蛇王芬

营业中

休息中

秋風起當然要食蛇羹，今次嚟到中西區試吓百年老店蛇王芬。香港地而家老字號真係買少見少，有得食嘅時候真係要試吓，唔好冇咗嘅時候先嚟懷愐呀🙈一入到店內就感受到滿滿嘅懷舊氣息，好鐘意呢種老香港情懷❤️招牌蛇羹($140)蛇羹有滿滿蛇肉，配料有冬菇、木耳、雞肉等等，加埋薄脆、檸檬絲食好清爽，唔同材料夾埋口感豐富，食落甜甜地，好可口👍🏻👍🏻雙併燒味飯($70)揀左叉燒、油雞，叉燒肉唔乾，油雞食落唔錯唔會鞋，點埋蔥油撈飯食👍🏻👍🏻腐乳蒜蓉椒絲炒油麥菜($85)食太多肉叫咗個菜食，腐乳味唔算太出，但整體炒得有鑊氣，加埋薑絲炒好香😋好食～西檸煎軟雞($140)驚艷！喺出面食過太多唔好食嘅西檸雞，呢度嘅西檸雞十分出色！雞炸得好香脆，檸汁酸甜適中，食唔停口😍黑糖三棗桂圓薑母茶($28)係副線四季芬芳嘅出品，啱晒女士飲，滋潤夠補🤭

秋風起同事約我食蛇，去了中環閣麟街30號地舖~蛇王芬，港鐵香港站E1出口，步行約6至7分鐘，交通很方便。店內裝飾很懷舊，清潔整齊，木枱和木椅帶有舊香港情懷，牆上掛著很久前舖內和舖外情景的照相，還掛著多個竹牌，上面寫著多款老火湯名稱，回憶起兒時飯桌上的味道。這間老店不單是蛇羹出名，原來也是間粵菜館，款式很多，懷舊老火燉湯、時令煲仔飯、撚手小菜、粥粉麵飯、明爐燒烤、真是應有盡有，店員禮貌招待，令客人稱心滿意。太史五蛇羹$140蛇羹內材料豐富，蛇肉絲淋甜軟滑，還有雞絲、鮑魚絲、花膠、冬菇絲、木耳絲、薑絲、少不免薄脆和檸檬葉絲，入口不糊，很鮮甜夠味，出名蛇羹老店，絕不是虛有其名。臘味糯米飯$150生炒糯米飯粒粒晶瑩，香口軟糯，調味極佳。香噴噴的臘腸和潤腸，皮脆肉香而多汁，不覺肥膩一口接一口，要添多幾羹，好食。乾炒牛河$80上枱時熱騰騰，小心燙咀，炒得非常夠鑊氣，河粉油滑爽口，條條沾染上醬汁但乾身。牛肉香濃惹味，肉質又嫩又淋，加上銀芽、蔥段、韮王，提升河粉味道推至極佳，好味。香草果皮綠豆沙$35入口感到濃濃的香草果皮味，火喉十足，煲到綠豆很綿很沙，啖啖都覺很潤喉舒暢，懷舊甜品為這餐添上完滿的句號

入秋涼涼地就可以食蛇滋補一下，蛇王芬係食蛇羹嘅老字號。除咗蛇羹，仲有燉湯、煲仔飯都相當出名，而且仲有多款碟頭飯及小菜可供選擇。晚市仲有多款套餐可以揀。餐廳裝修有舊式傳統風味，非常有老字號嘅氣派！坐低睇餐牌我哋就決定咗散叫。▶️ 蛇羹一碗$140嚟呢度當然要叫返碗蛇羹。入邊好多蛇肉，仲有爽脆嘅木耳絲，上面仲有炸脆脆。加埋胡椒粉食，好暖胃滋補，秋冬真係好適合！▶️ 蜜瓜瑤柱燉螺頭$120老闆話呢度嘅湯係燉好多個鐘，所以原汁原味，相當足料！燉湯味道非常濃郁，蜜瓜味甜甜地瑤柱燉螺又鮮味！燉湯原汁原味👍🏻▶️ 臘腸滑雞煲仔飯$220估唔到咁大煲，份量相當多。兩個人食非常飽！煲仔飯有炭佬風味，所以飯特別焦香！臘腸唔會太肥，雞都多肉汁幾滑身。

——蛇羹$140快要冬天，又來到蛇王芬，自然不可不點這道蛇羹了！蛇羹里除了蛇肉還有雞肉絲、木耳絲、冬菇絲，以及果皮、薑絲、花膠等，用料十足，蛇肉嫩滑，不會很粗糙，湯底味道鮮甜濃郁，食落成個人暖洋洋的。——味菜牛柳絲撈面$80話就話係撈面，其實有Ｄ似係干炒牛河，鍋氣很足，面身乾爽不會太濕，甜酸菜的味道不會很咸，非常下面（OR下飯）！牛柳都很嫩滑彈牙，一點也不老！——上湯面$30原本對這個上湯面沒有特別期待，但湯底非常鮮香微帶咸口，湯汁完全滲入了面條里面，光吃面不吃菜也不會覺得寡！性價比算是最高的一道！——椒鹽焗鮮魷$200這道鮮魷沒有用過多的 炸粉，咬落魷魚的肉質厚爽，不會太韌、硬崩崩或者出現黏牙的情況，食落不停口，如果再大碟些就更好了。

平時出街食飯通常食西餐多，好少食中餐，今日媽咪話想去返中環一間老字號食蛇羹，佢話佢細細個已經好出名，就同佢懷緬一番。舖頭裝修係好舊式，但都算光猛。嚟到依度就梗係要叫一碗蛇羹🤣🤣蛇羹媽咪話同佢細個飲過嘅蛇羹好似，好有小時候的味道。🥰🥰🥰仲講咗好多佢細個嘅故仔俾我聽添🤩🤩雖然話係細碗，但係我哋兩個人分都覺得啱啱好。玉蘭炒王牌雙腸呢一碟潤腸臘腸係好出名嘅，我鍾意食佢嘅潤腸，因為咬落去皮薄仲有啲肉汁，配埋清淡嘅菜好好食❤️❤️無花果蜜棗燉豬肺湯出去好難有得飲豬肺湯，平時媽咪又唔會整，因為製作過程實在太麻煩了，幸好依度可以試一試燉湯，燉湯好清，豬肺亦都有幾片，好推介！😉😉

愛吃蛇王芬蛇羹，因為真材實料。今日經過，又入去食番碗蛇羹補補，順便買些臘腸给媽媽做煲仔飯。蛇羹有蛇絲，鮑魚絲，雞絲，木耳，冬菇等，美味滋補。臘腸本港製造，有風味，值得支持。

呢排開始涼涼地，終於踏入秋天，最適合就係食蛇羹，希望可以補一補😋為咗食蛇羹，特登搵咗呢間百年老店，試吓係咪真係咁好食先！入到店內，雖然係老字號，但係環境都幾乾淨，座位闊落。而且除左蛇羹之外，仲有好多菜式架，唔食蛇嘅朋友都唔怕冇野食。我哋叫咗一個蛇羹，一個潤腸滑雞煲仔飯，再加兩支飲品，兩個人share其實都好夠飽。蛇羹非常足料，羮入面可以清晰睇到一條條嘅蛇肉，仲有非常爽口嘅木耳絲，同埋冬菇絲，口感非常豐富。而且味道鹹淡適中。潤腸滑雞煲仔飯分量十足，原本我哋仲想叫多個炒麵，但係由於見到個煲仔飯太大，兩個女仔食都夠晒🤤 潤腸係鴨潤腸，好好味呀！口感唔會好死實，味道好香濃。滑雞都好大舊。飲品方面，我哋揀咗四季之秋：石榴紫貝天葵山楂蜜，因為依家係秋天，所以揀左呢款。味道有驚喜，山楂味比較出，酸酸甜甜咁，都幾好飲🤤

終於有秋意，又係出動食蛇羹同糯米飯嘅時候。今次去咗呢間米芝蓮推介，位於中環嘅蛇王芬，餐廳入面裝修佈局充滿懷舊嘅味道。餐牌選擇好多，主打食蛇羹同糯米飯嘅我哋點咗呢個$380二人餐，包兩碗蛇羹同糯米飯。老闆推介下，我哋仲點咗個橙酒香橙骨試吓。蛇羮勁足料，蛇肉肥美，加埋雞肉、木耳、冬菇絲、檸檬葉同埋薄脆等材料，味道豐富，入口有層次感。好欣賞佢嘅玻璃芡唔會整得太杰太厚身，絕對係高質。糯米飯粒粒分明，唔會太油膩，加埋出名嘅膶腸臘腸，充滿油香味，必食推介。橙酒香橙骨（$190)，肉排厚切，大大件但肉質好鮮嫩，酸酸甜甜，好香橙酒味，好開胃醒神。餐廳除咗食蛇羹、膶腸同糯米飯出名之外，燉湯同其他小菜都相當出色，食飯途中見有唔少人幫襯外賣，尤其係燉湯好受歡迎。百年老店充滿傳統特色，食物水準保持高質，絕對值得捧場，傳承傳統。

最近氣溫急降幾度，早晚大風 ，頗有秋意，朋友介紹去食蛇羹暖胃。中環一間老字號「蛇王芬」，當然可以試試。店內懷舊格調，的確有老香港味道，幾張大大細細嘅圓枱擺設，坐得舒服。先有蛇羹，好多材料，當然有蛇肉、冬菇絲及木耳絲，配以薄脆及檸檬葉切絲，食嘅時候再添加胡椒粉，正是地道風味。 時菜炒斑片上碟，大大塊斑片 鮮美淋甜，啖啖肉，加埋菜心同草菇，清淡之餘都好味㗎。中式牛柳一定係惹味之作，皆因甜甜酸酸嘅醬，將大量洋蔥炒到入味，而牛柳吸收曬全部味道，既有鮮嫩牛肉味之餘，亦夠軟身冇筋，令人胃口大增， 始終中式菜係有吸引之處嘅。入冬後，到時可以嚟試吓馳名燉湯、臘味飯及煲仔飯等等…………。

平時返工食得多西式快餐，趁今日放假，一於同老婆去中環逛吓，順道歎個中式晚餐，撐吓枱腳。不知不覺行到嚟 “蛇王芬” 門口，傳統中式飯店設計，有懷舊燈飾及大圓枱嘅格局。兩口子叫咗一個西檸煎軟雞，頗大碟嘅功夫菜，鮮黃色檸檬片及醬汁，顏色好吸引，雞炸過仍然鬆脆，入口香酥惹味，這個餸令人好開胃，送飯一流。椒鹽脆豆腐裏頭有粒粒豆腐，切到大細啱啱好，炸得脆身又香口，蘸住有少少酸味嘅汁，一粒一粒，容易入口。最後當然要有個生炒牛肉飯先夠飽喇，好多免治牛肉及菜絲一齊炒，做到飯粒分明，味道適中，又香又好味。太太非常滿意今晚的菜式，好極了！

愛調理養生的同事今晚帶埋我去中環蛇王芬食滋補餐，因為有個蛇字以為就只有蛇羹，原來蛇王芬有名的不只蛇羹，還有真材實料的燉湯、小菜、飯食及燒臘。在自家熬製的湯品中，加入草本藥材，為客人調理身體。並得到米之蓮推介。餐廳裝修擺設好有懷舊飯店感覺，地方整潔乾淨。一盅燉湯配一款基本碟頭飯系列比較抵食。海底椰南杏蘋果雪梨燉豬展：燉湯燉左至少3小時，湯內沒有一點油浮面，燉湯鮮甜濃郁，而且非常足料，海底椰滋陰潤肺、除燥清熱、潤肺止咳，南北杏主要功效為潤肺、止咳及平喘，蘋果健肺滋潤，雪梨乾潤肺，原汁原味清甜潤喉。肉絲炒麵：好夠鑊氣，將麵煎炸至金黃，用銀芽、草菰和肉絲做個芡汁，鋪在麵上，食落口感層次多，芡汁味道調得好惹味！響螺燉雞腳：用淮山、杞子、黨參、瘦肉、響螺、雞腳燉咗3-4小時，足料夠火喉，響螺滋陰補腎、杞子明目、淮山能補脾養胃、黨參補氣血，燉湯味道鮮甜，功效滋陰養生、補脾肺、潤肝明目。楊州炒飯：飯炒得夠乾身有鑊氣，蝦仁大隻好爽口，還叉燒、蛋和菜，口感層次豐富，啖啖飯都好香口！紅燒草菰豆腐：豆腐一啖一舊，口感滑溜，草菰爽口，加入蠔油芡汁好惹味！

每次經過中環扶手電梯都會見到呢間風味十足嘅蛇王芬。今日同朋友食吓飯見個面，就試下佢。餐廳內裝修充滿懷舊文雅風格，看一看菜單，原來佢除咗蛇羹之外，亦都有多款小菜飯麵類，仲有燉湯。 太史五蛇羹蛇羹十分足料，湯頭濃郁滋味，充滿火腿香氣，蛇羹每一啖都係滿滿嘅料。入邊除咗蛇絲外，仲有花膠木耳、冬菇、雞絲等等。 秋冬時節食真係暖笠笠又補身。大蝦蒜香荷葉籠仔飯打開荷葉，大蝦蒜香香氣撲面，大蝦肉質新鮮爽口，而蛋抄飯粒粒粒分明，軟硬度適中，籠仔飯份量頗多，足夠三至四人分享。腐乳椒絲炒時菜 （芥蘭）芥蘭新鮮翠綠，炒得夠鑊氣，腐乳味道啱啱好，唔會蓋過芥蘭嘅味道。

秋風起梗係食蛇羹啦，今日過開香港區經過蛇王芬間老店心思思就同老公去試。內裏橫裝海報還保留了中國嘅風采。唔去食都唔知原來除咗蛇羹同臘味飯原來仲有好多小菜，燉湯同炒粉麵飯選擇。嚟到梗係要食去出名嘅蛇羹啦。份量都算大碗面頭還鋪滿了我最喜愛食嘅脆脆片，仲有唔少得嘅檸檬葉。餡料都算足，每一啖都充滿蛇同冬菇，木耳、雞絲，芡水方面唔會太杰身都唔會水流流。晚飯時間梗係要食埋小炒同小菜，嗌咗個京都焗肉排，冇諗過豬扒咁厚身段估應該都有三塊再切開。甜甜酸酸嘅咕嚕汁好開胃味道啱啱好每一件豬扒都掛滿醬汁加埋豬扒邊嘅少少肥夠晒淋好好食。有蛇羹有肉梗係要嗌多個碟頭粉啦，呢個星洲炒米好耐冇食，唔係度度都炒得有香，估唔到除咗顏色夠吸引辣味及咖喱味都好香濃最想講嘅係碟底一啲都唔油

一直都覺得蛇王芬係高級米芝蓮餐館，唔係好敢入去試，今次真係令我改觀，係好值得一試的傳統懷舊香港菜。秋風起有兩野一定要食就係臘味同蛇了，所以目標係臘味飯同蛇羮，本身知道蛇王芬最出名係燉湯，幾樣菜式都好快可以決定到了，另外都有好多懷舊小炒同燒味，如果無目標，真係會有選擇困難症。蛇羮（$140一碗）超大的薄脆蓋過成碗，薄脆係好懷舊的配菜，增加肉羮的口感，令我諗返細個飲茶當薯片咁食。雖然細細碗，但成碗都好足料，我本身都怕蛇的，今次黎一定要放膽試下，一絲絲的蛇肉原來似雞肉，加埋有冬菇絲、木耳絲同薑絲，味道豐富，上面有一絲絲的檸檬葉，係蛇羮必備，食落別有一番風味！腊味糯米飯（小 $150）冬天先會供應，上枱個下已經聞到好香，好簡單的臘腸配糯米，飯粒分明，食落軟棉棉。臘腸同潤腸係咸味的來源，我個人超愛潤腸，佢係自家製有一種特別的香氣，蔥花做點綴，簡單的配搭已經足夠，食出大廚的功力！無花果蜜棗燉豬肺（$120）秋天當然要有啲湯水潤一潤，令我眼前一亮的燉湯，同自己屋企煲的係唔一樣㗎，好似10碗濃縮成一碗咁，香濃清甜，豬肺清洗得好乾淨，口感軟滑，係我第一次食好特別。豉油王炒麵（$70）雖然係一個好簡單的粉

不嬲都鍾意食蛇羹 ， 不過好少過香港區 ，難得今日同老婆去開中環大館行，就去咗呢間歷史味十足嘅米芝蓮推介蛇王芬食蛇羹。店內嘅裝修充滿舊香港嘅情懷，進入店內老闆娘已很親切地招待我們坐下 為我們推介店內一些美食。 枱櫈餐具亦保留了舊香港中菜館的味道， 令我十分懷念， 好似返咗七八十年代嘅香港咁。來蛇王芬指定動作一定要食蛇羹啦， 見食評個個都推介， 本來我想叫埋個雙腸飯因為我好鍾意食潤腸， 但我老婆正好相反唔鍾意食啲咁油膩嘅嘢 唯有選擇了一個他喜愛的京都焗肉排加多一份星洲炒米。蛇羹嚟到材料十足， 富有一陣淡淡藥材味， 賣相很好 ，但如果薄脆可以無限任加就更好京都焗肉排個汁都好濃郁很惹味 肉排厚切 ，軟熟唔柴皮， 側邊仲有啲肥膏正呀星洲炒米都唔錯， 比一般餐廳咖哩味和調味都濃， 啱我胃口重口味原本想食埋糖水不過兩個人食完都已經飽咗！