蛇王芬

营业中

休息中

天氣突然凍，搬屋冬天衫褲未好，唯有去食d保暖既野。飯腳同事提議去食蛇，返工午飯時間食蛇真係第一次。睇Menu見除左蛇羹和糯米飯，仲有數十款小菜粥粉麵飯湯菜。今日係星期五，當然要食豐富d，所以我地3人叫左：蛇羹、糯米飯、橙酒香橙骨和臘腸膶腸滑雞煲仔飯。好少食蛇羹，所以唔係好知應該係咩味，但感覺好足料，每啖都有好多料，個味唔會好似碗仔翅咁重口味，飲完都無話特別口渴。糯米飯無一般既咁黏，係我較鐘意既口感，每啖飯都有臘腸既油香味。橙酒香橙骨個賣相好吸引，本身食到少飽，都整左舊黎試下。舊骨大舊又啖啖肉，肉汁結實得黎，又幾滑，食得出夠新鮮，個汁真係有酒同橙味，仲有d橙皮，食落好香甜，岩哂我呢d大朋友食。食到呢度，真係太飽，淨返既煲仔飯要我兩個大食同事KO

放假去咗中環行吓，天氣涼涼地經過蛇王芬真係要補一補。坐低睇吓餐牌原來除咗必食既蛇羹，仲有多款式時令小菜、精美小炒、燉湯、粥粉麵飯。太史蛇羹+馳名鴦腸糯米飯嘩蛇羹滿到瀉，好多卜卜脆片，蛇羹好鮮味仲有好多蛇肉。糯米飯好多料花生鴦腸糯米飯黏軟好食。潤腸香煎鯪魚角呢個小菜我第一次食估唔到咁好食潤腸同個鯪魚角原來食起上嚟可以咁夾再配埋啲煎蛋真係好好食😋再睇吓啲燉湯都有好多款式海底椰雪梨蘋果豬展燉湯個湯好滋潤鮮甜岩哂呢排咁乾燥嘅天氣。要補番吓。

天氣開始涼啦，係時候食下蛇羹，係中環呢間老字號，除左有蛇羹食，仲有好多手工菜。好，坐低睇下有咩好食先。蛇羹一碗，蛇肉好補，有防癌功效，呢度蛇羹係用五蛇，蛇肉一絲絲，係靚肉，檸檬葉好香。章魚雞粒蒜香荷葉籠仔飯，荷葉飯有色，粒粒分明，唔油膩，夠入味，食到章魚粒粒，個飯份量夠大，3個人食到飽飽。金菇瑤柱扒豆腐，乾瑤柱爆香乾新咁上，食落好香好脆，保留左乾瑤柱香味，金菇好爽好新鮮。豆腐外脆內軟，豆香味好重。

今晚book左枱食蛇王芬，同屋企人試下中環呢間百年老店😋 菜館位於中環扶手電梯旁嘅斜路，相信唔少人都曾經經過～菜館唔算好大，但內裏的裝修有氣派，好似進入中國古時嘅大家庭食飯一樣😀 睇睇餐牌，除左蛇羹，仲有唔少精美小菜。好多都值得推介！蛇羹首先當然要介紹呢度出名嘅蛇羹，雖然唔算好大碗，但食得出非常足料，加少少胡椒粉更好味！除咗蛇絲，仲有鮑魚絲、花膠，比起出面食到既更用料上乘👍🏻紅燒北菇豆腐幾鍾意佢唔算好濃味，清清地可以食出豆腐的豆香味。上枱時還是熱辣辣的👍🏻👍🏻時菜炒班片班片非常厚身，無雪藏味！食得出唔係一般嘅急凍魚塊，值回票價！😎西檸軟雞依味係廚師推介嘅招牌小菜😎 果然沒有介紹錯！雞件係即叫即炸的，非常鬆脆，亦唔會好鞋～ 酸酸甜甜嘅檸檬汁令味覺提升，我地食完一件又一件！😙😙臘腸潤腸飯因為咁啱想食潤腸，所以叫多個飯😂😂 好完滿！同老闆娘傾計，先知除咗餐牌上既菜式，仲可以自訂傳統佳餚、手工小菜，配合唔同家庭聚會嘅需要😎 有興趣一定要來問問老闆娘👻

本來前幾日出去食左幾餐飯，都有唔錯嘅體驗，慢慢對出街食飯有返啲信心但今日食左呢一餐，直接將我係人間打落左落１８層地獄首先 一入到去無人， 已經驚驚地，再加埋黐笠笠地下， 油油地嘅枱， 已經有啲心想 不妙，想退場朋友話 一場嚟到， 硬埋頭皮食埋去啦😓見到有個一人餐$178有齊我想試嘅糯米飯，朋友想試嘅蛇羮， 比散叫好似抵啲所以就叫左份嚟試P.S. 女店員差啲assume我哋一人要一份，所以要同店員好好溝通，只係要一份唔洗好耐，碗糯米飯同蛇羮一齊上左一嚟就見到糯米飯有條成把間尺📏(15cm)咁長嘅頭髮即刻抆左出嚟，同個女店員講，佢過嚟望左望話唔好意思就走左去啦，完全無意思同我哋換過碗，不過朋友話算，咁無計啦以下係抆左條頭髮後影一碗仔嘅糯米飯，真係一人份量同佢張圖片所示，有幾大出入，大家自己評論蔥花無，蝦米一條，潤腸臘腸各３片，淋左嘅花生有數粒個糯米飯一啲都唔熱，只係微微暖，同個男店員講佢話係咁個喎，一早整定放係度保暖然係話最多幫你拎去叮一叮叮完返嚟，都唔係好熱算，都要食嫁啦，再講都係無補於事嫁啦首先，糯米飯唔煙韌，睇相都見都到糊糊地，有啲太濕，黏埋一舊舊好似幾油潤，但其實係肥膩，因為油潤唔

天氣終於開始轉涼，朋友就提議食蛇羹，佢話想試吓中環老字號店「蛇王芬」。老實講我之前都只係食過兩次蛇🙈，冇乜特別喜好。中環店位於閣麟街，即係喺正半山扶手電梯隔離。我哋成日經過，但幫襯都係第一次。小店環境保留復古氣息，而且侍應生仲係一班銀髮族👴，不經意咁滲出人情味。秋冬鮑魚燴五蛇羹($140/每碗)，🐍蛇羮最細碗都要成百四蚊，真係唔平，不過確係真材實料。細細碗蛇羹蘊含多種食材，包括蛇肉、鮑魚、花膠、雞絲、冬菇、木耳、果皮同筍等。食落味道係唔錯，一啲都唔腥，仲有薄脆搭伴，而且質感唔會過於滑潺潺。腊味糯米飯($150/細)，🍚糯米飯配蛇羹係經典組合，只不過週末就冇得嗌套餐，細份量已足夠兩個人食！糯米飯用足料炒，當中唔少得臘腸、潤腸、臘肉同冬菇等，同時我覺得佢炒得好入味，亦唔會漿埋一餅，富油香；但朋友就略嫌唔夠乾身。廈門炒米粉($80)，🍜炒米大大碟，炒得夠鑊氣，係飽肚之選。米粉麵質彈牙，軟硬適中，配以適量嘅五柳菜一齊炒，味道甜甜酸酸，幾開胃。餸方面亦唔少，有好多隻蝦、火腿同蛋等。蒜蓉椒絲炒A菜($85)，🥦A菜其實即係油麥菜，質感爽脆，用上蒜蓉椒絲炒好穩陣，而且味味清清哋，唔油膩。總括嚟講，呢

中環米芝蓮推介名人食堂蛇王芬 又到秋冬季節 突然想試試蛇羹糯米飯 網上搵到呢間試試 簡單紀錄下.呢次叫左2人餐$380（餐牌睇圖）⭐️太史五蛇羹（單點$140/碗）材料有 蛇絲 鮑魚絲 雞絲 薑絲 冬菇 木耳 花膠👍🏻材料豐富 質感濃稠 唔會太水👍🏻雞絲 蛇絲 幼細唔會黐牙🤔花膠鮑魚絲比例唔算多👍🏻湯色都係比較清澈 唔會太重調味 帶少少薑香.⭐️生炒糯米飯（2人份）今日最鍾意都係佢哋糯米飯👍🏻甜炒軟糯 少少黏感 粒粒分明🤔雖然某d臘腸 燒得太焦😋但臘味嘅味道入晒個飯入邊 🔥係超好食嘅臘味飯.整體兩樣招牌都做得高質但價錢 一d都唔平民 我個人覺得試一次就夠朋友仔如果想去我係唔建議嘅呢個冬天會再試下其他 有冇其他高性價比啲嘅餐廳.（題外話：今日黎到 咁啱真係撞到明星 lucky）.#hkfunfoodrecord窮遊香港#hkfunfoodrecord中環.#蛇王芬 (中環)地址：中環閣麟街30號地舖.⭐️評分：味道：4.5/5環境：3.5/5 一般中菜館環境服務：3/5 收銀姐姐超有禮貌 其他店員茶餐廳feel 抵食：2/5.鐘意睇野食既朋友仔 記住幫手like分享 同撳埋右上鐘仔超感謝你嘅支

秋天剛剛到，是食蛇的最佳之選，想起這間百年歷史的蛇王芬，店內裝飾依然華麗。💃🏻💃🏻這裡的蛇羹味覺濃郁豐富，馳名潤腸甘香撲鼻，店主是第四代老闆，非常有善。除了介紹蛇羹，還分享了很多精美小菜。😎我們雖然少吃炸物，也叫了一碟西檸軟雞。淡黃色的檸檬汁剛好包著雞件，但也保留外脆內軟的雞香！厨師手藝真的一流。👍🏻👍🏻其他的家常菜式，也令人讚口不絕～隔離枱剛好叫了一個冬瓜盅，我們以為只有大酒樓才有，這店也可以品嚐，真棒👍🏻不同款式的燉湯、海鮮、小炒，很適合一家大小的口味，原來老闆還會為訂坐的客人設計菜式，真是別具風格！原來蛇王芬不一定食蛇羹，還可以吃到不同款式的小菜，下次我一定帶同朋友再光顧。🥰

今晚收工去左中環行街同食晚餐，忽然想食下中菜，就和朋友去了這間餐廳。生炒牛肉飯（$80）：炒得好夠火喉好香口，個味好夠濃，幾吸引，夠獲氣，應該呢間餐廳其他炒野都幾好食，下次再來應該會想來食下其他炒野。蟹肉扒西蘭花🥦（$140）：都好足料，蟹肉好多好鮮味，西蘭花又唔會煮得生，幾好食，煮得幾出色。西蘭花又唔會太生太硬，煮得剛剛好。魚香茄子煲（$150）：魚香茄子幾香，肉碎咸咸地好夠味，茄子又好滑，煮得夠軟，雖然有放辣椒，但又唔會太辣。我雖然平時都唔太食得辣，但食這個都完全無問題。之後我們還點了「四季之春」—桃膠菊花桂花雪梨茶聽個名就已經覺得好滋潤，飲落去又好清甜好好飲，清熱滋潤。整體來說都是一間質素幾高的中菜館。

秋風起，啱食蛇！食過甘多間蛇舖，真係唔夠老字號蛇王芬好食。甘多年蛇王芬店內裝潢都冇變過，一秒穿回老香港。牆上掛住竹牌，寫住今日嘅老火靚湯。佢仲有午市套餐一飯一老火湯，好抵食！乾炒牛河乾炒牛河好夠獲氣，炒得夠乾身又唔油。牛肉大片又鬆軟，真心得明火大獲先炒得甘香甘好食，真係寶藏牛河。馳名鴦腸飯秋冬最岩食膶腸，臘腸飯。新蒸起嘅膶腸臘腸放在熱辣辣嘅白飯上，臘味嘅油滴上白飯真係好滿足！膶腸臘腸都好夠油香好食過出面賣嘅。栗子薏米南杏百合豬𦟌響螺燉雞腳蛇羹湯品揀左兩款。真心推薦大家試下個響螺燉雞腳，養顔滋陰，飲落勁清甜一滴油都冇。栗子薏米南杏百合豬𦟌，栗子味好濃好甜，秋天栗子好味又清潤，飲完個肺好舒服。另外必點老字號蛇王芬嘅蛇羹，味道甘多年都冇變過，入面嘅料衣舊甘足。蛇肉冇同你慳，仲有落魚唇，令成碗蛇羹膠質更豐富。

天氣開始凍凍地，又到咗食蛇羹嘅時間🥳唔緊要啦提早少少去食冇咩所謂。蛇王芬而家由第四代接手，一邊食飯老闆都有同我哋傾偈吹水，聽左唔少蛇王芬嘅歷史蛇羹～古法製嘅蛇羹，湯頭甜，真材實料，除咗蛇肉仲有雞絲，蛇羹面頭仲有炸脆片，我鍾意有咬口已經好快食晒羊腩煲～嗰碟腐乳醬應該冇溝其他醬汁，我食過好幾間嘅羊腩煲，覺得呢間嘅腐乳醬最好食。羊腩煲好多枝竹馬蹄，羊腩唔算好多，都炆得入味易咬臘味糯米飯～糯米飯比較軟身，香味十足，一碟細嘅糯米飯足夠三個人食，我鍾意食潤腸😋冬天必食

今日老公過來中環做嘢, 收工後同我去食蛇羮. 從老遠嘅斜路已經望到非常搶眼嘅招牌.門前簡簡單單.店內裝修好有懷舊 feel. 相架內嘅舊剪報記載了掌舵人嘅威水史.牆壁上掛有竹簡, 除了用作裝飾之外, 也在上面寫上每道名菜, 真係一舉兩得.萬壽無疆, 好耐無見過啦 馳名蛇羹薄脆係蛇羮必備, 另蛇肉、 木耳絲、 冬菇絲.….好濃嘅燴蛇味.腊味糯米飯腊腸同膶腸肥瘦適中, 各有味道, 煙靭嘅糯米飯, 我食到有芋頭粒 出面嘅糯米飯係無嘅.粟米魚塊, 好大碟.大大塊魚柳炸到金黃酥香, 內裏嘅魚肉唔乾身, 粟米蓉又夠多.雖然只係 order 咗 3 款食物, 因為份量夠大, 所以都夠飽.

環境4分：古色古香嘅中式茶樓格局，D字畫，吊燈同掛出黎個餐牌都好中國風。地舖好光猛，雖然地方唔算大，但一D都唔逼，可以畀四分。衛生4分：散枱全部有膠板隔開，餐檯上Ｄ餐牌過哂膠，非常乾淨衛生。服務5分： 老闆娘好健談，侍應對食物知識非常豐富，有問有答，落單上菜又夠爽手，中途不停加茶，滿分。味道4分：1)    蛇羮入邊D花膠都唔少，非常足料，明顯食得出蛇絲同雞絲嘅分別，食落非常清甜，唔會太濃唔會太稀，啱啱好，配埋鮑魚絲，冬菇，木耳，食落非常舒服，上面D脆脆一半浸一半唔浸，好夾。2)    白菜膽鮮陳腎湯拼叉鵝飯套餐個燉湯燉得非常清澈，一滴油都冇，真是真材實料。燉湯入面加左乾瑤柱，所以比平常特別甜。3)    套餐配上選擇叉鵝飯一碗， D餸鋪上飯面，看上去非常震撼。4)    中式煎牛柳每塊又大又鬆又軟熟，洋蔥數量都唔少，酸甜度適中，越食越好胃。抵食4分：一年四季都需要湯水，足料蛇羹同足料燉湯，絕對唔少得。套餐價錢150蚊，又有燉湯又有燒味飯，中環嚟講都算抵食。

今日朋友帶左我去中環食蛇羹。呢間係老字號，裝修以中式設計為主，枱櫈屏風都係木製，牆上仲有竹製既菜牌，洋溢著老香港既氛圍。太子女係第四代傳人，很友善健談，介紹我們除左蛇羹之外，佢哋既小菜、燒味及燉湯都係另一主打，可惜今日我們得兩個人，所以都係試左招牌菜先。太五史蛇羹：材料除左蛇肉絲、仲有雞肉絲、冬菇絲、木耳絲、薑絲、魚肚，用料十足，美味滋補，加上有我最鍾意既薄脆，簡直無得頂。腊味糯米飯：呢度既臘腸同潤腸係自家製，玫瑰露香，腸皮薄脂肪少，肥瘦適中，糯米飯粒粒分明、有咬口，加埋蔥花既點綴，賞心悅目。蒜蓉鹹魚粒炒芥蘭：蒜蓉加上鹹魚粒，個菜炒得很惹味。四季之秋石榴紫背天葵山楂蜜：酸酸甜甜，好醒胃。香草果皮綠豆沙：陳年果皮好香好醇厚，綠豆煲到軟棉棉，好食到唔停得口。總括來說，食物真材實料，用心製作，品嚐後不禁令人回味無窮，米芝蓮級數果然非同凡響。

疫情前好多時都會約埋班朋友book蛇晏食。好耐冇食啦,前两晚放工同honey係中環Donki買完嘢,於是去附近嘅蛇王芬食。老店懷舊嘅裝修帶點西式嘅優雅。仲有鮑魚大王一哥嘅題字👍蛇王芬除咗招牌菜蛇羹外,仲有粉麵、小炒、煲仔飯、燉湯等。我哋點咗一蛇羹、一燉湯、一小炒同糯米飯。蛇羹質感輕盈吾糊口,用料豐富,除主角外,仲有雞絲、冬菇絲、木耳絲等,加上薄脆、檸檬葉,鮮甜有咬口,提升味道。秋冬食蛇暖身外,吾少得一碗滋潤嘅海底椰龍利葉炖豬展湯。材料一樣十足,味道清甜有質感,潤肺又抗炎!蝦干肉碎炒苦瓜,吾講以為係炒芥蘭。不過苦瓜真係好似芥蘭一樣咁爽口,加上蝦干、肉碎同豆豉同炒,好香有鑊氣,係小炒王以外,另一香口菜式。糯米飯粒粒分明,夠乾身,膶腸好香,臘腸又吾會過肥。加上蔥花等,超級香口軟糯,充滿臘味同酒氣味。疫情下,能夠堅守著果份人情味同食物質素,真難得