蛇王芬

营业中

休息中

呢排天氣凍，好想食蛇暖下胃，一於同朋友去試下中環呢間百年老店蛇王芬睇餐牌，都有好多小菜粉面飯揀我地最後揀咗以下幾款：馳名鴦腸糯米飯+太史蛇羮($178)蛇羹份量好足，蛇肉好有鮮味，加咗檸檬葉好香，一d都唔腥，加埋好多卜卜脆片，幾有口感食蛇羹一定要配糯米飯，簡直絕配🤣好適合冬天食呢間糯米飯黏軟幾有口感金銀蛋扒時菜($100)呢碟小菜好足料，金銀蛋咸咸地配油墨菜味道都幾夾菜遠班片飯($95)菜遠同班片份量都好足，班片新鮮嫩滑黑糖三棗桂圓薑母茶($28)呢個又係好岩冬天飲，甜度適中，香甜不膩，飲完成個人暖粒粒同埋呢間餐廳既職員都幾nice,做野又快手，加埋野食質素高得黎又足料，值得推介

天氣開始凍最好就係去食蛇羹,喺公司附近有間老字號,有蛇羹食仲有中菜食,食物質素非常好所以諗住喺度推介一下。蛇王芬,地址係中環閣麟街30號地舖,餐廳嘅裝修好有懷舊風味,地方超級整潔而且好寬敞，果然能夠屹立不倒中環120年仲要係米芝蓮推介今次叫咗個二人餐,有一款燉湯,一個海鮮,一個主菜,同一份主食。豬膶啫啫雞煲,一上枱已經聞到好香嘅味道,熱辣辣嘅啫啫雞非常入味,入口雞肉好嫩滑,羊蔥味配搭香滑嘅雞件非常好食,豬潤入口有口感,火候控制得啱啱好,食得出食材係好新鮮。福建炒飯 ,炒飯賣相十分之好,上面鋪滿各式各樣嘅海鮮,冬菇粒,菜粒,鮮蝦,一啖食落去門口回香,因為有蝦令到味道更加鮮,蝦肉食落去爽口彈牙,芡汁做得十分出色,第一次食到咁好味嘅福建炒飯簡直係色香味俱全。呢個係必食嘅推介。美極煎蝦碌 ,煎香咗嘅大蝦吸收咗蒜香同美極嘅味道,蝦殼鹹鹹香香,蝦肉非常入味,美極汁令到蝦嘅鮮味更加突出,蝦肉入口爽口彈牙,味道鮮美,越食越香口,好惹味見到隔籬枱啲蛇羹都好吸引下次一定要試吓，我見到蛇羹仲跟埋薄脆同檸檬葉，用料都非常豐富，所以明白點解價錢較為貴，真係名不虛傳。食到最尾仲送一碗綠豆沙，唔算太甜又可以清下熱氣

天氣突然轉冷，終於都有番d冬天嘅感覺喇～天氣凍自然想食d暖野暖下胃，唔想打邊爐咁heavy，就諗起蛇羹同糯米飯！呢間喺中環䇄立百年嘅蛇王芬位置非常容易搵，喺門面已經見到好多餐廳採訪嘅報章雜誌，仲要曾經係有米芝蓮推介，咁就當然要去試吓啦！首先當然要叫佢哋最出名嘅蛇羹，今次只係叫咗一碗細嘅，因為同行朋友唔敢食蛇，不過見上到黎之後咁香，又同碗仔翅差唔多，佢都鼓起勇氣試咗一啖，連平時唔食蛇羹嘅佢都讚好食👍🏻蛇羹入面有好足料嘅瘦肉絲、冬菇絲，木耳絲同蛇肉絲，食落去仲有陣陣陳皮味，最上面仲有d薄脆，食落去非常鮮甜美味，個胃都即刻暖番曬😍除咗蛇羹之外，我地仲叫咗一個鱆魚雞粒荷葉飯，一上菜陣陣嘅荷葉味已經撲鼻而來，打開熱辣辣，入面嘅飯粒粒分明，而且都係好足料，每一羹都食到鹹香嘅鱆魚味同嫰滑嘅雞，非常好食👍🏻估唔到除咗糯米飯之外，佢嘅荷葉飯都一樣咁出色😋😋最後再叫咗一個家鄉雜菜煲，入面有芥蘭、西蘭花、草菇、冬菇、蝦米同埋粉絲，好豐富同埋都好鮮味！估唔到一間食蛇羹出名嘅舖頭，佢嘅小菜同埋窩物都咁唔錯👍🏻下次真係可以再試吓唔同嘅小炒同其他菜式～

屋企人推介呢間餐廳，交通唔算方便，要行上斜路少少先到，個燈牌同入面裝修都好有70年代飯店感覺。就咁睇個名完全被騙，以為只係嚟食蛇羹 原來有好多廣東菜選擇。不過未食過蛇羹嘅我當然要試下先！一碗蛇羹入面有蛇肉、雞絲，仲有啲脆卜卜嘅增加口感。而且蛇羹用咗少少香草調味，感覺唔似平時酒樓嘅羹咁heavy，有少少fresh嘅感覺。呢個咕嚕肉係我意想不到咁好食，真係做到外脆內軟，而且唔會好有粉感。非常推介~籠仔飯一嚟到個陣已經好香，成個飯唔會太油，溫度控制得啱啱好‧唯一美中不足係無咩荷葉味，不過已經好好食！價錢雖然唔平，但屋企人都食得好滿足。唔只係蛇羹，啲廣東菜做得非常出色。聽老闆娘講，佢地沙田仲有第間分店，專做年輕市場，有機會要去下先~

又貴量又少,品質跟不上價格,蛇片580食一碟芹菜,我用4碟1500可以直接係尖沙咀食大餐,以為呢個價格可以有咩驚喜，一係個量,一係個味,一係個相,結果冇一個值得呢個價,失望

🍂秋風起涼意陣陣🌬️，最想食🐍蛇羹同糯米飯進補暖身！☺️中環蛇王芬係🌟米芝蓮推介嘅百年老店，主打蛇羹、臘味飯同燉湯。原來蛇王芬第一代係喺國內做中醫🧑🏻‍⚕️，以蛇湯蛇酒同其他野味為求醫者進補，直到黎到香港就喺街頭推著木頭車擺賣蛇羹蛇湯及燒味飯等，再從士丹利街開始進駐店舖🏠，至今仍然屹立於中環。💁🏼‍♀️ 餐廳設計中式雅致🏺，牆上掛左幾幅中國書法字框，係一間好有家庭式嘅中式小菜館。🍚🥢🫖✨ 太史五蛇羹招牌蛇羹勁足料，用左過樹榕、飯鏟頭、金腳帶、三索線和白花蛇5種蛇煮成。羹湯用左大量蛇肉🐍、竹蔗、果皮、火腿等配料烹熬，心機位是內裡既生薑、木耳、冬荀，全部切到絲絲幼細，配埋上面嘅檸檬葉同薄脆一齊食，吃來質感份外細膩又有層次感😙，暖透全身！🥰✨ 鴦腸糯米飯除咗蛇羹，當然要食埋佢既招牌糯米飯。糯米飯有好多切肉臘腸、鮮鴨膶腸，鴦腸酒香油香特別盛郁，油份滲入每粒糯米飯🤩，香氣四溢，滋味無窮！😋✨ 蜜瓜瑤柱燉螺頭🍈🥣雖然蛇羹同糯米飯係蛇王芬最招牌菜，但我今次係為咗蜜瓜燉湯而黎，飲過返尋味！😆😚 燉湯鮮甜滋補，湯底清澈香氣撲鼻，蜜瓜響螺滋陰潤肺，非常適合🍂秋冬天飲用。👍🏻😋🏠 蛇王芬📍 中環閣麟街30號地舖☎️

屹立中環120年, 仲要拎埋米芝蓮推薦, 由細到大行過呢間名店數百次, 今次想輕食就叫咗個蛇羹糯米飯套餐share食生炒糯米飯 - 用上油香爆滿嘅臘腸同潤腸, 第一次食到咁滿意嘅潤腸, 糯米軟糯調味恰到好處, 吸收哂臘味精華, 略嫌糯米飯偏濕潤未炒到粒粒分明古法燴蛇羹 - 其實同餐牌上"秋冬鮑魚燴五蛇羹"無異, 用碗上枱就會連同薄脆同檸檬葉, 如果唔想要就要落單果陣講, 除咗蛇絲、雞絲同鮑魚絲, 仲有好豐富配料, 有木耳、果皮、筍絲、冬菇、花膠, 入口比一般蛇店更鮮甜可口, 即刻明白點解比較貴, 名不虛傳見到隔離枱D小菜同煲仔飯都好吸引, 下次要連埋燉湯再試同買埋鮮鴨膶腸返屋企

Ser Wong Fun, located just off the mid-levels escalators, is not just a typical snake soup restaurant. In additional to snake dishes, they offer congee, noodles, siu mei and Cantonese stir-fried dishes.Snake Soup with Abalone $140Snake, chicken, fish maw, abalone, black fungus, mushroom... A small bowl of luxury snake soup filled with lots of ingredients.Stir-fried Choy Yuen $85Choy yuen is the best part of choy sum after removing the outermost layer, leaving only the sweetest and most tender st

踏入12月，天氣終於轉涼，最啱食蛇同煲仔飯。今日去左中環既蛇王芬食飯。入座時，老闆好熱情，同我地介紹佢地招牌菜，仲講左少少間舖既背景。蛇王芬開左過百幾年，而家傳到第四代，除左蛇羹馳名外，佢地既臘腸潤腸都係必試。由於廚房內既都係啲有好多年經驗既廚師，小菜絕對有一定保證。冬瓜盅都係老闆推介，但由於要預先訂，我地今次就食唔到喇，唯有下次再試。綜合左老闆意見，我地叫左以下菜式：蛇羹一人餐有一碗蛇羹同一碗生炒糯米飯，蛇羹好足料，好多蛇肉同冬菇絲，味道清清地，唔會好重花椒八角味，反而有啲香草既清香。建議唔落醋，食佢既原汁原味。糯米飯有別於坊間，啲飯粒粒分明唔會痴埋一團，而且軟硬適中，調味亦啱啱好，簡單一碗飯展現出廚師功架紅燒北菇豆腐豆腐炸至金黃，一口大小，內裡仲保持嫩滑，芡汁唔太稠，剛好掛喺豆腐上，北菇好厚肉，好味既但唔係好突出。橙香骨賣相已經好高分，每件肉骨都被醬汁包圍住，橙皮香+果汁酸甜+橙酒輕微既澀完美配合，忍唔住食完一舊又一舊。鴛鴦腸滑雞煲仔飯臘腸潤腸唔會好肥，但依然有油香又唔太硬，最驚喜係個飯，有雞油香又有炭火香味，一試難忘。雖然叫蛇王芬，原來佢地既煲仔飯同小菜更出式，80幾年老字號並非

天氣突然凍，搬屋冬天衫褲未好，唯有去食d保暖既野。飯腳同事提議去食蛇，返工午飯時間食蛇真係第一次。睇Menu見除左蛇羹和糯米飯，仲有數十款小菜粥粉麵飯湯菜。今日係星期五，當然要食豐富d，所以我地3人叫左：蛇羹、糯米飯、橙酒香橙骨和臘腸膶腸滑雞煲仔飯。好少食蛇羹，所以唔係好知應該係咩味，但感覺好足料，每啖都有好多料，個味唔會好似碗仔翅咁重口味，飲完都無話特別口渴。糯米飯無一般既咁黏，係我較鐘意既口感，每啖飯都有臘腸既油香味。橙酒香橙骨個賣相好吸引，本身食到少飽，都整左舊黎試下。舊骨大舊又啖啖肉，肉汁結實得黎，又幾滑，食得出夠新鮮，個汁真係有酒同橙味，仲有d橙皮，食落好香甜，岩哂我呢d大朋友食。食到呢度，真係太飽，淨返既煲仔飯要我兩個大食同事KO

放假去咗中環行吓，天氣涼涼地經過蛇王芬真係要補一補。坐低睇吓餐牌原來除咗必食既蛇羹，仲有多款式時令小菜、精美小炒、燉湯、粥粉麵飯。太史蛇羹+馳名鴦腸糯米飯嘩蛇羹滿到瀉，好多卜卜脆片，蛇羹好鮮味仲有好多蛇肉。糯米飯好多料花生鴦腸糯米飯黏軟好食。潤腸香煎鯪魚角呢個小菜我第一次食估唔到咁好食潤腸同個鯪魚角原來食起上嚟可以咁夾再配埋啲煎蛋真係好好食😋再睇吓啲燉湯都有好多款式海底椰雪梨蘋果豬展燉湯個湯好滋潤鮮甜岩哂呢排咁乾燥嘅天氣。要補番吓。

天氣開始涼啦，係時候食下蛇羹，係中環呢間老字號，除左有蛇羹食，仲有好多手工菜。好，坐低睇下有咩好食先。蛇羹一碗，蛇肉好補，有防癌功效，呢度蛇羹係用五蛇，蛇肉一絲絲，係靚肉，檸檬葉好香。章魚雞粒蒜香荷葉籠仔飯，荷葉飯有色，粒粒分明，唔油膩，夠入味，食到章魚粒粒，個飯份量夠大，3個人食到飽飽。金菇瑤柱扒豆腐，乾瑤柱爆香乾新咁上，食落好香好脆，保留左乾瑤柱香味，金菇好爽好新鮮。豆腐外脆內軟，豆香味好重。

今晚book左枱食蛇王芬，同屋企人試下中環呢間百年老店😋 菜館位於中環扶手電梯旁嘅斜路，相信唔少人都曾經經過～菜館唔算好大，但內裏的裝修有氣派，好似進入中國古時嘅大家庭食飯一樣😀 睇睇餐牌，除左蛇羹，仲有唔少精美小菜。好多都值得推介！蛇羹首先當然要介紹呢度出名嘅蛇羹，雖然唔算好大碗，但食得出非常足料，加少少胡椒粉更好味！除咗蛇絲，仲有鮑魚絲、花膠，比起出面食到既更用料上乘👍🏻紅燒北菇豆腐幾鍾意佢唔算好濃味，清清地可以食出豆腐的豆香味。上枱時還是熱辣辣的👍🏻👍🏻時菜炒班片班片非常厚身，無雪藏味！食得出唔係一般嘅急凍魚塊，值回票價！😎西檸軟雞依味係廚師推介嘅招牌小菜😎 果然沒有介紹錯！雞件係即叫即炸的，非常鬆脆，亦唔會好鞋～ 酸酸甜甜嘅檸檬汁令味覺提升，我地食完一件又一件！😙😙臘腸潤腸飯因為咁啱想食潤腸，所以叫多個飯😂😂 好完滿！同老闆娘傾計，先知除咗餐牌上既菜式，仲可以自訂傳統佳餚、手工小菜，配合唔同家庭聚會嘅需要😎 有興趣一定要來問問老闆娘👻

本來前幾日出去食左幾餐飯，都有唔錯嘅體驗，慢慢對出街食飯有返啲信心但今日食左呢一餐，直接將我係人間打落左落１８層地獄首先 一入到去無人， 已經驚驚地，再加埋黐笠笠地下， 油油地嘅枱， 已經有啲心想 不妙，想退場朋友話 一場嚟到， 硬埋頭皮食埋去啦😓見到有個一人餐$178有齊我想試嘅糯米飯，朋友想試嘅蛇羮， 比散叫好似抵啲所以就叫左份嚟試P.S. 女店員差啲assume我哋一人要一份，所以要同店員好好溝通，只係要一份唔洗好耐，碗糯米飯同蛇羮一齊上左一嚟就見到糯米飯有條成把間尺📏(15cm)咁長嘅頭髮即刻抆左出嚟，同個女店員講，佢過嚟望左望話唔好意思就走左去啦，完全無意思同我哋換過碗，不過朋友話算，咁無計啦以下係抆左條頭髮後影一碗仔嘅糯米飯，真係一人份量同佢張圖片所示，有幾大出入，大家自己評論蔥花無，蝦米一條，潤腸臘腸各３片，淋左嘅花生有數粒個糯米飯一啲都唔熱，只係微微暖，同個男店員講佢話係咁個喎，一早整定放係度保暖然係話最多幫你拎去叮一叮叮完返嚟，都唔係好熱算，都要食嫁啦，再講都係無補於事嫁啦首先，糯米飯唔煙韌，睇相都見都到糊糊地，有啲太濕，黏埋一舊舊好似幾油潤，但其實係肥膩，因為油潤唔

天氣終於開始轉涼，朋友就提議食蛇羹，佢話想試吓中環老字號店「蛇王芬」。老實講我之前都只係食過兩次蛇🙈，冇乜特別喜好。中環店位於閣麟街，即係喺正半山扶手電梯隔離。我哋成日經過，但幫襯都係第一次。小店環境保留復古氣息，而且侍應生仲係一班銀髮族👴，不經意咁滲出人情味。秋冬鮑魚燴五蛇羹($140/每碗)，🐍蛇羮最細碗都要成百四蚊，真係唔平，不過確係真材實料。細細碗蛇羹蘊含多種食材，包括蛇肉、鮑魚、花膠、雞絲、冬菇、木耳、果皮同筍等。食落味道係唔錯，一啲都唔腥，仲有薄脆搭伴，而且質感唔會過於滑潺潺。腊味糯米飯($150/細)，🍚糯米飯配蛇羹係經典組合，只不過週末就冇得嗌套餐，細份量已足夠兩個人食！糯米飯用足料炒，當中唔少得臘腸、潤腸、臘肉同冬菇等，同時我覺得佢炒得好入味，亦唔會漿埋一餅，富油香；但朋友就略嫌唔夠乾身。廈門炒米粉($80)，🍜炒米大大碟，炒得夠鑊氣，係飽肚之選。米粉麵質彈牙，軟硬適中，配以適量嘅五柳菜一齊炒，味道甜甜酸酸，幾開胃。餸方面亦唔少，有好多隻蝦、火腿同蛋等。蒜蓉椒絲炒A菜($85)，🥦A菜其實即係油麥菜，質感爽脆，用上蒜蓉椒絲炒好穩陣，而且味味清清哋，唔油膩。總括嚟講，呢