蜜庵本膳 (已結業)

久仰大名既蜜庵本膳，被佢既清新主食餐單同鮮果甜品所吸引，今日終於可以同友人黎仲好好彩咁有張四人台。首先黎個廣島蠔橄欖油漬，超級鮮味！好本身好新鮮，簡單調味已經味道一流，不過價錢就小貴啦。和牛漢堡丼聽落好似好普通，細細碟咁，但係食得出主廚落左唔少心思，上面晶瑩剔透既蛋王醬油漬，由紅酒、紅菜頭同其他鮮果煮成既醬汁，同埋塊牛，都煮得好好食。最後當然就係我最期待既甜品：原隻日本蜜桃米麴甘酒雪芭！第一口食落去既時後有啲錯覺以為落左椰子汁，味道好清甜，原來係蜜桃同米麴甘酒混合既味道，好食到成個蜜桃食曬！