蜜庵本膳 (已結業)

早前睇到朋友分享嘅相片，已經好想嚟食，呢日趁男朋友唔洗加班，我就捉咗佢嚟陪我試試🥰店內裝修走日系風格，木枱木櫈，簡約樸素，感覺悠閒舒適。餐廳除咗甜食Pancake外，仲有咸食pancake，更有丼飯，烏冬等，飲品有花茶，咖啡，梳打，連酒類都有；選擇都幾多。班戟係呢到嘅主打食品，即叫即做，標榜用日本米粉/蛋/粟米粉，法國牛油而製。👉🏻唐揚雞腿肉班戟 $128唐揚雞腿肉炸得外脆內嫩，肉質juicy滑溜，而且已索好油表面乾身，唔會出現多餘油份。隨碟附上兩種醬料，分別係他他醬同黎自加拿大既有機楓樹糖漿，兩款都好好味。班戟細細塊，少少厚身，造形小巧可愛，食落蛋味香濃突出，呢到既班戟唔係用一般麵粉製成，而係用日本米磨成粉再做，食落口感更鬆軟，感覺輕盈，完全不覺膩滯。👉🏻鮮果開心班戟 $138賣相精美，造形有心思👍🏻面層既開心果忌廉，濃郁香滑，用上意大利西西里島直送既開心果醬製成；用上季節水果配襯，是日既季節水果係桃😋桃肉果味香濃，好多汁，好清甜！👉🏻玫瑰之吻 $32由有機阿薩姆黑茶，法國玫瑰，日本胡椒薄荷調製而成。花茶清香，味道天然，令人好relax。

我跟朋友在附近吃完晚飯，一時興起想找些日式甜品來吃，剛好前幾天在網上看過介紹這裡的pancake，所以特地到這裡試一試。餐牌裡甜品的選擇實在太多，而且每個都看起來很精彩，我們選了很久才叫了一個美人甘酒芭菲和可可香橙pancake。先來了美人甘酒芭菲，我們很期待，因為沒喝過甘酒，但聽起來好像超吸引，把我最愛的豆乳加進去弄成雪糕，應該很美味吧！但最後出事了😅。甘酒的味道真的挺奇特，我不懂得描述，總之是沒嚐過的味道，但我一點也不喜歡。再加上幾顆艾草團子和薑蜜蕃薯，整個芭菲富日式風味，不過我就...適應不了。對不起，可能這個芭菲是做得好，但純粹完全不合我口味，所以我不予置評。不過，值得一讚，這個雪糕口感很軟滑，但融化得極快。接著是期待已久，亦是這裡很出名的米pancake。果然招牌菜式的素質有保證。香橙和朱古力配起來非常合得來，米粉pancake 比一般麵粉pancake多了一陣淡淡的米香，口感也比較Q彈，吃下去後感覺較輕量。真的大推薦這道甜品!!

去K11的途中經過呢間餐廳，覺得個名幾得意，感覺店入面環境都幾舒服，好有日式小餐館嘅感覺，所以入左去試下❤️.餐廳入面提供食物種類都幾多，甜食、咸食、酒類飲品都有，因為未食晚飯嘅關係，我同朋友揀左一個主食share，然後再一人叫左一個甜品.主食: 和王牛漢堡丼漢堡扒係用熊本產100%A5和王牛去整，肉味好香濃，咬落去有肉汁流出面頭擺左一隻日本蛋黃醬油漬，配合個飯同漢堡扒一齊食，味道更加豐富.甜品 1) 水蜜桃開心 🥞餐廳會因應季節提供唔同嘅水果，今次我去就係食桃嘅季節❤️鍾意食開心果嘅人一定要試呢個，因為pancakes上面嘅開心果忌廉好香好好食，而且，開心果本身味道淡啲，好配合餐廳用日本米粉整成無咁甜嘅pancakes 👍🏻甜品 2) 提子美人芭菲呢個係期間限定Menu嘅甜品，香印提子份量好多，粒粒都好大粒，真材實料。雪糕係無奶、無蛋成份嘅全素甘酒美人雪糕，食落有種淡淡嘅麥味，幾好。.飲品: 香蕉甘酒甘酒其實係無酒精成份，係一種植物性乳酸菌，有vitamin B group 等等嘅營養。呢杯香蕉甘酒飲落有啲似香蕉奶昔，淡淡地。.整體黎講，餐廳食物味道好，收費合理，值得再黎！

甘多餐生日飯中最滿意既一餐 值得推存本來衝著佢嘅Pancake 而來但後來發覺主菜亦不遑多讓點了漢堡丼同海膽卡邦尼烏冬海膽鮮甜 烏冬掛汁後滑一滑小店嚟講 實屬超班之作記住只限晚市至有供應友人意猶未盡仍想追加但被我勸下來 因為一定要留肚試由日本米磨成嘅米粉做嘅班戟再加埋個pat開心果漿 好食到讓人懷疑人生 友人似乎對香印芭菲情有獨鐘甘酒美人全素軟雪糕確係獨特嘅我不禁再追加埋京茶咖啡軟雪糕聽落荒腔走板但溝埋便成了絕配總會有人挑機未又係普通料云云但不泄爭辯 反正我覺得好就是了執筆之際一直不住在吞口水看來好快我又要再去了

同朋友相約係尖沙咀晚餐🥣 經過赫德道 被一間木系簡約既和風餐廳吸引住😬餐廳地方唔太大 但環境好寧靜舒服😌 有小木枱 亦有牆邊位 即使一個人食都唔怕尷尬蜜庵本膳用日本新鮮健康食材 我地去到正好係晚市時間 揭起餐牌有小食 特式飲品 主食 甜品 主食有烏冬 丼飯 茶漬飯等 仲有素食選擇 講到甜品 有雪糕 芭菲 同店家招牌主打既米粉班戟🥞海膽和風卡邦尼鳥冬烏冬擺盤賣相好靚 卡邦尼意粉就食得多 配烏冬都係第一次 大約6片既鮮海膽 入口肥美鮮甜 煙肉並唔係平時食開薄薄既煙肉片 而係厚切既煙肉 煙肉煎得金黃唔乾 好似日本既叉燒咁 肥瘦比例各半 手打烏冬質感Q彈煙韌 配埋濃郁creamy既卡邦尼醬汁 真係好好味🤤鮮果芝士班戟🥞班戟絕對係哩度既招牌甜點🍮 都算有幾款選擇 而我就簡咗鮮果芝士 鮮果就係時令水果 今期水果就係 我大愛既日本桃🍑🍑 配埋自家製芝士忌廉 件事相當一致 味道岩岩好唔會話太飽 日本桃好甜 有汁 忌廉有奶蓋感 芝士係微咸 班戟係用日本米粉代替 其實同平日食既銅鑼燒有點似 不過口感就更鬆軟😚👍🏻

今次嚟到一間幾出名嘅甜品店，好似都開咗有一年！不過今次都係第一次去食！裏面裝修格局比較木係，清新一點，所以見到裏面嘅客人都係女性為主，當然都有啲係陪女朋友或者同朋友幾位一齊過嚟。餐牌選擇都好多，可以慢慢選擇，連熱食都有，不過我哋當日食咗飯先過嚟，所以就直接揀甜品啦！蜜瓜美人芭菲台灣茉莉茶寒天×意大利香檸啫喱×日本哈密瓜 $108我哋鍾意食蜜瓜，揀呢個一啲都唔意外。裏面嗰個雪糕味道好得意，同平時食嘅唔同，仲有裏面酸酸甜甜又爽口嘅嘢，好開胃。隔離仲印着香港加油，估唔到店長都幾有心思！可可香橙$118蜜煮香橙，濃郁可可醬，海鹽吉士醬呢個係超級鬆化版嘅鬆餅，好似空氣咁，口感好滑近乎入口即溶，個橙味好突出，而且鮮味十足，係新鮮嘅橙鄉唔係假嘅橙味。配搭埋可可醬及吉士醬，又真係幾清新幾match。見到呢度竟然有得飲咖啡蘇打，就試一試,因為孤陋寡聞平時都冇見過呢類型飲品。咖啡蘇打$40咖啡嘅甘香味道完全突出晒，如果鍾意飲咖啡嘅應該都幾啱飲，但係平時冇乜點飲開咖啡可能就會覺得味道比較濃郁啦！

經過呢間鋪頭好幾次，但都冇機會入去食，今次終於到圓夢，試一試呢間日式小清新風格嘅餐廳。一入到去就比佢哋裝修吸引着，餐廳走簡約路線，和式調既牆身同埋簡約嘅木製餐桌，令到我一入餐廳就感覺好舒服好放鬆。普羅旺斯海鮮烏冬坦白講，我自己個人就唔係好鍾意食蕃茄汁嘅粉麵類，因為曾經食過幾間餐廳煮得好難食🥺但係因為同行嘅朋友揀咗呢個烏冬，所以我都有機會試吓。烏冬入面有6隻大青口同埋兩片厚切煎焗三文魚。三文魚好嫩滑，餐廳採用左日本讚岐烏冬，烏冬本身好彈牙，配埋普羅旺斯番茄醬，好開胃🤤和王牛漢堡咖喱pancake話晒餐廳都係主打pancake，所以我就揀咗其中一款平時出面唔係成日食到嘅咖喱pancake。pancake碟上面既佈置別出心裁，未放入口已經有視覺上嘅享受。一共有六件pancake，上面再有一塊和牛漢堡同埋一片菠蘿乾。周圍再放左幾粒蕃茄同埋番薯脆片，再係pancake上淋左濃郁咖哩汁，店員一端上嘅時候就已經香氣撲鼻🤩pancake口感軟綿綿，雖然唔係梳乎厘pancake，但都絕對唔會又薄又硬，一次過疊高三層熱辣辣咁樣食真係大滿足🤤其實餐廳仲有啲特別菜式同埋甜品，係為咗慶祝餐廳一周年設計嘅，淨係睇

久仰大名既蜜庵本膳，被佢既清新主食餐單同鮮果甜品所吸引，今日終於可以同友人黎仲好好彩咁有張四人台。首先黎個廣島蠔橄欖油漬，超級鮮味！好本身好新鮮，簡單調味已經味道一流，不過價錢就小貴啦。和牛漢堡丼聽落好似好普通，細細碟咁，但係食得出主廚落左唔少心思，上面晶瑩剔透既蛋王醬油漬，由紅酒、紅菜頭同其他鮮果煮成既醬汁，同埋塊牛，都煮得好好食。最後當然就係我最期待既甜品：原隻日本蜜桃米麴甘酒雪芭！第一口食落去既時後有啲錯覺以為落左椰子汁，味道好清甜，原來係蜜桃同米麴甘酒混合既味道，好食到成個蜜桃食曬！

黎到尖沙咀，咁岩係附近剪完頭髮，見到間餐廳名幾特別，就咁睇會直覺覺得係甜品店，但原來係主打洋式和風料理，有正餐都有甜品既。餐廳環境以木色為主，坐落都幾舒服。唔只有主菜有甜品，另外仲有多款小食。班戟有咸有甜，咸班戟個人比較少見，見到有炸雞，和牛漢堡咖哩，煙肉蛋等配搭好新鮮。和牛漢堡飯，和牛漢堡好入味，有肉汁又充滿牛香，飯粒用上珍珠咪，仲有醬汁撈好，好滋味。可可香橙米粉班戟，班戟口感並唔係空氣感既個款，大小同口感都較似豆沙餅，較實在。班戟內仲夾住幾片香橙，橙味香濃。面層有可可粉同朱古力醬，朱古力醬既份量剛好，唔會太甜，朋友中意食佢味道較為清新，而我中意甜既就覺得可以再甜少少。整體份量偏細，建議一人點一個主菜，再加個甜品就岩哂啦。

路過尖沙咀，行行下，好奇地走入一間Cafe, 首先，個氣氛好warm，但同時整體環境黎講有啲逼，身旁食客講野聽得一清二楚。見到餐牌選擇豐富，一個海膽和風卡邦尼烏冬（$168），覺得咪道同質感都有改善既空間，因為過傑身同味淡既關係，令烏冬留係個口度gel住，如果烏冬爽身啲同減少傑身會好啲。呢間食甜品會比較適合。

今日去咗尖沙咀行街買野，行到有小小肚餓，就去咗朋友介紹過既「蜜庵本膳」，去到門口見到好多人坐到滿，見得閒就坐低等位，等咗大約五分鐘就有位，店內裝修美觀乾淨企理，冷氣足夠夠涼快，牆上還有很多圖畫，店員還穿上很有特色的服裝，很可愛啱曬一家大細來吃甜品，餐牌都有很多選擇，還帶有各種菜式的圖片，𡃁到不用吃都覺得很好味，最後決定點了海膽卡邦尼烏冬和普羅旺斯海鮮烏冬，我兩朋友很喜歡吃烏冬，急不及待就吃了，唔洗講都知道有幾正。

從尖沙咀繁忙的街道走去打開門進入一個舒服的空間粉色、木系、高樓底與餐廳的名字「蜜庵本膳」很匹配 既然餐廳主打pancake便先說她的米粉班戟吧原味最能吃得出本身的味道比街外的厚pancake簿但不失煙韌、清新 甜薯三文魚沙律剛炙燒好的三文魚片日本金時甜薯爽口的沙律配上沙律醋汁清新開胃豚双昧比想像中的分量多双是炸豚肉和味噌汁豚肉鮮炸的豬扒足足五塊，外脆內軟香軟的豚肉吸收了味噌的味道想要下次帶閨密來，一定是個好地方

尖沙咀後街開設了不少食店，「蜜庵本膳」以文青風格配上日式名字，為年輕人所喜愛。晚餐款式不多，飯類、烏冬及燒物類不出十款，甜品款式則較多，滿足大部分女生的愛好。晚餐過後，我們去店鋪吃宵夜。點了一個Pancake 兩份雪糕。可可香橙Pancake店內主打Pancake均以米粉代替麵粉製作，米香較重，味道清新自然。加上可可香橙，入口甘甜，配搭反而更顯出色。蜜瓜美人芭菲以日本蜜瓜作主打，瓜肉超甜多汁，配上香滑雪糕，柔順中帶滑溜感，整體好味。咖啡雪糕最後的咖啡雪糕，咖啡香而不甜，同樣幼細香滑，唯獨較易溶，要盡快享用。

少有的簡約系日式pancake店簡單的木凳、木枱拼湊, 牆上的幾幅畫再配搭枱上幾盞簡約風枱燈簡單的配襯帶來心靈上的平和, 難得亂世中的寧靜無論是朋友間的相聚，或是工餘時的歇息，都是心靈洗滌的好地方美味之旅，亦由一客海鮮烏冬作起始其三文魚之厚, 外層之脆, 入口肉滑的質感； 藍青口的鮮甜肥美，以自家製茄醬作伴，不但令海鮮有著多一重的美味，醬汁剛好掛上每一條的烏冬，更令烏冬也不會失色鮮美的海鮮前旅程雖好，但也要一點小驚喜才令生活變得有趣這刻的驚喜便由一杯山楂梳打帶來山楂的酸配上梳打的甜，剛好的調和，正如生活中也有苦和甜的調適但最為驚喜是山楂的香，攪拌時散發的山楂香，入口更為香濃，令人不禁覺得驚喜帶有特色天然的味道真好班戟，不只是甜，也有咸的選擇。喜歡嚐甜的我也愛上了班戟的鬆軟，鬆軟得像為舌頭蓋上一張柔軟的被子抹茶的濃郁、黑糖的香甜再加上粒粒紅豆，增添班戟的特色，令日系主題更為出眾日式簡約設計的店舖，寧靜舒適的環境，美味用心的佳餚，每一處都來得恰好，恰好得心情愉悅會再來嗎？當然！

呢間cafe小店係酒吧附近，同朋友想食甜品就黎到呢到試下啦，入面好chill叫左杯午夜伯爵，飲落小小苦帶點甘，一路食甜品一路飲就好岩解油膩。朋友就叫左杯培茶甘酒拉鐵，飲落好重茶味而甘酒就無甘重味，所以唔會太甜，隻味都好特別。另外叫左個京茶咖啡雪糕，食落好重京茶味，配埋咖啡一流，大大杯好抵食。最後叫左個橙味既pancake,黎到個陣見到佢有塊香港加油既細pancake係到，好窩心，好難得有甘有良心既店！ 個pancake細細塊，好岩女士食，唔會太飽太濟！好有香橙既味道，pancake都好軟又唔會太甜！