先發現有pancake專門店 完全啱哂我呢啲又想食好西又唔想早爬起身既懶蟲 因為佢夜晚都可以食到pancake架！原來呢間pancake店既pancake款式都幾多 淨睇menu都睇到我花多眼亂 有選擇困難症既我點指乒乓咁指咗一個黎order 其中最值得推介既係煎蛋pancake 個分量都幾足夠 而且飽肚十足 唔會有太膩或過甜嘅情況岀現 甜度適中亦滿足咗我又想食morning蛋同pancake既願望！

午餐時間經過呢間餐廳，見到幾多人食，坐滿晒咁，已經食過午餐所以決定下午茶再嚟試吓。下午茶時間冇咩人食，行入去就有位坐，其實靜靜地幾舒服。下午茶餐牌幾吸引，淨係睇個菜名已經覺得唔簡單同好好食。餐廳環境好日系又簡約。連茶都特別過人，咁特別都只係$32！我哋叫兩份下午茶：豆乳枝豆豚肉冷烏冬柚子合鴨冷蕎麥麵下午茶跟日本玄米煎茶一杯。先黎柚子合鴨冷蕎麥麵👇🏻賣相好得👍🏻超精緻！😍靚到以為自己去咗高級餐廳食日本菜。柚子味好清新好好味，最岩夏天食！好食到停唔到，鴨胸肉又夠滑！不過份量得好少，一人食得個兩啖就冇晒lu。再黎豆乳枝豆豚肉冷烏冬👇🏻賣相一樣咁靚😍食完柚子味先食佢會覺得佢清淡咗啲，同埋個汁唔夠凍，只係室溫咁，食落好古怪，會扣左分。豚肉都好食既，有調過味。其實都好味，不過有比較之下柚子味個碟好食好多。起碼夠凍先！份量一樣咁細碟。食完兩碟好好味嘅蕎麥面同埋烏冬，到喉唔到肺咁，一於叫多個甜品食下。我哋叫咗個番石榴愛芒雪葩👇🏻$58佢聲稱呢個係自家製嘅雪葩，好香甜，真係食得到番石榴同芒果味！下面仲有幾粒綠茶同紅豆啫喱。又係細細杯。一間好食，食物好精緻，但係食唔飽嘅餐廳。收我呢個價錢，係有啲高級嘅。不

好耐冇同Jamie寶寶見面終於有個藉口出來girls talk 😆呢間日本甜品除左Pancake出色外飯餐一點唔弱😋約朋友食飯又多個口袋名單🍡講一講野食先～我揀左1. 愛文芒果🥭黑魔法$138水果會跟據當時產季而改變鬆餅層層鬆軟，香烤的氣味好吸引再淋上朱古力醬同Moss 朱古力口感double up ⬆️伴碟由大菜頭同粒粒超甜芒組成食完好想再encore 💓2. 和王牛漢堡丼$158冇諗過甜品的望餐一樣咁高質漢堡由A5和牛自家打製而成雙面煎煮大概至七成熟上面的流心蛋先由醬汁浸泡而製淡淡咸香，唔使額外加調味已經好夠味3. 黑毛豬鞍$138份量比我想像中多，豬鞍預先已調味，唔夠可以再點附上的玫瑰鹽啊～加$48 可配茶漬飯食完飯上完個自定製的雪葩就prefect池～我揀左柚子味🍊味道非常香濃，食飽飯仲有少少解膩既感覺環境走小清新風，聊天超合適店面開到十點喔*1430後才有PANCAKE，LUNCH不供應*以下menu

假日就係要Hea 於是去左一間人氣幾高下既日式餐廳 木系既格間令人感覺到好relax 正正適合長期放空既小編🤩好拉好拉 咁野食又如何呢？ 米粉既pancake 質感果然比一般既唔同 實淨d之餘 口感更滑身 蛋香味突出d 每款既pancake 都別有用心 雞腿肉食落去老身 鹹既雞腿肉配充滿甜度既糖漿pancake 有點格格不入但值得加分就係呢個調整一下膩度既檸檬🍋 感覺好清新小編喜歡鹹既pancake benedict 既蛋 係原隻上！完全冇同圖不符 收貨呀 蛋汁滿瀉pancake 而pancake 係鹹 一層煙肉一層pancake 兩者好match ah店員特意推介既愛芒芝士 小編亦覺得可以推介比大家 芒果十分鮮甜 加上毫不吝嗇既芝士奶蓋 小編食既每一塊都係幸福 超開心🥳

今日去尖沙咀同朋友食tea，平日下午時間唔算好多人，餐廳都坐得舒服，店員仲好有禮貌。Tea time 仲有下午茶餐，價錢都幾抵食！我哋叫咗一個雙白肉餡蜜（$58）賣相非常之靚，日本果子甜品😍而且有我最鍾意食嘅丸子🍡咬落去煙煙韌韌，白色嘅係原味，綠色嘅係艾草味，幾好食；仲有紅豆寒天、抹茶水羊羹、白玉子抹茶豆蓉及紅豆蓉😗食呢啲丸子類嘅甜品我最鍾意就係加埋紅豆蓉，而且佢仲有黑糖漿，加埋落去成個甜品真係正！☺️Pancake叫咗日本水蜜桃配開心果醬（$138）🥞🍑水蜜桃好甜咬落去非常之多桃汁，pancake係日本米粉漿整成，食落去幾香，而且配埋上面啲開心果醬清得黎唔會太甜。飲品叫咗焙茶甘酒Latte☕️（$48）焙茶味幾香，面上仲有焙茶粉，味道剛好！愛文芒沙冰（$48）夏天飲就啱曬，芒果🥭鮮甜，不錯。食完甜品心情都靚哂😂

食物 : 海膽和風卡邦尼烏冬賣相 : 8.5/10 ，日本嘢賣相一流，果然冇令我失望味道 : 8/10 ，海膽幾新鮮，略嫌個卡邦尼醬略微唔夠多環境 : 7/10 價錢 : hkd 180/ 人性價比 : 8/10

週末食好啲，朋友一直想吃這裡的班戟，不過要3：00pm 後才有，有點失望。既然來到，便試它的午餐。價錢豐儉由人，既然來到，便吃齊前菜主食甜品吧 ($128)選了海葡萄海藻沙律，味噌豆乳煮鷄， 鹽燒鯖魚和十榖米。(包麵豉湯，蓮藕，沙律菜）很少地方有海葡萄，細細粒食落沒什麼特別；鷄較淡，不太覺有豆乳味，一般🙄但鯖魚煎得恰到好處，皮香脆而肉不會太乾身，可encore👍👍半價配咖啡 (加$19），不會太甜，中規中矩，不錯。但跟餐的甜品 (是日冰茶咖啡雪糕）則令人失望，過甜而沒咖啡味。 (朋友不太喝咖啡則覺得尚可，有少許咖啡味）不滿足於定食甜品，見隔離枱的蜜桃雪葩吸精，決定點多一客，但我們選了晴王提子梅酒雪葩。雪葩有淡淡清香的梅酒，作飯後甜品蠻不錯(但晴王提子呢？），看來今天我不宜點菜。。。。樓底高，光猛令食客坐得舒服，雖然食物各一般，但也與朋友吃了一頓輕鬆的週末午餐。

好鐘意食日式班戟，今次就來到位於尖沙咀的蜜庵本膳，裝修以木為主，落地玻璃窗加簡約風格。黑糖雙檸梳打 $42攪拌後享用，梳打有氣飲幾舒服，甜甜地再點酸味。日本完熟梅沙冰 $48好濃郁的完熟梅味道，沙冰幼滑，酸酸的好適合夏日。海膽卡邦尼烏冬 $168西式卡邦尼醬汁加入日式烏冬，有鮮甜的海膽，西式的厚煙肉。將全部拌勻後，烏冬好軟身，每口吸收卡邦尼醬汁，這個fusion頗特別。Pancake除了甜食，還有咸食。班戟採用米粉代替小麥粉，不含麩質，體質敏感嘅人都可以放心享用。唐揚雞腿肉班戟 $128炸雞放在細圓的Pancake，賣相好吸引。炸雞腿肉是外脆內嫩滑，好juicy~米粉班戟的質感比一般較煙韌，鬆軟當中帶少少彈牙，加少少楓糖漿一流。店員介紹時令水果是愛文芒，所以我們點了 愛芒開心 $138，鮮豔的愛文芒包圍6塊班戟，而班戟也疊得高高的，上面有開心果忌廉。班戟一樣是鬆軟帶點煙韌，忌廉是濃郁開心果香味，而且質感好幼滑，芒果也好甜美。

這店的自選三主菜定食吸引了我與友人的到訪 可惜 原來只限午市 晚市到來沒有餐點 只好鹹甜各一 與友人分享就選了一個只能在晚市享用的《和王牛漢堡丼》分了三層 頂層為一金黃完整的蛋黃 十分喜愛蛋汁拌飯 加分 中層的和牛肉 不是漢堡排 是好香的牛肉味 口感不錯 下層的飯粒粒分明 吃不出紅色的是甚麼味道😂整體不錯甜品就選了《草莓黑魔法》可是草莓🍓賣完了 變成芒果🥭這個是米餅做成的班戟 但是甚麼味道也沒有 只有朱古力醬的味道 挺失望 幸好芒果是甜的當中要說一下 這裏有多位店務員 但都好像在發白一夢一樣 一點也不忙 但要一杯水也很久拿不到 應該忘了 再找同一位職員拿水 他完全沒有反應😅其他的也是問甚麼都不知道

蜜庵本膳Mitsuan Honzen ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ 自選三主菜定食十穀飯 +香煎胡麻豆腐蓉配菠菜+蟹肉忌廉薯餅+季節野菜鍋 $128十穀飯+若鳥南蛮洂+塩燒安格斯肉眼扒 +季節野菜鍋$128 好清啊🤣 無咩油同調味 。三主菜好多選擇！季節野菜鍋好多菇同南爪 ☺️ 蟹肉忌廉薯餅質感做得很好 薯仔肉和忌廉完美混合了 加左蟹肉多左份鮮味❤️ 肉眼扒就硬左d 同唔夠熱。整體上咩都有d 咁 唔會悶 🥰抹茶甘拿鐵$48培茶甘拿鐵$48抹茶和培茶的味道都很濃 又帶咖啡香。特別是兩杯的甘味都好突出 有點苦澀的味道 抹茶較甜 個人比較喜歡培茶個杯🐷跟餐甜品 美人雪糕酒味的雪糕 是餐廳的招牌甜品！果然很清香又完全唔甜 😌 📍尖沙咀赫德道8號地下A號舖

位於尖沙咀的蜜庵本膳 ，是一間主打米粉班戟的餐廳。曾經跟朋友光顧過一次，覺得菜式合胃囗，味道質素不俗，環境氣氛也不錯，是日便帶媽媽一同品嚐啦。餐廳裝修走簡約的無印風格，八時多已經坐滿客人，較早前光顧時更受大家歡迎，建議大家早點到達啦。班尼迪蛋風煙肉蛋 $118班尼迪蛋風味的班戟，賣相造型好特別唷。煎太陽蛋配煙肉，頓時有吃早餐的感覺呢。太陽蛋煎得不錯，邊位微焦，由於是採用日本蛋，蛋黃色偏橙，且特別濃香，煙肉硬脆，煙靭味淡的米班戟沾上蛋液和蛋黃醬，整體味道很平衡哦。和 (抹茶米粉班戟) $98餐廳主打米粉班戟，採用上盛日本米磨成粉，混入雞蛋和北海道粟米粉，法國Echire發酵牛油製成，囗感和味道上跟一般餐廳吃到的不一樣哦，質感偏輕形幼軟，吃多也不會膩。撒上微苦的抹茶粉，使班戟多一份成熟感，淋上沖縄黑糖蜜和配上日產紅豆蓉，味道層次更加豐富唷。愛文芒果沙冰 $48雖命名為沙冰，但這杯根本是果汁吧! 啖啖濃稠濃厚濃郁的愛文芒果香，非常足料美味哦。日本梅黑糖蘇打 $42想喝點微酸微甜的輕形飲料，這杯日本梅黑糖也屬不錯的選擇哦。