蛇王芬

营业中

休息中

呢排為咗"綻放大館” 燈光show來得大館多，而搭半山扶手電梯時成日都望到“蛇王芬”個招牌，知道“蛇王芬”呢個名好耐好耐，但一路都未有機會，趁住今日睇完show順便來幫襯吓，就喺扶手梯個條街啫，不過如果你成日淨係搭扶手電梯又冇周圍望就未必留意到，得閒喺D街行吓都會執到寶㗎。一間經營咗超過100年嘅老店，依然經營緊，一定有佢嘅成功之道，而佢係靠“蛇羹”起家，我第一次幫襯一定要叫返佢個鎮店之寶--“蛇羹”，比我想像中大啲嘅一碗，有埋蛇羹基本嘅蛇肉絲，雞肉絲，冬菇絲，木耳絲，面上有薄脆及檸檬草，飲落好美味，同我第二度飲嘅有啲唔同，應該有D特別配方嘅。聽老闆娘話，以前啲蛇肉係喺中環賣蛇專門店即日鮮劏，非常之新鮮，但呢幾年因為疫情，唯有用冰蛇肉，希望疫情早遠離，一切回復正常。“乾炒牛河”啲河粉好有口感，師傅亦炒得好有功力，講真，如果太少油又唔好食，太多油就....但我地食晒成碟，碟底沒有一滴多餘的油喺度，即係啱啱好。小菜“紅燒北菇豆腐”和“京式回鍋肉”亦都正常哋好味。

秋冬時分想進補，當然要食蛇羹，不過如果要食高質素兼老字號嘅蛇羹，我就會揀喺中環呢一間老牌店舖<蛇王芬>，質素一定有保正。走進餐廳，就如一間老牌飯店一樣，保留住一啲傳統嘅裝飾擺設。平日晚上，餐廳都幾多客人，充滿氣氛。餐廳供應嘅食物款式都有好多種，原來除咗蛇羹之外，佢仲有好多唔同嘅套餐可以選擇，仲有燉湯供應，就連小菜同炒粉麵飯，都有好多款可以選擇，而且價格亦非常合理。<古法燴蛇羹>蛇羹每碗都足滿滿的，非常足料，材料多到滿瀉。上面嘅南乳脆片，卜卜脆，非常香口。材料有蛇肉絲、豬肉絲、冬菇絲同木耳絲等，分量都好多，而且濃杰度剛剛好，唔會好稀，湯底味道亦清甜好味。<生炒糯米飯>生炒糯米飯材料非常充足，有大量嘅潤腸同埋臘腸等等。呢個生炒糯米飯炒得粒粒分明，軟硬度適中，唔會過乾或者過腍，鹹香惹味，非常好食。臘腸同潤腸嘅質素都非常之高，唔會過瘦或者覺得好肥膩，亦帶有油香，值得推薦。<乾炒牛河>呢碟乾炒牛河炒得非常出色，熱辣辣咁上枱。河粉炒得勁有鑊氣，而且入口感覺唔會覺得好油膩。除此之外，河粉亦不會太厚，入口好滑身，牛肉分量好多，片片都好大塊

今日慕名來到中環蛇王芬，原來除咗出名既蛇羹外，仲有好多精緻既菜式，唔只淨係食蛇架，係間好既粵式餐館😍🔸太史五蛇羹🐍 $140/碗呢度既蛇羹係必食之選🐍，材料有五種蛇肉、花膠、鮑魚絲、雞絲、冬菇和其他配料，好足料和補身😊，秋冬食就啱晒。🔸香酒香橙骨🍊 $190用咗金沙骨，燒得好好，橙味好香😍，啲肉都幾淋和算易咬，賣相好靚，真係搶眼和啱打卡👀真係好鐘意呢啲甜甜酸酸的菜式！🔸西檸煎軟雞🐥 $140雞塊啖啖肉無骨，啲西檸味好出，酸酸甜甜好好食，份量仲幾多😍📍蛇王芬 (#中環美食 )中環閣麟街30號地舖

週日的黃昏 ，與愛人牽手走在中環街市附近， 放工時份 ，人流熙來攘往， 形色匆匆地回家 ，期待一頓溫暖的晚飯 。經過石板街 ，行到閣麟街 ，行人電梯的下面， 有一間老字號食店 --蛇王芬 ，舊式的招牌， 舊式的裝修， 燉品湯名係寫在竹匾上 ，純樸古瓦 ，引人入勝 ，餐廳裏是圓枱圓凳 ，沒有椅背的 ，有點時光倒流的感覺。一餐普通的晚飯 ，不需要大魚大肉 ，不需要豪華奢侈 ，只需要溫謦陪伴，來這裏晚飯， 自然少不了要點 一份燉湯， 海底椰蘋果雪梨燉豬展是我們的致愛 ，蘋果雪梨的果香味， 海底椰的滋潤 ，加上豬展燉制後的味道，甘香醇厚，暖胃醒神，胃口自然好了。再來就是家常小菜 ，京都肉排和雜菜煲， 平凡的人， 吃平凡的菜 ，自然有平凡的幸福 ，靜靜地享受著二人世界 ，吃完家常小菜 ，再來一碗精心製作的極品綠豆沙， 成就了圓滿幸福的一餐晚飯。

在中環行入電梯旁的蛇王芬飯店，店面係一貫老牌飯店嘅懷舊風格中式飯店嘅裝修，枱同枱之間距離足，每張枱都有透明隔板，可以安心用餐去得「蛇王」的餐廳，點可以唔食蛇，叫左一人一碗太史五蛇羹（$140/碗）小時候吃蛇為嘅係面頭嘅脆脆，呢度嘅脆脆超大塊！！蛇王芬嘅蛇羹嘅味道、用料都同其他蛇王嘅略有不同，味道上比較清，無咁重藥材味，但就多左好多鮑魚絲、花膠絲，據店員所講，呢個煮法嘅蛇羹無咁燥熱👍🏻面頭也放上了檸檬葉絲，多添一份清香另外再叫多一個主食：鱆魚雞粒蒜香荷葉籠仔飯（$190）即點即蒸，打開荷葉時，荷葉香隨蒸氣湧出，份量十足，食下食下原來都有4至5碗，兩個人食到捧住肚走。餸料都好多，雞粒好嫩滑，鱆魚有咬口得黎又唔硬，仲有冬菇粒等配料！2個人埋單$470，下次黎可以再試下冬瓜盅/燉湯😋

我最期待嘅傳統又好食嘅中菜終於出現了😍呢間超過百年歷史嘅老店，係唔少中環銀行家嘅飯堂！估唔到除咗味道一流，舖頭嘅人情味更加難能可貴🥰.舖頭嘅裝修除左保留百年老店嘅特色，仲加咗好多新穎嘅裝修，睇得出有心思！一嚟到舖頭，職員已經非常好客，仔細介紹佢哋嘅特別菜式，十分抵讚！👍🏻👍🏻👍🏻.呢間餐廳最出名就係蛇羹同冬瓜盅，但係小編今次反而想試吓廚師手勢，所以叫咗兩碟小菜同埋香噴噴嘅蒸飯，味道非常好味！😋------------------------------🟡大蝦蒜香荷葉籠仔飯($220）呢個係必食推介！蝦膏完全滲透左喺飯入面，整個籠仔飯都有蝦嘅鮮味。大蝦亦都非常新鮮，蒸嘅時間啱啱好，肉質非常鮮嫩！ 荷葉飯嘅份量亦都非常足料，四個人食都無問題！ 呢個籠仔飯絕對超值！🥰🥰🥰.🟢玉蘭炒王牌雙腸（$150）潤腸同臘腸非常之好食！潤腸嘅肉質軟綿綿，仲有肉汁流晒出嚟！配埋芥蘭就唔會太油膩，鍾意食臘味嘅朋友千祈唔好錯過！😋😋😋.🔵南乳碎炸雞 （$220）肉質好鮮嫩，南乳味唔算特別重，唔會蓋過肉質嘅鮮味！兩個人嚟講，半隻雞份量啱啱好！👍🏻👍🏻👍🏻.職員仲話遲啲有蛇酒供應，鍾意係冬天補一補嘅朋友記住唔好錯過

晏晝行完中環街市，就跟著扶手電梯順勢上半山睇下有咩好晚飯食。沿閣麟街上斜，見到一間蛇王芬，頓時諗，響中環咁西化既地方都有間咁地道既蛇店，好，就入去一探究竟⋯店內環境就係傳統既中式餐廳，木枱木凳都帶有懷舊既味道。有趣既係，播放既係現代既爵士樂，同店內環境加埋唔知會唔會有化學作用？睇埋餐牌就決定叫以下幾樣：豬肺湯、臘腸蛋白炒飯、西檸雞同埋蟹肉西蘭花。先上燉湯。一上枱係滾熱既，南北杏味重，豬肺亦冇異味，可見處理得夠細心，湯亦鮮甜，總算有個好開局跟著上既係西檸雞。薄薄既炸衣，配上嫩滑嘅雞肉，做到外脆內軟。加埋酸甜剛好既檸檬汁，可謂相輔相成。再上一道臘腸蛋白炒飯。切薄片既臘腸加埋蛋白、生菜絲同蔥，簡單既幾樣食材加埋師傅了得既功力令每樣食材都發揮到佢地既長處，加上碟底冇咩油，加分。最後上既係蟹肉西蘭花。西蘭花面鋪滿蟹肉加蛋白，簡簡單單又健康。最後兩人埋單四百幾，間唔中黎哩一類食店都係一種新鮮既體驗。

聽說有人發起一個傳統文化傳承企劃， 希望可以盡量保育有價值的香港本土文化。 我覺得有好多傳統的廣東飲食也很有特色，很值得大家去珍惜和留意。。。例如我們今天的午餐目的地「蛇王芬」。。。其實，作為一個中環人，我也覺得應要多點熟悉自己每天返工的社區， 因此今日特登約了朋友慕名而來， 一試她多年來不斷榮獲米芝蓮美譽的著名蛇羹、還有潤腸。「其實我從少已很害怕蛇類的物體，不知為什麼來了中環返工後， 膽子也變大了，竟然敢吃蛇！」「哈哈！我知道原因。。。因為出來工作久了，漸漸地思想和生活都會變得複雜起來，所以你便越來越懂欣賞工序及口味都較為複雜的手工菜了！」「也是，不如說現在經歷多了，比以前懂得欣賞和珍惜傳统的手藝和味道，亦希望可以承傳這份經歷讓下一代繼續細嚐。」。。。🦉。。。招牌蛇羹 (一碗，$140)相對於其他老字號的蛇羹， 我覺得這一碗的囗味相對清淡 (不是淡)，但卻很有層次感。吃第一口時已可以感受到它的用料豐富，因為每一口均可以吃到一絲絲的蛇肉及冬菇絲、薑絲、木耳絲等配料。。。喝完甜美的湯頭後，就會開始感受到其獨門秘方香料的回甘。。。當然少不了我最喜歡的檸檬葉切絲後的獨特香味啊！呵！呵！另一個

*蛇王芬*係百年老字號。為食妹👧🏻成日經過呢度都好想試下。趁星期日假期少d人。搵閨蜜陪我你試吓❣️。有散叫有套餐選擇都幾多。原來都幾多元化😯。大熱天時唔食蛇羹。想試吓燉湯。牆上掛上木牌。會見到是日靚湯。點指兵兵飲邊款好呢👉🏿👈🏻。。。燉湯我哋一人點咗一碗燉湯。分別係響螺雞腳+無花果蜜棗豬肺。兩碗燉湯落足料。飲落清甜滋潤。好有家嘅感覺🥰。膶腸香煎鯪魚角呢款名菜我第一次食。真係好味到唔係一言兩語可以形容🥹。我哋嗌嗰陣以為係靚魚球同膶腸煎埋一齊。點知出嚟係潤腸鯪魚球加埋蛋一齊炒。真係超驚喜🤩。粟米魚塊飯魚塊外脆內軟。拌勻飯一齊食好正😋。桃膠菊花桂花雪梨茶大熱天時忍唔住買咗支涼茶拎走飲☺️。菊花雪梨清熱。飲佢至啱😍。

大部份人都係喺秋冬兩季先去食蛇進補，筆者當然亦唔例外，不過有時心癮起，就算天時暑熱，都會去屋企附近嗰間蛇王店整番碗，解一解饞。提到最出名嘅蛇羹店，「蛇王芬」必定榜上有名。今日有去咗中環辦事，有人心血來潮，突然話想食蛇羹，「蛇王芬」自然係不二之選。餐廳喺中環屹立多年， 由街邊檔做到變成老字號， 所以舖頭入面都保留咗唔少舊日嘅痕跡，對老主顧來說格外親切。店舖主打蛇羹同小菜，另外亦有不少合時燉湯供應。我哋點咗蛇羹 ($140)、臘味糯米飯 ($150)，另外再加咗碟豉油王炒麵 ($70) 同 蒜茸椒絲炒 A 菜 ($85)。蛇羹真材實料，內有蛇肉、雞絲、冬菇、木耳、果皮、薑絲和花膠等，材料切得十分幼細，令蛇羹入口更為豐富，每一啖都食到唔同材料嘅味道，加上面頭嘅薄脆同薄荷葉，勁足料，啖啖都係精華。另外碗臘味糯米飯亦係水準之作，飯粒分明，但又帶點黏糯口感。臘腸膶腸亦下得很慷慨，前者三分肥七分瘦，吃起來煙韌有嚼勁，而鴨膶腸亦非常美味，入口滲出陣陣肝膶香，配上飯面嘅蔥粒，令口感和味道錦上添花！豉油王炒麵製作雖然簡單，但要煮得出色，並唔容易，不過呢碟嘅質素真係唔錯。麵條炒得夠乾身，食落完全沒有油淋淋嘅

聽聞呢間舖頭專門食蛇 有超過一百年嘅歷史 係2021年拎過新假期必吃食店大賞 係香港著名粵茶餐廳之一 好多外國旅客都會黎試😍😍😍老闆娘話呢度嘅荷葉飯 冬瓜盅 香煎鯪魚角都好出名 尤其係呢度嘅潤腸 特別好食☺️☺️☺️大蝦香蒜荷葉飯 $220好大塊荷葉包住 一上枱就好香荷香味 入邊有兩隻大蝦 蝦好大隻又新鮮 已經預先幫我哋切開咗一半 方便我哋進食 好貼心😍😍😍 入邊嘅飯用蒜頭炒過 好惹味潤腸香煎鯪魚角 $140原來係煎蛋入面夾住鯪魚肉同埋潤腸 食落好重潤腸味 煎得好香口 兩者好夾😁😁😁醬炒時菜時菜可以揀菜心西蘭花等 醬汁係主廚嘅秘製醬汁😄😄😄老闆娘好好傾 份人好nice❤️❤️❤️ 傾開先知原來係第四代接班人了🤩🤩🤩

自從之前喺elements嘅天天海南雞食過佢地同「蛇王芬」 cross over嘅套餐之後，一直心心念念想黎佢嘅老店試下。趁今日annual leave，就一於去中環試吓呢一間百年老店啦！餐廳位於半山扶手電梯旁邊，搭地鐵過去都幾方便。餐廳門口貼咗好多美食報導嘅剪報，亦都掛在一個2016年米芝蓮推介嘅獎牌。餐廳裝修簡潔、傳統，配合返佢作為傳統老店嘅風格。由於我之前已經喺天天海南雞嘅套餐度試過佢哋嘅蛇羹同臘味糯米飯，加上今日天氣好熱，所以我就冇再嗌蛇羹同埋糯米飯啦。我問店員有啲咩好介紹，佢就話可以試吓佢哋嘅招牌燉湯。天口咁熱，最適合飲冬瓜湯，所以我就跟店員介紹order咗個「冬瓜瑤柱響螺燉湯」（$120）個燉湯一攞上嚟嘅時候已經香氣撲鼻，冬瓜大大嚿，響螺同埋乾瑤柱等配料都頗足料。最好嘅一樣嘢，係碗湯夠曬熱辣辣，飲起上黎好有住家的感覺！飲完個湯其實都已經飽飽地，所以就淨係帶咗一碟福建炒飯。作為一間屹立喺中環咁多年嘅老店，我相信佢哋嘅老師傅處理好似福建炒飯呢啲簡單嘅食物，應該反而可以睇得出佢嘅功架所在。果然無令我失望！俾大家睇下啲飯炒得幾靚：福建炒飯配料來來去去都係嗰啲，但蛇王芬呢度嘅福建炒飯

今日用咗旅發局優惠卷以半價$1480嘅價錢去食五個餸加一個甜品，結果非常中伏！第一個餸先上大蝦沙律，大蝦是霉的，佢用冰鮮蝦仲好起碼冰鮮蝦都爽口，另外啲沙律醬太多太甜，非常失敗！第二個係非常期待嘅蛇羹，但這蛇羹竟然是甜的，沒有藥材味還比較稀！從未食過如此差勁的蛇羹！　之後的石榴汁聖子，碟上只得四條蟶子加上一大劈灰色的石榴汁，賣相非常核突，而味道非常奇怪，而呢碟餸都係甜嘅！食粵菜竟然食三碟餸都係甜😩其餘嗰啲都無謂講，冇特別，但還算正常。但他們收嘅價錢，我覺得份量是偏小的。但因為賣相同食品太差沒有影低相！最後甜品，竟然是綠豆沙，而綠豆沙只得甜味偏稀，但可能落咗好多陳皮又有啲苦。至於環境偏舊冇裝修，而且食食吓多次聞到一陣陣的煙味，向店員投訴，佢竟然話係隔籬枱嘅煙燻食物的味道！啲店員當全世界都係白痴唔識分煙燻同煙味😡總括一句中伏千祈勿去！

蛇王芬是老字號，除咗食蛇羮，其他小菜都好出名。臘味煲仔飯是必點，臘腸油潤有光澤。螃蟹蒸蛋白，蟹油都流到蛋白了，鹹香一流。炸子雞夠juicy, 不乾身，雞皮好好食。

前幾日諗起，想去食下蛇羹。行到蛇王芬，食完之後後悔無窮。我叫咗一碗正價嘅蛇羹，價值140。另外叫咗一碗綠豆沙，價值35。蛇羹來到，賣相已經是那些騙洋鬼子的中餐廳，薄脆完全放在碗裏。想加啲胡椒粉都唔得。定係一定要食晒薄脆先可以食蛇羹！然後成碗蛇羹，是溫暖的，完全唔熱。沖凍過BB仔飲奶。另外綠豆沙，問題一樣，點解係唔熱！其他嘢真係唔使再試。中興過了，今非昔比。應該很快滅亡！成為回憶！係好回憶定係壞回憶，就等其他人決定。對我來講唔會有下一次！